ادخلي جوه ومتقفيش في البلكونه كتير ونامي عندك درس الصبح لقيت المسدج دي حد بعتهالي من رقم غريب بصيت يمين وشمال ملقيتش حد خالص في الشارع يا ماما هو في عفريب ادخلي ومتفكريش كتير ومتخافيش انا مش عفريت لا بقي مبدهاش انا هدخل انام انا اسمي مريم عندي 18سنه في تالته ثانوي علمي علوم وحلمي ادخل كلية صيدله الباقي هتعرفوه ـــــــــــــــــــــــــــــــــــــــــــ في الصباح حنان مامت مريم: يلا يا مريم قومي عندك درس مريم:سيبيني شويه يا ماما حنان: يلا يابت اخلصي هتتأخري الساعه 10 مريم بفزع: يلهوي ياماما بتهزري انا كده اتأخرت خالص حنان: بقوم فيكي من بدري يلا قومي مسكت الفون لقيت الساعه لسه 7 مريم: كده ياماما حرام عليكي الساعه لسه 7 حنان: اخلصي يلا يا بت قومت اتوضيت وصليت الضحي ولبست ادناء اسود في بيج والخمار بيج ـ انا ماشيه ياماما عشان اتأخرت علي البت حنين حنان: افطري قبل متنزلي ـ بقولك اتأخرت لما اطلع من الدرس هاكل اي حاجه حنان: ماشي في رعاية الله ـ سلام ـــــــــــــــــــــــــــــــــــــــــــــ حنين صديقة مريم المقربه: ايه يا ست مريم اتأخرتي كده ليه برن عليكي مش بتردي ليه ـ معلش مسمعتش الفون ويلا المستر هيشعلقنا ــــــــــــــــــــــــــــــــــــــــــــــــــــــــــــــ المستر: اتأخرتوا كده ليه انا مش منبه علي التأخير مفيش ألا انتوا اللي بتتأخروا علي فكره مريم: معلش يا مستر احنا اسفين اخر مره ـ آخر مره بعد كده مش داخلين الحصه ـــــــــــــــــــــــــــــــــــــــــــــــــــــــــــــ المسترهادي بعصبيه: بتبص علي ايه الولد: مفيش يا مستر ببص عادي المستر: طيب بص قدامك يا خفيف حنين: بت يا مريم المستر طول الحصه مشلش عينه من عليكي مريم: وانت عرفتي منين ما ممكن يكون بيبص لحد تاني حنين: لا انا اخدت بالي منه وشوفته وهو بيبصلك مريم: طيب غضي بصرك يا حبيبتي المستر بنرفزه: الاستاذه اللي بتتكلم هي واللي جنبها قومولي مريم: نعم يا مستر كنت بسألها علي حاجه المستر: لا اسألني انا ويلا اطلعوا بره متدخلوش ليا حصه تاني مريم بدموع: بس يا مستر المستر بزعيق: من غير بس يلا بررره ـــــــــــــــــــــــــــــــــــــــــــــــــــــــــــــ حنين: مش المفروض ان هو ابن عمك بيزعق ليه مريم بدموع: خلاص انا اصلا زعلانه منه مش عارفه اتنيلت وحبيته علي ايه حنين بغمزه: متنكريش ان هو مز ويتحب مريم: حنين اتلمي هسيبك وامشي وبعدين قولتلك غضي بصرك حنين: ماشي يا روحي انا هسيبك بقي واروح عشان خالتوا عندنا مريم: تمام ابقي سلميلي عليها وعلي طنط هدي ـ ماشي ـــــــــــــــــــــــــــــــــــــــــــــــــــــــــــــــ مريم: السلام عليكم يا اهل البيت حنان: انت جيتي يا حبيبتي مريم: لا لسه تحت حنان: يا خفه ادخلي يلا غيري هدومك والبسي حاجه عشان عمك ومرات عمك وابنهم جايين مريم في سرها: ايه اللي جابه ده حنان: بتقولي حاجه مريم: مش بقول دخلت اتوضيت وصليت ولبست