نادرة بقلم دعاء احمد

الجزء الاول

رواية نادرة قلبي بقلم دعاء أحمد..الجزء الأول.

نعم أنت اټجننتي يا مرات ابويا عايزانى أنا اتجوز دا بقا أنا نادرة بنت الحج موسى على سنة ورمح تتجوز حته صياد الصبح وميكانيكي اخر النهار ليه أن شاء الله بايرة ولا بايرة دا أنا عندي أموت ولا اتجوزه.

جليلة بسخرية وحب

يا اختي اللي يشوفك يقول أن في حد عجبك ولا في حد بيفضل معاكي بلسانك اللي عايز قاطعه دا يا بت ما تبطلي النفخة الكدابة دي دا مفيش عريس اتقدملك إلا ومشي من هنا وهو ناقص يولع في نفسه وبعدين تعالي هنا يا بت هو انتي تطولي تتجوز حسن أبو على دا نص رجالة الحي يتمنوه لبناتهم هو فيه زيه ولا فيه في جدعنته ورجولته مع الكل ويااختي مالهم الصيادين ابوكي نفسه كان صياد واشتغل لحد ما كبر وعمل اسمه.

ردت نادرة پغضب وعناد

برضو مش هتجوزه واللي يحصل يحصل انتي عايزة بنات الحتة يقولوا راحت في الاخر اتجوزت الكحيان دا وبعدين دا پيخوف يامرات ابويا وبعدين لو انتي عجبك اوي كدا جوزيه للبت بنتك هي أولى مني بيه.

جليلة قعدت جانبها على الكنبة ونادرة بتبص للبحر من البلكونه ومربعه ايديها أدامها

بصي يا نادرة يا حبيبتي انتي عارفة اني بحبك زي بنتي وأنا عمري ما فكرت فيك أنك بنت ضرتي يعلم ربنا اني بتمنالك الخير حسن جدع وراجل من ضهر راجل وهو لو بيشتغل كذا شغلانه فدا علشان هو متربي بجد ومش عايز في يوم يتذل علشان القرش الجدع دا بالذات لو لفيتي العالم كله مش هتلقي في جدعنته فكري فيها يا حبيبتي. وبطلي عناد علشان ابوكي من ساعة ماطفشتي العريس الاخير وهو مستحلفلك انتي فاهمة حسن هيجي بليل.

نادرة بغيظ مش هتجوزه يعني مش هتجوزه مش بعد ما رفضت دكاترة ومهندسين اتجوز حتة ميكانيكي.

جليلة بغيظ منها

والله الكلام معاكي حرام يا بت قومي قامت قيامتك دا الميكانيكي دا بنات الحي كلهم يتمنوله الرضا بس نقول ايه بقا نصيبه المهبب انه طلب ايدك انتي

شهقت نادرة بغيظ وحدة

نعم! هو يطول اصلا

جليلة بخبث

نادرة اوعي يا بت تكوني شايفاك شوفة كدا ولا كدا تبقى سنتك زفت أنا بقولك اهوه ابوكي مستحلفلك فعقلي كدا

نادرة بصتلها بتوتر وردت

شوفة ايه بس يا مرات ابويا انتي بس بيتهيالك كل دا عشان سي حسن بتاعك.

جليلة

على الله يكون دا السبب أنا هدخل اشوف البت زوبا جهزت العشا ولا لاء ابوكي زمانه على وصول

نادرة

ياريت برضو يا مرات ابويا قومي. .

في ورشة ميكانيكة بسيطة على أول الحي كان حسن تحت العربية بيصلح فيها عطل دخل الورشة عامر صاحبه وقال

حسن يا صياد جد الكلام اللي سمعته دا

خرج من تحت العربية ورد بجدية

سمعت ايه يا شئي سمعني

عامر قاله

أنت طلبت ايد نادرة بنت الحج موسي.

حسن قام وحط العدة على جنب ورد بجدية

و دا يزعلك في حاجة

عامر

يزعلني في حاجة أنت بتهزر يا أبو على بقا أنت عايز تتجوز البت أم لسانين دي زي القطط بس الشهادة لله بتيجي عندك وتبقى عاملة زي الكتكوت المبلول

حسن بجدية

نادرة! لا دا موضوع طويل عايز قاعدة طويلة وأنا مش فاضي ورايا شغل كتير في الورشة وبليل لازم اطلع على السويس عايزين نشتري شوية حاجات لزوم الورشة

عامر

طب ما تخليك أنت وانا بليل هروح واجيب الحاجة.

حسن بحدة

مينفعش لازم أنا اللي اروح لان البضاعة اللي عايزينها بمبلغ كبير وفيها تحويشة سنتين ونص الطريق مش أمان أنا هطلع على السويس اجيب الحاجة وعلى بكرا بليل هاجي أنت عارف أنا لسه بشطب الشقة بتاعتي ويادوب الفلوس اللي كانت معايا جهزت بيها ليلى اختي والحمد لله اتجوزت يعني لازم الم قرشي.

عامر بحب

متقلقش يا خويا أن شاء الله خير وبعدين ايه الجمال دا والله احلي عريس في الدنيا كلها

حسن ابتسم بسخرية

يا اخويا أنت والله ما فاهم حاجة

عامر

و الله أنت اختارت الغالية فتقل جيبك يا شق الشقاوة.

حسن

سيبها على الله

نادرة بتوسل وخوف

يا بابا أنا مش عايزاه اتجوزه أنا اتجوز دا ابوس ايدك يا أبا بلاش الموضوع دا وانا هن

قاطعها موسى پغضب وحدة

مش عايزه اسمع ولا كلمة أنا أديت للجدع كلمة وخلاص خلص الكلام يا بنت سنية

وبعدين ايه دلوقتي العرسان اللي اتقدمولك بقوا زي العسل ولا انتي فاكرة اني هسيبك تلعبي بينا زي الشوخشيخه كدا وكل يوم والتاني تتطفشي عريس لحد ما الناس بدوا يتكلموا عليك.

نادرة پغضب وتهور

هو الجواز بالعافية وبعدين مين سي حسن دا علشان أنا أرضا بيه دا حته ميكانيكي لا راح ولا جيه.

موسى بحدة

عال اوي يا نادرة بتعلي صوتك عليا لا بجد يا فرحة قلبي بيكي لا عرفت تربى يا موسى وبنتك كبرت وبقيت عامله زي الطور الهايج. بس لا يا مش هتمشي كلمتك عليا وخلي في علمك لو عملتي أي مصېبة زي كل مرة مش هرحمك من تحت ايدي يا نادرة فاهمة.

نادرة بغيظ حاولت تدارية

بس يا بابا أنا مبحبوش وبعدين دا ولا الطور الهايج بيمشي يضرب في الخلق كأنه فتوة والصراحة لما بشوفه صدفة في أي مكان ببقى عايزة اهرب ازاي اتجوزه

موسى بحنان

انتي متعرفيش حسن يا نادرة حسن ابن حلال وراجل بجد وياله بقا ادخلي اجهزي حسن وأمه هيجوا بعد العشا.

نادرة عضت على شفايفها پغضب وغيظ

حاضر يا بابا اللي تشوفه

موسى بتحذير

و أياكي يا نادرة اياكي تعملي أي مصېبة فاهمة

نادرة

حاضر حاضر. همست لنفسها بغيظ اصبر عليا يا حسن بقا أنا اتجوزك أنت.

دخلت اوضتها ورزعت الباب وراها پغضب لدرجة أن اختها اټفزعت مرجانه وبصتلها بضيق

انتي يا بنتي داخله زريبة بتقفلي الباب كدا ليه ما براحة يا ماما يا يطقلك عرق.

نادرة بغيظ

بقولك ايه أنا مش ناقصة نفسي

قعدت على السرير وربعت رجليها وهي بتفكر هتخلص منه ازاي.

مرجانة بخبث

نادرة. انتي. بت

نادرة بصوت عالي وعصبية

نعم. ايوة. عايزة ايه

مرجانه بخبث

مالك يا حبيبتي ايه اللي مضايقك ولا يكونش بابا فرسك بالعريس اتبطي بقا يا اختي

نادرة بضيق

بت متعصبنيش احسن والله هجيبك من شعرك وامسح بيكي بلاط الشقة.

مرجانة

تصدقي أنك هبلة يا نادرة اه والله هبلة بقا في واحدة يتقدملها واحد مز زي حسن الصياد وتبقى مكشرة كدا يا بت دا قمر والله قمر مشيته وهيبته وكلامه الموزون شهم وابن بلد واهو مفيهوش الحجج الفطسانة اللي بتطلعيها في العرسان اللي بتطفشيهم يعني لا بتاع امه ولا متدلع وملزق وقمر يا بت تصدقي والله العظيم انتي فقر اه والله هتفضل كدا طول عمرك والله حرام فيك الجمال دا كله يا بت فكري في الجواز واتدلع مع حد ابن حلال ويصونك أنا أكبر منك وعارفة

نادرة بدلال وهي بتضفر شعرها

و مين قالك اني مش عايزة اعيش حياة مع حد يحبني بس مش يوم ما أقع أقع مع واحد زي دا واحد هيفضل طول عمره فقير وكحيان يا بت أنا عايزة اعيش برا الحي دا في مكان تاني واشوف الدنيا مع حد تاني حد يبقى فاهم أن

متابعة القراءة
صفحة
1
/ 88
انت في الصفحة 2 من 88 صفحات

الحياة مش كلها التزامات وضغط. عايزه اكون ملكة يا بت مش خدامة ليه هو وأمه.

مرجانه بيأس

يا خۏفي منك ومن دماغك يا نادرة يا بنت ابويا خاېفة يجي اليوم اللي ټندمي فيه عيشي عيشة اهلك وبعدين انتي تعرفي حسن منين دا جدع مرضاش لاخته الپهدلة هيقوم يبهدلك انتي يا بنت الناس على العموم دوريها في دماغك وأن شاء الله هيحليها الحلال قومي بس دلوقتي ظبطي نفسك بلاش يا نادرة تعملي مشكلات انتي مش ناقصة ياله أنا لازم امشي دلوقتي

نادرة

تمشي ايه انتي هتسبيني لوحدي لا لا دا أنا قلت انتي موجوده معايا مرجانة خليكي معايا أنا مش هعرف اقعد معه لوحدي والله ما هعرف خليكي معايا.

مرجانة بقلة حيلة

معليش يا نادرة مش هقدر العيال في البيت لوحدهم وبعدين مټخافيش كدا ماما هتكون معاكي.

في نفس الحي في بيت بسيط جدا وصل حسن الصياد أدام البيت ركن الموتوسيكل بتاعه جانب البيت ودخل أبتسم بحب وهو بيفتح باب الشقة ندى على والدته وهو بيحط المفاتيح على التربيزة اللي جانب الباب حسن بود

يا أم حسن فينك يا ست الكل

خرجت دعاء من المطبخ وابتسمت بحب

أنا هنا يا حبيبي.

حسن ابتسم وراح ناحيتها لكن باين عليه الضيق

ممكن اعرف ليه قومتي من فرشتك يا أمي الدكتور قال لازم راحة.

دعاء بحب

يا حبيبي أنا بخير الحمد لله أنت عارف اني مبحبش كلام الدكاترة دا. وبعدين كنت بجهز لك العشاء أما

بقا عملتلك طاجن بامية هتاكل صوابعك وراه.

حسن مال عليها وبأس راسها

تسلم ايديك يا غالية بس برضو مكنش ينفع تقومي وبعدين أنا روحت فين يعني علشان تتعبي نفسك.

دعاء اتنهدت براحة وهي بتمرر ايديها على وجنته بحب

روح يا ابنى ربنا يديك على اد نيتك الحلوة ويسعدك يارب وتفرحني بيك يا حسن نفسي اشيل عيالك.

حسن

سبيها على الله وياله اقعدي بقا استريحي وانا هدخل اشوف الدنيا جوا وهكمل.

دعاء بسرعة

يا حبيبي أنت جاي من شغلك تعبان وبعدين هما طبقين هغسلهم والأكل خمسة ويجهز.

حسن ابتسم ومسك ايديها وخرجوا للبلكونة اللي بتطل على البحر

أنت تقعدي هنا معززة مكرمة وانا هدخل اعمل شغل المطبخ ياله بقا ريحي قلبي

دعاء بحب ممزوج بخبث

ربنا يريح قلبك يا أبو على طب اقعد يا حبيبي عايزاك في كلمه.

حسن

وادي قاعدة اتفضلي.

دعاء بخبث

نادرة!

حسن باستغراب وشك

مالها يعني

دعاء بمكر

من الاخر كدا البت عجباك بصراحة البت قمر اربعتاشر وجدعة بس لسانها طويل حبتين قولي عجباك

حسن بص لأمه بشك واستغراب

عايزاة توصلي لايه يا امي وبعدين احنا المفروض نكون عند الحج موسى كمان ساعة ونص يعني يادوب ادخل اشوف هعمل ايه واخد دش على السريع.

دعاء بخبث

ولا يا أبو على متلفش وتدور عليا البت لو مش عجباك ليه هتطلب ايديها.

حسن بجدية

سبيها على الله يا أمي وبعدين هو أنت شفتيهم وافقوا عليا.

مصمصت دعاء شفتيها

هما هيلقوا زيك فين يا ابني وبعدين دا أنت مية من تتمناك وأنا عندي احساس بيقول انهم هيوافقوا الحج موسى بيحبك زي ابنه.

حسن بابتسامة وهو داخل المطبخ

كله على الله صحيح أنا هطلع بليل على السويس في بضاعة هنشتريها وأن شاء الله هيجي من وراها خير ادعيلي انتي بس.

دعاء بحب

دعيالك يا ابني والله دعيالك في كل فرض ربنا يسعدك يا ابني يارب وتنول بنت الحلال اللي تريح قلبك يارب

بعد ساعة إلا ربع خرج من المطبخ بعد ما جهز كل حاجة كان حاسس بتعب لانه بيخرج من الفجر للشغل في البحر في صيد السمك مع الصيادين ويرجع الساعة واحدة يروح ورشة الميكانيكية بتاعته حسن لنفسه

اصبر يا أبو على الرزق كتير بس للي يصبر.

يا أم حسن الاكل جهز ياله علشان نتعشى سوا.

دعاء دخلت ولقيته جهز السفرة شد الكرسي ليها وابتسم بخفة

ياله

بعد مرور وقت كان واقف أدام المرايه في اوضته لكن وسيم وسيم جدا لابس قميص كحلي وبنطلون جينز اسود حط ايديه في جيبه وافتكر نادرة وطريقتها ولسانها الطويل اللي بيسمع عنه لكن حقيقي لسه مسمعوش يمكن لأنها بتقصد تمشي من أي مكان هو فيه نادرة أسمها جميل ومميزة هي فعلا نادرة تركيبة من الشقاوة والدلع. غمض عينيه پغضب وهو بيقعد على الكرسي في نفس الوقت دخلت والدته وهي بتبخر الأوضة

بسم الله الرحمن الرحيم ربنا يحفظك يا ابني من كل عين تشوفك ولا تصليش على النبي

حسن بهدوء

عليه أفضل الصلاة والسلام جهزتي يا أمي

دعاء اه يا حبيبي.

حسن

على بركة الله ياله بينا علشان منتاخرش عليهم. .

في بيت الحج موسي نادرة كانت قاعدة على السرير وهي بتتكلم في الموبيل بصوت واطي

انتى اتهبلتي يا نغم ولا عقلك ضړب بقولك قال ايه عايزني أوافق اتجوز حسن الصياد وأنا مش عارفه هخلع من ابويا ازاي دا كأنه ماصدق انه يخلص منك

نغم بضحك

و الله عنده حق يا بت هو انتي مش ملاحظة أن لسانك بقا متبري منك لا صحيح هتلاحظي ازاي ما انتي كدا من زمان بس انتي هبلة بقا في واحدة عاقلة ترفض حسن والله تبقى عبيطة يا نادرة الجدع زي القمر يا اختي ياريته طلب ايدي أنا كان زماني موافقة دلوقتي حالا.

