سكريبت يوميات اهلاوى وزملكاويه بقلم منال عباس

اسكريبت يوميات اهلاوى وزملكاويه

( جمانة & عبد الرحمن ) بقلم الكاتبه منال عباس

كانت جمانة بنت عندها عشرين سنة… جمالها هادي لكن لافت، عيونها جميلة وفيها شقاوة، وشخصيتها أقوى من أي حد يتخيل.
أكتر حاجة بتحبها بعد قهوتها الصبح؟ 💙 نادي
نادي الزمالك
كانت مشجعة متعصبة جدًا، ودايمًا على السوشيال ميديا تدافع عن فريقها كأنها محامية النادي!
وفي الناحية التانية…
عبد الرحمن، 26 سنة، شاب ناجح وشخصيته تقيلة وراجل جدع، لكن أول ما الموضوع ييجي عند
النادي الأهلي
يتحول لمشجع درجة أولى 🔴🔥
عنده صفحة رياضية مشهورة، بيحلل مباريات الأهلي ويدخل في جدال مع أي حد يقلل من فريقه.
بداية الحرب 😤🔥
بعد ماتش قمة مشتعل…
جمانة كتبت بوست طويل تسخر فيه من أداء الأهلي.
عبد الرحمن شاف البوست… ورد عليها في الكومنتات رد مستفز جدًا.
عبد الرحمن : “واضح إنك بتتفرجي على ماتش تاني يا أستاذة!”
جمانه شافت التعليق ردت بعناد
: “وأنت واضح إنك شايف بعين الانتماء مش بعين العقل!”
والكومنتات اشتعلت 🔥
متابعينها ضد متابعينه…
ومن يومها بقى بينهم حرب يومية على السوشيال ميديا.
الغريب بقى… 💭
رغم الخناق الدائم…
عبد الرحمن بدأ يلاحظ حاجة.
أنه بقي منتظر اى بوست ليها علشان يدخل ويرد

ومن هنا حرب الكومنتات بدأت تتحول لكوميديا ويلا بينا نشوف شويه مواقف ما بينهم
😂 الموقف الأول: الفضـيحة اللايف
جمانة قررت تعمل لايف بعد فوز
نادي الزمالك
وقالت بثقة: “معلش يا جماعة… بعض الناس كانت فاكرة إنهم هيكسبوا 😌💙”
فجأة… يدخل عبد الرحمن في اللايف! ويقول
: — “طب ما تقوليلهم إن الفوز ده بالحظ بس؟”
جمانة اتفاجئت وارتبكت، بس قالت بسرعة : — “أهو الحظ بييجي للي يستاهله يا مشجع
النادي الأهلي 😏”
اللايف قلب ضحك… والناس بقت تعمل ميمز عليهم هما الاتنين!
😂 الموقف التاني: القميص الغلط كان يوم مولع 😄😄😄😄

في يوم جمانة نزلت صورة جديدة ليها…
بس ماخدتش بالها إن في الخلفية أخوها اياد لابس تيشيرت الأهلي!
عبد الرحمن عمل شير للصورة وكتب: “واضح إن الحقيقة بدأت تظهر 😂”
جمانة جن جنونها!
كتبت رد: “ده أخويا… وأنا مليش دعوة بيه 🤦🏻‍♀️” وفضلت طول اليوم فى خناقه مع اخوها اللى قعد يحلف ليها انه ماكنش قاصده والتيشرت بالصدفه لونه احمر شبه تيشرتات الأهلى 🫣🫣
الموضوع بقى ترند صغير… وهاشتاج
#أخو_جمانة_أهلاوي

اشتغل جامد 😭😂

😂 الموقف التالت: المقابلة الصادمة
الصدفة لعبت لعبتها…
طلعوا الاتنين مدعوين في نفس برنامج رياضي.
أول ما شافته داخل الاستوديو…
بصتله وقالت: — “هو أنت بني آدم بجد؟ كنت فاكرة انك أكاونت فيك!”
رد وهو مبتسم: — “وأنا كنت فاكر إنك روبوت مبرمج على كلمة تحكيم!”
المذيع قاعد يضحك… والجمهور بيصقف.
💭 لكن بقى في حاجة غريبة…
وسط الضحك والهزار…
بقوا يتكلموا برا الكاميرا.
خناقاتهم بقت أخف.
كلامهم بقى أطول.
وبدل ما يستفزها… بدأ يضحكها.
ومرت الايام وجمانه وعبد الرحمن على نفس الوضع كل واحد متحيز لفريقه