الاسدال والخمار وطلعت اساعد ماما مريم: هو بابا لسه مجاش حنان: في اوضته ـ بابا يا بابا يا حتة سكره ـ تعالي يا عيون بابا ـ عامل ايه يا حبيبي ـ الحمدلله يا حبيبة بابا اخبارك في الدروس ايه انا مش هقبل الا بمجموع عالي ـ إن شاءلله يابابا ادعيلي ـ بدعيلك من غير ما تقولي جرس الباب بيرن روحي افتحي فتحت الباب لقيته في وشي هادي: عامله ايه يا مريم مريم بصوت خافت: ولا اكنه لسه طاردني من الدرس هادي: بتقولي حاجه مريم ببرود: بقول اتفضل عمي حبيبي عامل ايه ـ الحمدلله يا حبيبة عمك انت عامله اية ـ الحمدلله عامله ايه يا قمر يا بت ده انا اكبر من امك ـ عادتشي ولا يبان عليكي ده انت اصغر مني يا بكاشه قمر مامت هادي: كده يا حنان متجيش تسألي الا ما أنا اسأل حنان: معلش يا قمر حقك عليا بس أنا كنت تعبانه برضو قمر: الف سلامه عليكي ـ يلا يا حنان حطي الاكل حنان: يلا يابت يا مريم تعالي ساعديني ـ جايه اهوه طول ما إحنا بناكل وانا حاسه بنظراته قمر: مش بتاكلي ليه يا مريم مريم بكسوف من نظراته: باكل يا قمري اهوه ـــــــــــــــــــــــــــــــــــــــــــــــــــــــــــــــ بابا: تشرب شاي يا هادي هادي: عايز اشرب قهوه ـ قومي يا مريم اعملي قهوه مريم بطاعه: حاضر يا والدي ـ عامله ايه في الدروس يا مريم فاضل تكه خلاص الامتحانات الشهر الجاي مريم بدموع: ما هو انا طلعت من درس وبحاول الاقي مدرس شاطر قمر:درس مين انت جايه تطلعي قبل الامتحانات مريم بصت لهادي بدموع: مش مهم أنا داخله اذاكر بعد شويه هادي بيخبط علي باب مريم: افتحي يا مريم انا هادي مريم فتحت: عايز ايه في حاجه نسيت تقولها في الدرس هادي: ايه ده انت معيطه انا اسف انا كنت مضايق شويه مريم بدموع: وطلعت ضيقتك عليا هادي بضيق: كان في ولد بيبص لحضرتك اسكت يعنى وبعدين قولتلك كام مره تطولي الخمار قبل ما تطلعي صح ولا لا مريم: كان طويل علي فكره ويلا روح عشان وقفتنا دي متنفعش هادي: طيب روحي هاتي كتبك عشان اذاكرلك بره مريم: تمام ـــــــــــــــــــــــــــــــــــــــــــــــــ هادي: فهمتي الجزئيه دي مريم: ايوه فهمتها بابا مريم: أنا اسف اني قطعتكوا هادي: ولا يهمك ياعمي في ايه ـ في عريس متقدملك يا مريم هو شاب محترم شافك وعجبتيه هادي: نعمممم ايه اللي انت بتقوله ده يا عميي عريس ايه وزفتتت ايه…….. يتبع ر اتمنى تعجبكم البارت الثاني هادى: عريس ايه وزفت ايه اللى بتقوله ده يا عمي ـ فى ايه يا هادى بتعلي صوتك على عمك ليه وفيها ايه عريس عريس فيها حاجه دى هادى بعصبيه: يا بابا انا اقصد ان هى لسه صغيره وامتحاناتها قربت ـ يا هادى هو لسه بيطلبها لسه معطتنيش رأيها لسه ـــ ها يا بنتى اخليه يجى هادى بيبص لمريم مترقب اجابتها مريم: بص يا بابا حضرتك انا لسه صغيره فعلا زي ما هادى قال وكمان مش عايزه حاجه تشغلنى عن الدراسه ـ خلاص يا بنتى أنا مش هغصبك على حاجه حنان: انا روقت الشقه اللى قدامنا اول مقولتلى يا قمر ان انتو هتقعدوا فيها مريم: ايه ده يا عمي انتوا هتستقروا هنا خلاص ـ ايوه يا بنتى هنقعد هنا معاكوا مريم: طيب اسيبكوا انا وادخل اكمل مذاكره هادى بغضب: انا ماشى قمر: رايح فين يا هادى الساعه داخله على 11 هادى: مش رايح يا امى هشوف واحد صاحبي وجاى ـ طيب احنا تستأذن بقى ـ متخليكوا قاعدين شويه ـ لا عشان نروح نستريح شويه _________________________ ما انكرش اني فرحت برد فعله مش ممكن يكون بيبادلنى نفس الشعور لا يا مريم طلعى كل ده من دماغك وركزى فى مذكراتك الامتحانات على الابواب احمد صاحب هادى: ما قلتلك يا هادى خد خطوه واتقدملها هادى: احمد قولتلك لسه صغيره انت عارف فرق السن بينا قد ايه احمد: وايه يعنى انت عندك 26سنه وهى عندها 18سنه ومش كتير والحب مش بالسن على فكره هادى بتنهيده: مش عايز اظل\مها معايا انا حاسس ان هى بتحبنى وانا كمان بحبها بس مش لازم ده يحصل هى لسه صغيره احمد: انت مخك ده ايه احنا اللى هنعيده هنزيده خلاص ياعم طلاما مش عايز تاخد خطوه وتتقدملها سيبها بقى انت كده بتوقف حالها هادى بعصبيه: احمد انت بتقول ايه هى لو مكنتش ليا مش هتكون لغيرى احمد: انت كلامك متناقض عن بعضه طيب هتتقدملها طيب هادى: مش عارف حاسس اني مشوش احمد: خلاص لما تكون عرفت تكون هى راحت منك انا كنت معجب بيه وخلاص يا هادي هتقدملها هادى بعصبيه: ضر\به بالبوكس انت بتقول ايه يلا انا خلاص قررت ان بعد النتيجه ما تطلع هتقدملها وهتجوزها سواء برضاها أو غصب عنها احمد بضحك: ايدك تقيله كان لازم اقول كده عشان تتحرك هادى: ماشى يا ظريف انا ماشي احمد بضحك: ابقى سلملى عليها هادى بس يلا شكلك عايز تتربا احمد: خلاص يا عم مشى ـ نزلت عشان اشترى حاجه من السوبر ماركت كنا الساعه 12ونص بليل وانا طالعه البيت هادى بعصبيه: بتعملى ايه فى الوقت ده بره مريم بخوف ودموع: والله مش بعمل حاجه انا كنت نازله اشترى حاجه بس هادى بنرفزه: حاجه ايه الساعه 12 مريم بخوف: كنت عايزه اكل شوكولاته هادى وهو بيشد فى شعره: وما قولتليش ليه مريم: وانا اقولك ليه هادى: اخفى من وشى دلوقت ـ طلعت اجرى من الخوف ايوه العمر مش بعزقه طلعت اكلت الشوكولاته ونمت وانا بفكر فيه صحيت على رنة الفون مريم بنوم: الو ـ قومى يلا عشان تصلى الفجر مريم بصيت فى الفون: لقيته رقم هادى مريم: حاضر قايمه اهو قومت صليت الفجر وقريت الاذكار والورد بتاعى فى البلكونه عشان الوقت ده بيبقا جميل وقت الشروق وبعد كده دخلت عملتلى شاى بلبن الع\شق وطلعت البلكونه تانى عشان اذاكر هادى: بتذاكرى ايه مريم: حرام عليك خضتنى هادى: سلامتك من الخضه بتشربى ايه مريم: شاى بلبن اعملك هادى: لا اعملى قهوه بلبن مريم: لا قهوه الصبح على الريق لا هعملك شاى بلبن هادى: تمام دخلت عملتله وطلعت هادى: تسلم ايدك هادى: هو لو فيه عريس اتقدملك محترم هتوافقى بيه مريم: لا هادى: ليه إن شاء الله بتحبى حد مريم: ببرود: ايوه هادى بعصبيه وزعيق: نعمممم انتى بتقولي ايه مريم: وطى صوتك الناس نايمه وايوه انت سألت