يوم الاجازه 2حكايات صافي هاني
أحمد فضل ماسك الموبايل وإيده بتترعش
قلتله
إيه هو ملف الأرض
رد بعد سكوت طويل
كنت ناوي أقولك
بس كل مرة كنت بخاف
قلتله
تخاف من إيه
إحنا متجوزين بقالنا تسع سنين
قال
لأن الموضوع ممكن يهد بيت كامل
بصيتله باستغراب
قام وطلع على أوضة فوق السطح عمرها ما كانت بتتفتح
فتح دولاب حديد قديم
وطلع ملف أصفر متغلف بكيس بلاستيك
حطه قدامي وقال
اقري
فتحت الملف
لقيت عقد بيع قديم
وخرايط للأرض اللي جنب البيت
وورق عليه ختم المحكمة
لكن اللي شدني أكتر جواب مكتوب بخط إيد والد أحمد الله يرحمه
بدأت أقراه
لو بتقرأوا الجواب ده يبقى أنا مش موجود
والحقيقة لازم تتقال
الأرض اللي الناس كلها فاكرة إنها بتاعة العيلة دي مش ملك حد غير حفيدي عمر
لأن أمه هبة هي اللي اشترت الأرض بفلوسها
وأنا طلبت منها تسجلها باسمي مؤقتا عشان نحميها من الطامعين
وبعد وفاتي لازم الملكية ترجع ليها ولابنها
حسيت جسمي كله ساقع
بصيت لأحمد
قلتله
يعني كلهم كانوا عارفين
هز راسه وقال
أمي وأختي عرفوا بعد وفاة أبويا لما دوروا في الورق
ومن يومها وهما بيحاولوا يبعدوا عمر عن البيت
قلت
عشان ياخدوا الأرض
قال
أيوه
ولو أنا طلقتك كانوا هيقنعوني أتنازل عنها أو أبيعها
وفي اللحظة دي رن جرس الباب
فتح أحمد
لقينا عمه سعيد واقف ومعاه راجل كبير لابس بدلة
قال
ده الأستاذ شريف المحامي
لازم تسمعوا اللي عنده
دخل المحامي وقعد
وطلع ظرف مختوم
وقال
أنا كنت وكيل والد أحمد
وكان عندي تعليمات ما افتحش الظرف ده إلا لو حصل نزاع على الأرض أو محاولة لحرمان عمر من حقه
فتح الظرف
وطلع منه فلاشة
شغلها على التلفزيون
ظهر والد أحمد في فيديو متسجل قبل وفاته
كان قاعد على كرسي في الجنينة
وقال
لو الفيديو ده اتفتح يبقى للأسف توقعي طلع صح
عارف إن في ناس من عيلتي هتحاول تظلم هبة وعمر
