رواية بقلم لولو طارق الثاني

كارما فوقى بقى يا ميرو
مريم سبينى يا كارما مش عايزا أقوم
كارما لا مش ها أسيبك قومى انتى ها تنزلى معايا وانسى كل الا فات فاهمه
مريم مش قادره أقوم انا حاسه انى تعبانه
كارما انتى مش تعبانه ومش ها أسيبك تستسلمى لجو الاحزان دا ياله فى خلال دقيقه تكونى فى الحمام بتاخدى شاور واطلعى عشان نفطر
مريم يواه انا مش ها اخلص من زنك
كارما شاطوره يا ميرو عرفتى الا فيها
داليا فين مريم
كارما حالا ها تبقى قدامك يا جميل
داليا انا ها أتاخر انهارده على البيوتى سنتر تابعى انتى
كارما رايح فين يا جميل
يزيد خير فى ايه ومين الا رايح فين
داليا انا راحه للدكتور
يزيد بخضه مالك فيكى حاجه
داليا ابدا كنت عايز أعرف ها ينفع أخلف تانى والا لاء
كارما ايوا كدا يا دودو يا جامد
يزيد انتى بتتكلمى بجد ! خلاص مش عايز أخلف… انا أخاف عليكى يا داليا من الحمل والاجهاد بتاعه
داليا انا لسا صغيره وفى عز شبابى
كارما أحب ثقتك فى نفسك أستمر
يزيد أكيد انتى الا لعبتى فى دماغها
[[system-code:ad:autoads]]كارما مفيش غيرى طبعا
داليا انا مش صغيره يا حبيبى ما تقلقش عليا الا الدكتور ها يقوله ها أعمله مش أنت طول عمرم نفسك فى بيبى
يزيد نفسى بس مش على حساب صحتك وكمان الكلام دا بقاله كام سنه
داليا ربك لما يريد
مريم صباح الخير
جمعيهم صباح النور
يزيد عامله ايه يا مريم دلوقتى
مريم الحمد لله يا عمو انا أسفه متقله عليكو
يزيد عيب يا مريم الكلام دا انتى زى بنتى
مريم عمو ممكن تشوفلى شقه صغيره أقعد فيها
داليا هو انتى مدايقه مننا
مريم لا والله بس حابه اكون مستقله وأعيد حسابتى كلها
يزيد ها أعملك الا انتى عايزاه بس مش دلوقتى لما أحس انك تجاوزتى المرحله دى تماما
كارما هو دا الكلام وسبوها ليا
يزيد انا كدا أطمنت عليكى ربنا معاكى يا بنتى
كلهم هههههههههه
يزيد حضرو نفسكو لشغل الهندسه والمبانى
كارما بجد يابابا
مريم ياريت يا عمو
يزيد تسمعو عن أحمد مهران
مريم دا كان دكتور كبير قوى عندنا فى الكليه
يزيد ها تدربو عنده
كارما يعيش يزيد بيه كامل المنشاوى يعيش يعيش
يزيد بس…. بس نجيب التاكيد وبعدين أنطلقو
كارما دا إحنا ها ننطلق إنطلاق
داليا مطيوره انا خاېفه جنانها دا يأثر على أحمد مهران
يزيد بس ازاى ما يعرفش انك بنتى وهو كان بيدرس لكى
كارما يا بابا ها يعرف مين والا مين هو ها تلاقيه مش مركز فى الاسم بس اول ما يشوفنى ها يعرفنى على طول
مريم هههههههه كانت مجنناه وبيقول لها انتى ها تعملى تغير فى عالم الهندسه المعماريه
داليا ربنا يستر ياله كله إنصراف
كارما انتى بقى معايا يا جميل
مريم ها نروح فين
كارما ها تحطى رجلك على الطريق الصح فين الاراده
مريم مجنونه
كارما ايوا هى دى الاراده الا انا عايزها مجنونه عايزها تفوق كل التوقعات انتى قدها انا ها أقدر الجديد دايما فيه تحدى
مريم ايدى على كتفك
كارما ياله يا شابا
يزيد وداليا هههههههه خلو بالكو على نفسكو
مصطفى لا جديد يا صاحبى وهى مش فى البلد ها تعمل ايه
حسن مش عارف انا ها أتجنن فص ملح وداب
مصطفى أكيد لها معارف هنا
حسن المشكله ان تليفونها مقفول وايمالها بردو الا ادتهولى عشان ادخل عليه وانا فى الجيش مقفول
مصطفى ها تظهر ها تروح فين أفطر ياله خلينا ننزل نعمل كام محاوله
حسن معلش ملحقتش تقعد مع أهلك
مصطفى عادى انا أبويا مسمينى الذيبق هههههه
حسن ههههههه فعلا لايق عليك …. ايه دا أستنى ابويا بيتصل ها أقوله ايه
مصطفى مش عارف