سوال وانا جاوبت هادى بنرفزه: بقولك ايه يا بت الناس انتى هتخلصى امتحانات من هنا ومش هستنا اكتر من كده وهنكتب الكتاب على طول مريم بفرحه بس بتحاول تداريها: مش لنا ابقى اوافق هادى: لا ما انتى هتوافقى غصب عنك اصلا أنا مترفضش مريم: لا وانا مش موافقه ها نينى هادى بعصبيه: بصى يا بت بقى انا بحبك وانسى اللى انتى بتحبيه ده عشان انتى مش هتكونى لحد غيرى مريم بضحك: طيب على فكره بقى انا كمان هادى بضحك: انتى كمان ايه مريم بتهرب: ايه ده الساعه 7 يلا انا هدخل عشان عندى درس هادى: ماشى اهربي براحتك مسيرك تقعى واه انتى ترجعي الدرس تانى مريم: حاضر يلا سلام هادى: سلام ـ دخلت صليت الضحى ولبست حنان: ايه ده انتى تعبانه يا حبيبتي مريم بضحك: ليه بس يا ماما حنان: اصلك قومتى من غير ما اصحيكى مريم بابتسامة: عادى يا ماما انا همشي بقى حنان: ماشى خلى بالك من نفسك مريم: حاضر عايزه حاجه حنان: سلامتك ـ ده ايه الهناء ده كله متأخرتيش زى العاده وبتضحكى مريم: ايه يا ستى مش عايزانى اضحك حنين: يا ستى ربنا يديمها ضحكه بس ايه الصن\اره غمزت مريم: يلا بس لما نطلع هحكيلك ـ ماشى يااه اخيرا ماده غتته مريم: ايوه والله مش بحبها يلا بس عشان نروح درس مستر هادى هنتأخر حنين: احنا مش اتطردنا امبارح مريم: ما هو رجعنا تانى ـ انسه مريم ممكن لحظه مريم: نعم ـ ممكن اخد رقمك عشان تبعتيلى الملخصات مريم: انا ممكن اديك الملخصات تصورها وترجعها انما رقمى لا هادى بغضب وزعيق: مرييييييم………. يتبع…. اتمنى يعجبكم (البارت التالت ) ـ هادى بغضب: مرييييم مريم بإنتفاض: نع نعم هادى بغضب: ايه اللى موقفك معاه مريم: هو كان عايز ملخصات وانا قولتله هبقا اديهاله يصورها هادى: طيب روحى ومتتكررش مريم: حاضر حنين بضحك: يالهوى شكلك كان مسخره وانتى عامله زي الكتكوت المبلول هههههه مريم: حنين هسيبك وامشى وبعدين اسكتي ده انا اعصابي سابت والله حنين: ههه طيب يلا يا ختي ندخل بدل ما يطردنا مريم: يلا ـ دخلت وقعدت فى اخر ديسك اخيرا خلصنا انا هروح انام حنين: ايوه ما أنا عرفاكى غيبوبه مريم: ماشى يا ختى سلام هادى: يلا يا مريم تعالى اركبي مريم: لاا روح انت وانا هاجر وراك هادى: يلا يا مريم احسنلك مريم: مش هينفع والله هادى: ماشى انتى هتركبى مع السواق والسواق مش غريب يعنى اركبى بقا مريم بتنهيده: حاضر ـ اول ما وصلت طلعت أجرى على فوق هادى بضحك وهو بيكلم نفسه: اه يا بنت المجانين بس ماشى اهربي اهربي مريم: يا اهل البيت انا جيت حنان: يااهلا يا ختى ادخلي غيرى عبال ما احطلك الاكل مريم: حاضر يا ست الكل دخلت غيرت هدومى واتوضيت وصليت وطلعت مريم: هو بابا جه ولا لسه حنان: ايوه كل ودخل ينام شويه حنان: ما تكملى أكلك يا حبيبتي مريم: الحمدلله يا ماما شبعت حنان: طيب البسي وروحى ودى الطبق ده لابن عمك هادى مريم: اه يا ماما وانا اقول ماما عامله محشى ورق عنب عشانى ماشى يا ست الكل حنان: يلا يا بت اخلصى مريم: حاضر روحت خبط الباب الباب وانا