يوميات زوجة شقيه بقلم الكاتبه منال عباس الثانى
يوميات زوجة شقيه بقلم الكاتبه منال عباس
الثانى
اتجمدت مكانى وبصيت للكاميرا بصدمة
ليلى : يا نهار أبيض
كريم : مسجلة بالصوت والصورة
ليلى : انت مراقبنى
كريم : لا أنا بحمى ممتلكاتى
ليلى : أنا مراتك مش حرامية
كريم : اللى حولت 2000 جنيه تقول كده برضو
ليلى : كانت تجربة علمية
كريم : ونتيجتها
ليلى : نجحت
سمعت ضحكته من السماعة
كريم : اقفلى اللاب توب
ليلى : مش قبل ما أشوف المفاجأة
كريم : مستحيل
ليلى : ثانية واحدة بس
كريم : ليلى
ليلى : نعم
كريم : ابعدى عن الملف
ليلى : حاضر
ومجرد ما سكت ضغطت عليه
كريم : ليلى
ليلى : والله بالغلط
فتح الملف بسرعة
لكن بدل ما يفتح صور أو معلومات
ظهر فيديو
ولقيت نفسى على الشاشة
ليلى : إيه ده
كان فيديوهات ليا من شهور
وأنا باكل الشيكولاتة اللى بخبيها
وأنا بفتش فى الدولاب أدور على هدايا
وأنا بأخد بطاطس من طبقه وأقوله مش أنا
وأنا بفتح التلاجة بالليل الساعة اتنين
وقفت أبص للشاشة ووشى احمر
كريم : مين الشقية دلوقتى
ليلى : اقفل الفيديو
كريم : ده أرشيف كامل
ليلى : انت بتجمع فضايحى
كريم : زى ما انتى بتجمعى فلوسى
قفلت اللاب توب بسرعة
وقعدت على الكرسى
ليلى : أنا زعلانة
كريم : ليه
ليلى : عشان فضحتنى
كريم : وأنا ال2000 جنيه
ليلى : دول موضوع قديم
كريم : من يومين
ليلى : تاريخيا يعتبر قديم
وبعد الظهر نزلت أجيب شوية حاجات من السوبر ماركت
وأول ما دخلت
لقيت إعلان عن سحب كبير
الجائزة الأولى رحلة مجانية
عينى لمعت
مليت الاستمارة بسرعة
ورجعت البيت فرحانة
بالليل وأنا قاعدة مع كريم
رن تليفونى
رديت
وجالى صوت راجل بيقول
مبروك يا مدام ليلى حضرتك فزتى بالجائزة الأولى
قومت من مكانى أجرى من الفرحة
ليلى : كسبت
كريم : كسبتى إيه
ليلى : رحلة مجانية
كريم : بجد
ليلى : أيوة
الموظف كمل كلامه
لكن فجأة وشى اتغير
كريم : مالك
ليلى : بيقول لازم الزوج يوافق ويحضر بنفسه
كريم ابتسم ابتسامة واسعة
كريم : أخيرا جه يوم أطلع فيه أنا صاحب القرار
ليلى : لا لا لا
كريم : من غير موافقتى مفيش رحلة
ليلى قربت منه وقعدت جنبه
ليلى : طيب يا حبيبى
كريم : لا
ليلى : يا روحى
كريم : لا
ليلى : يا أجمل زوج فى الدنيا بقلم منال عباس
كريم : كملى
ليلى : موافق
كريم : موافق على إيه
ليلى : موافقة أرجعلك ال2000 جنيه
كريم سكت فجأة
وبصلى بشك
كريم : انتى ناوية على حاجة أكبر من ال2000 جنيه صح…؟
بصيتله وانا بحاول أبان بريئة
ليلى : أكبر من 2000 جنيه إيه بس
كريم : أنا عارف النظرة دى
ليلى : أى نظرة
كريم : نظرة المصايب
ليلى : ظلم
كريم : يعنى مفيش حاجة فى دماغك
ليلى : خالص
كريم : أقسمى
ليلى : لا
كريم : ليه
ليلى : أصل القسم مسئولية
كريم ضحك وهز راسه
تانى يوم صحينا بدري علشان نروح نستلم تفاصيل الرحلة
وأول ما وصلنا المكتب
الموظف رحب بينا وسلمنا الأوراق
الموظف : الرحلة تشمل إقامة كاملة
ليلى : حلو
الموظف : وفيها أنشطة كتير
ليلى : أحلى
الموظف : وكمان مسابقة للمتزوجين
كريم : لا
ليلى : أيوة
الموظف : والجائزة الكبرى عشرة آلاف جنيه
عيونى لمعت
أما كريم فحط إيده على وشه
كريم : إحنا مش هنشارك
ليلى : هنشارك
كريم : مستحيل
ليلى : عشرة آلاف يا كريم
كريم : المشكلة إنك شايفاهم فلوس
ليلى : أمال أشوفهم إيه
كريم : كارثة جاية
وبالفعل سافرنا بعد أسبوع
وأول يوم فى الرحلة أعلنوا عن أول تحدى للأزواج
المذيع : كل زوجة هتجاوب على أسئلة عن زوجها
واللى يجاوب صح يكسب نقاط
ليلى : سهلة
كريم : هنشوف
المذيع : ما هو لون زوجك المفضل