حسن فتح المكالمه الحمد لله يا حج انت وأمى عاملين ايه
محمود فى نعمه الحمد لله عروستك أخبارها ايه
حسن كويسه هى نايمه لو كانت صاحيه كانت كلمتكو
محمود أنت مبسوط يا حبيبى
حسن الحمد لله
محمود مش ها اطول انا بقى وسلملى على مريم وقولها وحشتنا قوى والدار وحشه من غيرها
حسن بمراره عنيا حاضر سلام
كارما ايه رأيك بقى فى البيوتى سنتر
مريم تحفه قوى
كارما انتى ها تبتدى من انهارده فاهمه عايزكى ملكة جمال فى رشاقتها وأهتمامها بنفسها مش عايزا أشوف دموعك
مريم بتحدى مش ها تشوفيها انا فعلا ها ابتدى من جديد
كارما كدا تمام قوى ياله يا
داليا يعنى مفيش اى مانع انى اخلف تانى
الدكتور ماشاء الله كله تمام بنت عشرين سنه
داليا

بابتسامه ميرسى يا دكتور
الدكتور ها اكتبلك فيتامينات ومنشطات عشان تساعد ويبقى مفيش أى تأثير سلبى عليكى
داليا اوكى
مرت الايام الا كانت بداية حياه جديده لمريم والم واحساس بالذنب لحسن وشك والده ان فى شئ يخفيه ابنه عليه فقرر انا يعمل له زياره مفاجاه هو وصفيه
حسن حاضر يا إلا على الباب حسن پصدمه بابا
محمود ايه مش ها تدخلنا
حسن باس ايد ابوه أتفضل وسلم على أمه ودخلو جوا
صفيه أمال فين مريم يا عروسه يا مريم
حسن وهو بيتهرب بعنيه منهم ومش بيرد عليهم واكد شكوك أبوه
محمود فين مريم يا حسن
حسن…….
محمود رد عليا يا واد أنت فين مراتك
حسن مش هنا
صفيه أمال فين يابنى
حسن ……
محمود ما تنطق
حسن .عليهم كل ما حدث ومن ساعتها وانا قالب عليها الدنيا ومش لاقيها
صفيه يا مرارى ليه كدا يابنى دا بنت أصول تتحط على الچرح يطيب وبتحبك دا كانت بتتمنى دا تخنها مزود جمالها يا حسن
محمود أنت اټجننت يا واد انت ازاى تعمل الا عملته دا وعملى فيها ظابط والمفروض انك تحاسب الظالم وترجعه عن طريقه تقوم انت الا تظلم أقول ايه لأهلها الا سابوها امانه عندى وعندك وفاكرينك راجل ها تحافظ عليها اقول لهم اطلقت واترمت فى الشارع عشان تخينه يا خسارة تربيتى فيك
حسن انا ما طلقتهاش يا بابا انا
محمود ولا بابا ولا زفت أنت مش ابنى من انهارده لما ترجع مراتك وتفضك من الكلام الفارغ دا ساعتها بس ها ارجع ابوك ياله يا صفيه
صفيه ياله يا حج احنا ملناش مكان هنا
حسن أستنو انتو بتعملو فيا كدا ليه انتو الا حاطتونى فى الموقف دا ظلمتوها وظلمتونى انا كمان كان لازم اعرف
محمود احنا ظلمناك ماشى يابنى كتر خيرك ياله يا صفيه ومشيو وسابوه فى دوامه جديده
كارما احنا كدا تمام قوى انهارده
مريم تمام ايه يا شيخه دا انا مفيش فى حته سليمه
كارما ها تاخدى على الموضوع بسرعه ها يبقى تمام اهم حاجه الاكل الصحى وزى ما الدكتور قالك وكتبلك
مريم دهون أقلل صحه أكتر
كارما احبك يا ميرو ياجامد
ياله نروح ونشوف دودو الا ما جاتش خالص دى عملت ايه
داليا بس يا سيدى وانا مستعده ايه رايك بقى
يزيد وانا
داليا بحبك قوى يا يزيد
يزيد انا بعشقك يا دودو ومش متخيل حياتى من غيرك ا
انتى رفيقة عمرى وحبيبه قلبى
كارما ياسيدى يا سيدى على الحب
يزيد هادم الملذات
كارما ماشى ياسى بابا
داليا تعالى يا مريم شكلها طلعت جنانها عليكى
مريم اه يا طنط مش قادره
داليا ادخلى يا حبيبتى خدى شاور دافى
مريم حاضر
مر اربع شهور وتغيرت مريم كليا أصبحت رشيقه حقا وتهتم بملابسها وزادت ثقتها فى نفسها كتير جدا وبتتواصل مع أهلها بس ما قدرتش تقول لهم على اى حاجه حصلت …عشان مايفرضوش عليها السفر ليهم …. وانتقلت فى شقه كما طلبت من والد كارما وجابت عربيه صغيره …… من فلوسها الا والدها سابهلها وكأن قلبه حاسس ……..
