رواية بقلم لولو طارق الثالث

داليا ايه التطور الرائع دا …. حتى العملاء زادو الضعف
كارما أى خدمه عشان تعرفى ان بنتك والله ما بتجصر
داليا ههههههههههه انتى فعلا ما بتقصريش طالعه لمامتك حبيبتك طموحه
كارما ماشى يا ست دودو أهم حاجه أشوف ابتسمتك الجميله دى على طول
داليا يا حبيبتى صحيح فين مريم
كارما جوزها خطڤها
داليا نعم
كارما اه وربنا هو والمچنون التانى ابن المهندس أحمد
داليا مصطفى أكيد هو الا فى الجيش زيه
كارما اينعم
داليا كدا أحسن على فكره مش ها يقدر عليها غير لما يكونو لوحدهم …
كارما بتديق عينها انتى جرالك ايه يا دودو انتى بقيتى شريره زيهم ليه
داليا ها أقولك يا كوكو انتى عارفه ان يزيد مش بيخبى عليا حاجه ابدا
كارما معملو عمل
داليا عمل تصدقى انتى بلدى قوى …… المهم بيقولى ان حسن أنسب راجل لها لانه فعلا حد محترم ومخلص جدا هو اه غلط بس بيحبها بجد وعرف غلطه وندمان وغير كدا أهله اتعلقو بيها قوى تخيلى يا كوكو مقاطعينه من ساعة ما عرفو هو بقى وحيد أكتر منها
كارما يعنى كلكو شايفين ان الا عمله هو والبنى ادم التانى دا صح
داليا هو انتى مش طايقه مصطفى ليه كدا انا شفته كتير واتعاملت معاه حد كويس قوى وجنتل
كارما جنتل دا برميل رزلاه معمل طرشى بحاله
داليا بنت انتى بتتعلمى الكلام دا فين
مصطفى انا مش فاهم ازاى هى بنت حضرتك
داليا پصدمه دا بجد ….أنت عامل ايه كنا لسا فى سرتك
مصطفى وهو بيبص لكارما أكيد سيرتى جايه فى الشړ
داليا الصراحه كارما شكلها بتعزك قوى
مصطفى انا كمان بعزها نفس المعزه بالزبط
كارما انت ايه الا جابك يا بنى ادام انت انا خاېفه اروح انام تطلعى
داليا هههههههههه
مصطفى لا نامى براحتك انا الا كل ما أمشى اتكعبل فيكى اعمل ايه طيب انا مش عارف ازاى مش طالعه لمامتك سيدة مجتمع وكلامها كله ذوق ورقه
كارما بعصبيه انت ايه لوح تلج انت وصاحبك اوف …اوف وسابته وخرجت راحه صالة الجيم
داليا انا اسفه والله هى طيبه بس للاسف عصبيه ولسانها طويل
مصطفى بابتسامه ولا يهمك انا مش زعلان وكويس انى شوفت حضرتك عشان كنت عايزا اخد رايك فى موضوع وتكونى على علم بيه لحد ما يبقى فى خطوا جد
داليا اتفضل
مصطفى الصراحه انا معجب بالأنسه كارما جدا وطبعا ممكن يبقى فى مقابلات بينا دا فى حالة لوأثرت عليها
داليا انت واثق انك ممكن تأثر على بنتى دماغها صعبه جدا فوق ما تتخيل
مصطفى يعنى مبدئيا موافقه
داليا ياريت يا مصطفى انا نفسى تخرج برا دور الولد الا هى عايشه فيه دا وتحب وتتحب وتحس بأنوثتها طبعا بس طبعا فى حدود
مصطفى بفرحه طبعا اهم حاجه تكونى انتى عارفه لانها ها تاخد وقت لحد ما تتغير
يزيد ممكن طبعا حضرتك تشرفنا وتاخد فكره عن المشروع كله هو قيد التنفيذ
كامل ان شاء الله فى أقرب وقت انت شركتك لها سمعتها المشرفه والبشمهندس أحمد كمان علم من أعلام الهندسه فا أكيد ها يبقى مشروع ضخم وله وزنه
يزيد ان شاء الله وقفل
احمد انت عارف كامل لو عمل لنا الحمله الاعلانيه دى ها يوفر علينا كتير غير انه بيعمل حاجات مميزه وبتسمع
يزيد اكيد طبعا المهم وصلت لحد فين
احمد ما تقلقش كله تمام صبينا الاساسات وحددنا الجناين والمستثمرين كل يوم والتانى فى الموقع عندى بيتفرجو
يزيد فعلا فى طلبات كتير قوى
احمد يا مسهل

مريم قاعده جوا ها تتجن…. ومش عارفه تتصرف ازاى…. هى لسا بتحب حسن…. ارجع لالالا ابدا ما يستهلش ….بس هو

ندمان بجد وانتى ايش عرفك انه بجد ….وبعدين هو ساكت ليه بقاله اكتر من ساعه وبتبص من ازاز الشباك لقته فى البحر بيعوم بأحترافيه أعجبت بيها اد ايه جميل وعضلاته بارزه ومره واحده نزل تحت الميه ومش شيفاه خالص طلعت فتحت الباب وبتستنى يطلع طول قوى أكيد جراله حاجه
مريم بصوت عالى يا حسن يا حسن وتنادى وتنادى لكن ….لا رد….. عدى وقت بسيط بس بالنسبه للتحت الميه مش بسيط مريم قعدت على الارض بإهمال وبتعيط هى اصلا مش بتعرف تعوم ومفيش حد يلحقه
حسن جه من وراها قلب حسن وروحه
مريم قامت وبتضرب فيه انت غبى بتلعب بيا
حسن شفتك فى الشباك قولت أشوف لسا بتحبينى والا لاء نزلت تحت الميه ولفيت من الناحيه التانيه عشان أشوف رد فعلك ايه وزى ما اتوقعت انتى بتكابرى مش أكتر يعنى لسا بتحبينى وبتاخافى عليا كمان …..
مريم بعصبيه مين قالك كدا انا خاېفه عل نفسى فى المكان دا ها أعمل فيه ايه لوحدى
حسن وكله ميه وشكله يغنى عن اى كلام مسك ايديها لسا بتحبينى وبتخافى عليا وانا بمۏت فيكى زقته وطلعت تجرى على جوا لسا ها تقفل الباب كان حسن مسكه ودخل جوا معاها
مريم بتزق فى حسن بكل قوتها ومش قادره عليه اخرج برا مش عايزاك هنا
حسن وهو مبتسم ها أهون عليكى انا انسان زيك محتاج يرتاح ….ياكل ….. ينام ……يبقى قريب من حبيبته وروحه وعقله …… يصالح مراته الا زعلها منه
مريم واقفه وحطت ايديها فى وسطها اه ايه كمان ها تضحك على عقلى الصغنون وبتقولها بتريقه ……
حسن هههههههه حبيبى المغرور ياناس تعالى بس عشان شكلنا ها نطول هنا وانتى مش ها تتصالحى بسهوله
مريم هو انت ها تعيشنى معاك ڠصب عنى للدرجه دى يا حسن أنت انانى
حسن ليه قسوتك دى يا مريم غلطت وعرفت غلطى واتعاقبت ببعدك وبعد ابويا وأمى كمان عنى انا مليش غيرهم هما كل حياتى وانتى بقيتى زيهم للدرجه دى انا فى نظرك ما أستهلش فرصه واحده بس مش أكتر
مريم هو أنا قولت لهم يقاطعوك مش انا
حسن لا أنتى حبهم ليكى وتمسكهم بيكى وغلطى فى حقك الا لا يغتفر عندهم وانا وغبائى اقولك ايه تانى ايه الإثبات ليكى إنى صادق معاكى
مريم إنك تسبنى براحتى وانا الا أقرر ارجع او لا مش أنت
حسن انا حابب نقضى وقت مع بعض تقربى منى تعرفينى عن قرب واعرفك مش بجبرك
مريم بعد الوقت دا مش ها تجبرنى ارجع معاك شقتك وها تسبلى قرار الرجوع ليك او لاء
حسن موافق يا مريم بس بشرط
مريم ايه
حسن تنسى الزعل وكل الا حصل واعتبرى نفسك لسا بتقربى منى وبتعرفينى عشان ميبقاش فى حواجز بينا
مريم فى حواجز طبعا مش ها يبقى فى جواز فعلى غير بعد قرارى النهائى
حسن انا موافق وبأبتسامه جميله تعالى بقى نجهز حاجه ناكلها ماجوعتيش
مريم بنفس الابتسامه جدا ياله وربنا يستر
حسن بصوت عالى معانا يارب
مريم ههههههه داخل الحړب
حسن أكتر والنعمه بس تعالى
صفيه الاكل عجبك يا حج
محمود تسلم ايدك يا ست الستات منوار الارض وضواحيها يا صفيه
صفيه ههههههههه منورا بوجودك وكلامك الحلو
محمود حسن كلمك والا بطل يتصل
صفيه صعبان عليا يا حبة عينى والله يا حج ندمان بجد ومأثر فيه اننا مقاطعينو ومن ساعة ما اتصل وقال انه لقى مراته ما اتصلش تانى
محمود مش عارف يا صفيه وحشنى قوى وقاطع بيا اول مره أقاطعه كدا وفرحت لما اتصل وقالى بس انا ما ردتش
عليه وقفلت
صفيه طيب اتصل عليه وشوف عمل ايه ما تفضلش مقاطعه كدا احنا ملناش غيره
محمود طلع التليفون وبيتصل عليه
حسن بفرحه حبيبى وحشنى أخيرا رضيت عنى
محمود مش ها أرضى غير ومراتك معاك
حسن معايا وجمبى ومنوار حياتى كلها وبيبتسم لمريم إلا واقفه جمبه بتعمل أكل
محمود جد يا حسن طب اديهالى وسمعنى صوتها
