خدمة حماتى المزيفه انجى الخطيب

متابعة القراءة
صفحة
1
/ 7
انت في الصفحة 2 من 7 صفحات

ماسكة بطني من الۏجع. في اللحظة دي بس، استوعبت إني مش هقدر أواجه اللي بيحصل وأنا بالحالة دي. أنا لسه والدة من أيام، وعندي چرح محتاج رعاية، وطفل رضيع محتاجني، ومفيش حد جنبي غير راجل بينزل شغله الصبح ويرجع آخر اليوم، وهو فاكر إن أمه بتقوم بواجبي وبتساعدني. ولأول مرة من يوم ما اتجوزت، قررت إني مش هسكت. مش هفضل أخبي عن جوزي عشان خاطر مشاعره، ولا هضحي بصحتي عشان أحافظ على صورة أمه قدامه. بس قبل ما أعمل أي حاجة، كنت محتاجة أعرف هي ناوية على إيه بالظبط. مسكت موبايلي، وفتحت المحادثة بيني وبين جوزي، وكتبتله محمود، محتاجة أكلمك في موضوع مهم جدًا أول ما تفضى. فضلت باصة للرسالة، وبعد لحظة مسحتها. خفت يتصل بيا وأنا مش قادرة أتكلم براحة، أو يسمع صوتي ويعرف إني بعيط، فيتصل بأمه ويسألها، وساعتها ممكن تعمل أي حاجة تخلي الموضوع أسوأ. قررت أستنى لما يرجع، وفي الوقت ده حاولت أشرب مية وآكل أي حاجة بسيطة كانت موجودة جنبي. لكن اللي ماكنتش أعرفه، إن حماتي ماكنتش ناوية تستنى رجوع ابنها عشان تبدأ خطتها. بعد حوالي نص ساعة، سمعت خبط على الباب. افتكرت إنها رجعت، لكن لما بصيت من فتحة الباب الصغيرة، لقيت واحدة ست غريبة، في أواخر الأربعينات، لابسة عباية شيك وماسكة شنطة كبيرة. فتحت الباب بحذر، فقالتلي بابتسامة مصطنعة إنتِ مدام ندى؟ هزيت راسي وقلت أيوه، حضرتك مين؟ قالت أنا أستاذة سحر، جاية من طرف حماتك. هي قالتلي إنك محتاجة مساعدة في البيت، وإنك تعبانة ومش قادرة تتحركي كويس. ارتحت شوية، وقلت لنفسي يمكن حماتي أخيرًا حست إنها قصرت معايا، وقررت تجيبلي حد يساعدني. فتحتلها الباب وقلت اتفضلي يا أستاذة، ربنا يخليكي، أنا فعلًا محتاجة مساعدة. دخلت الست، وبصت حوالين الصالة، وبعدها سألتني جوزك في الشغل؟ قلت أيوه، بيرجع بعد المغرب. هزت راسها، وبعدين قالت طيب كويس، عشان إحنا محتاجين نخلص شوية إجراءات قبل ما يرجع. قلبي انقبض. إجراءات إيه؟ بصتلي بسرعة، وبعدها ابتسمت ولا حاجة تقلقك، دي حاجات تخص رعاية البيبي بس. حماتك قالتلي إنك مش بتعرفي تتعاملي مع الأطفال، وإنها خاېفة عليكي وعليه. حسيت كأن حد صب عليا مية ساقعة. أنا مش بعرف أتعامل مع الأطفال؟ ده أنا من أول يوم في حملي وأنا بقرأ عن الرضاعة والعناية بالرضيع، وكنت مستنية اللحظة اللي أشيل فيها ابني بين إيديا من سنين. قلت لها بهدوء معلش، بس أنا ماطلبتش حد ييجي، ومحمود ماقالليش إن فيه حد جاي. ابتسامتها اختفت للحظة، وبعدها قالت يا حبيبتي، إنتِ لسه والدة، ومش في حالتك اللي تسمحلك تقرري كل حاجة لوحدك. حماتك أدرى بمصلحتك، وهي اللي طلبت مني أجي. الكلمة الأخيرة وقعت على قلبي زي الحجر. مش في حالتي اللي تسمحلي أقرر؟ بصيتلها وقلت أنا تعبانة، آه، لكن واعية وفاهمة كويس. ولو فيه أي حاجة تخص ابني، لازم أبوه يكون عارف بيها. سحر قفلت الشنطة اللي كانت بتحطها على الكنبة، وقالت بنبرة مختلفة تمامًا بصي يا مدام ندى، أنا مش جاية أعمل مشكلة، لكن حماتك قالتلي إنك ممكن تعترضي في الأول، وإنك محتاجة حد ياخد منك البيبي فترة لحد ما تتعافي. حسيت إن الأرض بتلف بيا. ياخد مني ابني؟! حاولت أرفع صوتي، لكن الچرح وجعني، فمسكت بطني واتكلمت بصعوبة مين قالك إني موافقة على الكلام ده؟ ابني مش