نادرة بغيظ

تصدقي انك بني أدامك ساقعه يا نغم مش بحبه مش بحبه يا ناس وبعدين أنا بسمع انه مفتري مشفتيش ازاي ضړب فريد.

نغم بحدة

آه قوليلي بقا دا الموضوع فيه فريد ابن البهوات بت يا نادرة اوعى يكون في حاجة بينكم.

نادرة بابتسامة

مفيش غير كل خير وبعدين فريد جدع مالو هدومه كدا ومز في نفسه وبعدين أنا من ساعة الخناقة اللي حصلت لما حسن ضړب فريد في المينا وانا مش طايقه

نغم بجدية وتحذير

انتي اتهبلتي صح نادرة فوقي يا ماما فريد دا مدلع وبتاع بنات ولو قال لواحدة كلمتين

حلوين يبقى عايز منها حاجة وأنتي يا حبيبتي اكيد مجتيش معه سكه فقال يلعب عليك فاعقلي كدا وبعدين حسن لا يمكن يضرب فريد إلا لما يكون عمل مصېبة اسمعي مني أنا

نادرة

لا بقولك إيه أنا أصلا مش طايقة اسمع أسمه فسكتي أحسن

نعم بغيظ

طب يارب يارب يا نادرة تتجوزيه علشان يعلمك الأدب وأن الله حق وبكرا الأيام تدور وتعرفي سي فريد على حقيقته سلام

نادرة بغيظ

سلام يا بومة وبرضو مش هتجوزه. يا أنا يا أنت يا حسن

حسن وصل بيت الحج موسى مع والدته اللي كانت مبتسمة وفرحانه له وبتدعي أن ربنا يتممله على خير لأنها أكتر واحدة عارفة أن إبنها راجل بجد وتعب في حياته يستاهل واحدة بنت أصول تحبه وتكمل معه حياتها.

الحج موسى خرج وسلم عليه

اتفضل يا حسن اتفضلي يا حجة.

جليلة بترحيب

اهلا وسهلا ازايك يا أم حسن

دعاء بود

بخير يا حبيبتي وأنتي أخبارك ايه وأخبار مرجانة ايه وحشتني والله.

جليلة بطيبة

بخير الحمد لله اتفضلوا يا جماعة مش هنتكلم على الباب

حسن اتنحنح بنبرة عالية وهو بيدخل مع الحج موسى

جليلة

تعبت نفسك ليه يا على مالوش لزوم يا ابني.

حسن بابتسامة

دي حاجة بسيطة يا خالتي.

قعدوا في الصالون وجليلة قامت تدخل المطبخ علشان تعمل الشاي لكن لقيت نادرة واقفة وراء الستارة وهي بتراقبهم في صمت.

جليلة بحدة

بتعملي ايه هنا يا

متابعة القراءة
صفحة
2
/ 88
انت في الصفحة 3 من 88 صفحات

بت ادخلي جوا أبوكي لو شافك.

نادرة بمقاطعة وضيق وهي بتدخل وراها المطبخ

هكون بعمل إيه بتفرج على عريس الغفلة.

جليلة بغيظ

لسانك هيفضل طول عمرك متبري منك يا بنت سنية ربنا يكونوا في عونه

نادرة هزت كتفها بدلال وشقاوة

دا أنا حته ملبن يا مرات ابويا هو يطول.

جليلة بطيبة

ربنا يسعدك يا نادرة وتتهني يارب بس بلاش عند وحياة أبوكي اهدي على نفسك

نادرة

و الله أنا مضربتوش على ايديه أنا كدا ومش هتغير.

جليلة

ماشي يا أختي ياله عشان انتي اللي هتقدمي العصير.

نادرة بضيق

يشربوا قهوة سادة على روحه البعيد.

جليلة بخبث

بكرا نشوفك يا نادرة عدي الليلة على خير.

نادرة

هاتي الصنيه خلينا نخلص

في الصالون حسن كان قاعد بهدوء وملامحه هادية جدا فيها من الهيبة والهيمنة اللي يخلوه مميز

حسن بجدية

شوف يا حج موسى أنت عارف أنا مبحبش اللف والدوران أنا طالب ايدي بنتك نادرة.

الحج موسى بابتسامة جادة

و أنا مش هلاقي لبنتي أحسن منك يا أبو على وبعدين دا أنت تربيتي.

حسن بجدية

بس اللي أوله شرط آخره نور يا حج شوف طلبتكم وأنا ربنا يقدرني واللي تطلبه أنا سداد.

الحج موسى بود

شوف يا ابنى أنا عايز راجل لبنتي جدع ابقي مطمن عليها وهي معه وأنت مجدع إنما موضوع الشبكة والمهر والماديات دي كلها متشغل بالي دا أنا هستئمنك على بنتي يبقى الفلوس أمرها هين وبعدين مش ابن الصياد اللي حتة ورقه هي اللي هتخليه يتعامل مع أهل بيته كويس.

حسن ابتسم بود واتكلم بصراحة

بس الحق ميزعلش يا حج أنا بجهز شقتي دلوقتي وان شاء الله شهرين تلاتة وتكون جاهزة

شوف أنت جاهز امتى وتيجي تتفرج على الشقة ولو في أي حاجة أنا إن شاء الله هظبطها.

الحج موسى

يبقى على بركة الله

حسن

نقرأ الفاتحة.

نادرة خرجت وبصت له بضيق وحطت العصير على التربيزة دعاء بسعادة وهي بتحضن نادرة

بسم الله ماشاء الله زي القمر.

نادرة بابتسامة

تسلمي يا خالتي اتفضلي العصير

حسن كان بيتابعها وملامحه خالية من أي مشاعر أو سعادة لكن كان مركز في كل تفصيلة صغيرة حركة ايديها وارتباكها

نادرة بحدة

في حاجة يا هندسة

جليلة بسرعة

احم نورتي يا أم حسن مش نقرأ الفاتحة بقا ولا ايه يا جماعة

نادرة بغيظ

استغفر الله العظيم يا جماعة اصبروا مستعجلين ليه مش يمكن الهندسة عنده رأي تاني ولما نتكلم يغير رأيه. ها يا هندسة ايه رايك

سالته بخبث وحطت ايديها على خدها بخفة وهي بتقرب منه ولسه قاعدة جانب جليلة على الانترية. حسن ابتسم بخبث وقرب وشه ناحيتها بخبث لدرجة انها كانت أدامه

و أنا موافق جدا.

نادرة كانت بتبص له عن قرب لأول مرة لأول مرة تركز في عيونه البني لدرجة خليت حست يبتسم بخبث. حست أنها متغاظه منه ومن ضحكته اللي بتزيده وسامة بعدت وهو كمان بعد دعاء وجليلة بصوا لبعض بسعادة لأولادهم

جليلة

طب ايه يا حج مش نسيب الولاد يتكلموا شوية سوا ولا ايه

الحج موسى بتوتر وخوف من

أفعال بنته اللي بتطفش العرسان بيها وسكت وهو بيبص لنادرة بتحذير

دعاء

أحم طب يا حج موسي خلينا احنا نخرج نتكلم في التفاصيل ولا ايه

الحج موسي

طب اتفضلي.

بص لنادرة قبل ما يخرج وكأنه بيحذرها. خرجوا من أوضة الصالون وفضل حسن ونادرة.

حسن بجدية وثقة

ها يا نادرة اتفضلي عايزة تعرفي عني ايه واهو بقينا لوحدنا.

نادرة بجدية

شوف يا جدع أنت أنا مش موافقة على الجوازة دي فبهدوء كدا ومن غير شوشرة تطلع تقول لابويا أنك مش طايقني وإني متعشرش ومفيش قبول بينا.

حسن بصلها باستغراب وابتسم بتسلية

طب ما تطلعي تقوليه انتي ولا لسانك القطة كلته يا بيضة

نادرة بصتله بغيظ وطلعت لسانها

لساني اهو وبعدين أنا مش ناقصة ۏجع دماغ أنت فاهم يا حيلتها تطلع وتقوله كدا

قالتها وهي بتشوح بايديها

حسن بسرعة مسك ايديها بحدة واتكلم وهو بيضغط على كل حرف بحدة وعصبية

شوفي يا بنت الناس أنا في رجالة بشنات لما بيقفوا معايا وكل كلمة بتخرج منهم بتكون بحساب

مش في الاخر حتة عيلة زيك تعلي صوتها وتشوحلي فاهمة.

نادرة بغيظ وخوف

ايدي بتوجعني ولا فاكر أني هخاف منك.

حسن بحدة

اتكلمي عدل وبعدين لو حابة تقولي حاجة أو ترفضي أبوكي قاعد برا اتفضلي.

نادرة بضيق

بس أنا لو قلتله مش هيوافق هو أنا مش طايقني.

حسن بابتسامة

ما انتي اكيد بتعملي مشكلات

نادرة بسرعة

لا على فكرة هو اللي مش بيحب يسمع صوتي بيقول اني راغية أوي.

حسن

فعلا عنده حق.

نادرة

لا بقولك ايه أنت هتصاحبني شكرا اوي كدا بعد اذنك.

قامت وخرجت من الأوضة وهو ابتسم تلقائيا لأنه عارف أنها طيبة بعد دقايق كانوا قاعدين كلهم بيقروا الفاتحة خلصوا وجليلة زرغطت وهما بيباركولها

نادرة

خالص يا مرات ابويا مش فرح العمدة هو دي يدوب قراية فاتحة.

جليلة بصيق وهمس

لمى لسانك.

حسن

خالص يا حج أمشي أنا وبكرا أن شاء الله نتقابل بعد المغرب تيجي افرجكم على الشقة.

موسي

على بركة الله يا حسن. .

بعد مدة حسن رجع البيت هو ووالدته اللي كانت فرحانة له اخدت الدواء بتاعها وحسن أطمن أنها نامت وخرج من البيت. نزل الحي لقى عامر صاحبه قاعد على القهوة بيلعب شطرنج مع والده ابتسم وهو بيروح ناحيتهم.

عامر

مساء العنب ايه الأخبار يا برنس.

حسن شد كرسي له وقعد جانبهم

شاي تقيل يا عبود.

عبود

من عنيا وعندك كوباية شاي لاجدعها اسطي في المنطقة.

عامر

ها يا أبو على عملت ايه أنا سامع الزغاريط من هنا.

حسن

قرينا الفاتحة وبكرا إن شاء الله هاخدهم يتفرجوا على الشقة

والد عامر

الف مبروك يا أبو على وأن شاء الله تكون وش السعد عليك.

حسن بجدية وحب

الله يبارك فيك يا راجل يا طيب.

عبود

الشاي ياسطى حسن.

تسلم يا عبود.

عامر حس أن حسن مشغول وبيفكر في حاجة

مالك يا حسن دماغك خدتك لفين

حسن

و لا حاجة موضوع كدا شاغلني بس على الله المهم أنا لازم أطلع دلوقتي على السويس وان شاء الله هرجع بكرا العصر أنا كلمت واحد من المينا هناك وهو جهز البضاعة اللي محتاجينها دي مفاتيح الورشة الصبح بدري تعدي على أمي تشوفها لو محتاجة حاجة وابقى افتح الورشة

بدري يا عامر بدري.

حسن

أنا لازم اتحرك دلوقتي سلام يا عمي.

والد عامر

روح يا ابني اللهي يكرمك ويرزقك من الوسع على اد تعبك.

في صباح اليوم التالي نادرة صحيت بدري قبل مرات أبوها جهزت نفسها بسرعة وخرجت من البيت قبل ما حد يشوفها كانت في طريقها للمينا بعد ربع ساعة وصلت للمينا وسط المراكب الكبيرة كان فريد قاعد مع صاحبه مازن وهو بيضحك ويهزروا أول ما شاف نادرة ابتسم بخبث وصاحبه لاحظ وبص لبعيد شافها وصفر بإعجاب.

يخربيت اوعي تقول أنك قدرت توقع المزة دي.

فريد بخبث

عيب عليك دا أنا فريد الأسيوطي يعني مفيش واحدة تقولي لا بس نادرة غيرهم تقيلة وملهاش في الشمال محتاجة تخطيط المهم اخلع أنت دلوقتي.

مازن بخبث

المهم لو وقعتها متنساش حبيبك.

فريد ضحك بخبث وهو بيبص لنادرة بإعجاب لأنها جميلة جدا شعرها الأصفر عيونها بني داكن ملامحها غربية جميلة جدا

فريد

طب اخلع أنت.

مازن مشي وفريد قام من مكان وراح لها

وحشتيني على فكرة

نادرة بحدة

لا وحشتك ولا وحشتني اتفضل الخاتم بتاعك اهو وانسى اللي بينا خالص خلصت.

فريد بسرعة واستغراب

نادرة في ايه هو أنا ضايقتك في حاجة.

نادرة

لا يا فريد بس أنا اتقرا فاتحتي وامبارح

متابعة القراءة
صفحة
3
/ 88
انت في الصفحة 4 من 88 صفحات

كلمتك كذا مرة وحضرتك مردتش عليا بعد اذنك.

فريد

مسك ايديها بسرعة وشدها لمكان بعيد عن عيون الناس ممكن اعرف في ايه ومين دا اللي اتخطبتي له

نادرة

هو دا كل اللي همك عايز تعرف أنا اتخطبت لمين لحسن الصياد ابويا راسه والف سيف اتجوزه وأنت مجتش تتقدملي يبقى كل واحد فينا يروح لحاله وأن كنت فاكر أني بلين بخاتم تبقى غلطان أنا نادرة بنت الحج موسى يعني يوقف المينا كلها على رجليها وأن كنت جيتلك لحد هنا فدا عشان كنت باقيه على بينا لكن شكلك كدا بتلعب بيا سلام.

فريد بمكر

ما عاش ولا كان اللي يجيب سيرتك على لسانه طول ما أنا فيا الروح يا قلب فريد وبعدين أنت هتبقى مراتي واحنا مبنعملش حاجة غلط.

استغل سكوتها وهو بيحاول يقرب منها لكنها زقته بعيد عنها

فريد أنا همشي سلام ومتتصلش بيا تاني.

فريد بخبث

قلبك هيطوعك تمشي يا نادرة والله دا حتى حرام أنا ملحقتش اشبع من القاعدة معاكي.

نادرة

بطل الطريقة دي أنا مش عيلة صغيرة وخالص أنا هتخطب لواحد تاني.

فريد بشړ وكره واضح لحسن مش هيحصل يا نادرة والزفت اللي اسمه حسن دا مش هيطول منك شعره انتي فاهمة.

نادرة بصتله واستغربت الشړ الموجود في عينيه وكأن في عداوة قديمة بينه وبين حسن الصياد فريد قرب منها ومسك ايديها بقوة واتكلم پغضب

حسن مش هيطول منك حاجة أنت فاهمة يا نادرة على چثتي أنك تكوني له الميكانيكي دا

نادرة پخوف

مالك يا فريد أنا أول مرة اشوفك كدا أنا عارفة انك بتكرهه من وقت ما ضړبك بس اكيد في سبب انه يعمل كدا وليه پتكره كدا فريد اوعي تعمل حاجة تاذيك الله يرضى عليك

أنت اټجننت ازاي تعمل كدا مين سمحلك تقرب مني كدا.

فريد بحدة

نادرة حسن مش هيطول منك حاجة انتي فاهمة دا نهايته على أيدي واوعي تفتكري اني هسيبك له انتي بتاعتي أنا.

نادرة پغضب

أنا لازم امشي ومتكلمنيش تاني.