مريم عمو حبيبى عامل ايه وحشتنى انت وماما صفيه
محمود بزعل كدا يا مريم بحسب تجرى عليا وانا أجبلك حقك منه استنى يا صفيه اهدى
مريم حقك عليا انت عارف ان زعلكو عندى غالى بس كنت تعبانه ومش قادره أفكر
محمود اهم حاجه يا حبيبتى انك رجعتى تانى
مريم بصراحه يا عمو لسا مقررتش عشان متبقاش فاهم انى رجعتلو
محمود إسمعينى يا بنتى كويس وابعدى عن حسن
مريم حاضر يا عمو وفعلا بعدت وحسن فهم وسابهم براحتهم
محمود أدبيه وربيه من جديد أعملى الا نفسك فيه بس تبقو مع بعض اوعى تفكرى تسبيه يا مريم وتبقى انانيه فى تفكيرك زيه الواد بيحبك بجد واتعلم الادب ولسا ها نعلمه تانى واحنا مع بعض اوعدينى يا بنتى تشيلى فكرة الطلاق من دماغك لحد ما يثبتلك انه اتغير بجد
مريم حاضر يا عمو انا بحبه بس مش قادره اسامحه بسهوله مش عايزاه يستسهل الا عمله معايا ويقبلنى فى اى وضع لو بيحبنى بجد
محمود عين العقل يا حبيبتى خدى صفيه الا ها تتجن جمبى
صفيه يا حبيبتى وحشتينى قوى أخص عليكى نهون عليكى كل الغيبه دى وبتعيط
مريم بدموع من حنان الست دى الحقيقى عشان خاطرى يا ماما بلاش تعيطى انا أسفه
صفيه احنا الا أسفين يا بنتى يا حبيبتى ما تزعليش غير منى انا
مريم انا ازعل من الدنيا كلها وانتى لاء يا ست الكل حسن قرب على مريم وانا مليش نصيب يا صفصف
صفيه ارجع بمراتك يا حسن اوعى ترجع من غيرها عمرى ما ها أكلمك ابدا
حسن ان شاء الله يا ست الكل وقفلو
داليا الا انتى بتعمليه دا عيب فى حقنا وحق نفسك لازم أسلوبك يبقى كويس
كارما من أمتى يا ماما خلاص بقيتى بتديقى منى ومن أسلوبى عشان خاطر الاستاذ هو عايز ايه أصلا
داليا كوكو انتى عارفه انى أحب يبقى صورتك قدام الناس كويسه وما ينفعش كل حاجه وأى حاجه تتقال كدا من غير ما تراجعى نفسك ……. اما مصطفى كان جايلى عادى والده طول عمره صديق لوالدك بس انتى كنتى صغيره مش ها تفتكريه وخصوصا انه سافر برا ورجع بعد فتره كبيره وهو والدك الدنيا لهتهم شويه فى مشاغلهم وحياتهم وكان بيبقى فى مقابلات بسيطه وبعيد عن البيت فهمتى العلاقه موجوده من زمن ومصطفى اتعرفنا عليه فى مقابله مع والده كان لسا ملازم اول فى بداية طريقه وأتكرارت المقابله أكتر من مره بالصدفه …. زى ما قولتك قبل كدا …..
كارما اوك يا ماما ايه المطلوب منى وياريت ما تفرضيش عليا الشخص دا هو وصاحبه لانى كنت فعلا بدأت ارتاح لهم بس للاسف أثبتولى انه بيفكرو بأنانيه وبيعتبرو الست سلعه مفروض عليها تسلم وتأمن بكل الا هما عايزينه حتى لو ڠصب
داليا هو طلب يقابلك انهارده
كارما الله دا بجح كمان والمفروض انه بيحطنى قدام الأمر الواقع
داليا لا ابد هو عرفنى عشان ما يعملش حاجه من ورانا هو كان عايزك عشان تكلمى مريم بنفسك وتطمنى عليها وبيقولى تسمعها بنفسها لو هى مغصوبه والا لاء
كارما امممممم ماعنديش مانع بس لو قالت انها مغصوبه صدقينى انا مش ها أسكت ومش
ها أعمل أعتبار لحد وبعد أذنك بقى أشوف الستات الا ها تكتب على جنانى جوا دى
داليا انتى مجنونه لوحدك هما ملهمش ذنب
كارما بقيتى بتقلشى يا دودو يا جامد انت انتى ناويه تولدى أمتى انا زهقتلك وربنا
داليا حطت ايديها على بطنها سامع أختك بتقول ايه قول لها ملكيش دعوه انا انزل براحتى مامى وبابى عمرهم ما يزهقو منى
كارما بتعب من سهوكتك انتى و يزيد يا دودو ارحمينى……. انتى والناس الا جوا دى عليا صبرنى يارب وسابتها ومشيت
داليا ههههههههههه والله الواد مصطفى صعبان عليا ها يعانى
حمزه انا قولت انزل اشوفك بنفسى
مصطفى منور يا كوماندا عامل ايه وبنت خالتك عامله ايه معاك
حمزه انا تمام الحمد لله هى بقى مش ها أسبها غير لما تسلم وتقولى بمۏت فى هواك
مصطفى ههههههههه انا الا بمۏت فى هواك وريحنا من القصه دى
حمزه عنيده بشكل يا أخى وكل ما تكلمنى انت زى أخويا انت أخويا ….. جاتها خوت البعيده
مصطفى هههههههه يابنى يمكن مرتبطه بحد تانى ومش عايزا تقولها صريحه
حمزه كتير حسيت كدا بس مش متاكد الصراحه عايز أشلها من تفكيرى ومش عارف
مصطفى كبر يابنى البنات ماليه البلد ومسير قلبك يدق تانى
حمزه مش بأيدى يا صاحبى المهم القاعده ناشفه من غير حسن وربنا
مصطفى اه والله بيعمل جو ابن اللذينه
حمزه ها يرجع أمتى
مصطفى هو نفسه مش عارف مفيش قدامه غير 10ايام وها نرجع الشغل فى اى وقت بقى
حمزه ربنا يهديها قوام قوام انا مش عارف البنات متسلطه علينا والا ايه
مصطفى وهو ببفرك فى راسه من ورا إظاهر كدا يابنى
حمزه شكلها غمزت والا إيه
مصطفى اه غمزت وواقعه على االاخر بس بعيد عنك هربانه منها وما تتوقعش ابدا رد فعلها
حمزه هههههههه حلو قوى كدا اثبت يا معلم شكلك ها تشوف المرار
مصطفى وهى انا بقول كدا بردو
حسن الله يا مريم تسلم ايدك بقالى كتير قوى ما كلتش كدا
مريم بألف هنا قوم بقى نغسل الاطباق
حسن ها نبتديها أستغلال ماشى أمرى إلى الله انا مطيع بردو
مريم ايوا كدا الطاعه حلوه مفيش كلام
حسن ايه رأيك نخلص ونطلع ناخد غطس كدا نفرفش
مريم انا ممكن أغرق فى الترعه مش البحر
حسن ضحك بصوته كله لا ما تخافيش ها أعلمك ايه رأيك
مريم بتسرع بجد يا حسن بس انا بخاف قوى
حسن اوعى تخافى وانتى معايا ها أعلمك كل حاجه وكل الا نفسك فيها ها أعملهولك
مريم بتبص له وساكته تماما
حسن قرب منها ومسك ايديها والله ما تخافى مش ها أجبرك على حاجه والقرار فى ايدك سبيلى نفسك ومش ها تندمى
مريم يارب ما اندم
حسن شدها كانها ها تهرب منه والله ما هاتندمى حسن ياله غيرى هدومك وانا كمان وننطلق
مريم اححمم بصوت طالع بالعافيه ووشها الا كله بقى أحمر من الخجل حاضر
حسن واقف مبتسم ومبسوط من كسوفها ووشها الا إحلو أكتر وكانه ملك الدنيا كلها مش مصدق أخيرا
مريم خرجت لابسه بنطلوم جينز وتيشرت وبتقوله انا جاهزه
حسن ههههههههه انتى لابسه ايه هو انا بقولك ها نتفسح وقرب منها البسى المايوه الا جايبهولك مفيش حد ها يشوفك غيرى وانا جوزك والله مش حرام
مريم انت عايزنى البس المايوه دا وربنا ابدا
حسن خلاص البسى شورت وبدى عشان تبقى براحتك مفيش حاجه مقيده حراكتك
مريم امممممممم
حسن مفيش أممممم ياله ما تضيعش الوقت احنا وقت الغروب
مريم اوك
يزيد جاهزه
داليا ايوا يا حبيبى
كارما احنا ها نخلع بدرى قوى كدا وانا ادبس لوحدى
يزيد دا الا عندى مش ها تقعد
أكتر من كدا عندك مانع
كارما ما تقولى حاجه يا حجه انتى أمين فى كل حاجه كدا
داليا بنت عيب و بابا كلامه اوامر فاهمه أسيبك أنا بقى
يزيد ربنا يخليكى ليا يا حبيبتى
كارما أطلع انا منها دا بقت اوفر وربنا
يزيد هى مالها دى يا دودو
داليا مش عارفه يا زيزو ياله احنا بقى عشان مېته من الجوع
يزيد حبيبى الجعان أحلى وأشيك مطعم ها تكونى فيه بعد ربع ساعه
كارما كدا كتير يارب اه دماغى هئ هئ هئ
يزيد وداليا ههههههههههه باى يا كوكو
كارما ها ادينى وصلت وفى المعاد اتفضل قول الا عندك وقبل اى حاجه تتصل على مريم وأسمع بنفسى
مصطفى إهدى شويا خدى نفسك …… تشربى ايه
كارما ما أشربش ها تنجز والا أمشى
مصطفى جارسون …. واحد قهوه مظبوط وواحد لمون فرش بالنعناع …..