فضل حسن على وضعه ينزل هو ومصطفى من شغله يدور عليها فى كل مكان ……. بدء شعور الاشتياق للبنت الا اتعلق بيها قبل ما يشوفها والا كانت بتصبره عن بعده وغربته الدايمه ….. الا فهمته من غير ما تتعامل معاااه ولا تشوفه ….. البنت الا ابوه وامه اتعلقو بيها لأقصى حد …. وكل ما يشتاق يطلع صوارها ويشوف فيهم جانب أحلى واحلى ….. جميله … بسمتها حلوه ….بقى عايش مع الصور أكتر ماهو عايش فى الواقع وقلبه بيتعلق أكتر وأكتر …. وكأن دا عقاپ من ربنا ليه على غلطه ارتكبها من غير فرصه ولا تفكير ……. والا كسره أكتر لما شغل سى دى فرحها وشاف لحظه فراقها عن أهلها … وفرحتها وفرحة أمه وابوه …. هو الا كسر دا كله بغبائه الا اتملك منه
مريم ايه بنتى اتاخرتى كدا ليه
كارما دودو يا حبيبتى مجناننى من ساعة ما عرفت انها حامل هى ويزيد … سايقين فيها وانا الا بدفع تمن غلطتى شايله شغل البيوتى سنتر والشغل معاكى عند أحمد مهران ودودو ويزيد اهه اهه هه هه اه
مريم ههههههههه معلش يا كوكو
كارما أصرفها منين معلش دى
مريم من اى حته ها تيحى معايا أجيب حاجتى
من شقة حسن انا معايا المفتاح الا عمو محمود سابهولى ها نسال البواب هو فوق والا لا لو فوق مش ها نطلع
كارما وانتى ايه الا فكرك بالحاجات دى دلوقتى
مريم يا بنتى انا عمرى ما نستها دى كل ذكرياتى يا كارما مش مهم الهدوم اهم حاجه الالبومات ليا ولأهلى من زمن
كارما طيب ياله ها نروح بعربيتى
مريم اوك
حسن ايه يا مصطفى ما كلمتش سيد البواب ليه يروح يجيب لنا أكل زى ما قولتلك
مصطفى مفيش حد تحت انا ها ادخل أعمل اى تصبيره ونبقى ننزل ناكل فى اى مكان برا
حسن انا ها ادخل أخد شاور على ما تخلص
مصطفى خدامتك أمنه يا سيدى حاجه تانيه
دخل الحمام وخلص وخرج ولسا مصطفى جوا انت بتخترع الذره
مصطفى سبنى با إلا انا فيه وربنا الستات دى نعمه
حسن دخل الاوضه وقفل الباب

مريم تعالى يا بنتى البواب قال مفيش حد
كارما انا خاېفه يقفشنا
مريم انتى هبله هو مش هنا خليكى فى الصاله وانا ها ادخل الاوضه أجيب الحاجه بسرعه
مريم فتحت باب الاوضه لقت حسن صړخت اعااااااااا وجريت
كارما سمعتها ومصطفى الا طلع جرى لقى فى وشه كارما قامت مدياله بالرجل موقعاه على الارض وهى بتصرخ زى مريم وطلعو يجرو ورا بعض
مصطفى خدى يابت
حسن طالع جرى ألحقهم بسرعه يا مصطفى مش ها أعرف انزل كدا
مصطفى اه يابنت اللذينه ياخى طفشتهم مننا
حسن أخلص بسرعه انت لسا ها ترغى وقام مصطفى بسرعه يجرى على تحت يلحقهم بس كانو طلعو بالعربيه وطارو حاول يلحقهم او يلقط نمر العربيه بس ملحقش وطلع على فوق لحسن الا كان خلص لبس
مصطفى ممكن أفهم مين دى عشان حقى أجيبه
حسن دى مراتى الا دخلت الاوضه التانيه دى معرفهاش اكيد وحده صحبتها
مصطفى مراتك !! ازاى ياجدع دى غير الصور خالص
حسن هى انا مش ها اتوه عنها وواضح انها خست قوى وخسرتها للابد شكلها جايه تاخد حاجتها الا هنا
مصطفى ليمنى على صحبتها ادتنى بالرجل طايرتنى بنت المفتريه خدتنى على خوانه هى والكرسى
حسن ههههههع شكلك مسخره ظابط اد الدنيا فى أقوى فرقه فى الجيش بنت اد السيخ تطيره اتوكس
مصطفى عامل المفجأه والكرسى كان صعب وانا ضعيف قصاد المفاجات الا من النوع دا
حسن بس ايه مريم اتغيرت قوى حتى طريقة لبسها غيررر خالص ها أجبها منين انا دلوقتى
