بعد شهرين من طلاقى
بيبكي بصوت مكتوم وهزات صدره بتسمع في المكان كله
سامحيني يا سارة.. سامحيني يا نور عيني! أنا كنت غبي.. كنت فاكر إني بحميكي لما أبعدك عني، ما كنتش اعرف إني بقطع شريان حياتي بإيدي.. وما كنتش اعرف إن ربنا كاتبلي عمر جديد على إيدك أنتي وابننا!
نزلت على ركبتي جنبه على الأرض.. رفعت وشه بإيديا الاثنين، وبصيت في عينيه الدمعة اللي ما شفتهاش في حياتي
ليه يا آدم؟ ليه شيلت الشيلة دي لوحدك؟ هو إحنا مش كنا واحد؟!
آدم مسك إيدي وباسها بلهفة وجنون
كنت خاېف عليكي يا سارة.. أنتي كنتي الحتة النظيفة الوحيدة في حياتي، وما أستحملتش أشوف الۏجع في عينك بسببي.. بس وحياة النبض اللي سمعته من شوية ده، وحياة كل نقطة ډم في جسمي، أنا مش هسيبك تاني أبدًا.. ومش هسيب ابني يتربى بعيد عن حضڼي ثانية واحدة!
كريم والممرضات والدكتورة مريم كانوا واقفين بيبصوا علينا بابتسامة مليانة تأثر..
آدم شالني بين إيديه بالراحة كأني جوهرة خاېف عليها تتكسر، ومشينا في طرقة المستشفى ورايحين على البيت.. البيت اللي مقفول بقاله شهرين، ومستني نرجع وننفخ فيه الروح من تاني.
بعد 5 شهور..
في أنضف وأكبر مستشفى في القاهرة، كنت قاعدة على السرير والستائر الدانتيل البيضا ملفوفة حوالين الأوضة، والورد مالي المكان من أعداء وأصدقاء آدم اللي جم يباركوا.
بس آدم ما كانش مهتم بكل الزحمة دي.. كان قاعد جنب السرير، لابس قميص أبيض ومحمر العينين من كتر السهر والتعب، وماسك بين إيديه لفة صغيرة حمراء..
طفل صغير.. ملامحه نسخة طبق الأصل من أبوه.. نفس الفك المشدود، ونفس العيون الواسعة.
آدم كان باصص للولد بذهول، كأنه مش مصدق إن الكائن الصغير ده حتة منه، ودمعة دافية نزلت من عينه وقعت على خد الطفل الصغير.
قربت منه وابتسمت بضعف وأنا بلمس شعره
سميته إيه يا آدم؟
آدم رفع عينيه ليا، وابتسم ابتسامة صافية، أول مرة أشوفها على وشه من يوم ما عرفته.. ابتسامة راجل اتولد من جديد، ولقى روحه اللي كانت ضايعة.
حط الطفل في حضڼي وقرب باس راسي بحنان شديد وقال
سميته يونس.. عشان يونسني ويؤنسك في الدنيا دي، وعشان يفكرني دايماً إن وسط كل الضلمة اللي عشتها، ربنا بعتلي أنتي وهو عشان تكونوا النور اللي بينور حياتي.
بصيت ل يونس وهو بيحرك إيديه الصغيرة وبيمسك في صباع آدم بقوة.. وآدم بيبصلي وأنا ببتسم، وعرفنا ساعتها إن النهاية مش دايماً طلاق وفراق.. أوقات النهاية بتبقى مجرد بداية لأحلى قصة حب اتكتبت بعد ۏجع كبير!
تمت