كارما قولتك مش عايزا
مصطفى انا طالبهم ليا انتى مالك
كارما يا سلام ازاى بقى
مصطفى أصلك مستفزه الصراحه وبتعملى تهيج للاعصاب فا محتاج لمون عشان أعصابى تهدى اما القهوه عشان اعدل دماغى وأفوقلك
كارما ما بعملش تهيج فى الجلد وهرش بالمره
مصطفى هههههههههه الله أعلم ها تعملى فينا ايه تانى المهم يا ستى انتى بقى عامله ثوره علينا ليه وواخده موقف من غير حاجه
كارما كل دا من غير حاجه انت معندكش احساس ليه ها بص عشان انا روحى فى مناخيرى ومش طايقه نفسى ها تكلم مريم لانى زهقت اتصالات عليها تليفونها مقفول
مصطفى حاضر ها أطمنك بس بشرط تهدى كدا وبطلى كلامك المستفز دا واشربى اللمون
كارما هو مش كان ليك من شويه …. والا هو أمر قراقوش واجب النفاذ
مصطفى يا صبر ايوب بت انتى اتهدى شويه وقولى هديت انتى ايه ماشيه تقولى شكل للبيع وربنا لو حطيتك فى دماغى ها انسيكى أسمك
كارما انا غلطانه انى جيت أقابلك وادى اللمون بتاعك أهو وشالت الكوبايه رمتها فى النيل ومشيت بسرعه من قدامه
مصطفى دا حاله خطړ يخربيتك خدى هنا يا مجنونه انتى وحاسب وطلع جرى يلحقها . ….. ايه الا انتى هببتيه دا ما تتهدى وتهدى بقى
كارما بتضربه بأيديها التانيه سيب ايدى واوعى من وشى مش عايزا أشوفك فى اى مكان انا فيه فاهم اوعى كدا
مصطفى مش بقولك انتى مش بتيجى بالذوق تعالى بقى كدا
كارما بصړيخ اوعى الحقونى يا ناس بيخطفنى الحقونى وبدأت الناس تتلم على مصطفى وكارما سابته وركبت عربيتها وطارت بيها
واحد انت مالك ومالها حصلت ټخطفو البنات كدا عينى عينك
مصطفى اوعى كدا انت وهو انت اټجننتو والا ايه انا ظابط يالا …. وهو وطلع الكارنيه بتاعه وبدئو كلهم يسيبوه وافتكروه كان ماسك كارما وبعملتها دى هربت منه وهو سيطر على نفسه ومارديش يتعامل معاهم عشان ما يأذيش حد هما ملهمش ذنب
كارما وهى فى العربيه وكل ما تفتكر عملت فيه ايه تضحك وما تعرفش انها جابته لنفسها
مصطفى ركب عربيته وهو بيغلى وحالف ليجبها وينتقم منها أشد اڼتقام …… يخربيتك البت دى لا يمكن تبقى طبيعيه هو فى كدا ماشى ها تروحى منى فين …….
حمزه ماما هى دنيا فين
ثريا روحت يا حبيبى
حمزه مش كانت ها تقعد مع جنا أسبوع
ثريا غيرت رأيها ومشيت شيلها من دماغك وخد الا يحبك ياحمزه مش الا انت تحبه
حمزه خلاص ياماما مش كل ما تشوفى وشى تدينى المحاضره دى
جنا حمد الله على السلامه انا قولت روحت تقابل الوزير مش صاحبك
حمزه لماضه مش فايقلك
جنا اوك ولا يهمك يا باشا سا أختفى فى التو واللحظه
حمزه فين أسر
مش شايفه
جنا عليه درس انت عارف الثانويه العامه وتقل ډمها
حمزه ربنا معاه ويهديه ويهديكى انتى كمان
جنا يارب يا عسل أنت يا سلام عليك والغزاله رايقه
ثريا بطلى رغى وحطى الاكل لأخوكى
جنا تماما يا فندم
حمزه هى البنات كلها كدا هربانه منها عل رأى مصطفى
حسن ماسك مريم ما تخافيش انزلى معايا وسيبى نفسك
مريم حسن انا بغرق فى شبر ميه
حسن ههههههه والله ما ها اسيبك تعالى بقى وخدها وبدء يدخل بيها لجوا
مريم ومړعوبه لا كدا كتير قوى انا خاېفه
حسن باصص فى عيونها شششش اهدى خالص وسيبى نفسك وماتتعصبيش عشان تبقى خفيفه والميه ترفعك ياله
مريم بدئت تسيب حسن شويه بشويه وهو بيقول لها خلى عندك ثقه فى نفسك وبتسيب نفسها خالص
حسن ايوا كدا حركى ايدك لورا وقدام ورجلك نفس الحكايه اوعى توقفيها ومريم بتنفذ وبتستوعب بسرعه وقدرت تثبت نفسها فى الميه بس لسا مش بتعرف تعوم
مريم انا مبسوطه قوى ياااه من زمان ونفسى انزل البحر
حسن انتى بتتعلمى بسرعه يعنى يومين تلاته وها تعومى لوحد
مريم بجد يا حسن
حسن بجد يا قلب حسن وبيسحبها لجوا أكتر ومريم بدئت تتوتر وتصرخ
مريم لا والنبى كفايه عشان خاطرى وماسكه جامد قوى
حسن بدء يتوتر أكتر
مريم بعياط حسن ارجوك طلعنى ارجوك
حسن عشان خاطرى يا مريم خليكى جمبى محتاجك اوعى تتخلى عنى وتعملى زيى انا بكره نفسى علشانك
مريم ارجوك طلعنى وكفايه
حسن مش حاسس غير بقلبه وبحبيبته
مر اليوم وكارما …..بتفكر كتير فى مصطفى الا شاغلها ومحاوطها ومجننها بمحاصرته لها وبدء قلبها يدق وبتقول يا ترى بعد الا عملته دا ها أشوفه تانى والا خلاص كدا وأستسلمت إلى النوم أخيرا ……..