سابته ومشيت وهي متضايقة لأول مرة من نفسها ومن حسن لأن واضح إن في عداوة بينه وبين الشخص اللي هي بتحبه. فريد بصلها وفجأة طلع موبايله وكلم واحد من صبيانه

ايوة يا ابني عملت ايه في اللي طلبته منك ابن الصياد لسه فيه النفس يعني اتفقنا كان أنك تخلص عليه.

يا فريد بيه متقلقش أنا مرتب كل حاجة النهاردة هتسمع خبره أنا متفق مع الرجالة اللي هينفذوا معايا عرفت خط سيره وهو هيجي النهاردة من السويس معه بضاعة بالشي الفلاني احنا أولي بيها نخلص عليه وناخد منه الحاجة.

فريد

المهم يوصلني خبره النهاردة أنت فاهم.

من عنيا يا باشا

فريد قفل الموبيل وحطه في جيبه

ماشي يا حسن يا صياد تستاهل اللي يحصلك علشان تبقى تعمل فيها راجل اوي.

في طريق السويس وقت اذان العصر حسن كان راكب عربية نقل كبيرة بيسوقها في طريقه لاسكندرية للورشة بتاعته لكن فجأة على صوت ضړب الڼار حواليه والعربية اختل توازنها بسبب أن الړصاص. حسن بسرعة حاول يضبط حركة العربية وقفها ونزل من العربية وقبل ما يتحرك جيه شخص من وراه وحاول يضربه على دماغه بالشومة لكن بسرعة بعد عنه ولف لسه كان بيحاول يتفادي ضربات الشومة اللي كانت بتنزل في الهواء وبسرعة مسك العصاية منه وشدها. الشاب بصلها پخوف وحسن قربه منه

مين اللي بعتك يالا. انطق.

لكن الشاب فضل ساكت من الخۏف حسن رمي الشومة ومسكه من باقة قميصه وضربه بالبوكس

انطق يا روح امك مين اللي بعتك

لكن قبل ما يتكلم في شخص ضړب حسن من ضهره بالمطوة. حسن بأن على ملامحه الۏجع وهو لسه ماسك في الشاب وقع على الأرض وقميصه كله ډم

ياله يا ابني خد العربية

دي وتخفيها وسيبه هنا لحد ما يتصفي وېموت واوعي ليدك تتمد على الحاجة اللي في العربية لحد ما اكلمك.

الشاب بصله وهز راسه بمعنى اه وبص لحسن اللي واقع على الأرض وپينزف وبدون تفكير ركب مكان حسن واخد العربية ومشي بسرعة حسن حاول يقوم لكن الضربه كانت قوية وبدا يفقد الوعي.

في صباح يوم جديد نادرة صحيت على صوت جليلة اللي كانت بتزعق فيها قامت وفتحت عينيها بكسل وبصوت ناعس

في ايه يا مرات ابويا على الصبح حد يصحى حد كدا.

جليلة بزعيق

انتي لسه نايمة وابوكي من قبل الفجر برا البيت يخربيت كده.

نادرة اتعدلت وقعدت على السرير بفزع وخوف على ابوها

ابويا اوعي تكوني طفشتيه يا جليلة الراجل مش حملك.

جليلة بغيظ استغفر الله العظيم انتي ايه يا بت معندكيش عقل ابوكي في المستشفى حسن في بلطجية طلعوا عليه امبارح وضړبوه على طريق السويس وسرقوا العربية المفروض امبارح كانوا يجي المغرب علشان يفرج ابوكي على الشقة بس ولاد الحرام بقا.

نادرة

استر يارب طب هو عامل ايه دلوقتي

جليلة قعدت جانبها على السرير

ابوكي بيقول أنهم نقلوا له ډم ولولا ستر ربنا في عربية كانت على الطريق وشافوه والإسعاف أخذته للمستشفى ربنا يكون في عون أمه والله ما يستاهل اللي بيحصل فيه دا

نادرة سكتت وافتكرت ټهديد فريد ليها وحسيت بالخۏف أكتر من أنه يكون له يد في اللي حصل لحسن لكن فاقت على صوت جليلة

روحتي فين يا نادرة

نادرة بسرعة

مفيش يا مرات ابويا بس أنا اقصد إحنا لازم نروح المستشفى نطمن. لازم نكون مع والدته ونشوف لو احتاجت حاجة.

جليلة بابتسامة وود

طول عمرك قلبك ابيض ياله قوم اجهزي وانا هجهز ونروحلهم.

نادرة

طب خدي الباب معاكي.

جليلة خرجت من الأوضة وقفلت الباب وراها لكن نادرة فضلت قاعدة بتفكر في السبب اللي ممكن يوصل فريد أنه يعلم كدا لكن قلبها بيكدب أنه ممكن ياذي حد كدا

نادرة لنفسها

انتي هبلة فريد ميعملش كدا وبعدين دا اكيد غار من حسن لأنه طلب ايدي مش أكتر فريد ميعملش كدا آه يا دماغي منك لله يا حسن ياريتني ما شوفتك. اللهي يا بعيد يوقعك في واحدة توقعك على بوزك كدا وتحبها وتبعد عن اللي خلفوني.

قامت واخدت هدومها وخرجت للحمام

بعد نحو ساعة وصلوا المستشفى اللي حسن اتنقل ليها طول الوقت نادرة كانت بتفكر في كلام فريد وأنه ممكن يكون هو اللي عمل كدا في حسن دخلوا المستشفى وطلعوا الأوضة اللي موجود فيها لقوا الحج موسى ووالدة حسن وأخته تبارك وصاحبه عامر كانوا واقفين أدام الأوضة. دعاء قاعدة على الكرسي پتبكي وقلبها ۏجعها على إبنها الوحيد نادرة لما شافتها حسيت بالحزن عليه.

موسى بجدية

نادرة إيه اللي جابك هنا

جليلة

أنا اللي جبتها معايا هو أخباره ايه يا حج

عامر بجدية وحزن

الدكتور بيقول أن حالته دلوقتي مستقرة وانهم عملوا له الازم

نادرة بسرعة

طب هو اللي حصل دا حصل ازاي

عامر

شوية بلطجية طلعوا عليه وهو جاي من السويس وسرقوا العربية بالبضاعة اللي فيها وسابوه دمه يتصفي على الطريق لولا ستر ربنا في عربية شافته وطلبوا له الإسعاف لسه في عمره باقية.

نادرة بتهور متعرفش مين اللي عمل كدا يا عامر

عامر استغرب طريقتها لكن هز رأسه بمعنى لا.

جليلة قعدت جانب دعاء وربتت على كتفها بود

متقلقيش عليه يا أم حسن إبنك هيقوم منها ربك مبيناسش حد وحسن طيب وابن حلال تعالي

متابعة القراءة
صفحة
4
/ 88
انت في الصفحة 5 من 88 صفحات

نصلي في المسجد بتاع الحريم نصلي ركعتين الله وادعيله.

دعاء دموعها نزلت نادرة بصتلها بتاثر وحزن وهي قامت مع جليلة وتبارك ونزلوا المسجد.

الحج موسي

أنا هروح اشوف الدكتور وهساله عن حالته.

عامر

خدني معاك يا حج.

الاتنين مشيوا وراحوا للدكتور نادرة فضلت واقفه أدام الأوضة لوحدها وهي حاسة بالذنب أن يكون ليها يد في اللي حصل له. قربت من الباب حطيت ايديها على المقبض وهي بتاخد نفس عميق دخلت وقفلت الباب وراها. كان نايم على السرير وفي أجهزة متوصلة بجسمه سحبت كرسي وقعدت جانب السرير وهي بتبص له بحزن.

نادرة پغضب

ايه حكايتك يا حسن شكلك مش ناوي على خير أنا كان مالي بيك اهو أنت بتتاذي وأنا ممكن أكون السبب ياترى ايه حكايتك الكل بيقولوا عليك أبن أصول يبقى لو عندك ډم سبني لأن أنا لا طايقاك

ولا طايقه نفسي ما هو مش معقول أنا اتجوزك أنت. زمان ابويا اتجوز أمي وكانت الزوجة التانية الكل قالوا أنها ست شرانية وعملت مشكلات لمرات ابويا كتير بس أنا كنت صغيرة اوي ومشوفتهاش. اكيد كانت شرانية لأن ابويا عمره ما حبها هو لو كان حبها شوية صغيرين بس كان ممكن تكون كويسة وميطلقهاش طلقها وسابها وهي ماټت وأنا كنت لوحدي اه مرات ابويا حبتني لكن أي واحدة كانت بتحتاج أمها. عشان كدا مش عايزة اتجوزك أنا عايزة حد يحبني وأحبه يمكن الحب يكون شفيع ليا عنده وميسبنيش. أنا متأكدة أنها كانت پتتوجع لما هو يسيبها ويرجع لمراته اللي بيحبها عشان كدا يمكن بقيت شرانية هي الله يرحمها مهما عملت هتفضل أمي وهفضل احطلها مبررات بس أنا مش عايزاه اعيش حياتها وۏجعها.

غمضت عينيها بحزن وۏجع افتكرت والدتها اللي ماټت وهي عندها أربع سنين. اتنهدت وابتسمت بهدوء

أنا همشي بدل ما حد يدخل وساعتها مش هخلص من كلامهم.

خرجت من الأوضة وقفلت الباب وراها وهي بتدعي أن فريد ميكنش ليه دخل في الموضوع

بعد خمس ساعات حسن بدأ يفوق وهو حاسس أن جسمه مشلۏل عن الحركة واحساس الۏجع فوق طاقته دعاء كانت قاعدة على الكرسي جانبه بتقرا في المصحف لحد ما سمعت صوت همهماته قامت بسرعة وراحت ناحيته. بلهفة

حسن أنت سمعني يا حبيبي قوم يا أبو على البيت من غيرك وحش اوي.

حسن بصوت مرهق وعدم ادراك هو. العربية. نادرة

دعاء

نادرة. فوق يا حسن عشان خاطري يا حبيبي قوم.

حسن كان في عالم تاني وهو بيحاول يجمع ويفتكر اللي حصل لكن المخدر اللي الدكاترة ادهوله كان قوي مخليه في حالة أنه مش حاسس باللي بيحصل والدته خرجت بسرعة من الأوضة وهي بتدعي ربنا پخوف ولهفة وۏجع بعد دقايق رجعت مع الدكتور اللي دخل بسرعة وبدا يعمل لحسن الازم.

بعد ساعة تبارك كانت قاعدة جانب حسن اللي نايم على السرير فاق لكن حاسس بالالم وساكت بطريقة خۏفت الكل.

تبارك

حسن أنت متأكد أنك كويس اطلب الدكتور.

حسن ابتسم بإرهاق ورد عليها

متقلقيش يا حبيبتي أنا بخير الحمد لله اومال هو عامر فين

دعاء بجدية

برا الدكتور قال مينفعش يبقى في كذا في الاوضة وفي ناس كتير من المنطقة برا عايزين يطمنوا عليك والحج موسى الله يديله الصحة مسبناش لحظة من أول ما عرفنا اللي حصل وكمان نادرة بس لسه ماشية من شوية مع جليلة

تبارك بحب

الناس كلهم بيحبوك يا أبو على.

دعاء پقهر

ربنا ينتقم منهم اللي ميعرفوش ربنا اللي عملوا كدا ويوجع قلبهم زي ۏجع قلبي عليك يا ابني.

حسن بإرهاق

عايز عامر. خلوه يدخل.

دعاء

حاضر يا حبيبي بس أرتاح تعالي يا بنتي نخرج ونسيب اخوكي يرتاح

تبارك

حاضر يا ماما.

الاتنين خرجوا وحسن غمض عينيه بإرهاق وتعب لحظات والباب اتفتح وعامر دخل الأوضة وهو مبتسم.

حمد الله على السلامة يا جدع كدا تخضنا عليك.

حسن

عمر الشقى بقى تعالي يا عامر.

عامر قرب وقعد على الكرسي جانب السرير

ايه اللي حصل يا أبو على مين العيال دول

حسن بتعب

سيبك من العيال دول دلوقتي أنا هعرف اوصلهم المهم دلوقتي تطلع على. محروس هيكلمك ويوصلك للعربية تاخدها وتطلع على المخزن بتاعنا وتحطها في المخزن وتقفل كويس المفاتيح في البيت عندي روح خدي المفاتيح من هناك

عامر بعدم فهم

مش فاهم حاجة عربية ايه اللي محروس هيوصلني ليها

حسن بضيق

فتح مخك معايا يا عامر عربية البضاعة قولتلك قبل كدا أن البضاعة دي حاطط فيها تحويشة سنتين ونص كنت عامل حذري أن ممكن يحصل أي حاجة على الطريق وقتها جيه على بالي انقل البضاعة للعربية تانية والحمد لله اللي كنت عامل حسابي ومحروس وصل البضاعة لحد إسكندرية واكيد مستني حد مننا يكلمه علشان ياخد الحاجة.

عامر

تصدق كان بيرن عليا من قيمة ساعتين بس الموبيل بتاعي فصل شحن أنا هروح دلوقتي شقتك وهاخد مفاتيح المخزن واطلعله طب والعربية النقل اللي العيال دول سرقوها

حسن

العربية دي بتاع الحج خليل يعني أول ما الحرامي يعرف أن مفيش بضاعة فيها وانها عربيته هيخاف ويسيبها في أي حته واحتمال كمان يبلغ عنها البوليس علشان يوصلولها لكن مش أنا اللي بسيب حقي والعيال دول أنا هوصلهم أول ما أقوم.

عامر

ماشي يا كبير أنا

هعمل كل اللي أنت عايزة بس ارتاح.

حسن

أعمل بس اللي قولتلك عليه والورشة مش عايزها تتقفل يا عامر وتفتح من بدري دا أكل عيش ورزق.

عامر

متقلقش أنا موجود لحد ما أنت تخرج سلام يا صاحبي.

حسن

سلام

عامر بمكر

صحيح نادرة كانت هنا بيضالك في القفص.

حسن ابتسم ورد بحدة

اخرج يا عامر أنا مش فايقلك

عامر بشقاوة

ماشي يا عريسنا. .

في الكبارية فريد كان قاعد على البار وقاعد جانبه مازن صاحبه

فريد پغضب

هات كأس يا ابنى

مازن باستغراب

فريد مش كدا أنت شربت كتير النهاردة كفاية كدا وخلينا نمشي

فريد بحدة

عايز تمشي أنا مش مسكك اتفضل أنا لسه قاعد.

مازن

طب فهمني بس حصل ايه لدا كله

فريد

الزفت اللي أسمه حسن الصياد لسه فيه النفس العيال اللي بعتهم قالوا انهم سابوه بيفرفر لكن في ناس لحقوه وودوه المستشفى ولسه عايش ابن الجنينة وغير كدا العربية اللي كان جاي بيها فاضية ومفيهاش بضاعة ولا حاجة.

مازن

كل دا علشان المزة اللي أسمها نادرة يا عم ما الحريم كتير أدامك اهم شاور على أي واحدة منهم وهتكون زي الخاتم في صباعك دا أنت فريد الأسيوطي ابن الأسيوطي باشا برضو يعني مفيش واحدة تقولك لا

فريد بحدة

انتي غبي أنت كمان هو أنت فاكر أن نادرة هي السبب منكرش انها عجباني اوي وانها جامدة لكن الموضوع مش بس نادرة حسن الصياد حسابه تقيل معايا ولازم اخلصه ومش هرتاح إلا لما اذله

و اخليه مسخرة في وسط الخلق أو اقتله واخلص منه.

مازن بجدية

طب ما هي سهلة اهيه يا معلم سيبك من الډم خالص وفكر فيها من ناحية تانية. يعني مثالا نادرة مش هي بتحبك لو خليتها تبقى معاك وفي نفس الوقت معه تقدر وقتها تذله وتخليه لامؤاخذه

فريد ابتسم بشړ وخبث

بس الموضوع محتاج تفكير لان نادرة مش سهلة كدا بس قلبها هيخليها تعمل اللي هي عايزاه وربي نهايتك هتكون على أيدي يا حسن.

