يوميات زوجة شقيه بقلم الكاتبه منال عباس الاول
يوميات زوجة شقيه بقلم الكاتبه منال عباس
أنا اسمى ليلى ومتجوزة من كريم من ثلاث سنين
والحقيقة إن جوزى بيقول عليا طول الوقت إنى زوجة شقية ومفيش يوم بيعدى من غير ما أعمل فيه مصيبة صغيرة
صحيت الصبح لقيته واقف قدام المراية بيجهز نفسه للشغل
بصلى وقال
كريم: أوعى تعملى أى حاجة النهارده
ضحكت وقلت
ليلى: يعنى أنا كل يوم بعمل حاجة
كريم: أيوة
ليلى: طب روح شغلك وربنا يستر
خرج وهو بيهز راسه ومشى
بعد ساعتين رجع البيت فجأة
دخل بسرعة وقال
كريم: نسيت الملف المهم
خد الملف من على الترابيزة وجرى عشان يلحق ميعاده روايات منال عباس
لكن قبل ما يخرج ساب تليفونه على الكنبة
أنا كنت قاعدة بتفرج على مسلسل
بصيت للتليفون وبعدين بصيت بعيد
وقلت لنفسى
لا يا ليلى متبقيش فضولية
بعد دقيقة
بصيت للتليفون تانى
لا لا
أنا وعدته
بعد خمس دقايق
التليفون كان لسه قدامى
مسكته بإيدى
وقلت
أنا مش هفتش فيه
أنا بس هشيله من على الكنبة
فتحت الشاشة بالغلط
لأن البصمة كانت متسجلة من زمان
وقفت لحظة
وبعدين ضحكت
هو أكيد سايبه قدامى مفكرنى هفتش فيه
طب ما أنا مش هفتش
دخلت على تطبيق البنك عشان أقفله بس
وفجأة لقيت رصيده قدامى 😂😂
عينى وسعت بقلم منال عباس
وقلت
يا نهار أبيض
كل ده موجود ومقعدنى أفاصل معاه فى سعر الملاية
فضلت أبص للشاشة ثوانى
وبعدين ابتسامة صغيرة ظهرت على وشى
وكتبت رقم التحويل
2000 جنيه
وضغطت تأكيد
وبعد ثوانى وصلتنى رسالة
تم تحويل المبلغ بنجاح
حطيت إيدى على بقى من الضحك
وقلت
دى ضريبة الاستفزاز بقلم منال عباس
بعدها رجعت التليفون مكانه كأن مفيش حاجة حصلت
وبالليل رجع كريم من الشغل
دخل وهو مبسوط
قعد جنبى وقال
كريم: عدى اليوم على خير
ليلى: الحمد لله
كريم: وعملتى إيه النهارده
ليلى: ولا حاجة خالص
كريم: غريبة
ليلى: ليه
كريم: حاسس إن الهدوء ده وراه كارثة
وفى نفس اللحظة وصلته إشعار من البنك
فتح التليفون وبص للشاشة
وسكت
وبصلى
وسكت تانى
أما أنا فكنت بشرب العصير ومركزة فى التلفزيون كأنى ملاك نازل من السما
كريم: ليلى
ليلى: نعم
كريم: هو أنا ليه متحول من حسابى 2000 جنيه
شرق العصير فى بقى من كتر الضحك اللى كنت مخبياه وحسيت إن الليلة لسه فى أولها…بقلم منال عباس
كريم بصلى وهو رافع حاجب
كريم: ليلى
ليلى: نعم يا روحى
كريم: الحساب اتحول منه 2000 جنيه
ليلى: يا خسارة
كريم: يا خسارة إيه
ليلى: أكيد حد سرقهم
كريم: من جوه التليفون
ليلى: الحرامية دلوقتى اتطورت
كريم قعد قدامى وحط التليفون على الترابيزة
كريم: التحويل راح لمين
بلعت ريقى
ليلى: معرفش
كريم فتح التفاصيل ولف الشاشة ناحيتى
كريم: راح لحسابك
سكت ثوانى
وبعدين قلت
ليلى: سبحان الله
كريم: إيه اللى سبحان الله
ليلى: الفلوس عرفت طريقها لوحدها
كريم حط إيده على راسه
كريم: انتى حولتى الفلوس لنفسك
ليلى: استثمار أسرى بقلم منال عباس
كريم: ده اسمه سرقة
ليلى: بين الأزواج مفيش سرقة
كريم: مين قال كده
ليلى: أنا
فضل يبصلى شوية وبعدين ضحك غصب عنه
كريم: طيب صرفتيهم