مصطفى بص تليفون بنت المجنونه الا ضربتنى اهه وقع منها وهى بټنتقم
حسن هات كدا
مصطفى أستنى يابنى اتاكد من الا دخلت فى بعض دى
حسن ياخى هات بقى وبيحاول يفتحه ومش عارف ها نعمل ايه دلوقتى
مصطفى سيبه معايا ها أجبلك قرارها
مريم هههههههههه مش قادره هههههههه
كارما انتى ها تخرصى والا اديكى بالرجل زيه
مريم الواد طار من مكانه أكيد من الخضه طيب عملتى فيه كدا ليه هو ماله
كارما انتى فاكره انى انا الا وقعته دا زى الحيطه بس حليوه وقمر الصراحه الا وقعه الكرسى الا كان وراه
مريم ههههه دا لو شافك ها
كارما لو بقى هو مين دا يا ميرو
مريم علم علمك ياختى بس أكيد دا مصطفى الا حسن كان بيحكيلو عنه بيقول هو أقرب حد ليه وواحد كمان أسمه حمزه انهى فيهم معرفش
كارما قولتيلى انتى بقى كنتى بتصوتى ليه قلبى حاسس اننا ها نتقفش
مريم ههههه موقف كله محرج بفتح الاوضه لقټلك حسن مفيش
كارما كله يا نهارك الصدمه
مريم ممكن يكون عرفنى
كارما الله أعلم
مريم باتى معايا انهارده
كارما مش ممكن انتى عايزا يزيد يشرب من دمى
مريم لا وعلى ايه انا ها انزل الموقع بكرا المهندس أحمد طلب منى كدا
كارما هو أستغالنا صح واحده فى المكتب شايله الليله على دماغها والتانيه بتتنطط من موقع لموقع
مريم المهم الاراده ونوصل
كارما ايون خليكى عند موقفك شوفتى بالارداه بقيتى احسن مزه والعرسان طوابير ومش عارفين نقول متجوزه والا متطلقه
مريم انا بين البنين لا دى ولا دى
كارما ها تعملى ايه لازم تقابليه وتخلصى رسمى
مريم مش ها أقابله هو ها اقابل عمى وهو يتصرف ويجبلى ورقتى منه أكيد طلقنى
كارما راجعى نفسك يا بنيتى
مريم لا يا عم الشيخ خلصنى
كارما انتى طالق بالتلاته
مريم مسكت كارما من رقبتها طلقتنى يا مفترى والعشر عيال دول اروح بيهم فين
كارما جايبه عشره دا انتى طالق بالعشره الا

معاكى
هههههههههه

مصطفى خد تليفون كارما وروح بيه
أحمد يابنى إحنا أهلك ولينا حق عليك
مصطفى مشاغل ياباشا اعمل ايه طيب
سالى حمد الله على السلامه يا مصطفى
مصطفى الله يسلمك يا سوسو عامله ايه فى الجامعه
سالى والله يا أخويا طالع عينى امتى أخلص بقى
مصطفى كلها سنتين وتبقى مدرسه مطلعه عين العيال دروس خصوصيه
سالى تفتكر ها أعمل مبالغ صح
مصطفى دا انتى ها تعدى هوينا بقى
سالى اهويك تصدق انا غلطانه انى واقفه معاك بعبرك
مصطفى انصرفى عايز ابوكى فى كلمتين
أحمد خير
مصطفى هو فى حاجه بينك وبين معتز
أحمد اخوك دا ها يجننى كل يوم سهر وسكر وحاجه اخر واقول بكرا يعقل مفيش انا زهقت بقى سنه ومش عايز يكبر أبدا 35عنده ولا يتجوز ويلم نفسه
مصطفى قرب منه خده بالسياسه وشوف ايه الا عامل فيه كدا
أحمد هو من يوم مۏت أمك وهو حاله بقى حال
مصطفى الله يرحمها وحشتنى سنين ماغابتش 5قوى يابابا بقالها عن عينى
أحمد بغلب ومين سمعك يابنى نهايته انا ها أقوم أعمل مكالمه لكارما قبل ما انسى
مصطفى مين كارما دى انت ناوى على ايه
احمد دى بنت يزيد المنشاوى فاكره
مصطفى طبعا
أحمد شغاله معايا فى المكتب بدربها هى وواحده صحبتها كان نفسى أجوزها لأخوك بس بحاله دا لا يمكن
مصطفى ربنا يهديه
أحمد طلع تليفونه وبيتصل على كارما والتليفون بيرن فى جيب مصطفى
مصطفى بيطلع التليفون أخيرا أتصلتى لقى رقم أبوه….. هى دى كارما !!