لحد ما جه يوم…
عبد الرحمن قالها:
“هو ينفع نهدى الحرب دي شوية؟
مش عشان الزمالك… ولا الأهلي…
عشان أنا بقيت مستني كلامك أكتر من الماتش نفسه.”
جمانة سكتت لحظة…
وقلبها دق أسرع من هجمة مرتدة ⚽❤️
وجه اليوم اللى الأهلى والزمالك هيتقابلوا سوا…..بقلم منال عباس

⚽🔥 يوم القمة
المكان: مدرجات
استاد القاهرة الدولي
المناسبة: ماتش بين
نادي الزمالك
و
النادي الأهلي
الجو نار 🔥
هتافات… أعلام… شد أعصاب.
جمانة لابسة تيشيرت الزمالك ورافعه وشاح أبيض.
عبد الرحمن في الناحية التانية، تيشيرت أحمر ونظرة تحدي.
شافوا بعض من بعيد.
ابتسم.
هي لفت وشها بتكبر… بس قلبها كان بيدق بسرعة. بس على حظها حصل 😅 الموقف الكوميدي دا
جمانة كانت بتشجع بحماس جامد…
وفجأة اتزحلقت وهي بتقف على الكرسي!
قبل ما تقع…
إيد مسكتها.
عبد الرحمن 😳
قال وهو بيضحك: “مش هخلي مشجعة الزمالك تقع… حتى لو استاهلت!”
ردت وهي محرجة: “سيب إيدي… أنا كنت ماسكة نفسي!”
بس الحقيقة؟
لو ما كانش مسكها… كانت هتبقى لقطة الموسم 😂
😳وهووووب جات اللحظة اللي غيرت كل حاجة
في نص الماتش… حصلت خناقة خفيفة في المدرجات بين جمهور الفريقين.
جمانة اتلخبطت وسط الزحمة.
عبد الرحمن من غير تفكير قرب منها وقال: “خليكي جنبي.”
حط إيده قدامها يحميها من التدافع.
صوته كان هادي… مختلف عن صوت الخناق على السوشيال.
قالها بهدوء: “إحنا ممكن نختلف في الكورة…
بس عمري ما هسمحلك تتأذي.”
جمانة بصتله…
أول مرة تشوف فيه الراجل مش المشجع.
واوباااا وصلنا لل⚽💔 اللحظة الرومانسية
في آخر دقيقة… هدف قاتل!
الجمهور كله قام مرة واحدة.
جمانة بصت على النتيجة…
وبصت عليه.
ابتسم وقال: “لو فريقي خسر… مش مشكلة.
أنا كسبت أهم ماتش النهارده.”
قلبها وقع.
قالت بخفة دم: “متفتكرش إن ده هيخليني أبقى أهلاوية.”
قرب شوية وقال: “ولا أنا هبقى زملكاوي…
بس ممكن نبقى فريق واحد؟”
سكتت لحظة…
وبين صوت الهتافات…بقلم منال عباس
وافقت بهزة راس صغيرة ❤️
وبدأت المكالمات ما بينهم
📞❤️ كل واحد عنده فضول عايز يعرف التانى اكتر
بعد يوم القمة…
بقوا يتكلموا كل يوم.
الأول كانت مكالمات خناق:
— “شوفت التحكيم؟”
— “شوفت الأداء؟”
وبعدين بقت:
— “أكلتي إيه؟”
— “نمتي ولا لسه؟”
جمانة كانت تضحك على غيرتها الغريبة لما يشكر لاعب في النادي الأهلي
وهو يتعصب لما تشارك فيديو احتفال
نادي الزمالك
بس في الآخر…
كان دايمًا يقولها قبل ما يقفل:
“تصبحي على خير يا أجمل زملكاوية في الدنيا.”
وهي ترد بخجل:
“وأنت من أهله يا أطيب أهلاوي.”

…. يتبع