أما مصطفى …… بدء يهدى ويفكر ها يعمل ايه مع مجنونته هى بجد ملكت قلبه ومش قادر يبعد رغم تصرفاتها الچنونيه ورد فعلها السريع ودا عجبه جدا بتعرف تتصرف ومش بتضعف بسهوله وأستسلم للنوم بعد تفكيره فيها
اما الوجه الثالث للصداقه حمزه كل الا شاغله كلام مصطفى افرد فعلا بتحب ومرطبته بحد تانى طيب ها أفضل أحبها وهى متجاهلتى كدا على طول ….. لا كدا كفايه قوى مش ها أفضل كدا كتير ها اركز فى شغلى وها انساها بلا حب بلا زفت ……. واستسلم هو الاخر لنومه

اشرقت شمسنا الصافيه مثل قلوب أبطالنا الذى ينبض بالحب والحياه الجديده
حسن قام من الصاله وخد شاور وحضر الفطار ودخل لمريم غرفة النوم وبيصحى فيها …. حبيبى قومى بقى كفايه كسل
مريم اه جسمى واجعنى قوى سبنى شويه كمان
حسن تعالى يا كسوله
مريم بكسوف بس بقى يا حسن ما اتفقناش على كدا
حسن لا دا انا أعمل جنايه دا مش من ضمن الاتفاق انتى مش عايزا تدينى تصبيره كمان
مريم هههههههههه انت ما شبعتش تصبيرات ان شكلى غلطت لما وافقتك
حسن أحلى غلطه وربنا وكمان يبقى جوزك يعنى كله بحلال ربنا وبيتخن صوته وهو بيقولها
مريم ههههههههههههه انتى بتفكرنى بكارما بلطجيه زيك كدا …….. يااااه وقامت تجرى كارما نسيتها خالص وماما وبابا
حسن دى قالشتنى خدى يا بت هنا مفيناش من الكروته
مريم بطل بقى دا كارما ها تقيم عليا الحد بسببك فين تليفونى
حسن وانا اقولك
مريم انا مش قدك انت
حسن استنى يا ستى وجاب التليفونه وفتحه وبدئت الرسايل تنهال عليه بكميه الاتصلات الا جتلها
مريم كل دى مكالمات واتصلت على كارما
كارما على ما افتكرتى دا انا لو شفت وشك ها أقتلك
مريم هههههههه خلاص اهدى حقك عليا كان ڠصب عنى
كارما انت بتضحكى بدايه مبشره الواد حسن عملك حاجه
مريم لا

يا حبيبتى ما تقلقيش عليا كله تمام الحمد لله
كارما ايه اتصالحتو ونسيتينى يا هدى
مريم هههههههههه انا أقدر انساكى انتى الاصل والباقى تقليد
حسن جه من ورا مريم وبيقول مش تقليد قوى يعنى
كارما اهلا الباشا دخل عل الخط شكلك شربت البت حاجه أصفرا
حسن هههههههههه مش انا هى الا شربتنى
كارما طلعتى مش سهله يا مرمر اسيبك انا بقى وكلمى مامتك قلقانه عليكى
مريم سلام يا كوكو
حسن شكلها ډمها خفيف
مريم جدا ومجننا البشريه كلها بس طيبه ومخلصه
حسن مصطفى بردو مخلص ويستاهل كل خير على البركه
مريم انتو راسمين عل البت بقى
حسن مش انا ….. انا راسم على حبيبى وعايز انول رضاااه ها ترضى أمتى يا جميل
مريم عل حسب طعم الفطار ياله عشان اخد شاور ونفطر
حسن يدوب كدا عشان فى تمارين كمان ها نعملها مع بعض بهمه نشاط
مريم انا هربت من كارما طلعلى انت يا معين يارب
كارما بشمهندس أحمد ممكن انزل الموقع بدال مريم
أحمد لا يا كارما انا محتاجك هنا مش ها ينفع فى مهندسين تانين بيباشرو فى المواقع
كارما طيب حضرتك طلبت رسومات المشروع الاسكانى الجديد كله أهو وكمان دا ملف كامل عن الميزانيه المطلوبه للمشروع ودى التكاليف الا اتصرفت كلها اى اوامر تانيه
أحمد اقعدى يا كارما
كارما قعدت
أحمد مالك مدايقه ليه كدا فى حاجه غير موضوع مريم
كارما لا ابدا مفيش حاجه ومريم كلمتنى وطمنتنى عليها
أحمد يعنى الحمد لله الامور تمام
كارما تمام الحمد لله وانا تمام بردو …. مفتقدها مش أكتر
أحمد ان شاء الله ترجع بالسلامه وجوزها من أحسن الناس ما تقلقيش عليها
كارما حاضر بعد اذنك
أحمد بعد ما كارما خرجت مش عوايدها ساكته كدا ليكون الواد دايقها امبارح وهو كمان راجع بوزه شبرين أكيد حصل حاجه
حمزه انا قمت أهو يابنى ها أفوق وانزلك على طول
مصطفى فى الانجاز إخلص
حمزه خلص ونزل لمصطفى مالك كدا على الصبح مصحينى ليه يا رزل
مصطفى مخڼوق وعلى أخرى ومش عايز أعمل تصرف غبى اندم عليه
حمزه روق مفيش حاجه مستهله بس ركز وانت سايق الله يسترك
مصطفى هههههههههه انت غبى يالا خاېف على نفسك جاتك نيله
حمزه امال ها أخاف عليك انا ورايا مستقبل وبيت وعيال رزله أهشها ما بتهشش خناقونى جاتهم الأرف
مصطفى ههههههههه وربنا انا كل الا عارفهم مجانين طيب اتنيل اتجوز الاول وبعدان خش على الرزالاه….
حمزه لا أجيب عيال الاول وبعدان امهم تيجى بعدان
مصطفى دا الا هو ازاى يعنى
حمزه الملاجئ مليانه بالكوم انا لسا ها اتعب نفسى واربى والواد بيزن الواد عايز بامبرز الواد عايز لبن الواد عايز ابوه
مصطفى السح اندح إمبوه عليه وعلى الا جابوه
حمزه ومصطفى ههههههههههههه
حمزه خلينا فى الجد بقى ضحكنا وروقنا خشلى على العكننه
مصطفى عليه كل ما حدث شوفت الجنان يا عم
حمزه ههههههههههههه مش قادر يخربيتكم هههههههههه كويس انك مكلتش علقھ محترمه تحلف بيها العمر كله
مصطفى علقة مين يالا دا انا ممكن أكولهم أكل بس هما ملهمش ذنب اه لو شوفتها ها أقتلها البت من كل حاجه واى حاجه قرده وربنا قرده
حمزه دى دمااغ يابنى بس حلوه ها تعمل ايه معاها
مصطفى مفيش قدامى غير ان أختفى من قدامها كام يوم لانى لو شوفتها ممكن أخسرها وانا مش عايز أخسرها
حمزه عين العقل وركز قبل اى كلام معاها
مصطفى اركز دا انا عايز 8 عيون 4 جانبى و خلفى زياده
حمزه ههههههههههه مسخره وربنا انا نفسى أشوفها هى ومرات حسن صحيح أخباره ايه
مصطفى تمام الحمد لله الامور نوعا ما هاديه
حمزه اركن هنا ننزل نفطر ونزلو وحمزه
ماشى وداخل المطعم وواحده خبطت فيه
ندى اوه سورى حصلك حاجه
حمزه واقف متنح ايه
ندى حصلك حاجه انا أسفه مش قصدى خالص والله
مصطفى هههه وزق حمزه لا يا انسه هو تمام ما تقلقيش انتى بقى تمام حصلك حاجه
ندى No مفيش سانكس على اهتمامك
حمزه نعم
مصطفى شدو ودخلو على جوا بعد ما قالها ولا يهمك
حمزه ايه دا يالا انت شايف الرقه دا فاكرنى جرالى حاجه يالهوى يا جدعان
مصطفى هههههههههه منظرك يكسف اهى قاعده ومركزه معانا كمان
حمزه والنبى رقم تليفونها
مصطفى انا مالى يا اخويا افرد قلبت على الشويش عطيه البس انا مش كفايه الا انا شايفه
حمزه قام وراح عندها احمممم انا أسف
ندى أسف على ايه اتفضل اقعد
حمزه قعد انى يعنى كنت واقف كدا مش برد عليكى اصل ما تخيلتش ان فى رقه كدا
ندى ميرسى كلك زوق
حمزه ممكن اتعرف
ندى ندى ابراهيم
حمزه وانا حمزه عبدالله
ندى تشرفنا يا حمزه صاحبك ممكن يدايق كدا
حمزه طيب لو طلبت نمرتك تديقى
ندى ليه
حمزه عشان أطمن على دراعك أصل انا خبطك جامد
ندى هههههههههه بجد يعنى عشان كدا
حمزه وعشان الضحكه الحلو دى
ندى اوك اتفضل ……..011
حمزه سيفى رقمى بقى انا ها اقوم عايزا حاجه
ندى ميرسى
مصطفى يابن اللعيبه امال انا بحب ابن خالتى ليه دا بعد كدا ها تقابلنى ومعاها شومه
حمزه ههههههههههههه على كلامك اه
حسن عدى كمان 20 عدا الا انتى بتعمليه دا لعب عيال
مريم نامت على الارض مالها كارمه يامفترى انت ناقص تقولى اتسلقى الجبال ارحم
حسن هههههههه منا أهو قدامك وقفت شغال
مريم انت رجل والرجال قليلا
حسن ههههه انتى ها تقولى شعر
مريم أقولك لازم اساعدك بردو وقامت قعدت على ضهره وهو بيعمل ضغط أشتغل بقى بس بضمير ياله واحد
حسن هههههههههههه ها أشتغل ليا وليكى
مريم بالظبط كدا دا انا ها أطلعو عليك يا مفترى ياله بطل كسل……..
حسن تمام يا فندم وبيعمل تمرينه وهو مبسوط جدا
ومريم بتحاول تشتته بس
مريم انا فى حيطه كان زمنها اتأثرت
حسن مسكها بأيد وهو ساند بالتانيه ونزلها
مريم بأرتباك اوعى يا حسن بقى ياله نخلص تمارين
حسن طيب أقعدى
مريم قعدنا
حسن بيعمل تمارين البطن وكل ما يقوم يقرب منها
مريم هههههههه دى تمارين
حسن تصدقى أحلى تمرين ……ها أعمله و انا فى الجيش مع مين هاااه مع التريلات الا معايا
مريم هههههههه هو انت لازم تقعد حد على رجلك
حسن لا بس التمرين كدا إحلو قوى
مريم بطل رخامه بقى
حسن خلص قوليلى كنتى بتعملى ايه من غيرى
مريم ريحت على كتفه وحاسه كأنها تعرفه من زمن وحكتلو على كل حاجه
حسن بنفس الهمس انا أسف يا حبيبى حقك عليا
مريم وانت بقى عملت ايه
حسن ماكنتش بعمل غير انى بدور عليكى تعرفى حياتى قبلك كانت كلها بنات وخروجات حاجات كتير عك فى عك
مريم اوعى تكون ….