ليلى: لا
كريم: الحمد لله
ليلى: لسه
كريم: يعنى إيه لسه
ليلى: يعنى مستنياكى تكتشف الأول
فى اللحظة دى جرس الباب رن
فتحت لقيت مندوب واقف
المندوب: أستاذة ليلى
ليلى: أيوة
المندوب: طلب حضرتك
كريم بصللى بصدمة
كريم: طلب إيه
المندوب دخل أربع شنط كبار
كريم: يا نهار أبيض
ليلى ابتسمت
ليلى: مفاجأة بسيطة
كريم: انتى قولتى لسه مصرفتيهم
ليلى: فعلا
كريم: أمال ده إيه
ليلى: دفعت عربون بس
كريم حط إيده على قلبه
كريم: كام عربون
ليلى: متتوترش
كريم: كام
ليلى: ألف وتسعمية وخمسة وتسعين جنيه
كريم فتح بقه وهو مش مصدق
وأنا جريت ناحية الشنط أفتحهم بحماس
طلعت فستان جديد وشنطة وحذاء وحاجات كتير
كريم كان واقف بيتفرج عليا
وبعدين قال
كريم: أنا غلطان
ليلى: فى إيه
كريم: كنت فاكر إن أقصى حاجة ممكن تعمليها إنك تفتشى فى التليفون
ليلى: وأنا عمرى فتشت فيه
كريم: صح
ليلى: أنا دخلت مهمة محددة وخرجت
كريم: مهمة نهب منظمة
وأثناء ما إحنا بنتكلم وصل إشعار جديد على تليفونه بقلم منال عباس
فتح الشاشة
وسكت فجأة
وبصلى بنظرة غريبة
كريم: ليلى
ليلى: نعم
كريم: انتى عاملة تفويض تلقائى كل شهر بمبلغ ألف جنيه يتحول لحسابك ازاى…؟ بقلم منال عباس
بصيت لكريم وانا بحاول أمسك ضحكتى
ليلى : تفويض إيه
كريم : متعمليش فيها بريئة
ليلى : والله أول مرة أشوفه
كريم : أول مرة وتشغليه ازاى
ليلى : يمكن التليفون حبنى
كريم : التليفون حبك ولا الحساب حبك
ليلى : المهم إن الحب موجود
كريم قعد على الكنبة وهو بيبص للسقف
كريم : أنا متجوزة ولا فاتح جمعية خيرية
ليلى : لا متجوز شقية
كريم : دى أكتر كلمة مخوفانى فى حياتى
وفجأة تليفونى رن
بصيت للشاشة وابتسمت
كريم : مين
ليلى : ماما
رديت عليها بقلم منال عباس
ليلى : أيوة يا ماما
الأم : عملتى إيه فى جوزك النهارده
كريم بصلى بصدمة
ليلى : ولا حاجة خالص
الأم : يبقى أكيد ناوية على حاجة كبيرة
كريم : حتى حماتى متوقعة
الأم ضحكت من الناحية التانية
الأم : ربنا يكون فى عونك يا ابنى
قفلت المكالمة وأنا بموت من الضحك
كريم : العيلة كلها ضدى
ليلى : لا دى خبرة سنين
تانى يوم الصبح صحيت ملقتش كريم فى السرير
قومت أدور عليه
لقيته قاعد على السفرة ومعاه اللاب توب
ليلى : بتعمل إيه
كريم : بأمن نفسى
ليلى : من مين
كريم : منك
قربت أبص للشاشة
قفلها بسرعة
ليلى : بتخفى عنى أسرار
كريم : بعد اللى حصل حقى
ليلى : طب ورينى
كريم : مستحيل
ليلى : خلاص براحتك
ودخلت المطبخ
بعد عشر دقايق خرج كريم مستعجل للشغل
خد مفاتيحه ومحفظته ومشى
وأول ما الباب اتقفل
سمعت صوت رسالة جاية من اللاب توب بقلم منال عباس
بصيتله من بعيد
وقلت لنفسى
لا يا ليلى
متدخليش
قعدت خمس دقايق أقاوم
عشر دقايق أقاوم
ربع ساعة أقاوم
وفى الآخر قربت
ولقيت الشاشة مفتوحة
وعليها ملف كبير مكتوب عليه
مفاجأة عيد جوازنا
عيونى وسعت
وقلت
يا ساتر
يا ترى كريم محضر إيه
ولسه هفتح الملف
لقيت الكاميرا اللى فوق اللاب توب نورت فجأة
وظهر صوت كريم من السماعات
كريم : اتمسكتى بالجرم المشهود يا ليلى…!