مازن بتحذير

بس خلي بالك حسن مش سهل ولا عبيط بالعكس

متابعة القراءة
صفحة
5
/ 88
انت في الصفحة 6 من 88 صفحات

دا يقدر يوقع نادرة دي في يومين مش زيك قعدت سنة بتلعب عليها عشان توقعها

فريد

علشان كدا بقولك لازم تفكير. .

اليوم التاني دخلت بنت جميلة المستشفى لابسه فستان ازرق واصل بعد الركبة وحطه على كتفها شال أسود طلعت لاوضة حسن بعد ما سالت في الاستعلامات وكان باين عليها الخۏف عليه واللهفة. خبطت الباب وهو سمحلها بالدخول دخلت سمارة وهي مبتسمة بسعادة

سمارة

أبو على. ازايك يا حسن

حسن بجدية وهو بيحاول يعدل المخدة وراه

بخير الحمد لله.

سمارة بسرعة

خلي عنك يا حسن

قربت بسرعة وعدلت المخدة له وهو مش مركز معها وبالتحديد بيتجاهل قربها منه

سمارة

أن شاء الله اللي يكرهوك كلهم يا حسن وانت لا حصل ازاي دا

حسن

موضوع كدا وان شاء الله هيتحل بس أنت ايه اللي جابك يا سمارة ليه تعبتي نفسك

سمارة بسرعة

و أنا أقدر اعرف حاجة زي دي ومجيش يا حسن طب تيجي ازاي دي بس يا حسن أنت متعرفش غلاوتك عندي. اقصد عندنا

حسن

أنا بخير الحمد لله.

سمارة پخوف وحزن

هو اللي حصل دا بسببي يا حسن

حسن

بسببك ليه بتقولي كدا

سمارة

اقصد أن ممكن فريد هو اللي يكون عمل كدا عشان يردلك اللي أنت عملته فيه أنا مكنش لازم ادخلك في حوارتي. مكنش لازم اقولك على اللي حصل ولا حتى على حملي من فريد منه لله البعيد.

حسن بجدية وهدوء

سمارة انسى فريد وانسى كل اللي فات انتي زمان غير دلوقتي والحمد لله ربنا تاب عليك وفوفتي لنفسك

سمارة دموعها نزلت وردت بحزن

يعلم ربنا يا حسن اني بطلت الشغل في الكبارية من وقت اللي حصل فريد معندوش لا دين ولا ډم وانا كمان غلطت لما سلمته نفسي وكنت حامل منه كل دا بورقتين عرفي وفاكرة كدا أن دا جواز لكن البية أول ما عرف بالحمل خلع وسبني. وفي لحظة ضعف كنت هنهي حياتي لولاك يا أبو على كان زماني مت كافرة.

حسن

بس انتي غلطتي يا سمارة ولو كنت سبتيني اتصرف كان زمانه دلوقتي متجوزك هو يستاهل أكتر من العلقة اللي اخدها.

سمارة

أنا مش عايزة فضايح اكتر من كدا يا حسن وخالص اللي كان في بطني نزل وانا معتش عايزة حاجة من فريد وربنا تاب عليا من الرقص وشغل الكبارية بس خاېفة أن فريد حطك في

دماغة من بعد اللي عملته دا وياذيك.

حسن بهدوء

ربك كريم يا سمارة ربك كريم اوي متقلقيش عليا اللي ربك معه ميخفش لو الأنس والجن كلهم اتجمعوا على اذيته بس انتي بتصرفي منين دلوقتي

سمارة بحب

طول عمرك طيب يا حسن وبتفكر في كل اللي حواليك أنا بدور على شغل دلوقتي وان شاء الله ربك هيرزق.

حسن بتعب

طب بصي يا سمارة عارفة مشغل الهدوم اللي موجود في. بتاع الحج حامد

سمارة

ايوة عارفة.

حسن

طب بصي بكرا أن شاء الله تروحي له وتقوليله انك من طرفي وان شاء الله هيلقيلك شغل كويس أن شاء الله.

سمارة

حسن أنت ابن حلال وربنا هيسعدك زي ما أنت واقف في ضهر الكل يا بخت اللي هتكون من نصيبك يا رتني كنت مكانها.

حسن بجدية

أنا طلبت ايدي نادرة بنت الحج موسى

سمارة باحراج

الف مبروك يا حسن الف مليون مبروك نادرة بنت حلال وتستاهل كل خير وأنت كمان تستاهل كل خير.

حسن

و انتي تستاهل الخير يا سمارة وان شاء الله ربنا هيجبر بخاطرك بس بلاش تبعدي عنه ربنا بيحب عباده يقربوا منه ومهما يغلطوا يقربوا له.

سمارة بابتسامة

ربنا يسعدك أنا لازم امشي دلوقتي فوتك بعافية.

حسن حطت راسه على المخدة وغمض عينيه بإرهاق. نادرة كانت داخله المستشفى مع جليلة لكن شافت سمارة خارجة من أوضة حسن

نادرة بغيظ

بصي وملي عينيك كويس يا مرات ابويا الأستاذ اللي ابويا عايزني اتجوزه خارجة من عنده ست سمارة الرقاصة.

جليلة بحدة

بت اتلمي مش عايزاه اسمع صوتك انتي فاهمة وبعدين انتي مالك احنا جاين نطمن عليه.

نادرة بلامبالة

و انتي من الصبح مشحتتاني معاكي علشان نعمله الاكل دا يطفحه البعيد

جليلة بغيظ

يابت انتي لسانك دا مش عايز يتعدل دايما بيخبط شمال ويرمي دبش.

نادرة

و الله أنتم مش مقدرين الجوهرة اللي أنتم عايشين معها ياله يا مرات ابويا ياله خلينا نخلص من الزيارة الزفت دي دي جوازك فقر من اولها كدا يعمل حاډثة.

جليلة

و الله ما حد فقر هنا غيرك يا بومة. أدامي.

نادرة مشيت وراها وهي ماسكة شنطة كبيرة فيها اكل بيتي مجهزاه هي ومرات ابوها جليلة خبطت على الباب ودخلت جليلة بابتسامة

حمدلله على السلامه يا حسن. أخبارك ايه النهاردة.

حسن ابتسم وهو شايفها أدامه وشكلها متعصبة جدا بخير الحمد لله ليه تعبتي نفسك يا خالتي.

جليلة بحب

و لا تعب ولا حاجة دي حاجة بسيطة

نادرة بعصببة وڠضب عفوي بري

حاجة بسيطة ايه دا انتي كان ناقص تعملي وليمة وبعدين أنا اللي عملت الاكل دا كله بلاش افتراء يا مرات ابويا ماشي مش أنا أفضل في المطبخ طول النهار وانتي تيجي في الجاهز تقولي انك انتي اللي عمله

جليلة بصت لحسن بحرج ولكزتها في جانبها حسن حاول يكتم ضحكته على أفعالها لكن حب يراوغها

على كدا بقا اكلك حلو ولا هيعملولي غسيل معدة.

نادرة لنفسها

شحات وبيتامر.

حسن بحدة

بتقولي حاجة

نادرة بغيظ

بستغفر ربنا ايه حرام.

حسن بتسلية

لا طبعا.

نادرة قربت منه وقعدت على الكرسي اللي جانبه سريره وهي بترجع شعرها الأصفر لورا

معلم حسن أنت مش ملاحظ اني بومة ووشي نحس عليك يعني يدوب جيت اتقدمتلي من هنا عملت حاډثة قلبك كدا مش بيقولك انها جوازة فقر. مش عايز تفركش أنا برضو هتفهم الموضوع

حسن بخبث وهو بيقرب منها

أنا راجل مؤمن بالله واللي ربنا عايزة هيكون.

نادرة عضت على شفايفها بغيظ وهي بتبص له وشايفة ابتسامته الوسيمة

طب بقولك ايه أنا مبعرفش ارقص يرضيك تتجوز واحدة مبتعرفش ترقص.

جليلة بصتلها بذهول وصدمة من وقاحتها وهمست لنفسها

يخربيت سنينك يا نادرة دا انتي مشوفتيش بربع جنيه رباية يلهوي دا أنا اللي مربيها لا وكمان كدابة دا انتي تقعدي صافينار في بيتها.

حسن قرب وشه منها بخبث رغم احساسه بالۏجع وهمس بصوت اجش

مش مهم اوي الجواز في حاجات اهم من كدا

نادرة

ايه

حسن بغمرة شقاوة

لما نتجوز هقولك.

نادرة بصتله پغضب وقامت خرجت من الأوضة وهو ضحك ڠصب عنه. جليلة باحراج

معليش يا حسن والله نادرة مش كدا بس هي هبلة شوية وكل اللي طاقق في دماغها مش عايزه اتجوز.

حسن ابتسم بسعادة وهو بيحط راسه على المخدة اللي وراه وكأنه بيفتكر حاجة

عارف يا خالتي بس هي عجباني كدا

جليلة بصتله باستغراب لكن عدت الموضوع

يتبع

الجزء الثاني

رواية نادرة قلبي بقلم دعاء أحمد..الجزء الثاني.

بعد يومين في المستشفى حسن كان بيغير هدومه علشان يسيب المستشفى عامر دخل الأوضة دون استئذان حسن لف وبصله پغضب.

في حد يدخل زي كدا يالا مش تخبط.

عامر قفل الباب ورد بلامبالة

يا عم ما أنا عارف إنك لوحدك وبتغير قلت اجي اساعدك بدل ما الچرح يشد عليك.

حسن

كويس أنا برضو مكنتش عارف البس التيشيرت.

عامر قرب واخد التيشيرت من على السرير

هو أنت مستعجل على الخروج ليه يا حسن يا عم أنت لسه تعبان خليك يومين كمان.

حسن بهدوء

طول ما أنا في المستشفى أهل الحارة هيقلقوا

متابعة القراءة
صفحة
6
/ 88
انت في الصفحة 7 من 88 صفحات

وكل يوم هيجي حد منهم والرجالة قايمين بالواجب بس أنا مش عايز اتعبهم معايا وبعدين أنت عارف مبحبش قاعدة المستشفيات دي بتطبق على نفسي.

عامر

ماشي يا أبو على صحيح في حاجة مهمة لازم ابلغك بيها رحاب هانم اتصلت عليا النهاردة تطمن عليك وانا قولتلها أنك كويس

حسن قعد على طرف السرير بتعب وهو حاطط ايديه على جانبه

رحاب بنت الأسيوطي ودي عايزاه ايه مني وبعدين أنا قولتلها أن عربيتها لازم تروح التوكيل.

عامر بخبث

ايه يا أبو على هو أنا اللي هقولك عايزاه منك ايه الست من الاخر كدا باين اوي انها بتحبك وبعدين يا عم ما تدوس في الموضوع وجاريها ست جميلة وغنية وكمان بنت الأسيوطي ايه يعني مشكلتها انها اتجوزت مرتين

حسن بصله بطرف عينيه پغضب

أنت بتلف وتدور على ايه عايزني مثالا اتجوزها اه صحيح ست حلوة وغنية وانت ابقى جوز الست! لا يا عامر مش حسن الصياد اللي واحدة ست تحكمه فاهم وتغور الفلوس اللي متعبش فيها وبعدين أنا لو هتجوز هتجوز واحدة من توبي. واحدة تفهمني من نظرة وتبقى فاهمة يعني ايه بيت وعيلة مش واحدة زي رحاب وفكك من حوار رحاب دا ومتنساش دي بنت عم الزفت اللي اسمه فريد يعني عيلة لابط اصلا

عامر بخبث

حسن ما تقولي كدا اشمعني نادرة بنت الحج موسى الصراحة هي قمر ارب

حسن بحدة

عامر شد بلاستر علشان متزعلش

عامر بخبث

و أنا قلت ايه يعني يا.

حسن مهتمش بكلامه وهو بيحاول يربط رابط الكوتش لكن حس بۏجع وهو بيوطي.

تعالي اربط لي رابط الكوتش بدل ما أنت واقف زي الحيطة كدا.

عامر

هعديهالك المرة دي يا أبو على بس متاخدش على كدا.

حسن

اشتغل وأنت ساكت.

بعد شوية كان خارج من المستشفى مع عامر ووالدته وأخته تبارك وجوزها.

في بيت نادرة كانت قاعدة جانب جليلة وبيتفرجوا على المسرحية لكن باين على نادرة انها سرحانه

جليلة بهدوء

سرحانة في ايه يا نادرة كدا

نادرة

و لا حاجة بفكر في التدبيسة السوداء اللي أنتم دبستوني فيها يا مرات ابويا.

جليلة

تدبيسة والله انتي هبلة بس وماله خليني اخدك على اد عقلك تدبيسة ليه بقا أن شاء الله

نادرة

يعني ماانتش واخدة بالك يا جليلة اني هتجوز واحد مش بحبه واحد معرفوش لا وكمان أفقر مني يا جليلة أنا كنت عايزك اعيش برا المنطقة دي مع حد كدا يكون برنس في نفسه يدلعني يا جليلة عايزة اتدلع.

جليلة بغيظ

وطي صوتك يا بنت الجزمة وبعدين مين قالك أن الفقير اللي مش عجبك دا مش هيكون حنين عليك يمكن اه ظروفه مش احسن حاجة ويمكن برضو حياته على اده لكن فكري كدا وبصي لأمه وأخته لما تبصي لأمه هتشوفي على وشها الرضا والحب ولو بصيتي على شكلها هتلقيها ست نضيفة كدا ومش مبهدلة ودا معناه أن الميكانيكي اللي مش عجبك دا بيراعي ربنا في أمه ومش مبهدلها معه. ولو بصيتي لاخته هتلقيها محترمة وعارفة الأصول معنى كدا أنها متربية في بيت فيه راجل بجد مش عيل متدلع عايش بفلوس ابوه. الحب يا حبيبتي لا بيتقاس بفقير أو غني الحب دا نعمة من ربنا حاجة كدا بيزرعها في قلب العبد وفي نفسه الشبعانه.

نادرة بحدة

جليلة أنا مش عايزاه أتكلم علشان في الاخر بتقولوا اني لساني طويل وقليلة الأدب

جليلة قربت منها وبتلمس شعرها بحنان

لا يا حبيبتي أنت متربية ولو على لسانك احنا بنحبك كدا بس خايفين عليك تضيعي نفسك وصدقيني أبوكي مبيحبش ادك انتي واختك مرجانة وعايز ليك الخير هو يعني أكيد مش مستخسر فيكي اللقمة اللي بتاكليها ولا عايز يخلص منك بس أبوكي عايزك يطمن عليك مع واحد ابن حلال كدا وراجل بجد ومفيش احسن من حسن الصياد وبعدين انتي فكرك انه فقير اوي للدرجة دي لا يا نادرة حسن يا حبيبتي عنده الورشة بتاعته شرك بينه وبين صاحبه عامر ولما فكر يتجوز بيجهز شقته مش هيتجوزك يعني في بيت ابوه لا بيوضب شقة ليكم أنتم الاتنين فكري يا نادرة ربنا يهديكي يا حبيبتي.

نادرة

أنا هدخل انام متصحنيش لو بابا جيه.

جليلة اتنهدت وبصتلها بحزن

ربنا يهديكي يا بنتي ويسعد قلبك يا بنت سنية.

نادرة دخلت اوضتها وقفلت الباب وراها قعدت على السرير لكن لقيت موبايلها بيرن وكان فريد ابتسمت بهدوء وهو بتاخد الموبيل وبتقفله لكن بتدخل على تطبيق الواتساب

بدأت تكتب

مش عارفة ارد عليك عايز ايه

رد فريد عليها بخبث

وحشتيني وعايز اشوفك.