حسن لا ابدا والله كله كان تفاريح مش أكتر عمرى ما عملت بس من ساعة ما دخلتى حياتى وكأن اتبنى مليون سور بينى وبين البنات دى كلها
مريم بجد يعنى هما مش فارقين معاك
حسن كلهم خدو بلوكات الا انتى فتحتلك كل حاجه حتى قلبى الا كان مقاضيها
مريم لا احنا اتفقنا وانا سايبك براحتك ووعدتنى إنى مش ها اندم
حسن وانا عند وعدى………
مر يومان والامور أكثر هدوء وحسن ومريم بيقربو أكتر وعايشين كل لحظه كا أحباب فقد
أما كارما فا ها تتجنن ما شافتوش خالص وبدئت تحس ان نفسها تشوفه وتسمع صوته او يرزل عليها زى ما بيعمل وكانت بتفكر تكلمه بس خاېفه يفهمها غلط او تنزل من نظره فا قررت تستنى شويه
كمان
مصطفى بيجاهد مع نفسه مش قادر ومعتز أخوه ها يتجنن من حاله وعايز يعرف ماله ومش قادر عليه
معتز ها تفضل كدا
مصطفى كدا ازاى يعنى
معتز مش بتنزل وقاعد فى البيت ومش بتتكلم
مصطفى محتاج ارتاح فيها حاجه
معتز انا نازل الشغل عارف انك مش ها تقول حاجه
مصطفى ما تزعلش منى
معتز ولا يهمك يا حبيبى ومشى ……معتز اتغير جدا ورجع اهدى واحسن من الاول وبقى بيهتم بشغله وهو راجع كل يوم يعدى عل قبر مامته يحكى لها كل حاجه ويطلع على روحها صدقه لحد ما جاتلو مبسوطه وفرحانه وهو فرح أكتر وشارك اخوه الرؤيه وكانو مبسوطين جدا ……..
اما مصطفى حالته حاله واحشاااه قوى ومش عايز يشوفها عشان الا عملته اخر مره ومش عارف يعمل معااااه ايه ومعتقد انها پتكرهو عشان كدا دا بيقبى رد فعلها معااااه ما يعرفش يا عينى انها بټموت فيه
كارما قاعده فى المكتب بعد ما رتبت كل حاجه وبتفكر فى مصطفى الا أختفى من حياتها بقاله 3 ايام وبتقول ايه الا خلانى عملت فيه كدا …… ماهو كان عايز هو الا جابه لنفسه ……. ايه بطلى هبل بقى …..يووووه وزهقت من كتر التفكير فا بتتصل على مريم يمكن تهون عليها …….
كارما حتى انتى تليفونك مقفول انا زهقت بقى ولقت أحمد داخل …… اوبااااا ووراه مصطفى بس متجاهلها تماما ….
احمد كارما ممكن تطلبى اتنين قهوه
كارما حاضر انا جهزت لحضرتك كل الا طلبته منى امبارح
احمد هاتيهم وتعالى وهو دخل
كامل السلام عليكم
كارما وعليكم السلام مين حضرتك
كامل انا كامل السمرى ….معلش جاى من غير معاد
كارما اه أهلا وسهلا معروف طبعا الشركه الاعلانيه بتاعتك مكسره الدنيا …..
كامل شكرا لذوقك ممكن ادخل للمهندس أحمد
كارما أكيد طبعا بس حضرتك ادينى 10 دقايق ودخلت لأحمد بلغته وخرجت على طول تدخل كامل
أحمد يا أهلا
كامل أهلا بيك وبضيوفك
أحمد دا مش ضيف دا مصطفى ابنى
مصطفى سلم على كامل ورحب بيه وقعدو على الانتريه الا فى المكتب
احمد تشرب ايه يا…
كارما انا طلبتو خلاص …..
أحمد تمام ….
كامل انا أسف انى جيت من غير معاد حبيت أخد فكره متكامله عن المشروع وقولت دا انسب وقت
احمد طبعا انتى تشرفنا فى اى وقت كارما ممكن تجيبلى الماكيت بتاع المشروع واللازم
كارما حاضر يا فندم حط المشربات هنا يا عبده واتفضل انت
عبده أمرك يا ست كارما
كارما قدامهم كلهم …. عبده قولتلك قبل كدا أسمى كارما بس ولا ست ولا هانم
عبده حاضر يا ست كامرما
كارما امشى يا عبده بدال ما اشرب من دمك
كامل هههههههه دمك خفيف قوى يا كارما وشكلك شقيه
مصطفى بينه وبين نفسه اه ابتدينا
كارما بتتعمد تدايق مصطفى الا قاعد قدامها ومش معتبرها موجوده …. لا ازاى حضرتك الا شكلك دمك خفيف جدا وجنتل والله
كامل دا من زوقك بس بتقولى كدا
مصطفى نفسه يقوم يجبها من شعرها ويقولها من امتى الرقه دى بس بيحاول يتحكم فى اعصابه
كارما جابت الماكيت بتاع المشروع والملفات الا فيها التفاصيل اللازمه
أحمد اقعدى يا كارما اشرحى لكامل بيه المشروع كله
كامل هى ها تعرف
احمد دى مهندسه كارما بنت يزيد الشناوى
كامل بجد والله تشرفنا سلميلى على بابا وقوليلو انى طبعا كان نفسى أشوفه
كارما حاضر ممكن تدخل شويه
مصطفى ما الدنيا عندك واسعه اشمعنا المكان الا انا قاعد فيه
كارما معلش بقى أصل المكان دا بالذات فى وش الاستاذ كامل يا تشرحلو انت وتخلصنى
كامل واحمد بيبصو لبعض ويضحكو واحمد بيقولو شباب بقى … وبدئو يحسو ان كارما بتنكوشه وهو حابب
دا
احمد خلاص يا كارما هنا كويس قوى
كارما اوك وبدأت تشرح التفاصيل بإحترافيه وسهوله لدرجة ان مصطفى بقى معجب أكتر وأكتر من ذكائها واجتهادها فى شغلها وكامل مبهور من طريقتها …… ها كله تمام
كامل تمام قوى انتى ممتازه
مصطفى حب يدايقها مش قوى يعنى
كامل لا ازاى دى ممتازه جدا كمان
كارما ميرسى لذوق حضرتك نتكلم بقى فى الجد ميزانية الحمله الاعلانيه
كامل طبعا المشروع ضخم جدا وتكاليفه ها تدخل فى 200 مليون فا الحمله الاعلانيه عشان خاطر يزيد واحمد ها تتكلف 10 مليون
احمد ياراجل انا قولت انت أولى من الغريب
كارما بعد اذن المهندس أحمد أستاذ كامل المشروع ضخم اه بس مش بالرقم المبالغ فيه دا دى نقطه اما بقى ال مليون الا حضرتك طالبهم دول الاستاذ …. عرض علينا 6 وما وافقناش طبعا لتمسك البشمهندس أحمد بيك ويزيد بيه فا انا من رأى المتواضع ان حضرتك تكسبهم لان دا مش ها يبقى اخر مشروع ان شاء الله والشريكات الا بنتعامل معاها طبعا أسم حضرتك ها يبقى هو المرشح ليهم ودا ها يبقى مكسب اضافى ليك طبعا انت فى كل الاحوال كسبان
كامل بس 6 مليون قوليل قوى طبعا بالنسبه لميزانية المشروع الاعلان ها ينزل أكتر من 3 مرات فى اليوم غير الوجوه الا ها نتعامل معاها
كارما المشروع ميزانيته مش كبيره ولا صغيره يعنى فى الوسط و مليون دا مش الا ها نتفق عليه احنا ها نتفق على 5 عشان تبقى عملت معانا الواجب ومتنساش طبعا ان فى اكتر من 5 بكتير دول بعد ما المستثمرين يشوفو الاعلان الا انا واثقه انه ها يكسر الدنيا وطبعا معنداناش مانع ابدا ان كل الوجوه تبقى جديده فى الاعلان بشرط انا الا أشرف على دا بنفسى ودا مكسب تانى لحضرتك
كامل والله انتى أنسب واحده تعمليه شكل جميل…. شقيه …. لابقه فى الكلام ….. ومقنعه
كارما يعنى اتفقنا
كامل انت عاملى حصار كدا يا أحمد
احمد كارما قالت كل الا عايز أقوله
مصطفى اه طبعا ما بتقصرش وبيقول بتريقه لانها جميله … شقيه …. ولابقه فى الكلام
كارما وهى بتستفزه ميرسى
احمد قولت ايه يا كامل اجيلك أمتى نمضى العقود
كامل بتفكير هو فعلا كسبان مش خسران ابدا والموضوع دا لو تم بإحترافيه ها يبقى نقله فى شغله زى ما كارما قالت ….. موافق يا أحمد وممكن طبعا تشرفنى أنت ويزيد بكرا اكون جهزت كل حاجه والمهندسه كارما معاكو
كارما لسا ها ترد …. مصطفى قاطعها … للاسف المهندسه كارما مسافرا بكرا وكمان واخده اجازه عشان السفر وكارما بتبصلو بتوعد
كارما عشان ما تحرجش مصطفى لا مفيش مشكله الغى سفرى لو عايز
كامل لا خلاص نشوفك بقى لما تيجى بالسلامه رايك فى الحمله الاعلانيه يهمنى وسلم عليهم وقام
مصطفى بعد ما ابوه خرج مع كامل لتحت يتكلمو شويه انتى انسانه مستفزه وبتستعرضى نفسك
كارما احترم نفسك والزم حدودك فاهم
