يوم الاجازه 1حكايات صافي هاني
البيت ده والأرض اللي وراه لو فضل عمر موجود هيبقى ليه نصيب
لازم أحمد يقتنع إنه يكتبه باسم كريم
حماتي قالت
سيبيها عليا
أنا كل يوم أوقع بينه وبين هبة
لحد ما يطلقها
وساعتها الواد هيبقى بعيد وخلاص
أنا حسيت الأرض بتميد بيا
ماكنتش متخيلة إن الموضوع أكبر من مجرد إهانة لابني
دي كانت خطة كاملة
أحمد وشه احمر من الغضب
قرب من أمه وقال
الكلام ده بجد
حماتي حاولت تنكر
وقالت
التسجيل متفبرك
ندى قالت بسرعة
أكيد هبة عملت فيه مونتاج
لكن عمه سعيد خرج من أوضة الضيوف
وكان ماسك موبايله هو كمان
وقال
وده كمان مونتاج
أنا سجلت من أول يوم شفتكم بتعاملوا عمر بالطريقة دي
فتح الفيديو
وظهر عمر وهو واقف في المطبخ بيبص على الفراخ
وحماتي بتشد الطبق من قدامه
وبتقوله
إوعى تلمس الأكل ده
إنت ملكش فيه
وبعدين حطت قدامه البطاطساية الباردة
عمر في الفيديو قال
أنا جعان يا تيتا
ردت عليه
اشرب مية وهتنام
أحمد وقع على الكرسي
وحط إيده على وشه
وبعدين قام مرة واحدة
وبص لأمه وقال
من النهارده مالكيش مكان في حياتي
ولف ناحية ندى
وقال
وإنتي خدي ابنك وامشي
مش عايز أشوف وش حد فيكم تاني
حماتي فضلت تصرخ وتعيط
لكن محدش رد عليها
لحد ما خرجت هي وندى من البيت
وأول ما الباب اتقفل
عمر جري على أبوه
وسأله بصوت كله خوف
إنت زعلان مني
أحمد نزل على ركبته وحضنه جامد
وقال
سامحني يا بطل
أنا كنت فاكر إني سايبك في أمان
وأقسم بالله محدش هيقدر يجرحك تاني
كنت فاكرة إن الحكاية خلصت
لكن وأنا بلم الموبايل من على الكنبة
لقيت رسالة جديدة وصلت لندى قبل ما تمشي بثواني
الرسالة كانت من رقم مجهول
ومكتوب فيها
الخطة فشلت
لازم تتصرفوا بسرعة قبل ما هبة تعرف الحقيقة اللي في ملف الأرض القديم
وقفت مكاني وأنا ببص لأحمد
لأن ملف الأرض القديم ده أنا عمري ما سمعت عنه