نادرة

بس أنا مش عايزه اشوفك وبعدين هو أنا مش قولتلك اخر مرة اتقبلنا فيها اني هتخطب عايز ايه بقا.

فريد بعت ريكورد ليها

نادرة أنا بحبك صدقيني مش بكدب عليك وصدقيني مش هعرف انساكي اليومين اللي فاتوا كانوا صعبين اوي بجد.

نادرة ابتسمت بحب وردت عليه

فريد أنا يا بابا مش عيلة صغيرة تمام اللي بيحب واحدة بيجي لحد عندها ويطلب ايديها لكن لعب العيال دا أنا ماليش فيه معطلكش يا هندسة ومتنساش بنات بحري مش لعبة تلعب بيهم زي ما أنت عايز لا يا حبيبي دول يودوك البحر ويرجعوك عطشان.

فريد

طب ياستي حقك عليا خلينا بس نتقابل وانا هفهمك كل حاجة لو بتحبيني بجد تعالي يا نادرة ارجوكي.

نادرة قفلت الموبيل بحيرة واحساس بتأنيب الضمير انها بتعمل حاجة من وراء ابوها مضايقها لكن هي بتحبه يمكن بتبرر لنفسها انها بتحبه أو بتحاول تقنع نفسها انها بتحب حد وفي حد بيحبها ومش عايزاه تخسره. فريد بعت تسجيل تاني وانتظر ردها لكن هي كانت مترددة تسمعه فتحته في النهاية

نادرة أنا عارف إنك خاېفة اكون بضحك عليك وعارف انك ذكيه والخۏف طبيعي يمكن لانك متعرفنيش كويس ويمكن لأن أنا وانتي مش شبه بعض في حياتنا لكن أنا بحبك كدا اديني فرصة لو سمحتي وخلينا نتقابل وفي الوقت اللي انتي تحدديه ويا حبيبتي مش عايز ردك دلوقتي بس هستناكي يا نادرة

نادرة قفلت موبايلها وغمضت عينيها بتعب. فريد ابتسم بخبث وهو بياخد اسكرين شوت بالمحادثة بينهم

فريد

هنحتاجك في وقت عوزه اصبر عليا يا ابن الصياد.

بعد أسبوع حسن حالته بقيت احسن ونزل الورشة نادرة مردتش على فريد ومقابلتش حسن لكن حسن اخد الحج موسى شقته يفرجه عليها واتفقوا على الخطوبة بعد اسبوعين. نادرة كانت واقفه أدام المرايه وهي بتحط روج لابسه فستان اسود طويل وحزام دهبي عريض. جليلة دخلت الأوضة وبصتلها پغضب

بتعملي ايه يا أختي يا نهارك مش فايت يا نادرة ايه دا انتي هنطلعي برا بالهباب اللي في وشك دا امسحى الزفت اللي في وشك دا

نادرة بدلال ودلع

و فيها ايه يا جليلة دا روج بس والله وبعدين ايه الالفاظ دي هباب ايه ويا ستي دي خطوبة البت نغم وهنكون بنات مع بعضينا

جليلة

بت انتي تمسحي الزفت دا ابوكي لو لمحك في الشارع كدا هيجيب اجلك والفستان دا تغيره

نادرة بغيظ

ماله بقا الفستان يا جليلة ما هو طويل وواسع اهوه.

جليلة

حلو اوي يا اختي واحنا مش ناقصين حد يعاكسك ابوكي على آخره.

نادرة

برضو مش هغيره ومش همسح الروج اومال لو حطيت ماكياج كامل هتعملي ايه.

جليلة

هكسر رقبتك يا نن عين أمك علشان أنا

متابعة القراءة
صفحة
7
/ 88
انت في الصفحة 8 من 88 صفحات

مش عايزاه اسمع كلمتين ملهمش لازمة من ابوكي وشعرك اللي فرحانه بيه دا تلميه ماشي هتاخدي عين يا بت.

نادرة

بقولك ايه يا جليلة أنا شعري دا صارفة ومكلفه عليه وبحبه كدا فريحي دماغك مني علشان مش هتسلكي معايا انتي مش هتيجي الخطوبة.

جليلة

لا يا اختي هستنا لما ابوكي يجي علشان احطله العشا متتاخريش.

نادرة

ماشي يا عسل سلام.

بعد مدة دخلت بيت نغم واللي كان شغال فيه أغاني شعبية والشباب معظمهم قاعدين أدام البيت وجوا البنات.

نادرة

الف مبروك الف مليون مبروك يا نغم.

نغم بحب

الله يبارك فيكي يا حبيبتي بس ايه الجمال دا. عقبالك يا نادرة.

نادرة

متقلقيش كلها اسبوعين ويدبسوني واتخطب رسمي حلوة الليلة دي.

نغم البنات كلهم موجودين تعالي نرقص معاهم.

نادرة

ياله.

برا البيت حسن وصل مع عامر وهو مبتسم سلم على والد نغم والعريس والرجالة الموجودين.

عامر

عقبالك يا كبير.

حسن ابتسم وقعد على الكرسي وجانبه عامر وبعد دقايق موبايله رن وقام يرد

عامر

رايح فين

حسن

هرد على الموبيل في أي حته هادية.

خرج من المكان ووقف في الناحية الخلفية للبيت ورد على الشخص اللي رن عليه لكن لاحظ أن في شابين واقفين وبيتفرجوا على حاجة من الشباك المفتوح. قرب منهم وهو مستغرب واقفتهم حط ايديه على كتف واحد منهم اللي اتفزع

حسن بحدة

بتعمل ايه يالا وواقف زي الحرامية كدا ليه

الشاب بصله بتوتر وارتباك وهو بيبص للشباك پخوف. حسن رفع حاجبه وبص مكان ما الشاب بيبص لكن بأن عليه الڠضب بعد ما عرف انه كان بيتفرج على صحاب العروسة وهما بيرقصوا ويغنوا ونادرة واقفه مع نغم وبتغني بدلال ومرح مع الكل

الشاب پخوف

والله يا معلم حسن أنا.

حسن پغضب وصوت عالي

أنت سنتك زفت. هات الموبيل دا كنت بتعمل ايه. هات

اخد الموبيل واتفرج على الفيديو اللي هو كان بيصوره وواضح انه مركز مع نادرة اللي خاطفة الأضواء من الكل بسبب جمال ضحكتها وشقاوتها الطفولية. حسن رفع عينيه يبصلها من الشباك پغضب وهو بيجز على سنانه بضيق مسح الفيديو وبدون تفكير مسك الشاب من هدومه وضربه في دماغه

اخو نغم كان قريب منهم وشاف حسن راح ناحيتها بسرعة.

في ايه يا حسن بتضربه ليه وبعدين واقفين هنا ليه

حسن بحدة

مفيش يا خالد عيل غلط وبعلمه الأدب.

خالد

غلط

طب قولي بس عمل ايه وأنا هظبطه

الشاب بص لحسن كأنه بيترجاه يسكت پخوف

مفيش يا خالد أنت عارف الشباب الصغيرة طايشين بس على الله حكايته لو متربوش أنا موجود هعلمهم الأدب ادخل أنت بس للرجالة.

خالد بصلها بهدوء ومشي

حسن بحدة

شوف يالا أنا ممكن دلوقتي اقولهم انك كنت بتصور الحريم وساعتها كل واحد ليه أخت هنا هيجي ياكلك باسنانه أنت فاهم وبعدين أنت مش مكسوف على نفسك وانت واقف كدا يا اخي اتقي الله مش عندك أخت.

الشاب پخوف

اه عندي اتنين.

حسن

و مش خاېف ربنا يردلك دا في اخواتك البنات بنات الناس مش لعبه يالا أنت اسمك ايه.

أسلام.

حسن

شوف يإسلام أنا هعديها المرة دي بمزاجي لكن وربي لو شفتك بعد كدا في أي مصېبة لاكون معلم عليك وبعدين أنت لسه صغير ركز في مدرستك ولا شغلك وبعدين لما تكبر ابقى اتنيل اتجوز.

إسلام

حقك عليا يا حسن والله ما هتتكرر بس ابوس ايدك بلاش حد يعرف دول ممكن يدبحوني فيها.

حسن

أنت بتروح مدرسة

إسلام

لا أنا خلصت صنايع ومكملتش

حسن

بتشتغل فين.

إسلام

بدور والله على شغل أنا كنت بشتغل مع نقاش بس هو استغني عن خدامتي ولسه بدور.

حسن

اومال بتصرف منين على اخواتك ابوك عايش

إسلام

اه بس تعبان مش بيقدر ينزل يشتغل وامي هي اللي بتشتغل في مشغل كدا بتاع هدوم.

حسن بجدية وهو بيعدل قميصه

و مش مكسوف على نفسك لما تبقى شحت كدا وسايب أمك تشتغل وانت قاعد تتصرمح.

إسلام بص في الأرض ومعرفش يرد

حسن بجدية

هات رقمك وأنا هكلمك بكرا أن شاء الله اكون شفتلك شغلانة واسمع أنت لسه صغير بلاش تعيش على قفا اللي حواليك استرجل وفوق بدل ما يجي عليك يوم تلقى نفسك خسران اهلك واخواتك بكرا هرن عليك لو رديت خير وبركة لو مردتش هعرف طريقك بطريقتي وساعتها متلومش غير نفسك

إسلام باستغراب

و أنت يهمك في ايه اشتغل ولا لاء.

حسن

و لا يفرق معايا بس حرام عيل زيك يضيع نفسه وهو مش فاهم الدنيا.

حسن سابه ودخل الفرح تاني.

نادرة كانت واقفه مع البنات لكن فجأة النور اتقطع على البيت كله. كلهم بقوا يبصوا حوليهم وهم مش فاهمين في ايه وازاي النور قاطع في البيت بس مش المنطقة. نادرة حست بالخۏف لأنها پتكره الضلمة لكن فجأة حسيت بحد بيكتم نفسها وبيسحبها من وسط البنات. .

حسن بحدة وغيرة

فرحانة اوي بنفسك وعجبك نظرات اللي حواليكي

نادرة حاولت تبعده لكن مسك ايديها بقوة

أنت بتقول ايه اټجننت علشان تكلمني كدا وبعدين ازاي تعمل كدا وتاخدي من وسطهم وبعدين ايه فرحانه بنفسي دي

حسن پغضب

ايه مش عجبك ولا انتي عجبك بس نظراتهم على جسمك.

نادرة پغضب وحدة ممزوج ببعض الخجل

تصدق انك قليل الأدب أنت نسيت نفسك دا أنت حتى مش خطيبي وبعدين دا كلهم بنات.

حسن ضغط على ايديها پعنف

لا يا حلوة كل بنت واقفة بتصور هتاخد صورك دي وتوريها لأهل بيتها واللي منهم أخواتها ولو فيهم شباب ساعتها هتبقى رخيصة اوي. اوي وبعدين من يوم ما دخلت بيتكم وطلبت ايديك من ابوكي وهو وافق وانتي بقيتي تخصيني فاهمة. تخصيني

نادرة حسيت بارتباك وتوترت من طريقته

أبعد عني بدل ما اصوت والم عليك أمة لا اله إلا الله يا حسن أبعد عني احسنك.

حسن بحدة

هبعد بس قريب يا نادرة انتي اللي مش هتقدرى تبعدي فاهمة. والهباب اللي على بوقك دا تمسحيه ورب العرش يا نادرة لو ما مسحتيه ووقفتي برا زي الف ساعتها انتي حرة. حطتي الكلمتين دول في دماغك.

سابها وخرج. نادرة فضلت تبص له پغضب انه بيفرض سيطرته عليها وهم لسه حتى متخطوبش وانه عايز يتحكم فيها ودا بيخوفها وبخليها كرهاه اكتر متعرفش أن اللي ېخاف عليك من عيون الناس يبقى شاريك لكن قلبها مداقش معنى الحب الحقيقي اللي يخليها تفهم معنى طريقته. خرجت موبايلها بتهور وبعتت تسجيل لفريد

فريد أنا موافقة نتقابل بعد بكرا عند المينا الصبح بدري.

ماشي يا حسن مبقاش نادرة لو اتجوزت واحد همجي زيك.

مسحت الروج وخرجت للبنات. .

تاني يوم في ورشة الميكانيكة حسن كان واقف مع عامر اللي بيشتغل في العربية بدال حسن بسبب الچرح لحد ما عربية فخمة وقفت أدام الورشة. عامر بخبث وهو بيطلع من تحت العربية اللي شغال فيها.

قابل يا عم وادي رحاب الأسيوطي.

حسن بضيق

و دي عايزاه ايه تاني اللهم طولك يا روح. اشتغل بضمير يا عامر العربية دي صاحبها هيجي يستلمها النهاردة بقالك يومين فيها أنجز.

عامر

يا عم ما أنا شغال اهوه.

نزلت رحاب من العربية وهي بتقلع نضارتها وبتبص لحسن اللي واقف أدام الورشة.

صباح الخير ازايك يا حسن

حسن

صباح النور اتفضلي يا رحاب هانم اوامري اقدر اساعد في ايه

رحاب باستغراب

في ايه يا حسن بتكلمي كدا ليه هو أنت متضايق مني

حسن

بجدية

لا أبدا وهضايق من ايه بس هي العربية عطلت تاني.

رحاب بابتسامة إعجاب

لا يا حسن معطلتش وبعدين أنا جاية علشانك

متابعة القراءة
صفحة
8
/ 88
انت في الصفحة 9 من 88 صفحات

أنت ممكن نروح أي مكان نتكلم فيه لو سمحت.

حسن

نتكلم في ايه معليش وبعدين أنا عندي شغل.

رحاب

موضوع مهم اوي وصدقني أنت مش خسران حاجة

حسن بص لعامر اللي بتابع الموقف وهو مبتسم بمكر

حسن

نصايه وهرجع يا عامر تكون خلصت العربية أنجز.

عامر

ربنا معاك يا برنس. يلهوي على المربى البشاوتي دي. ارزقنا يارب. لا والغبي بيقولي عايز واحدة من توبي مغفل.

حسن ركب العربية مع رحاب وهي مشيت بعد دقايق في مكان عام فخم جدا

حسن

ها يا مدام رحاب اتفضلي.

رحاب

حسن هو أنت پتكرهني

حسن باستغراب

و هكرهك ليه بس لا سمح الله هو في بينا حاجة. دعاء أحمد

رحاب

كويس بس أنا بقا عايزه يبقى فيه يا حسن. كملت وهي پتدخن سېجارة

شوف يا حسن أنا مش هلف وادور كتير أنا اتجوزت مرتين والاتنين فشلوا لكن من أول ما شفتك وانا عارفة انك راجل ومجدع علشان كدا من الاخر أنا عايزك تتجوزني. ولان مكانتي متسمحش اني اتجوز ميكانيكي فهيكون في السر وكمان أنا عرفت انك هتخطب بنت تانية أنا مش همنعك بس أنا عايزة اتجوزك ومحدش هيعرف. ها ايه رأيك

حسن بصلها بذهول لان مكنش متوقع أنها بالوقاحة والبجاحة دي انها تطلب منه يتجوزها أو بمعنى أوضح أنها تتجوزه في السر. لكن فاق من صډمته وبأن عليه الڠضب والحدة واتكلم بصوت عالي

دا أنت بجحة بصحيح أنت اكيد مچنونة.