اتمني ان هو ميفتحش بس سبحان الله هو اللى فتح هادي: الله ده البيت نور اتفضلى مريم: ماما بعته ده لحضرتك هادى: حضرتى من أمتي الاحترام ده مريم: بص يا استاذ هادى مينفعش تعاملنا مع بعض إلا فى خلال الدرس بس هادي: نعم انا دلوقتي فى حكم خطيببك مريم: لا انت اتقدمتلى ولا فيه رابط شرعى تمام وحتى لو اتخطبنا مش هنتعامل مع بعض إلا فى الضروره عشان هتكون لسه اجنبى عنى هادى بفخر: يسلم تربيه عمي تمام يا مريم روحى ذاكرى عشان الامتحانات عدت الحمدلله فترة الامتحانات على خير وانا عملت اللى عليا وكله بتوفيق الله وطول فترة الامتحانات لسه الرقم الغريب بيبعت رسايل انى ميأسش وإن شاء الله خير وربنا هيجازيني جاء موعد اليوم المنتظر موعد ظهور النتيجه وفى وسط وانا مستنيه الموقع يفتح اتبعت رساله من الرقم الغريب ـ متتوتريش وثقى فى ربنا ومهما كان مجموعك ارضي باللى ربنا كتبهولك حقيقي الرسالة دى كنت مجتاجها الموقع فتح يا حبيبه بابا ملينى رقم جلوسك مريم:….. ها يا بابا جبت كام ـ حبيبه بابا جابت 95٪ حنان زغرطت سجدت سجده شكر احمد ربنا على مجهودي اللى مضعش ـ تعالى فى حض\ني يا روح بابا حض\نت بابا جامد وانا ببكي من كرم ربنا حنان: احنا لازم نعمل عزومه بقي ونعزم العيله كلها ـ وهو ده اللى هيحصل كنت ناوي على كده جرس الباب بيرن روحي افتحى يا مريوم روحت فتحت لقيته هو هادى: جبتي كام مريم بإبتسامه: الحمدلله جبت 95٪ هادى بفرحه: كم اود ان افعل شئ بس نأجله لبعد كتب الكتاب دخلت جري على الاوضه رنيت على حنين اطمن عليها مريم: ها جبتي كام حنين بفرحه: الحمدلله جبت95٪ مريم بفرحه: اشطر كتكوت وانا جبت برضو 95٪ مريم: طيب هقفل معاكى عشان عمو ومرات عمو جم بره سلام حنين: سلام طلعت بره عمو نده عليا ـ تعالى يا قلب عمك فى حض\ني عادى بصوت واطي: يا بختك يا بابا قمر بهمس: بس يا زفت وجاء يوم العزومه وكانت العيله كلها موجوده حنان: تعالى يا مريم ساعدينا انا ومرات عمك مريم: يا ماما مش المفروض انا اقعد وكل حاجه تجيلي حنان: المفروض عند المكوجي يلا يا بت مريم: حاضر جايه بعد الاكل لميت الاطباق وغسلتهم انا وطنط قمر وعملت الشاي خدي يا مريم ودي الشاي ده لهادى ويوسف فى البلكونه يوسف: تسلم ايدك يا مريوم تعبتي نفسك ليه بس كنت نادي عليا اجي اخدن مريم: ولا يهمك تعبك راحه هادى بغيره: بس يا زفت اسكت وانتى ادخلي جوه مريم: استغفر الله العظيم واتوب إليه يوسف بضحك: بتحبها صح هادى: ايوه وتعال ورايا شوف هعمل ايه هادى بهدوء: بمناسبه اللمه الحلوه دي يا عمي انا طالب ايد مريم ـ والله يا بني معنديش مانع بس الرأي رايها ها يا مريم موافقه مريم: اللى تشوفه يا بابا ـ خلاص على بركه الله هادى” خلاص الخطوبه وكتب الكتاب بعد بكره ـ ليه مستعجل كده يا بني هادى: عشان نعرف نتعامل مع بعض يا عمي محمد ابو هادى: ما تسيب العيال يا عم ـ خلاص على بركه الله أنا موافق هادى: تمام هنروح بكره نجيب الدهب يوسف: الله يسهله يا عم هادى: بس يلا عد اليومين بسرعه الهوا جاء يوم كتب الكتاب حنين: بسم الله ماشاء الله يا حبيبتي عقبالى بقا انا كمان مريم: بجد شكلي حلو حنان: قمر يا حبيبتي بعد شويه بابا دخلي عشان امضي وبعديها طلع وسمعت جمله المأذون” بارك الله لكما وبارك عليكما وجمع بينكما في خير” ببص لقيت كله طلع من الاوضه وهادى دخل مريم فى سرها: اه يا اندال هادى: مبروك عليا انتى مريم: الله يبارك فيك هادى: طيب ايه فين حض\ن كتب الكتاب مريم: لا ده خرفات هادى: خرفات خرفات ووضمها ليه هادى: بحبك يا مريومتى مريم بكسوف: وانا كمان هادى: وانتى كمان ايه مريم بكسوف: وانا كمان بحبك هادى: انتى كان نفسك تحققي حاجه ايه هى مريم باستغراب: حاجه ايه هادى: حاولى تفتكري كده حاجه كنت هتمو\تى وتعمليها مع قره عينك يتبع…. ( قبل الأخير) (البارت الرابع) والاخير مريم بدموع: متهزرش هادي وهو بيطلع تذكرتين من جيبه: ايوه والله ههزر ليه كنت عايز افرحك وكنت ناوي اعمل كده الغي الفرح واحجز تذكرتين للسعوديه عشان نعمل عمره مريم: ربنا يحفظك ليا بجد هادي: ويحفظك ليا ياقلبي هادي:انت عارفه مين الرقم الغريب مريم: اوعا تقول انت هادي بضحك: ايوه انا هو انا كنت هسمح لحد تاني يبعتلك بعد مرور تسع اشهر هادي: يا بنتي قومي ذاكري عندك اخرامتحان في الكليه مريم بهدوء: عادي يعني هاكل بس عشان حساني هفتانه ومش هعرف اركز في المذاكره هادي: مش عارف جايبه البرود ده منين انت عارفه ايام مكنت في الكليه مكنتش ببطل مذاكره مريم: انت بقي مش انا هادي: مريم بجد هزعل منك لو مقومتيش تذاكري مريم بضيق: حاضر قايمه اهو هادي: انت لحقتي مريم: ايوه لحقت انت ايش عرفك انت عن المذاكره هادي بتنهيده: مفيش فايده نامي يا مريم نامي في الصباح هادي: قومي يلا يا مريم الامتحان هيفوتك مريم: طيب سيبني شويه صغيرين هادي: هعد من واحد لتلاته لو مقومتيش هقومك زي كل يوم واحد مريم: خلاص والله قومت اهوه هادي: انا طلعتلك هدوم بعد ما لبست وصليت مريم بهدوء: يلا هادي: متخافيش إن شاءلله الامتحان يبقا سهل مريم: إن شاءلله بعد الامتحان طلعت لقيته مستنيني ابتسمت عليه وهو واقف ساند علي العربيه هادي بقلق: هاا الامتحان كان سهل مريم: ايوه الحمدلله هادي: بمناسبة اخر امتحان هعزمك انهارده مريم بحماس: ماشي يلا اتغدينا بره وبعد كده اتمشينا شويه وروحنا هادي بقلق: مالك يا مريم بقالك كام يوم تعبانه اوديكي للدكتور مريم بتعب: لا انا كويسه شوية تعب وهيروحوا هادي متأكده مريم: اه يا حبيبي روح بقا هتتأخر علي الشغل هادي مشي وانا نضفت البيت وزينت اوضة النوم وحطيت جزمة بيبي علي السرير بعد مرور الوقت هادي وصل البيت ودخل الاوضه شاف الجزمه بتاعت البيبي ومسكها مريم: احضرلك تاكل هادي بفرحه: ايه ده مريم بإبتسامة: هتبقي احلي بابي هادي بفرحه ضمها: بحبك مريم: وانا بمو\ت فيك “مرحبًا أيُّها العالم : لقد وجدتُ ضالّتي وجدتُ الرَّجل الذي كنتُ أبحث عنه طيلة حياتي” تمت اتمنى تكون الروايه عجبتكم