أحمد پصدمه ايه الا جاب تليفونها معاك
مصطفى بتهرب لا ابد لقيته
احمد هاته وانا ها اديهولها
مصطفى ليه بتقطع برزق ابنك بلاها سوسو وخد ناديه
أحمد ههههههه جاتك نيله قلبت ناديه فى ثانيه
مصطفى المهم ننول المراد اتفقنا
أحمد ياريت يابنى البنت تستاهل كل خير هى ومريم صاحبتها
مصطفى كدا يبقى وصلنا لكل حاجه فاضل تكه
صفيه ها تفضل مقاطع ابنك كدا ياحج …….دا غلب معانا
محمود لازم يلم لحمه يا صفيه ويرجع مراته الاول انا ها أتجنن !! بقالى اربع شهور رايح جاى على بيتهم ومقفول بردو راحت فين وبتعمل ايه الله اعلم
صفيه والله وحشتنى قوى يا حج ربنا يطمنا عليها وتكون بخير انا فى كل صلاه بدعى لها ولابنك يجمعهم ببعض تانى شكله ندمان وعايزها
محمود لو كان اداها الفرصه ……كان عمره ما فرط فيها بس ها اقول ايه ……. أهو درس بيتعلمه عشان يتاكد ان المظاهر والجسم مش كل شئ فى الدنيا ……فى حاجه أسمها ادب واخلاق وروح حلوه وبعد كدا الباقى مقدور عليه
صفيه عندك حق
داليا ربنا يخليك ليا وما يحرمنى منك
يزيد ويخليكى يا حبيبتى ونفرح انا وانتى با ولى العهد لما يشرفنا
كارما كتر صحتها قومى انزلى الشغل انا تعبت يا دودو
يزيد على الله تنزليها الشغل فاهمه
داليا انا زهقت يا يزيد من قعدة البيت عشان خاطرى سبنى البيوتى سنتر فى دكاتره والله وقسم خاص بأهتمام الحوامل
كارما أنت بقيت حمقى كدا ليه ياباشا روق هى ها تفتح عكه دى حامل زيها زى أى ست
يزيد يا دودو خاېف عليكى
كارما ها أتشل أرحمونى من جو السهوكه دا
داليا يا بنت احترمى نفسك انتى لازقه لينا ليه
يزيد مش عارف أنا كابسه على نفسنا ليه كدا
كارما ما تتبرعو بيا وتخلصو أحسن انا ها أمشى
يزيد استنى هنا تليفونك ما يتقفلش فاهمه
كارما بعياط مصطنع اهه اهه اهه تليفونى سافر يا باشا
يزيد ايه اتسرق
كارما وقع بس ها أحاول أجيبه
يزيد أمشى يا كارما
كارما سلاموز يا دودو انتى وولى عهد الليالى سلام ياباشا
يزيد انتى اتوحمتى على ايه فى البت دى
داليا هههههههه مش عارفه
مريم كل دا تأخير يابنتى بقولك نازله الموقع
كارما أعمل ايه فى الا بقيت عايشه فيه انا خلاص يا مريم مش قادره على كل الشغل دا
مريم منا بساعدك فى البيوتى سنتر لحد ما طنط تنزل الشغل
كارما شكلنا هى نفضل على الوضع دا سنتين تلاته
مريم ههههههه انتى متفائله قوى ياعينى
كارما انا ها أجيب تليفونى ازاى دا عليه أرقام مهمه فى الشغل
مريم أستنى شويه انا مش مستعده يعرف مكانى دلوقتى
كارما يابنتى ممكن يقدرو يفكو شفرة التليفون ويجبونا عادى