رحاب

اممم ليه يعني علشان عايزاه اتجوزك شوف يا حسن أنا بقالي عشر سنين بشتغل في البزنس واتعلمت إني لما اعوز حاجة اعملها مش بستنى الصدفة تحصل علشان اخد اللي أنا عايزاه تؤ تؤ

و بعدين أنت هتستفاد كتير من جوازنا اه هيكون في السر لكن هقدر اعرفك بناس كتير وحياتك هتتحسن وساعتها هتقدر تشتري بيت في المكان اللي تحبه وعربية شيك. ومعارف كتير. ويمكن ساعتها تفكر في موضوع جوازك من البنت اللي هتخطبها دي وتعرف واحدة تانية من مستوى راقي وصدقني أول ما تكون معايا هتنسي كل بنات حواء

حسن پغضب طفيف

آه قصدك تشتريني بالفلوس بس تصدقي غربية أنا أول مرة اشوف أن في واحدة تعرض عرض زي دا على الشاب في أغلب الأحيان بيكون العكس رحاب هانم أنا مش اسف على اللي هقوله دا انتي انسانة مش متربية ولا عندك حياء فاكرة أنك تقدري تشتري الناس بالفلوس بس ليه تيجي على نفسك وتتجوزي ميكانيكي كحيان زي الميكانيكي دا هو اللي ميشرفوش تكوني مراته وعلى اسمه.

اه وحاجة أخيرة البنت اللي هخطبها ضفرها برقبتك فمتحطيش نفسك في مقارنة معها لأنها غالية اوي وانتي رخيصة أوي.

رحاب بصتله پغضب وهو قام دون ما يسمع ردها مشي رحاب بحدة لنفسها

و أنا مش بطلب منك أنا بس بعرفك اللي هيحصل يا حسن والبنت اللي أنت فرحان بيها دي بكرة تعرف أنها متفرقش كتير عني بس أنت اللي غبي بس عجبني اوي.

ابتسمت في نهاية جملتها وكملت بحنق

اكيد فكرة الجواز في السر هي اللي ضايقته بس مش مشكلة أنا ممكن اعمل منك رجل أعمال وساعتها نبقى نفكر في الجواز دا سوا.

بعد ساعة تقريبا حسن وصل الورشة وهو مخڼوق وحاسس انه كان لازم يضرب رحاب علقة تخليها تقول أن الله حق. قرب من الورشة لكن لقى عامر پيتخانق مع حد وصوته عالي. استغرب وقرب علشان يشوف فيه ايه.

عامر پغضب

بقا أنت يالا جاي تسرق في عز النهار دا أنت سنتك زفت.

إسلام بحدة

في ايه يا جدع أنت هو أنا دوستلك على طرف.

عامر

اللهم طولك يا روح يالا أنا مش جايبك من الورشة وأنت واقف جوا زي الحرامية. ايه بتبل عليك.

حسن بجدية وصوت عالي

في ايه يا عامر

عامر

يدوب روحت القهوة اجيب كوباية شاي وجيت لقيت الواد دا واقف جوا وبيقلب في الحاجة اللي جوا.

حسن بصلها لإسلام وافتكر أنه الشاب اللي كان في الخطوبة

سيبه يا عامر. تعالي يا ابني

عامر بدهشة

اسيبه ايه بقولك حرامي

إسلام بحدة

يا عم بيقولك سيبه سيبه ايه سمعك تقيل وبعدين أنا ساكتلك من الصبح علشان الرجولة دا مش أكتر.

عامر بضيق

و لما أنت مش حرامي كنت بتعمل ايه جوا بتستكشف الورشة يا حيلتها.

إسلام

لا يا عنيا كنت مستني الاسطي حسن وحظي الهباب اني ملقتش حد ولما جيت انادي لقيت حضرتك جاي وبتقول حرامي.

حسن كان قاعد أدامهم على الكرسي وبيسمع خناقتهم

خلصتوا ولا لسه الهبل دا مستمر كتير. تعالي يا إسلام

إسلام

اوامرني يا معلم.

حسن

أنت بتفهم في النقاشة والا الاسطي بتاعك مشاك عشان شغلك مش اد كدا.

إسلام بسرعة

و حياة عندي أنا عليا شغل ميعرفش اجدع معلم في الشعلان دي يعمله لا متبصليش كدا يا اسطى حسن ميغركش اني صغير لسه بس الشغلانة دي أنا متعلمها من وأنا في اللفة أنا ابويا الله يرحمه يبقى محمود عبده كان اسطى كبير أوي في المجال

وعلمني الشغلانة بس الله يرحمه بقا ماټ وسابنا.

عامر بضيق

تصدق جسمي قشعر ياولا لا والله الدمعة هتفر من عيني.

إسلام بشغب

يا اختي نوغة.

عامر پغضب

اتلم يالا

حسن پغضب وضيق

بس منك ليه شوف يا إسلام مدام سالت على الورشة وجيت لحد هنا يبقى أنت فعلا عايز تشتغل بجد وانا هدلك على حد معرفة بس مش عايزاك تقصر رقبتي أدامه واللي حصل امبارح في الخطوبة دا لو اتكرر اقرا الفاتحة على روحك

إسلام بسرعة

اللهي ربنا يرزقك من الوسع ويوسع عليك رزقك يارب بس فين السبوبه

حسن

شوف هتطلع على حي العصافرة هتسال على سمير عباس والف من هيدلك عليه سمير بيحب الشغل ومالوش في الدلع وأنا كلمتهولك اكتب رقمه عندك علشان ترن عليه. ولو احتاجت أي حاجه معاك رقمي اعتبرني اخوك الكبير

إسلام سجل الرقم وابتسم وهو بيكتبه

ربنا يرزقك يا اسطى حسن والله ما هنسالك وقفتي جانبي دي ربنا يوقفلك ولاد الحلال.

حسن اتنهد بقلة حيلة ودخل الورشة علشان يشرف شغله ووراه عامر

عامر

مش عارف ليه بتتعب نفسك في العيال دي يا حسن وبعدين يلقى شغل ولا ميليشيات شاغل بالك ليه دا كلمت ولا خمس اسطوات نقاشة علشان تشوفله شغلانه

حسن بنبرة حزينة

دا عيل صغير يا عامر واللي زي دا لو ملقاش حد ياخد بأيديه هيضيع ويضيع معه أسرته عيل زي دا عنده اختين بنات وأمه مين هيصرف عليهم لعل نكون سبب أن يصلح حال عيلة

و بعدين أنا بعد ابويا الله يرحمه دوقتي من المر كاسات لكن ربك مبينساش حد والأيام الصعبة بتعدي.

عامر بود

طول عمرك ابن حلال يا حسن.

حسن بحدة

خلصت العربية

عامر بضيق

يا اخي افصل من الشغل شوية اه خلصتها وبقيت على الفبريكه.

حسن

عارف اني بتعب في الشغل الفترة دي بس أن شاء الله تومين كدا والچرح يخف.

عامر

يا جدع أنت بتقول ايه متهزرش. صحيح رحاب كانت عايزاك في ايه

حسن بضيق

بقولك ايه متجيش سيرتها أنا مش ناقص هم. .

تاني يوم الصبح نادرة مكنتش عارفة تنام قامت اخدت دش وغيرت هدومها اتاكدت أن ابوها راح الشغل. كانت هتخرج من الشقة لكن وقفت على صوت جليلة

رايحة فين يا نادرة على الصبح كدا

نادرة بضيق

خارجة يا مرات أبويا زهقانه عايزة اطلع على

متابعة القراءة
صفحة
9
/ 88
انت في الصفحة 10 من 88 صفحات

المينا هتمشي شوية.

جليلة كانت بتنضف الصالة

زهقانة من ايه دا انتي شكلك منامتيش كويس وبعدين تعالي ننضف البيت ونفطر سوا وننزل نتسوق هننزل سوق الجمعة. انتي مش كنت عايزاه تشتري حاجات من هناك

نادرة

نفسي اتسدت يا جليلة نفسي اتسدت اتبطي بقا وبعدين أنا اوضتي نضيفة مش هنضف حاجة سلام.

جليلة

متسربعة على ايه يا بت

نادرة مردتش وخرجت قفلت الباب وراها

جليلة

ربنا يهديكي.

بعد ربع ساعة في المينا نادرة كانت قاعدة على المرسا وهي بتبص للبحر وسرحانة

كنت خاېف متجيش بس طلعت غلطان وانتي اللي وصلتي قبلي كمان.

نادرة پغضب

شيل ايدك يا فريد واتلم على فكرة أنت بقالك مدة متغير وبتعاملني بطريقة قلتلك الف مرة اني مش بحبها ولا بسمح بيها يعني مرة بوستني ڠصب ودلوقتي بتحط ايدك على وسطى لا يا حبيبي

فريد بإعجاب

استنى يا مچنونة ميبقاش خلقت ضيق كدا في ايه الكلام اخد وعطا.

نادرة بحدة

لا يا عنيا عطا ماټ واخدنا العزا وايدك دي لو اتمدت عليا تاني خاف على نفسك علشان المرة الجاية فيها قطع ايدي.

فريد

اموت فيك وانت شرس كدا. ممكن تهدي لو سمحتي واديني فرصة بس نتفاهم.

نادرة بتهور

نتفاهم في ايه أنا معتش فاهمة ليك رأس من راجلين من وقت ما عرفت اني هتخطب لحسن وأنت مخدتش خطوة واحدة في موضوعنا يبقى ايه غير أنك بتتسلي بيا.

فريد

طب اسمعيني بس يا نادرة والله انتي ظلماني.

نادرة

يا عنيا ظلماك. مت هو أنا بنت ظالمة.

فريد

شوفي يا نادرة أنا بحبك ودي عهد عليا أنك تكوني ليا ومراتي بس أنا دلوقتي مش هعرف اتقدملك لأن مسافر في شغل بابا مكلفني بيه بس صدقيني أول ما ارجع هاجي فورا اتقدملك.

نادرة بحزن وۏجع

وقتها هكون اتخطبت لحسن وابويا هيكون ملزم بكلمته معه. ولو عملت ايه مش هيوافقوا على جوازنا.

فريد

نادرة انتي بتحبيني

نادرة سكتت بارتباك وهي بتبص للبحر وكأنها بتفكر في إجابة السؤال.

فريد

بيقولوا السكوت علامة الرضا.

نادرة

معطلكش يا فريد بيه بعد اذنك مش أنا اللي اوطى رأس ابويا.

نادرة مشيت وهي مخڼوقة وعايزاه ټعيط مش بتحب حسن ومش هتقدر توافق فريد في اللي هو بيقوله. وصلت البيت دون ما تتكلم دخلت اوضتها وقفلت عليها جليلة خرجت من المطبخ نادرة انتي جيتي يا حبيبتي مش عايزاه تاكلي برضو

نادرة مسحت دموعها وردت

ماليش نفس هنام.

جليلة پخوف لأنها مش متعودة على نادرة هادية كدا

مالك يا نادرة حد ضايقك ولا عاكسك وانتي جاية قافلة الباب ليه

نادرة

هنام

يا مرات ابويا حاسه اني تعبانة شوية وعايزاه أنام

جليلة

ماشي يا حبيبتي نامي. وانا هجهز الغدا على ما ابوكي يوصل.

نادرة قامت بصت في المراية نادرة بثقة لنفسها

اوعي تزعلي اوعي اللي يبيعك هو اللي لازم يخسر فوقي أنت غالية اوي واللي بيحبك بجد هيسع لك علشان تكون له مش انتي اللي لازم تبكي يا نادرة. البكاء على الرخيص رخص دموعك غالية أوي.

اخدت نفسها بعمق وابتسمت بحماس وهي بتاخد الروج تحط منه كعادتها بعد ما تزعل لازم تحط ماكياج. خرجت من الأوضة ودخلت المطبخ

نادرة

جليلة أنا جعانة

جليلة

يا بت مش لسه قايلة عايزاه تنامي وبعدين مش هتبطلي تلغبطي وشك بالمكياج ملامحك احلى من غيره.

نادرة بدلال وتغنج

أنا طول عمري مزة يا جليلة بالمكياج قمر ومن غير بدر.

جليلة بحب

يسعدك يا بنتي.

نادرة

عايز اكل طعميه سخنة وفول وطرشي وبتنجان مقلي ولو في لانشون.

جليلة باستغراب

نفسك اتفتح فجأة يعني.

نادرة

هو أنا باكل من جيبك يا جليلة ما أنا باكل من بيت ابويا.

جليلة

لمي لسانك يا جزمة واغسلي الخيار قبل ما تاكليه.

نادرة ابتسمت بحب وهي بتحضنها من ضهرها

أنا بحبك أوي على فكرة. بس دا ميمنعش انك مرات ابويا مش أمي. صحيح هننزل امتى نتفرج على فساتين الخطوبة.

جليلة باستغراب

غريبة يعني مكنتش طايقة سيرة الخطوبة دي بس على العموم أسبوع كدا وهننزل أنا وانتي وحسن وخالتك أم حسن ولو عايزه تجيبي البت نغم صاحبتك ومرجانة.

نادرة

هو احنا هنشتري دهب بكام

جليلة

ابوكي اتفق معاه على تلاتين الف

نادرة

اومال مية ومية دي ايه

جليلة

دي بتبقي في المؤخر والمهر. المهم لما نبقى في محل الدهب اختاري حاجة كدا حلوة بس بلاش تشتحي اوي علشان يعرف يجبلك حاجة انتي شايفة أسعار الدهب عامله ازاي.

نادرة بلامبالة وهي بتاكل

هو اصلا مش هيعرف يجيب حاجة ليا هو أنتم مرخصني ليه يا جليلة.

جليلة

أنا مش هرد أنا تعبت منك اصلا وبطلي تاكلي دي المفاجيع كدا.

نادرة

اللهم طولك يا روح ويصبرني عليك يا جليلة لحد ما اتجوز واغور من هنا. .

بعد اسبوعين وبالتحديد يوم الخطوبة نادرة صحيت بفزع على صوت ألاغاني الشعبية والزغايط اللي مالية البيت كله. لكن اټصدمت وهي شايفة عمتها الصغيرة بتدخل الأوضة عليها وبتزرغط قعدت على السرير وربعت وهي حاسه بصداع

في ايه على الصبح ايه كل دا يا عمتي.

سهير بسعادة

هو احنا عندنا كم نادرة يعني دي هي نادرة واحدة وبعدين انتي لسه نايمة لحد دلوقتي يا عروسة.

دخلت مرجانة الأوضة وهي شايلة إبنها اللي عنده سنة وبتتمايل مع ألاغاني بحماس

ازايك يا عمتي وحشتيني اوي والله

سهير

و انتي كمان وجوزك عامل ايه يا بت.

مرجانة

بخير الحمد لله. والبت سندس فين صحيح

نادرة حطيت ايديها على دماغها وهي بتسمعهم وفجأة قامت وقفت على السرير پغضب

لاااااا ايه مورستان وبعدين أنتم جايين الساعة ستة الصبح وتصحوني أنتم اتهبلتوا أنا واحدة مبصحاش غير على عشرة.

سهير

في ايه يا بنت المچنونة وطي صوتك اقفلي يا مرجانة الباب خليني اغير ورانا شغل كتير.

نادرة

شغل ايه أن شاء الله

سهير

اكل الخطوبة يا حبيبتي ولا انتي نسيتي أن ابوكي ناوي يعشيهم والأكل كتير ولسه عمتك نور وعمتك مريم وخالتك سميحة هيجوا يحضروا معانا.

نادرة

اه. صحيح الجلاش وانتم بتعملوه زودوا لبن علشان لما بيبقى ناشف مش بيكون حلو.

سهير

متعايش بالك انتي خالص بصي انتي مهمتك انتي ونغم انكم تزينوا الصالون وتقفلوه علشان محدش يدخل لحد ما تيجي انتي وحسن بليل دي هتبقى ليلة زي الفل أن شاء الله.

نادرة

أن شاء الله يا عمتي بقولك هاتي فلوس علشان عايزاه اشتري الزينة.

سهير البوك عندك اهوه خدي منه. انتي هتروحي الكوافير امتى

نادرة

الساعة اتناشر.