مصطفى مسكها انا الا الزم حدودى والا انتى هاااه كنتى خدى منه معاد بالمره …. وبيتكلم بتريقه … جميله وشقيه ولابقه …. وبيضحك بتريقه هههه يا فرحتى
كارما بتزقه جامد ومش قادره عليه اوعى كدا يارخم يا بارد وانت مالك انت متغاظ ليه
مصطفى زقها جامد عشان بحبك يا غبيه …. الكلمه طلعت ڠصب عنه مدهاااش فرصه ترد وسابها ونزل وقابل والده وبيقول ماشى ليه تعالى … معلش يابابا فى مشوار ضرورى لازم اروحه ومشى ….. وكارما واقفه مصدومه فرحانه ومتلخبطه وحالتها حاله
يزيد انا
اتاخرت على الشغل يا داليا
داليا انا تعبانه يا يزيد ما تسبنيش
يزيد بالهفه مالك يا داليا تعالى نروح للدكتور
داليا مش قادره فى ۏجع شديد فى بطنى من تحت وبدئت ټعيط انا خاېفه على البيبى قوى يا يزيد ….. ونايمه
يزيد مش مهم البيبى المهم انتى واتصل على الدكتور يجيله
يزيد اتفضل من هنا
الدكتور بيكشف عليها وكشف الغطا عنها لازم تتنقل المستشفى حالا
يزيد بقلق فى ايه
الدكتور رفع الغطا عنها الغطا انتى مش حاسه انك بتنزفى ويزيد الخضه شلت حركته وبيقول للدكتور اتصرف بسرعه
الدكتور كلم الاسعاف وداليا بدئت تغيب عن الوعى تماما اول ما شافت كمية الډم الا نازله منها … ويزيد ها يتجنن عليها واتصل على كارما بلغها
مريم ايه رأيك بقى كدا
حسن تمام قوى سباحه عالميه
مريم ميرسى كنت عارفه انى ها اوصل بسرعه
حسن ههههههههههه مش قوى كدا انتى لسا فى بداية الطريق
مريم كدا حلو قوى ياله نخرج من الميه بقى عشان أجهز حاجه ناكلها مش عارفه بجوع ليه بسرعه لما بنزل الميه
حسن طبيعى عشان المجهود وعشان بتهضمى أسرع بس تعالى أقولك
مريم بتهرب منه فى الميه بس على مين كان هو نزل تحت وشالها ……. اعااااااا سبنى يا حسن
حسن ابدا انتى مجنونهتبقى بين ايدى وفى حضنى وأسيبك
مريم بطل بقى الله
حسن يالهووووى يا يناس ها ترضى عنى أمتى أنا تعبت وربنا
مريم توء …توء …توء ….. مش دلوقتى خالص احنا لسا فى مرحلة التعارف وبعدين الأختبار وبعدان أمتحان شفوى وتحريرى وب…..
حسن حيلك … حيلك … ما تسفرينا برا أعمل دكتوراه بالمره
مريم هههههههههههه ها أفكر ياله بقى
حسن ياله انتى مفيش منك أمل … وطلعو من الميه وحسن دخل الحمام الا برا ياخد شاور ومريم فى فالحمام الا فى غرفة النوم ………
مريم خدت الشاور
حسن خلص الشاور ولبس وخرج وبيفكر فى إلا سيطرت على كيانه كله ومش عارف ها يستحمل بعدها ازاى وهى بين ايديه وبيكلم نفسه …. انا حبتها وبعد ما اتعاملت معاها عشقتها وكأنها مراتى من سنين ومش قادر على الموانع الا بينه وبينها وانها رافضاااه كا زوج دخل الاوضه يشوفها اتاخرت ليه …. واټصدم لما شافها ………
مريم حسن أرجوك سبنى
حسن وهو تايه او مغيب تماما مش قادر على البعد وانتى معايا
مريم اوعى كدا متغلطش تانى فى حقى
حسن وهو بيمسد عل شعرها ومركز جوا عنيها مش قادر يا مريم
مريم بعياط بعد ما بقت مراته قولا وفعلا ليه يا حسن بردو ڠصب عنى بردو بتجبرنى على وضع انت عايزه و بس
حسن بلهفه والله ڠصب عنى والله بحبك يامريم واتغيرت ليه قلقانه وخاېفه انا أسف انا مش قصدى احطك قدام الأمر الواقع …
مريم بعصبيه مش قصدك …. ازاى هاه قولى …. انت كدا عملت الا انت عايزو وانا بردو دا مش ها يمنعنى …. فاهم قرار الرجوع ليك او لا لسا زى ما هو يا حسن ….. حبى ليك من قبل ما أعرفك وحبى ليك دلوقتى بعد الا عملته مش ها يأثر فيا فاهم
حسن خلاص إهدى والله ماكان قصدى صدقينى بقى انا فعلا مش ها اقدر أعيش من غيرك انتى بقيتى جزء منى عايزك تصدقينى وكفايه نضيع حياتنا فى البعد والخصام يا مريم
مريم ربع ساعه وها أكون جاهزه ننزل القاهره مش ها أقعد يوم واحد ولعلمك ها ارجع شقتى
حسن ليه كدا …. بتضيعى أحلى ايامنا فى الهجر والزعل الكلام دا ها اقولهولك لاخر مره يا مريم …. انتى مراتى وحبيبتى
ودنيتى كلها ….. اه غلطت فى حقك بس دفعت تمن غلطى كبير قوى يوم ما سيبتك ويوم ما ابويا وامى قاطعونى … كل دا مش كفايه عندك …..انتى كدا الا بقيتى انانيه مش انا لو قربى منك فى نظرك غلطه فا هو فى نظرى لاء لانى بتمناه …… عايزا تسافرى ها نسافر ومش ها أقولك لاء وها استنى ترجعى ومش ها أكون انانى زيك وها أقفل بابى فى وشك ابدا لانى مش عارف أصلا ها أشوفك تانى والا…..وسكت وما كملش الكلام
مريم وهى بتحاول تتجاهل كلامه بس من جواها بتتقطع وخۏفها منه ومن بعده بيزيد عندها …وكل الا فى دماغها ان قربه دا مسئلة وقت او بيعمل كدا عشان ابوه وامه ……
ربع ساعه وها اكون جاهزه اتفضل اطلع برا عشان البس
حسن بخيبة أمل وزعل كبير براحتك يا مريم وخرج فعلا …..ولمو كل حاجه وبدئو يتحركو
كارما بعياط مالها يا بابا قول دقايق وها أكون عندك
يزيد على مهلك يا كارما يا حبيبتى وانتى جايه
احمد بخضه مالك يا كارما فيكى ايه
كارما طيب سلام يا بابا
أحمد هاتى التليفون وكلم يزيد وفهم منه وخد كارما فى حضنه بيطمنها ونزل معاها وكلم مصطفى عشان لو احتاجو حاجه هو ينجزها
كارما بعد ما وصلت المستشفى وجريت على والدها وبعياط ملها يا بابا طمنى عليها ارجوك
يزيد بزعل كبير قوى ياريت حد يطمنى انا أعصابى تعبت من ساعه ما وصلنا وهى فى العمليات والدكتور بيقول انها محتاجه ډم وقالب الدنيا على الفصيله بتاعتها ولسا مش لاقى
أحمد فصيلة ډمها نوعها ايه
يزيد للاسف O ودى نادره شويه
أحمد مصطفى ابنى نفس الفصيله وهو فى الطريق لهنا
يزيد بلهفه كلمه يا أحمد تانى بسرعه يمكن يلحقوها ارجوك
أحمد وصل أهو
مصطفى دخل لقى كارما مڼهاره تماما وكان نفسه ياخدها فى حضنه وراح لوالده وليزيد الا بيجرو عليه ….. فى ايه طمنونى طنط داليا مالها
يزيد انت فصيلة دمك O
مصطفى فهم ايوا وممكن اتبرع لها حالا
ويزيد بعت لممرضه تدخل للدكتور تبلغه وفعلا الدكتور خرج واتاكدو انها نفس الفصيله وعملو الفوحصات اللازمه وبينقلو لها الډم …… وبعد فتره الدكتور خرج ومعاه مصطفى
الدكتور الحمد لله قدرنا نسيطر على الڼزيف وكمان البيبى فى امان وهى ها ننقلها للعنايه انهارده
يزيد الحمد لله مصطفى شكرا يا حبيبى الف شكر
مصطفى على ايه بس أهم حاجه طنط داليا نطمن عليها وتخرج بالسلامه
أحمد ربنا يطمنك عليها انت وكارما تعالى يا كارما كفايه عياط
يزيد مش تشكرى مصطفى يا كارما
كارما بضحك حاضر ها اروح أشتريلو نص كيلو كبده أشكرو بيه
كلهم هههههههه
مصطفى نص كيلو ياله مش مشكله أهو أى حاجه تيجى منك
حسن وهو راكب عربيته ومريم جمبه ممكن ننزل لأمى وابويا نذورهم دا لو ماعندكيش مانع
مريم عندى يا حسن مانع مش ها تجبرنى تانى انى أفضل معاك فى مكان واحد انا ها اسافر وازورهم لوحدى
حسن براحتك يا مريم بس كانو ها يفرحو لو كنا مع بعض
مريم اه قول كدا قول انك عايز تفهم طنط وعمو اننا مع بعض صح
حسن بعصبيه لاء والف لاء يا مريم وكفايه ظنون وشك انا عارف كل الا بتفكرى فيه وسايبك للايام تثبتلك انك غلط
مريم ياريت تسبنى للايام تثبتلى زى ما بتقول ….