مريم أهو يبقى كسبت شوية وقت اتفضلى انزلى وها أعدى عليكى وانا راجعه
كارما طلعت تجرى على المكتب ودخلت على مكتب المهندس أحمد على طول لقته فاضى طلعت وبتحمد ربنا

اوبااااا …. ايه الا جاب دا هنا هما بيوصلو بسرعه كدا
مصطفى أهلا والله انا نايم بحلم ب اللحظه الا ها أطبق فيها على زمارة رقبتك
كارما طلعت حاجه من جيبها اتفضل
مصطفى بأستغراب !!! ايه دا
كارما زمارة رقبتى
مصطفى دا أنتى طلعتى ظريفه كمان
كارما نعم عايز ايه وابعد كدا انت رايح فين
مصطفى رايح مشوار تيجى معايا
كارما بقولك ايه الحركات دى تعملها مع حد تانى فاهم
مصطفى لا مش فاهم وعايز أفهم
كارما وكل حاجه أتلخبطت فى
مصطفى فهمييييينى ياله انا مستنى
كارما بمكر بشمهندس أحمد ….. مصطفى بيبص وراه قامت هى طالعه بسرعه من بين ايديه
مصطفى لا حلوه
كارما بتمد اديها هات تليفونى
مصطفى لا مش قبل ما نتفق
كارما مفيش بينى وبينك اتفاقات
مصطفى خلاص مفيش تليفون
كارما عايز اايه
مصطفى نرجع مريم لجوزها انا وانتى
كارما جوزها دا ندل وما يستاهلهاش وانت أشبع بالتليفون ياله بقى بدال ما أبعت للأمن يجى ينزلك
مصطفى أتكلمى بأدب على حسن فاهمه الموضوع …..كله تسرع مش أكتر …….وهو كان مش فى وعيه ساعة ما فكر فى الطلاق ومن يوم ما سابت البيت وهو قالب الدنيا عليها ……وانا معاه وبننزل من شغلنا مش بنبطل ندور عليها فى كل مكان أى حد بيغلط وممكن يفكر بأنانيه مش معنى كدا انه ندل هو غلط وعرف غلطه …..
كارما وأنت زعلان كدا ليه هو انا بقول عليك أنت ….ما انت أكيد زيه
مصطفى ايوا زيه عندك مانع هو مش وحش وانا أقرب واحد منه ومتأكد من دا بالعكس دا راجل قوى وجدع فوق ما تتخيلى …..بصى دا مش موضوعنا احنا نساعدهم يأخدو فرصه تانيه مع بعض وتبقى هى تقرر تكمل او لا
كارما ما عتقدش هى خلاص قررت انها تروح لوالده عشان يطلقها منه رسمى لو لسا مخلصش إجراءات الطلاق منها وبمكر ….وكمان بقى لها حياتها الجديده مش محتجاه فى حياتها….
مصطفى حياتها ازاى يعنى وهى متجوزه
كارما هو قال لها ها أطلقك
مصطفى متجوزه ولسا على زمة جوزها
كارما ايوا عايزنى أعمل ايه
مصطفى تساعدى صاحبتك انها تستقر فى حياتها وتبقى مبسوطه والله حسن حبها قوى
كارما انا مفيش فى ايدى حاجه
مصطفى لا بالعكس انتى ها تقنعيها تشيل فكرة الطلاق وتديلو فرصه
كارما انا ها أقولك معلومه مريم أتغيرت جدا مش بس لا تفكيرها كمان ……اتغير كتير ومش من السهل دلوقتى تأثر على قرارتها…….. والاكتر من كدا طلب صحبك بعد ما شافها فى الوقت الحالى بالنسبه لها ها يكون عشان بقت المطلوب بالنسبه له وصلت .