جليلة

سهير يا حبيبتي سيبك من البنات مش هيبطلوا كلام واحنا لسه عندنا شغل كتير

سهير

خالص يا جليلة جايه اهو اللحمة لازم نسويها علشان بتاخد وقت.

جليلة

أنا طلعت الحلل الكبيرة ياله بينا وزمان مريم وسميحة زمانهم جايين

في نفس الوقت دخلت ست كبيرة وهي بترقص على ألاغاني وبتردد ألاغنية بالحلال يا معلم. بالحلال نتكلم مالك بيا تعبتني في الروحة والجاية. نادرة نزلت من على السرير وراحت ناحية عمتها وهي بترقص معها بسعادة يا سحراني وسرقاني وساكنة القلب من جوا بقيت مفتون هاتي الماذون دا أنا لاحول ولا قوة

الف مبروووك يا بنت الغالي الف مليون مبروك

نادرة بحب

الله يبارك فيكي يا عمتو لو اعرف انك هتيجي مخصوص من القاهرة لاسكندرية علشان كنت اتخطبت من زمان اوي.

سميحة بحب

أنا لو عليا مسبكيش ولا لحظة يا نادرة دا انتي في قلبي

نادرة

بحبك يا سموح.

جليلة

يا اختي طب ما أنا عايشة معاكي مبشوفش الحنية دي ليه.

سميحة بغيظ

ايه مستخسرة انها بتحبني اكتر منك يا جليلة.

جليلة

لا يا اختي اشبعوا بعض

نادرة بصت

متابعة القراءة
صفحة
10
/ 88
انت في الصفحة 11 من 88 صفحات

لسميحة وضحكوا الاتنين

بعد كم ساعة في البيوتي سنتر هدير نادرة كانت قاعدة مع نغم والميك ارتست بتجهزها

هدير

لا بس والله ما انتي محتاجة ماكياج يا نادرة ملامحك لوحدها جميلة.

نادرة

سمي الله في سرك يا هدير.

هدير

يعني هو أنا هحسدك وبعدين انتي عارفة غلاوتك عندي.

نادرة بحب

عارفه بس انجزي

أنا زهقت بقالي ساعة تعبت وجعانة.

هدير

لا خالص قربنا نخلص وبعدين هو العريس هيجي امتى

نادرة بلامبالة وضيق

معرفش بابا بيقول على الساعة خمسة هنطلع من هنا يعني على المغرب هنكون في محل الدهب.

هدير

مالك بتتكلمي كدا ليه زي المڠصوبة يا اختي هو في في حلاوة وجمال حسن الصياد

نادرة بصتله پغضب وضيق

قصدك ايه أن شاء الله وبعدين مالك واخده عليه كدا ليه ولا هو البية ماشي يوزع في حب لدرجة أن الكل بيحبوه.

هدير بخبث

و مالك اتضايقت ليه يا مزة ولا غيرانة

نادرة بحدة

اتوكسي يا هدير يا حبيبتي اتوكسي وانجزي. .

في بيت حسن الصياد كان واقف في اوضته ومعه عامر اللي بيظبطله القميص الأسود

عامر

يا عم مش كنت تشتري بدلة دي ليلتك ولازم تكون اشيك واحد بس القميص هياكل عليك حتة يخربيتك يا جدع

حسن وقف أدام المراية وابتسم

أنت عارف اني مبحبش تكتيفة البدل.

عامر

الف مبروك يا حسن ويارب افرح بولادك كدا.

حسن

يا عم أنت مش عايز تتجوز أنت كمان

عامر بقلة حيلة

يا عم أنت مش شايف المصاريف عاملة ازاي ولا الدهب اللي كل يوم في الطالع لحد ما الشباب خالص فاض بيهم دا ربنا كرمك انك محوش قرشين ليوم زي دا.

حسن

ربك بيرزق شاور أنت بس على عروسة واخوك في ضهرك

عامر بحب

تسلم يا حسن تسلم. ياله بينا بقا علشان منتاخرش على ست الحسن.

حسن بحدة

لم لسانك.

عامر بخبث

متتحمقش كدا وبعدين اعملك ايه ما أنت خاطب أجملها بنت في المنطقة يبختك يا برنس.

حسن بضيق

عامر متخلنيش اتهور عليك أنت فاهم.

عامر

يا عم خالص أنا آسف.

حسن

يبقى ياله يا اخويا.

خرج حسن مع عامر من الأوضة ابتسم بود وهو بيبص لوالدته اللي كانت قاعدة منتظراه يجهز.

دعاء بحب

بسم الله ماشاء الله عيني عليك باردة الف مبروك يا حبيبي عقبال لما افرح بيك في الليلة الكبيرة يارب.

حسن ابتسم بود وانحني مسك ايديها وباسها بحب

الله يبارك فيكي يا ست الكل ولا يحرمني منك يارب.

دعاء

ابوك لو كان معانا كان هيفرح اوي يا حسن اوي يا حسن

تبارك بحزن

الله يرحمه يا ماما

حسن ابتسم بحزن وهو بحضن امه وأخته وهما بيحضنوه بسعادة واطمئنان

الله يرحمه تعالوا نقراله الفاتحة

تبارك

بحسك شبهه يا حسن حنين اوي

حسن بصلها وابتسم وهو بيقرأ الفاتحة على روح ابوه خرجوا كلهم وقفلوا الشقة بالمفتاح وحسن ركب مع والدته العربية اللي عامر أجرها مخصوص ليه وزينها بالورد بشكل جميل. وفي عربيات أجرة وراهم علشان أهل نادرة اللي هيروحوا معهم وهما بيشتري الدهب

بعد نص ساعة كان حسن وصل أدام البيوتي سنتر نزل وسط زغاريد وسعادة الكل ليهم حتى أهل الحي اللي شاركوهم فرحتهم. حسن دخل البيوتي سنتر كانت جليلة واقفه مع نادرة صاحبها

حسن كان محرج انه دخل وفي بنات كتير في المكان لكن عينيه كانت على واحدة بس واقفة بعيد

واحدة زي القمر. فستانها السماوي سوارية ومكياجها المتقن رافعه شعرها في تسريحة أنيقة عيونها اللي بتلمع بطريقة تسرق القلب

هدير

الف مبروك يا أبو على. ما تسمعوا زغروطه يا جماعة كدا

فجأة الصوت كان واحد ومليان فرحه وحب وهم بيغنوا ألاغاني الشعبية وبيزرغطوا حسن ابتسم وهو بقرب منها لحد ما وقف أدامها نادرة بصتله بهدوء وهو ابتسم بود وإدخالها بوكية الورد اللي عامر جهزه رغم أن حسن كان حاسس بالاحراج من الموقف لان معاملته مع البنات بسيطة جدا جدا نادرة ابتسمت واخدت البوكية بفرحة لان الورد ابيض وسماوي لايق مع لون فستانها

حسن

طالعه حلوة اوي. أوي يا نادرة

نادرة بصتله پصدمة

شكرآ. أنت كمان شكلك حلو. يعني. اقصد.

حسن ضحك وهو شايفها مش عارفة تجمع الكلام وقرب دراعه منها وهي بصتله لثواني ولفت ايديها حوالين دراعه خرجوا الاتنين من البيوتي سنتر وكانوا مميزين وكأنه أمير فضل سنين يدور على الأميرة بتاعته وأخيرا لاقها وسط الزحمة معظم البنات كانوا بيصورا نزلوا وهو ساعدها تركب العربية جانبه ووالدها بيتفرج عليهم وعيونه مليانه دموع

جليله بهمس

البت كبرت يا حج وبقيت عروسه زي القمر

الحج موسى

البت حلوة اوي يا جليلة كبرت بعد ما كانت بنت شهور وشايلها بين ايديا بعد ما كانت بتزهقني علشان تروح المدرسة كبرت وبقيت عروسة جميلة اوي

جليلة

ادعلها يا موسى ربنا يهدي سرها

موسى

يارب. ياله يا جليلة خلينا نطلع وراهم

في عربية حسن نادرة كانت قاعدة جانبه وهي متوترة من قربه ولانه ماسك ايديها بقوة لكن ساكت نادرة رفعت عينيها بحذر تبصله وهي مركز مع ملامحه الرجوليه الوسيمة دقنه الخفيفة بشرته الخمرية عيونه البني. وسيم. جدا بعدت عينيها عنه بسرعة وتوتر وهو لاحظ لكن مبحبش يوترها اكتر بعد ساعة وصلوا محل الدهب نادرة كانت واقفة جانبك ومعها كل صحابها وقرايبها بيتفرجوا على الدهب

الصايغ

تحبي اسورة وخاتم مع الدبلة اللي اختارتيها ولا ايه رايك

نادرة

أنا حابة اشوف الاساور

الصايغ ثواني.

دي التشكيلة الجديدة اللي عندنا

نادرة بقيت تتفرج على الاساور بسعادة وهي بتتفرج مع مرجانة

نادرة

حلوة دي

حسن

جميلة جدا عجباكي.

نادرة

اوي.

الصايغ طب ممكن.

نادرة اديته الاسورة والخاتم والدبلة وهو حطهم على ميزان الدهب وهو

بيحسب

الصايغ

أمم الاسورة دي تقيلة السعر هيكون تمانية وتلاتين الف لو تحبي ممكن افرجك على حاجة تانية.

نادرة بصت بيأس لان عارفة انهم متفقين على تلاتين الف دهب لكن هزت رأسها بمعنى اه حسن لاحظ حزنها ومبحبش يكسر بخاطرها

حسن

خالص يا أستاذ احنا هناخد الاسورة دي

جليلة بصت لمرجانة بستغرب

بس يا ابني اتفقنا.

حسن بمقاطعة

مش مهم الاتفاق المهم أنها عجباها

نادرة بصتله باستغراب انه ممكن يكلف نفسه علشان حاجة عجباها وهمست له بحرج

عادي يا حسن ممكن اختار أي حاجة تانية

حسن بجدية

اعتبرها هديتي ليكي يا نادرة. والغالي يرخصلك

نادرة ابتسمت تلقائيا مكنش فارق معها الفلوس اد ما الكلمتين دول كانوا سبب في سعادتها اختاروا الشبكة وخرجوا من المحل بعد وقت كان حسن دفع الفاتورة

بعد نحو ساعة رجعوا البيت ودخلوا الحي وسط زغايط حريم الحي دخلوا البيت حسن لابسها شبكته وقام رقص مع صحابه في جو مرح اللي كانوا فرحانين لأبو على

في مكان تاني تلات رجالة استغلوا انشغال أهل الحي في الخطوبة وبعدهم عن بيت حسن الصياد وصوت ألاغاني اللي مالي الحي كله ورموا الڼار على بيت حسن.

في بيت الحج موسي على سطح البيت الشباب اتجمعوا وبقوا يرقصوا بمرح عامر كان واقف قصاد حسن بيرقص بشغب ذكوري والبنات واقفين بيصقفوا في جو من الفرح والسعادة.

نغم بهمس لنادرة وهي بتقعد جانبها على الانترية

نادرة بقولك ايه مش أنت مش عايزاه تتجوزي حسن ممكن تدهوني الواد قمر يا بت ولا صاحبه عامر دول يخربيتك بومة

نادرة بحدة

بت اتلمي وبعدين يا أختي أنت خطوبتك لسه مكملتش اسبوعين لو سامح خطيبك سمع كلامك دا

نغم بخبث

ياريت يسمع نفسي اشوفه كدا وهو غيران عليا عايزاه يحس إني ممكن اطير من ايده

نادرة بخبث

بتحبيه يا نغم عيونك بتفضح قلبك.

نغم بمكر

طب ايه بجد بزمتك

متابعة القراءة
صفحة
11
/ 88
انت في الصفحة 12 من 88 صفحات

حسن ابن الأصول ولا فريد الزفت.

نادرة بسرعة

نغم اسكتي لو حد سمعك هتبقى مشكلة وبعدين أنا مش عايزاه افتح موضوع فريد.

نغم بضيق

يبقى لسه مخدوعة فيه بس لازم تفوقي يا نادرة بصي أدامك دا خطيبك واللي في ايديك دي شبكته ليكي. بلاش تفضل زارعه نفسك في أرض مش أرضك يا نادرة وإلا ھتموتي وتوجعي نفسك. أنا همشي سلام.

نادرة بصتلها بحزن أنها ممكن تسيبها في يوم زي دا وردت پغضب

أمشى يا نغم أمشى وشكرا على وقفتك جانبي.

نغم

نادرة أنا مقصدش بس أنا خاېفة عليك يا حببتي شوفي الناس دول كلهم جايين يفرحوا معاكي لأن كل واحد من دول عارف أنك تستاهلي كل خير وبرضو لأن كل واحد في الحي ليه موقف مع حسن وعارفين أنه جدع ابوس ايدك يا نادرة بلاش تعمل حاجة ټوجعك وتوجع قلبنا عليك.

نادرة بحزن

طب ممكن تسكتي دلوقتي لو سمحتي لان هعيط والناس هتلاحظ وأنا مبحبش دموعي بتحسسني اني ضعيفة وأنا بخاف اكون ضعيفة في يوم.

نغم بحب حضنتها وبهمس

حبيبتي أنت مش ضعيفة ولا عمرك هتكوني كدا طول ما أنت بتحكي قلبك وعقلك ولما تلقى نفسك مع اللي بيحبك بجد وقتها قلبك هيكون دليلك.

حسن كان بيبص عليهم من وسط التجمع ولاحظ أن في حاجة ساب الشباب يكملوا رقص ورجع لنادرة. نغم لما شافته ابتسمت وقامت من مكانه.

حسن بجدية

أنت كويسة

نادرة

اه. اه.

حسن بتاكيد واهتمام

متأكدة لو تعبتي ممكن نفوض الليلة.

نادرة

بس أنا كويسة.

حسن

يارب دايما تكوني كويسة.

نادرة

هو أنا ممكن اسالك سؤال هو أنت ليه خليتنا نشتري الاسورة دي يعني مكنش لازم وبعدين دي اكيد غالية عليك.

حسن بجدية وبيتكلم بتقل ولباقة

اولآ الشبكة هدية العريس وثانيا الحمد لله موضوع الفلوس دا سبيها عليا متفكريش فيه كتير ربك بيرزق ويعني أنا محوش مبلغ كدا علشان الجواز والحمد لله مستورة.

نادرة بسرعة

و الله أنا مش قصدي حاجة ولا أقصد موضوع الفلوس ولا.

حسن

فاهمك يا نادرة متقلقيش أنا لو مش جاهز مكنتش اتقدمتلك دلوقتي أنا يا بنت الحلال مش عايز ابهدلك معايا علشان اللي مرضهوش لأختي مش هرضاه ليكي.

نادرة ابتسمت بود وراحة

على فكرة أنت طيب أوي يا حسن.

حسن

وانتي تستاهلي كل خير ربنا يقدرني وأسعدك يا نادرة بس في حاجات كتير لازم نتكلم فيها علشان نقدر نتفاهم بس مش دلوقتى.

نادرة لنفسها

عارف أنت صعبان عليا أصل مش عارفة لو هكون البنت اللي أنت تستاهلها ولا لاء وكمان أنا مش شبهك ومش عايزاه أعيش الحياة دي. أنا حتى مش عارفه أنا عايزاه ايه.

في نفس الوقت دخل شاب بيت الحج موسى وهو بيجري بسرعة وبينهج باين عليه الفزع طلع السطح بسرعة أول ما شاف حسن جري ناحيته

اللحق يا حسن الڼار ماسكة في بيتك.

حسن بصله باستغراب وقام بسرعة

أنت بتقول ايه يا أيمن

ايمن

الڼار.