ليلى : الأزرق
كريم : صح
المذيع : أكتر أكلة بيحبها
ليلى : محشى
كريم : صح
المذيع : تاريخ ميلاده
جاوبت فورا
كريم : صح
المذيع : كام رقم بطاقة زوجك بقلم منال عباس
كريم بصلى بصدمة
ليلى : أعرفها
كريم : تعرفيها إزاى
ليلى : مراتك يا حبيبى
المذيع ضحك
وكملت إجاباتى كلها صح
لحد ما بقينا فى المركز الأول
كريم : انتى بتعرفى عنى حاجات أكتر منى
ليلى : طبعا
بعد المسابقة رجعنا الأوضة
وأنا فرحانة جدا
لكن وأنا بفتح الشنطة علشان أطلع هدومى
لقيت ظرف أبيض صغير
استغربت
فتحته
وكان جواه مفتاح
ومكتوب على ورقة صغيرة
المفتاح ده يفتح صندوق الجائزة الكبرى
الصندوق يفتح فى آخر يوم
ابتسمت
لكن لما قلبت الورقة على ظهرها
لقيت جملة خلتنى أتجمد
لو كنتى ليلى فعلا فإنتى أكيد هتحاولى تفتحيه قبل الميعاد…! بقلم منال عباس
بصيت للورقة مرة واتنين
وبعدين بصيت للمفتاح
وقلت لنفسى
لا يا ليلى
المرة دى هتبقى عاقلة
حطيت المفتاح فى الشنطة وقفلتها
وفى نفس اللحظة دخل كريم الأوضة
كريم : مالك
ليلى : مفيش
كريم : أول ما بتقولى مفيش بعرف إن فى مصيبة
ليلى : والله مفيش
كريم لمح طرف الورقة على السرير
قرب منها بسرعة
وأخدها
كريم : وصلك المفتاح
ليلى : آه
كريم : ومتفتحتيش الصندوق
ليلى : لا
كريم وقف مكانه ثوانى
كريم : برافو
ليلى : مستغرب
كريم : جدا
ليلى : يعنى إيه
كريم : كنت متوقع ألاقيكى معلقة جوه الصندوق نفسه
ضربته بالمخدة وأنا بضحك
وعدى اليوم
لكن المشكلة بدأت بالليل
لما كريم نام
وأنا كنت بصحى كل شوية
وأبص على الشنطة
وبعدين أنام
وبعدين أصحى
وأبص على الشنطة تانى
لحد ما الساعة بقت اتنين الفجر
قعدت على السرير
وقلت
أنا مش هفتحه
أنا بس هروح أشوف مكانه
قومت بهدوء
وأخدت المفتاح
ونزلت من الأوضة
ولقيت الصندوق فى قاعة كبيرة تحت
كان صندوق ضخم ومقفول
بصيت حواليه
مفيش حد
قربت منه
ولسه هحط المفتاح
سمعت صوت ورايا
الصوت : كنت عارف
اتخضيت ولفيت بسرعة
لقيت كريم واقف ضامم إيده
ليلى : انت هنا
كريم : مستنيكى من ساعة
ليلى : مستنينى ليه
كريم : لأنى متجوزك
ليلى : كنت جاية أتفرج بس
كريم : ومعاكى المفتاح ليه
ليلى : احتياطى
كريم : احتياطى لفتح الصندوق
وفجأة نور القاعة كله اشتغل
ولقيت كاميرات كتير متعلقة
وظهر المذيع ومعاه فريق التصوير
المذيع : مبروك
ليلى : مبروك على إيه
المذيع : نجحتى فى المرحلة الأخيرة
ليلى : مرحلة إيه
المذيع : الصندوق كان اختبار
ليلى : اختبار
المذيع : كنا عايزين نشوف فضولك هيكسب ولا لأ
بصيت لكريم
كريم كان بيضحك
ليلى : يعنى كله كان متفق عليا
المذيع : والأغرب إنك كنت على بعد ثانية من الفشل
بقلم منال عباس
ليلى : يعنى كسبت
المذيع : للأسف لا
ليلى : ليه
المذيع : لأنك فعلا حطيتى المفتاح فى القفل
فتحت بقى بصدمة
ليلى : بس مفتحتش
المذيع : القاعدة كانت عدم المحاولة من الأساس
حطيت إيدى على قلبى
كريم بدأ يضحك بصوت عالى
ليلى : يعنى ضاعت الجائزة
المذيع ابتسم
المذيع : الجائزة الكبرى ضاعت
لكن فى جائزة تعويضية
ليلى : كام
المذيع : رحلة إضافية مجانية
قفزت من الفرحة
وجريت ناحية كريم
ليلى : كسبنا
كريم : الحمد لله
ليلى : وشفت بقى إن فضولى مفيد
كريم : لا
ليلى : أهو كسبنا
كريم : بسبب حظك مش فضولك
وفى اللحظة دى جه أحد الموظفين يجرى ناحية المذيع
وسلمه ظرف بسرعة
المذيع فتحه
وبص ناحيتى بدهشة
المذيع : غريبة جدا
ليلى : فى إيه
المذيع : فى شخص مجهول ساب رسالة باسمك
ومكتوب فيها
سلموا ليلى المبلغ اللى أخدته من حساب جوزها لأنها هتحتاجه فى المفاجأة اللى مستنياها بكرة…!يتبع بقلم منال عباس