حسن مفيش أى مشكله غير انى ها ابقى مشتقلك ومحتاجك جمبى ومش ها أشحتك أكتر من كدا
مريم بعصبيه تشحتنى دى أخرتها لا وعلى ايه متشكرين
حسن ……….
مريم ممكن تنزلنى
حسن انزلك فين انتى مستوعبه بتعملى ايه وبتقولى
ايه انتى عايزا تجننينى يا مريم معاكى
مريم انت الا بدايقنى مش انا ……. وانت االا عملت المسافات دى بينا ما تنساش
حسن مش ناسى واوعى تفتكرى حبى ليكى وتمسكى بيكى ضعف فاهمه ….انا لو عايز فعلا اعمل اى حاجه وكل حاجه ڠصب عنك …. ها أعمل انما انا عايز تبادلينى نفس شعورى ناحيتك …. عايزا تفهمى دا أفهميه مش عايزا براحتك وياريت نقفل الموضوع ….. عشان ما نزعلش من بعض وهو مدايقك كدا وكل حاجه ها تتفهم غلط ……
مريم تليفونها بيرن …. الوووو ايو يا كارما
كارما انا محتجاكى قوى يا مريم وبتعيط
مريم مالك يا كارما فى ايه قلقتينى
كارما قصت لمريم كل ما حدث ….. انا السبب يا مريم انا الا أقنعتها تخلف تانى مش مسامحه نفسى فى الا عملتو فيها
مريم اهدى يا كارما ان شاء الله ها تقوم وتبقى كويسه إن شاء الله انا فى الطريق وإن شاء الله على اخر النهار ها ابقى موجوده
كارما بجد يا مريم تيجى بالسلامه خلى بالك على نفسك وقفلت معاها
حسن فى ايه
مريم زى ما سمعت طنط داليا تعبانه جدا وفى العنايه
حسن الف سلامه عليها قالتلك فى أى مستشفى
مريم فى ……..
مصطفى واقف مراقب كارما وراح لها بعد ما خلصت المكالمه …….. خلاص يا كارما ان شاء الله ها تقوم بالسلامه مامتك ست قويه وبتتحمل
كارما بعياط ومنظر يقطع القلب تفتكر يا مصطفى يارب تقوم ومش ها ادايقها ولا أزعلها تانى
مصطفى بضحك مدايقه البشريه كلها …..يا شيخه اتقى ربنا فينا الاسعاف ها ياخدنا واحد واحد
كارما فى وسط عيطها ضحكت مش وقتك الصراحه
مصطفى وهو بيحاول يخرجها من حالتها دى …… على فكره انتى نصابه
كارما بأستغراب ليه يعنى
مصطفى فين الكبده دا نص كيلو طمعتى فيه …دول صفو دمى جوا
كارما انت عندك ډم اصلا دا تلاقيهم خدو سرنجه والا اتنين بالكتير
مصطفى أعمل ايه فى طول لسانك دا وبيرفع ايده يارب صبرنى عليها بدال ما اشرب من ډمها واعوض الډم الا خادو
كارما أجيبلك شاليموه
مصطفى ليه
كارما تشرب بيها من دمى
مصطفى بخبث ها أفكر أشربه بأيه على رواقه وقرب منها قوى وبصوت واطى رغم ان الظروف مش مناسبه بس وحشتينى ووحشنى مقالبك الا تودى فى داهيه
كارما شوفتنى بعد ما لمېت الناس عليك
مصطفى اه شوفتك وفرحت بيكى قوى وجايبلك عريس كمان واد قمر وحليوه ودمو شربات
كارما اه مين هو بقى عشان الحق نفسى قبل ما أعنس
مصطفى انا بقول كدا بردو…….. وقولت الحقك مش مالى عينك انا أهو حليوه وقمر وطول بعرض والبنات ها ټموت عليا بس قولت أكسب فيكى ثواب
كارما لا اتبرع بيه لأى حد غيرى الثواب دا أنت قمر أنت … وحليوه كمان …. لا انا أمشى قبل ما ينيمونى جمب أمى
مصطفى خدى يا بت هنا ايه عفريت بقرون قدامك انا يا حقوده والله شكلى فعلا ها أشرب من دمك يا حړقا دمى …
كارما سابته ومشيت راحت جمب والدها وأحمد وكاتمه الضحكه بالعافيه …. هى عامله ايه دلوقتى يا بابا
يزيد الحمد لله يا حبيبتى الدكتور بيقولى لحقناها على أخر لحظه والبركه فى مصطفى
احمد مصطفى ابنك ودا واجب عليه
كارما باصه لمصطفى بإعجاب ومبتسمه وسرحانه
مصطفى بيبصلها وهما مش واخدين بالهم
عماد هو ادهم لسا ماجاش يا سعاد
سعاد لا لسا
عماد الواد دا بيتاخر كدا ليه
سعاد بيقولى بخرج انا وااصحابى الا اتعرفت عليهم وبتفرج على البلد معاهم
عماد ربنا يستر ويكفيه شړ البلاوى الا هنا
سعاد يارب كلمت مريم
عماد ايوا
يا حبيبتى وكان معاها حسن وكلمنى انا حبيته قوى من حكاوى مريم عليه
سعاد وحشتنى قوى يا عماد ونفسى أشوفها
عماد كان نفسى تبقى معانا بس الحمد لله ربنا كرمها بزوج كويس ودا أهم حاجه
سعاد ربنا يسعدها بعتالى صورارهم الاتنين يجننو شوف كدا
عماد ما شاء الله مريم أحلوت قوى واخدا بالك
سعاد الله واكبر عليها بقت نانسى
عماد انا بقى عايزك هيفا
سعاد أنت تحمد ربنا ها تاخد زمنك وزمن غيرك
عماد الحمد لله على كل حال انتى ماليه عنيه ولا هيفا ولا نانسى وكفايه انك خلاص بقيتى معايا وجمبى
سعاد ربنا يخليك ليا
مر الوقت سريعا إلى أن وصلت مريم وحسن إلى المستشفى ….
مصطفى حمد الله على السلامه
حسن … ومريم …. الله يسلمك
مريم راحت لكارما وأول ما شافتها خادتها وكارما عيطت جامد ومريم عيطت على عياطها
يزيد أهلا يا حسن
حسن الف سلامه على مدام داليا عامله ايه دلوقتى
يزيد الحمد لله كنا فين وبقينا فين الحاله حاليا مستقره وفاقت بس فى العنايه ….
حسن إن شاء الله تبقى كويسه
أحمد حمدالله على السلامه
حسن الله يسلمك يا عمى عامل ايه
أحمد تمام الحمد لله انتى ومريم عاملين ايه
حسن الحمد لله وقفل الموضوع ……
مصطفى خد حسن على جمب مالك انت وهى بوذكو شبرين ايه زى ما روحت زى ما جيت
حسن مصطفى اقفل الموضوع دا دلوقتى انا على أخرى بعدان نتكلم أنت ها تعمل ايه ها تفضل هنا
مصطفى اساسا بيطالبون نمشى بس يزيد وكارما مش راضين وانا وبابا مش عايزين نسبهم فى الحاله دى ونمشى
حسن هى دى كارما لمصطفى
مصطفى ايوا هى دى الا مطلعا عينى
حسن اطمن يا حبيبى مش أنت لوحدك وراحو عليهم هناك
يزيد مريم انتى لسا جايا من سفر يا حبيبتى روحى مع جوزك
مريم معلش يا عمو انا مش ها أسيب كارما وطنط داليا وجوزى عارف
يزيد طيب خدى كارما ورحو ريحو فى البيت شويه وتعالو الصبح ادارة المستشفى زهقتنى وانا ها ابات فى الاوضه الا جمب العنايه
كارما انا ها أفضل معاك
أحمد ممنوع يا حبيبتى هو فرد واحد بس الا من حقه المبيت وبكرا ان شاء الله الدكتور بيقول ها تبقى كويسه
ياله حسن …. مصطفى خدو البنات روحوهم ياله وانا شويه وها أمشى
مصطفى حاضر يا بابا محتاجين حاجه قبل ما أمشى
أحمد اطلب غدا وابعته على هنا عشان اتاكدا ان يزيد كل قبل ما أمشى
مصطفى حاضر
حسن ومريم سلمو عليهم واتحركو ….
