نسيم العشق بقلم يارا عبد العزيز الثالث والاخير

نور :- ماشي يحبيبى

جنة كانت قاعدة على السرير بخجل و عيسى كان بيلبس هدومه

جنة :- رايح فين
يسى :- خطر فى دماغي حاجه كدا ممكن توصلنا للمحمود الغفير

جنة :- ايه هي

عيسى :- تظبط بس و هقولك

راح عندها و بصلها بحب: عايزة حاجة

جنة برقة :- سلامتك

عيسى بحب و هو اتكلم معها بهدوء و بيضع كلمة حلوة عليه

:- مش هتأخر عليكي يعمري

جنة بخجل : تمام

خلص لبس و خرج من الاوضة ، بصيت لصورته المحطوطة على الكمودينو جانبها ، خدته و فضلت تبصلها بحب

:- بحبك اوي يعيسى

عيسى نزل تحت الجنينة و اتكلم مع كبير الغفر عندهم

عيسى :- بقولك ايه يا عم جلال

جلال:- ايوا يبيه

عيسى :- محمود الغفير فاكره

جلال: و هو دا يتنسي يبيه دا كامل بيه قلب عليه الدنيا و معرفش يوصله

عيسى :- متعرفش حد من قرايبه صحابه المقربين اي حد

جلال و هو بيفتكر :- فيه يبيه سامح صاحبه اوي عايش هنا فى سوهاج بس احنا حاولنا معاه وقال مش عارف مكانه

عيسى :- عايش فين فى سوهاج

بدأ جلال يوصفله عنوان المكان

عيسى :- تمام

استغفر الله العظيم الذي لا اله الا هو الحي القيوم و اتوب اليه 🤎

خد عربيته ، و راح المكان دا كان عبارة عن بيت صغير فى سوهاج بس كان بيبعد كتير عن القصر ، خبط الباب ، فتح سامح الباب اول اما شاف عيسى خاف جدا واتوتر

عيسى : ازيك يا سامح عامل ايه

سامح بخوف:- عيسى بيه اتفضل

عيسى دخل البيت بثقة و شخصيته القوية

عيسى :- اقعد يا سامح دا بيتك وانا ضيف حتى

سامح بخوف :- حاضر يبيه

عيسى بهدوء :- انا هتكلم معاك براحة خالص اهو فين محمود صاحبك

سامح بخوف شديد جدا :- معرفش يبيه والحاج كامل سألني قبل اكديه و قولتله معرفش

عيسى راح عنده و اتكلم بغضب مفرط

:- انت هتستعبط يالا دا صاحب عمرك و اكيد عارف مكانه انطق بدل ما انت عارف انا ممكن اعمل فيك ايه انطق

سامح بخوف شديد:- فى بيت فى الجبل فى مكان قريب من سوهاج

عيسى :- قوم معايا وديني ليه يلا

اتحرك سامح مع عيسى و وصلوا للمكان كان عبارة عن كهف صغير فى صحراء مكان ميخطرش على بال اي حد ، دخل الكهف دا لاقه زي البيت فيه كل المستلزمات اللي بيحتاجها اي شخص

كامل بصله بخوف شديد:- عيسى بيه

عيسى بثقة :- و الله و وقعت يا محمود ظلمتوا انت و كريمة هانم مرات عمي ازاي بقى