مصطفى عشان يستفزها انتى شكلك غيرانه منها ومش عايزاها ترجع لجوزها وبتقفليها
كارما بصوت عالى ونرفزه أخرس وأمشى أطلع برا ماشوفش وشك تانى
مصطفى بكل هدوء وثبات مش طالع وروحى أعمليلى فنجان قهوه مظبوط عشان صدعتينى
كارما انت مستفز وبارد
مصطفى مبتسم ومش بيرد عليها وفتح مكتب أبوه ودخل وهى وراه بتزعق فيه بصوتها كله وطلعت طلبت الأمن
كارما انت الا جبته لنفسك . … ايه يا مچنون أنت كمان ها تقعد مكان أحمد مهران
الأمن فى ايه يا أنسه كارما
كارما طلعو البنى ادم دا برا
الامن مش ها ينفع
كارما ليه ان شاء الله خايفين عشان بعضلات ومنفوخ حبتين
مصطفى ابتسم ڠصب عنه من كلامها
الامن لا دا ابن المهندس أحمد وسابوها ونزلو
كارما راحت عليه فى رد فعل هو مش متوقعه ابدا وقربت من المكتب والله لو أبن الجن الأزرق ما ها يفرق معايا فاهم وقوم أطلع برا يابارد
مصطفى پصدمه من جرائتها وعدم اندهاشها مش طالع وروحى أعمليلى القهوه الا طلبتها
كارما مش ها أعمل وها تطلع برا
مصطفى انا بقى ها أسكتك بطريقتى
مصطفى كارما فوقى وعماليلى سبع وحوش فى بعض
كارما فاقت وأول ما فتحت عنيها بدون سابق إنذار بتديله بالقلم بس هو تفداه ……
مصطفى انتى فاكرنى سواق توكتوك بطلى بقى واتهدى
كارما سابته وخارجه وبتاخد شنطتها وماشيه
مصطفى خدى هنا مش ها تمشى
كارما سيب ايدى
مصطفى أهو سبت بس بطلى غلط وانا أسف يا ستى
كارما أسف دى أصرفها منين انا عايزا حقى
مصطفى ودا أجيبه أزاى يعنى
كارما وربنا لو
مصطفى مش ها بهزر معاكى روقى بقى
كارما طب هات التليفون وانا اروق
مصطفى اه قولى بقى كدا من الاول
كارما ايه ها تانى
مصطفى لا خلاص خدى دا دوشنى رن صافى يالبن
كدا
كارما ……..
مصطفى خلاص بقى خلى قلبك أبيض
كارما ها احاول ….. وبعصبيه أمشى بقى
مصطفى مش ها أمشى غير لما تقوليلى ها أقابلك تانى أمتى
كارما نعم
مصطفى مش عشانى انتى فاهمنى غلط عشان صاحبتك
كارما بأستعباط اه ماشى
مصطفى طيب بكرا فى كافيه ……
كارما اوكى
مصطفى ..بفرحه انا ها اروح أستنى فى الكافيه من دلوقتى أصل حسن ياعينى تعبان قوى ومشى من قدامها
كارما ايه المچنون دا وبتضحك بس روش ولذيذ…
مريم طلعت المكتب بعد ما خلصت شغلها فى الموقع ودخلت للمهندس أحمد …… السلام عليكم
أحمد وعليكم السلام بالهمه والنشاط ايه الأخبار
مريم الحمد لله تمام وكله رائع وزى ما حضرتك عايز وأكتر
أحمد عشان كدا أنا أخترت انك تشرفى على شغل المواقع بنفسك انتى بتهتمى بأدق التفاصيل
مريم دى شهاده أعتز بيه من حضرتك دا تقرير مفصل عن الشغل كله
أحمد اوك كدا تمام
مريم ممكن أستأذن أنا
أحمد أتفضلى طبعا وكارما بردو ها تمشى معاكى
كارما دخلت اذا سمحتلى انا عارفه ان قلبك كبير وبتستحمل كتير
احمد ماشى يا ستى ها أستحمل عشان انتو فعلا أكفأ أتنين عندى
كارما متشكرين متشكرين
احمد انا ها أغلب معاكى …. ياله قبل ما أغير رأى
مريم وكارما … كانو فى ثانيه نزلو تحت ….واحمد مش قادر يسيطر على نفسه من الضحك على منظرهم وهما بيجرو ورا بعض …
مريم مالك ساكته ومتغيره كدا ليه يا كوكو
كارما بهيام قابلته
مريم هو مين !!
كارما ايه بتقولى ايه ومين ايه
مريم أنطقى قابلتى مين
كارما الصراحه يا مريم مصطفى صاحب جوزك
مريم بخضه ووقفت العربيه على جمب ازاى يا كارما
كارما خدى المفاجأه الكبيره يبقى ابن المهمدس أحمد ترارار
مريم اه يانى ها نعمل ايه انا مش مستعده لأى حاجه ومش عايزا أشوفه ولا أكلمه حتى الطلاق عايزاه من غير ما اقابله ….