حسن اركبى يا مريم
مريم انا هاركب مع كارما
مصطفى لا احنا ها نركب مع بعض عشان نروح نتغدى انا جعان ومعزوم على كبده
كارما أنت ما صدقت انا أصلا مش جعانه ومش ها أكل وعايزا اروح انام ..
مصطفى ازاى يعنى انتى ها تقعى من طولك ها نفوق ليكى والا نفضل جمب مامتك
مريم عندو حق يا كارما انتى مش شايفه نفسك عامله ازاى
حسن تعالو اركبو هنا وانا ومصطفى نبقى نرجع نجيب العربيتن الباقين واتحركو بعربية كارما … ع
حسن وهو قاعد جمب مصطفى قدام تحبو تاكلو ايه
مريم قاعده ورا وعلى كتفها ساندا كارما بيتزا عشان كارما بتحبها
مصطفى بضحك اه راحت عليك نص كيلو الكبده يا مصطفى
كارما وحسن ومريم مش فاهمين حاجه تعرف حد بتاع كبده كويس
مصطفى أعرف طبعا و. وربنا ما كبدة حمير
كارما ايه رايكو تاكلو معانا كبده
حسن يا سلام عز الطلب
مريم اوك مفيش مشكله
مصطفى ها نعدى عل مطعم …. اطلب لهم الاكل فى المستفشى وادفع الحساب وبعدان نطلع على … تمام
كلهم تمام
معتز انا ماشى ها تيجى معايا يا
أكرم والا ها تكمل اليوم أنتى
اكرم لا ها أمشى معاك مش ها أقدر أطبق انا شغل الشركه مش بيخلص المهم المصنع ماشى تمام والعمال قربو يخلصو الطلبيه الاخيره
معتز كله تمام الحمد لله و محسن بيه مبسوط بشغلنا احنا مسيطرين بردو
اكرم ايوا أنت ها تقولى مسيطرين على الأخر ايه رايك نتغدى برا
معتز ياريت عايز أكله حلوه كدا تفتح النفس
اكرم مش ناوى تتجوز
معتز بفكر بس مين نرمين خلاص سابتنى واتجوزت كمان ما فكرتش تقف جمبى بدرى بدرى
اكرم كتير قولتلك انها ما تستاهلش وانت ما سمعتش
معتز الا حصل بقى عايز الحق نفسى واخلف عيلين أفرح بيهم انا كبرت وداخل فى 36 سنه
اكرم ولا كبرت ولا حاجه بقولك ايه فى مثل بيقولك أخطب لبنتك……… وانا الصراحه مش ها الاقى عريس لأختى أحسن منك وبحمد ربنا انك فوقت بدرى ايه رايك تتغدى عندنا انهارده وتشوفها حصل قبول تمام ما حصلش احنا إخوات وحبايب
معتز انت اخويا وحبيبى يا اكرم مهما حصل وياعم ماعنديش اى مانع بس على حد علمى ان أختك لسا مخلصه كليتها يعنى انا كبير قوى عليها
اكرم كبير ازاى يعنى هعليك مش ها تستوى
معتز ظريف من يومك
اكرم لا ما تقلقش ها نصارحها بكل حاجه ومش ها اضغط عليها فى حاجه تمام كدا
معتز تمام ياله بقى عشان انا جوعت
اكرم طب استنى ابلغهم يجهزو الأكل
حمزه حمد الله على السلامه يا حس ماردتش أرخم عليك وانت فى شهر العسل
حسن عقبالك كدا وانت زيى
حمزه زيك دى مش مرياحنى لا خلينى مع نفسى ولا زيك ولا زى غيرك ها أشوفك أمتى
حسن على 9 فى شقتى ها أكون انا ومصطفى فى انتظارك
حمزه ها تدايق العروسه بينا كدا فى اول. حسن اتنيل اقفل وها استناك واحشنى وعايز اشوفك
حمزه ادام فيها اتنيل يبفى الا فهمته صح ياله على 9 ها اكون عندك سلام
مصطفى ايه رايك يا كارما الاكل حلو
كارما جدا شكرا على الاكله الحلوه دى
مصطفى لا شكرا ليكى … انتى الا ها تدفعى والا ايه يا مريم هى قالتلى انها ها تاكلنى كبده يبقى هى الا تدفع
مريم ايوا صح هى قالت تنفذ
كارما انتى اتغيرتى يا مريم وبقيتى بتشربى شاى بالياسمين
مريم مش قوى كدا خلاص مصطفى يدفع هو الراجل بردو
مصطفى انتى بتشربى كل حاجه يا مريم …. حسبى الله ونعمه الوكيل تعالى يا عم شوف مراتك الا بتدبسنى على الهوا
حسن بيبص لمريم ايه بدبسيه فى ايه دبسينى انا وانا عنيا ليكى
مريم …….
مصطفى عشان حس ان فى حاجه كبيره بين حسن ومريم وهى متجهلاه تماما ….. ابدا يا سيدى عايزنى انا أحاسب
حسن بيبص له ما أنت الا ها تحاسب انت ماعندكش ډم يابنى ….
كارما ومريم
كارما قولتش انا حاجه
مصطفى منك لله انت كمان …… وبعدان مصطفى دفع الحساب واتحركو بالعربيه يوصلو مريم وكارما و…… طلبو تاكسى عشان يرجعو يجيبو عربيتهم ويرحو شقة حسن
البنات طلعت الشقه فى بيت كارما وخدو شاور وغيرو ونايمين جمب بعض فى السرير
كارما انا مخنوقه قوى يا مريم
مريم ان شاء الله ها تبقى كويسه بس ايه السبب ان جالها ڼزيف مره واحده كدا
كارما الدكتور بيقول شكلها عملت مجهود زياده عن اللزوم
مريم الحمد لله انها جت على قد كدا
كارما عملتى ايه مع حسن
مريم مش ها ارجع يا كارما وقصت لها كل ما حدث
كارما بس فعلا شكله بيحبك جدا وتعالى هنا قدامه 24ساعه وعايزا يتحكم فى مشاعره ازاى يعنى صحيح انا
معرفش عمق الحياه الزوجيه بس اظن انك كدا بتظلميه وانه فعلا ڠصب عنه
مريم يا كارما انا فعلا كل حاجه عندى ملخبطه وماكنتش مؤهلا لأى علاقه دلوقتى وهو فاهم دا ليه بيجبرنى على كدا
كارما انتى لسا بتحبيه !!
مريم جدا فوق ما تتخيلى وخصوصا بعد الفتره الا قضناه سوا بس خاېفه
كارما طيب هو جوزك ايه المانع يا مريم عيشى حياتك بقى
مريم انتى كمان ها تقولى زيه بقولكو خاېفه مش يمكن اتخن تانى ويرمينى وممكن بيعمل كدا عشان خاطر امه وابوه
كارما بصى يا مريم انتى حافظى على نفسك لنفسك مش عشانه ولا عشان غيره دى حاجه ….. اما خۏفك الا ملوش اى لازمه دا كل الا حوالينا اكدو انه فعلا كان بيدور عليكى وهو ما يعرفش انك اتغيرتى كدا …… ولو هو عايز رضا ابوه وأمه وبيعمل المستحيل عشانهم .. دا دليل انه انسان نضيف وصادق فى مشاعره ….
مريم بتفكير طيب سبينى بس مع نفسى شويه وبعدان أقرر …..
مصطفى ها تفضل ساكت كتير
حسن كان نفسى ترجع معايا
مصطفى ها ترجع على فكره شكلها بتحبك
حسن لو بتحبنى كانت رجعت وقفلت كل الماضى انما دى بتتلكك عشان قربت منها الدنيا اتهدت انا جوزها ودا من حقى …… وكان ڠصب عنى
مصطفى قولتلك وفهمتك بالسياسه ومش ڠصب
حسن بعصبيه ڠصب عنى هو انتو كلكو مابتفهموش ليه وبحبها والله بحبها أعملها ايه دى عشان تفهم
مصطفى اهدى يا حسن فاهمين وعارفين بس كنت رايح تصلح علاقتك بيها مش تنيلها أكتر جاتك نيله
حسن الا حصل بقى علقولى المنشقه ولسا ابويا وامى انا عارف لو روحت من غيرها مش ها يرضو يكلمونى بردو
مصطفى استنى افتح الباب دا أكيد حمزه
حمزه حس حبيبى
حسن ليك وحشه يا كوماندا
مصطفى داخل ھجم جاتك نيله طب سلم
حمزه سلامات يا كبير
مصطفى بعد ايه خلاص خرجتنى من المود وبيقولها بتريقه
حسن لا كله الا مودك يا بيضا
مصطفى لا والنعمه فصلتونى خلاص