مكملش جملته وحسن خرج بسرعة ووراه الشباب ودعاء اللي اټفزعت هي ونادرة الكل خرجوا وراهم حسن نزل من البيت وهو بيجري ناحية بيته خرج من الشارع لكن وقف مصډوم وهو شايف الڼار اللي ماسكة في الستاير من جوا البيت والدخان خارج من الشبابيك جري بسرعة ناحيته وبدون

تبارك

حسن!

دعاء بسرعة

ابني. اللحقه يا عامر

نادرة وقفت جانبها وهي خاېفة عليه كانوا بيحاولوا يطفوا الحريق

جليلة

استر يارب استر يارب.

الشباب ورجالة الحي قدروا يطفوا الڼار لكن عفش البيت كان اتحر واتبهدل جدا من الحريق بعد مدة خرجوا من البيت وسابو حسن قاعد في المدخل وهو بيبص لكل شبر في البيت اللي اتبهدل نزل راسه بتعب وهمس لنفسه

يارب اديني طاقة أنا تعبت ورايا عيلتي متكسرنيش لأنهم مسنودين عليا يارب.

عامر قعد جانبه وكان باين عليه الحزن

قدر الله وما شاء فعل يا حسن قدر الله وما شاء فعل وأنت راجل مؤمن.

حسن

كل ما أحاول افرح بتيجي الدنيا وتضربني على دماغي بمرزبه يا عامر الحمدلله على كل حال.

عامر ربت على كتفه باهتمام

صدقني هنرجع كل حاجة زي الأول واحسن كمان وأن على العفش اللي اتحرق هنجيب احسن منه الف مرة وبعدين ما يام وقعنا وقومنا وما يقع إلا الشاطر.

حسن وهو بيبص للبيت على الله. على الله.

قام من مكانه وخرج للرجالة اللي كانوا واقفين برا تسلموا يا رجالة وقفتكم معايا مش هنساها.

عبودالقهوجي

بس مين عمل كدا يا حسن

حسن بحدة

اكيد واحد ميعرفش ربنا

عبود

أنا بلغتك البوليس وزمانهم جايين

حسن بسخرية

البوليس يا عبود لو قادرين يعملوا حاجة للي زي كانوا على الأقل عرفوا مين اللي حاول يصفي دمي لكن زي كل مرة هتتايد ضد مجهول بس يشهد ربنا اني مش هسيب اللي عامل كدا ولو فيها موتى تسلموا يا رجالة.

كل واحد راح لبيته ماعدا الحج موسى وعامر ونادرة قرايبها

امرآه بهمس

يا اختي ايه الخطوبة الفقر دي البت دي وشها نحس عليه أول ما تقدملها كان ھيموت ودلوقتي البيت بيولع

التانية بمكر

أنتى هتقوليلي وبعدين دي بنت سنية أمها كانت ست مفترية ومحدش كان بيطقها والبت طالعه لسانها طويل لأمها لا وكمان نحس. عيني عليك يا حسن والله ميستاهل واحدة زيها

نادرة سمعت الكلام اللي بيهمسوا به لبعض وافتكرت زمان لما كانت صغيرة وكانوا بيضايقوها وبيتكلموا عن أمها وحش وكرد فعل طبيعي منها كانت بټضرب اللي بيقول حاجة وحشه عن أمها وبترد على كل واحدة تزعلها بس كانت بتزعل وپتتوجع ومحدش بيحس بيها بالعكس بيشوفوا انها عدوانية لأنها بتضربهم محدش فهم أنها مبتحبش تبكي لكن بتزعل. دموعها نزلت وهي سامعهم بيتكلموا عنها أنهانحس

نادرة لنفسها هم عندهم حق على فكرة طول عمرك يا نادرة هتفضل نحس على حواليكي وهو كمان هيقول كدا لما يقعد ويفكر بس أنا مش عايزاه اتوجع منهم تاني أنا مش عايزه حد يوجعني تاني. أنا لازم اديله دبلته بس. أنا مش عايزاه أكون قليلة الأصل.

مسحت دموعها واخدت نفس عميق وهي بتدوس على ۏجعها وبتبص للي كانت بتتكلم راحت ناحيتها بسرعة وعيونها فيها شړ

زهرة پخوف وهي شايفة نادرة بتقرب منها

في ايه يا نادرة يا بنتي

نادرة وقفت أدامها وهمست پغضب

اقسم بالله لولا الموقف اللي احنا فيه دا كنت جبتك من شعرك ومسحت بيكي الحارة لكن حظك بقا سيرة أمي لو جيت على لسانك تاني يا زهرة وربي لتكوني ندمانة يا شيخة حسي على دمك اللي بتتكلمي عنها دي ماټت جاتكم القرف عالم هم

مشيت وسابتها وكل واحد راح بيته حتى قرايب نادرة

جليلة

نادرة خلينا نروح الوقت اتأخر ابوكي قال اخدك ونمشي وهو هيفضل معهم.

نادرة بعناد

جليلة روحي أنت وانا مش هتاخر هاجي وراكي على طول.

جليلة بشك

هتروحي فين يا بت انتي عارفة الساعة كام دي داخلة على اتنين!

نادرة بضيق

هروح فين يعني يا جليلة هطمن على أم حسن ياله روحي أنت بس

جليلة

لا يا أختي مش هقدر اسيبك في الوقت دا رجلي على رجلك.

نادرة

جايبة أبن أختي معايا صبرني يارب. ياله

جليلة دخلت معها بيت حسن وهي زعلان على شكل البيت كان أبوها قاعد مع حسن وعامر

تبارك لما شافتهم راحت ناحيتها

نادرة الوقت اتأخر يا حبيبتي.

نادرة

اومال هي والدتك فين يا تبارك

تبارك بحزن

الضغط وطي عندها أنا اديتها الدواء ونامت. الحمد لله

متابعة القراءة
صفحة
12
/ 88
انت في الصفحة 13 من 88 صفحات

الحريق مطلتش الاوض.

نادرة بحزن

أن شاء الله هتعدي يا تبارك والله هتتعدل

تبارك بحزن

يارب يا نادرة يارب.

جليلة

طب مش ياله يا نادرة أم حسن نايمة دلوقتي

نادرة بصتلها پغضب وقربت من تبارك تهمس لها

هو أنا عايزاه اتكلم مع حسن بس من غير ما حد يحس ممكن.

تبارك

طب بصي الطرقة استنى فيها دقيقتين وانا هناديله علشان مع الرجالة

نادرة هزت راسها بمعنى اه وراحت ناحية الطرقة البعيدة جليلة بضيق

رايحة فين يا نادرة

نادرة

استغفر الله العظيم راحة الحمام يا مرات ابويا اتبطي بقا.

جليلة بضيق

مش ناوية تحبيها لبر

كانت واقفه في الطرقة بعيد عن انظارهم لحد ما لقيته داخل بعد ما تبارك نادت له

حسن باستغراب وحدة

نادرة أنت لسه هنا الوقت اتأخر

نادرة

هو أنا بس كنت عايزاه. كنت عايزاه

حسن

اتكلمي

عايزاه ايه

نادرة بمواساة

كنت عايزاه اقولك أن شاء الله هتتعدل يا حسن والله وهتعرف مسن ابن الحرام اللي عمل كدا وهتاخد حقك تالت ومتلت منه.

حسن بابتسامة حزينة

أن شاء الله يا نادرة أن شاء الله بس مينفعش تفضلي برا البيت اكتر من كدا لازم تروحي.

نادرة

طب هو أنت مش عايز تقول حاجة

حسن اتنهد ورد لا يا نادرة مش عايز.

نادرة قربت منه وحطت ايديها على كتفه بحزن

حسن أنا عارفه انك زعلان من جواك حتى لو مش باين عليك بس عايزاك تكون عارف إني جانبك آه مفيش حاجة في أيدي اعملها بس وقت ما تكون متضايق ومش لاقي حد تتكلم معه أنا ممكن اسمعك وقتها ومش هزهق منك. ولو أنت حابب تطلع الزعل اللي جواك أنا هسمعك والله. بعيد عن أي حاجة بينا بس أنا في ضهرك بس مش زي ما أنت ممكن تفكر أنا أقصد في ضهرك يعني دون ما اكون في مشاعر ليك عندي فاهم. اقصد اني.

حسن ابتسم رغم حزنه

هو أنت متعرفيش تكملي الكلام حلو للآخر لازم يبقى في جملة دبش في النص

كمل كلامه بجدية وهدوء

متقلقيش أنا كويس الحمد لله وبعدين ربنا موجود وان شاء الله أنا هظبط الحاجات اللي اتحرقت متشغليش بالك أنت بس ياله روحي مينفعش تفضلي هنا لحد دلوقتى

نادرة

ماشي همشي سلام عليكم

حسن

و عليكم السلام.

أبتسم وهو شايفها بتبعد وبتخرج من البيت مع جليلة.

حسن

شكلك كدا هتتعبي قلبي معاكي. بجملة.

في بيت الحج موسي نادرة دخلت مع جليلة اللي كان باين عليها السرحان والحزن وجليلة لاحظته

نادرة

هدخل اغير وأنام تصبحي على خير

جليلة

هتنامي وأنتي زعلانة كدا

نادرة بابتسامة جميلة

بس أنا كويسة يا جليلة.

جليلة بهدوء وهي بتقرب منها

مبتعرفيش تخبي يا بنت سنية عيونك شفافة الحزن مش لايق على ملامحك ولا لايق على قلبك يا نادرة ايه اللي مزعلك.

نادرة

خاېفة. خاېفة أوى يا جليلة خاېفة يجي اليوم اللي اذاي فيه نفسي احضنيني يا جليلة هو أنا لازم اقولك احضنيني.

جليلة بصتلها بحزن وابتسمت وهي بتحضنها بقوة وبتربت على ضهرها باهتمام

نادرة بهدوء

حضنك دافئ أوي. عارفة يا جليلة أنا يمكن فيا كل العبر زي ما كلكم شايفين لكن يعلم ربنا أني بس خاېفة خاېفة اتوجع يا جليلة خاېفة أوي. محدش فاهمني أنا مش عايزاه أغلط بس والله العظيم ڠصب عني

جليلة بحب

مهما خفتي وحسيتي أنك لوحدك افتكري أننا في ضهرك فاهمة يا نادرة وبعدين مين قال إن فيكي كل العبر أنت طيبة قلبك كفاية تخلينا نحب نعيش معاكي اوعي في يوم تخلي كلام الناس يأثر فيكي بطريقة وحشه اوعي يا نادرة. وياله ادخلي غيري وتعالي ننام سوا أبوكي شكله مش جاي دلوقتي

نادرة

أنا مصلتش العشاء والمغرب من زحمة اليوم هغير واصلي واجيلك.

جليلة

ماشي يا حبيبتي ياله هستناكي.

بعد دقايق نادرة خرجت من اوضتها وراحت أوضة جليلة اللي كانت قاعدة على السرير ابتسمت وهي شايفها بتدخل وبتنام جانبها.

جليلة

اطفي الاباجورة اللي جانبك.

نادرة غمضت عينيها بتعب نامت وهي في حضن جليلة اللي كانت بتملس على شعرها بحنان

نادرة بنوم

هو كدا هياجلوا الفرح صح

جليلة بخبث

ليه مش قادرة على بعده

نادرة برفعة حاجب نامي يا جليلة بدل تهيوات نص الليل دي نامي يا ماما.

في فيلا الأسيوطي رحاب كانت قاعدة في الجنينة في وقت متأخر بتشتغل على اللاب توب مبتسمة بخبث اامم اظن هديتي لخطوبتك مفاجأة يا أبو على بس أنا كنت رحيمة معاك ومخلتش اللي يولع في بيتك يولع في الورشة كمان أصل أنا الصراحة مبحبش ألاذايه بس برضو حبيت اسيبلك تذكار حلو في اليوم المميز دا مش رحاب الأسيوطي اللي حد يرفضها مش حتة ميكانيكي مالوش لازمة.

في نفس الوقت دخل فريد الفيلا وباين عليه انه سکړان لكن فايق إلى حدا ما رحاب بصتله پغضب وسخرية. حطيت رجل على رجل بتعالي وهي شايفه داخل

رحاب بضيق

اهلا اهلا يا فريد بيه ما لسه بدري كنت اتأخر كمان شوية وسيب الشغل في المجموعة.

فريد بضيق

عايزه ايه يا رحاب أنا مش فايقلك

رحاب

اه بس فايق بس للشرب والبنات وناسي الشغل عمي مراد راجع مصر كمان شهر بالكتير لو رجع وشافك بالمنظر دا صدقني مش هتحب تصرفه أنا لحد دلوقتي بداري عليك أدامه لكن مش هفضل أعمل كدا كتير. فوق يا فريد وبطل صرمحة متنساش أنت مين ومتنساش انك أبن مراد الأسيوطي.

فريد بسخرية

ما بلاش دور سيدة الأعمال دا يا رحاب علشان بدأت اتخنق منك وبعدين أنا بعدي حاجات كتير ليكي ومش عايز اتكلم يمكن لأن قانون السوق هو المصلحة تحكم فبلاش تخليني أكشف ورقك يا مدام رحاب الأسيوطي. اه صحيح ذوقك انحدر أوي

رحاب بصتله بلامبالة رغم خۏفها انه يكون عرف حاجة عن مقابلتها بحسن الصياد.

بعد مرور شهر حسن كان بيتابع العمال اللي جابهم يشتغلوا في بيته وكمان بيجهز شقته وبيخلص النقاشه. نادرة بتعدي يومها عادي مع جليلة وقليل لما بتتكلم مع حسن.

في احدي

الليالي عامر رجع لبيته بعد ما خلص شغل مع حسن وقفلوا الورشة طلع لوالده اللي كان قاعد في البلكونة عامر بمرح

يا حج عبد الرحمن فينك

عبد الرحمن

أنا في البلكونة يا عامر تعالي يا إبني

عامر ابتسم ودخل البلكونة لقى والده بيسي الصبار سند على تربزين البلكونة وبيتفرج على الشارع والناس رايحة جاية

عامر

طول عمرك تحب الزرع يا حج

عبد الرحمن

الله يرحمه أبو حسن هو اللي خلني احب الزرع الله يرحمه.

عامر

الله يرحمه طب ايه أنا جعان اكلت ولا احضر عشاء لينا احنا الاتنين.

عبد الرحمن

أنا اتعشيت مع حسن أصيل الواد دا جيه من شوية وكان جايب اكل معه أنت كنت فين صحيح حسن قال انكم قفلوا الورشة من ساعة.

عامر

كنت بعمل مشوار كدا في السخان بس مقولتليش حسن كان بيعمل ايه هنا

عبد الرحمن

كان جايب كفته وقال لازم نتعشا سوا وقاعد معايا وفضل لحد ما اخدت الدواء ومشي

عامر

طيب حسن بس الدنيا جاية عليه بالجامد وكل شوية تديله على دماغه يعني هيلقيها منين ولا منين بيته ولا مصاريف جوازه ولا علاج أمه والله حسن ساعات بيصعب عليا

عبد الرحمن بجدية

راجل وصابر على اللي بيحصل فيه عارف يا عامر حسن دا بيفكرني بابوه الله يرحمه بيكافح علشان يعرف يعيش في البلد دي تعرف لما عرفت انه هيخطب فرحتله هو يستاهل يلقى راحة

متابعة القراءة
صفحة
13
/ 88
انت في الصفحة 14 من 88 صفحات

البال مع بنت الحلال ونادرة طيبة وعلى نيتها

عامر

ربنا يسعدهم يا حج ويبعد عنه ولاد الحرام اللي حاشرين نفسهم في حياته.

عبد الرحمن

اللهم امين ويرزقك ببنت الحلال ياله ادخل صب الشاي واطلعله

عامر

اطلع لمين لامواخذة

عبد الرحمن

لحسن قاعد عند غية الحمام

يتبع