كارما أقولك مصطفى قالى ايه
مريم ايه هو عرفنى أصلا ازاى
كارما يا بنتى شكلك ما اتغيرش كتير واكيد ها يعرفك عادى مش دا المهم
مريم فى ايه بقى احكى وأخلصى
كارما هو بيحلف انك من يوم ما خرجتى من البيت وهو قالب الدنيا عليكى وندمان على تسرعه فى حقك وفعلا بيحبك
مريم بضحكة أستهزاء قوى فوق ما تتخيلى حبه كان مدمر زى البركان انا مش عايزا أسمع سيرته
كارما ممكن يكون فعلا بيحبك ومبطلش يدور عليكى
مريم بأمارة ايه يا كارما لما شاف وشى كأنه شاف عفريت قفلى بقولك انا مش عايزا أفتكر
كارما خلاص براحتك فكرى بس على الأقل …. واتحركى بقى كدا ها نتاخر
حسن انت لسا ها تقعد ما ترغى قولى وصلت لأيه
مصطفى ما تهدى يا عم من ساعة ما كلمتك وانت مزهقنى اصبر
حسن انت ها تتكلم والا أخنقك بأيدى
مصطفى ياسيدى طلعت بتشتغل عند بابا فى المكتب وصبحتها الا كانت معاها هى كارما بنت يزيد المنشاوى عارفه
حسن معقول كل دا قريبه مننا ومش عارفين عنها حاجه ايوا عارف يزيد المنشاوى السنه الا فاتت كان فى تأمين على شريكاته عشان القلق لانه يعتبر من رجالة الدوله وكنت انا المسؤول عن تأمنيها ويعرفنى معرفه شخصيه جدا فوق ما تتخيل
مصطفى كدا الكلام حلو قوى
حسن إشمعنا
مصطفى الصراحه بنته قالتلى انها ناويه خلاص تطلق منك رسمى ويعنى ما تزعلش منى فى الكلام دا
حسن إنطق أنت بتنقطنى
مصطفى بتقول انها عايزا تشوف حياتها او شافت حياتها
حسن بهدوء تام غير متوقع بقولك ايه أمر الطلاق أكيد يعنى هى كانت لازم تعمل كدا مش ها تيجى تستسمحنى وتقولى رجعنى !!! اما بقى الامر التانى…… أشك فيه جدا شخصية مريم …..مش كدا لانى قربت منها جدا فى أخر فتره قبل ما أشوفها انت عارف كنت بهرب لأى مكان فيه شبكه عشان أسمع صوتها وارغى معاها كتير قوى شخصيتها وطريقة تفكيرها شددتنى جدا ….. وهى طموحه قوى وملهاش فى جو أسيب واحد وأنساه بالتانى ومخلصه جدا على فكره من كلام أمى انسى الكلام دا
مصطفى بستغراب ولما انت عارف كل دا وواثق قوى كدا منه ليه عملت فيها كدا
حسن اقولك الصراحه هبل كنت زى أى واحد حابب الشكل الخارجى لأى واحده حلوه جسم متناسق جمال يشدك والباقى بعدين ودا كان أكبر غلط …… لان أكيد ربنا خلقنا كلنا مش كاملين يعنى …. كل واحد
فينا بيعانى من حاجه شكل فيه عيب مختلف عن التانى ….. ممكن يكون شكلك ….. أخلاقك ….. جسمك ….. مرضه … تدينه … كتير قوى ما تعدش تفكيرى كان عقيم …..أكيد ها أحب اشوفها احلى واحده ….. بس لو مش ها تحافظ عليا وتحبنى وتصنى فى غيابى قبل وجودى يبقى ملهاش أى لازمه وساعتها ها أشوفها أبشع واحده ….. على العكس تماما لو كنت تقبلت عيب مريم الا كتير بيعانو منه وقربت منها وحبتها مع كل الصفات الحلوه الا فيها كانت ها تبقى أحلى واحده فى كل حاجه وها يبقى عندها الحافز القوى الا يغيرها هو انا وحبى لها بس للاسف انا خسړت كتير قوى وأكتر حاجه خسرتها زوجه بمعنى الكلمه .
مصطفى كان فين العقل من بدرى بس ياله احنا مش بنتعلم ببلاش ها ترجعها تانى ازاى
حسن زى ما اتعلمنا فى الجيش عندك هدف لازم توصله أوعى اليأس يتمكن منك
مصطفى ولو ابوك طلقها منك
حسن ابويا لا يمكن يابنى دا رافض يكلمنى غير لما أرجعها يقوم هو الا يبعدها
مصطفى كا نوع من أنواع العقاپ مثلا
حسن مش للدرجه دى ما قولتليش هى ساكنه فين
مصطفى انت متخيل ان كارما ها تقولى ساكنه فين دى حاله صاعبه قوى وغلبويه بشكل حلوووو الصراحه
حسن انت لحقت
مصطفى ايوا لحقت بس شكلها ها تجننى وانا أحب الجنان
حسن انت ها تقولى
مصطفى ما تشبطش قوى كدا دا انت شكلك ها يطلع عينك يا باشا دى بتقولى فى مراتك أشعار واد ايه بقت شخصيه عنيده ومحدش بيقدر يأثر عليها فى الوقت الحالى
حسن ها نشوف من العنيد والا ها يقدر على التانى
يزيد هى كارما لسا ماجاتش
داليا لسا يا حبيبى زمانها جايه
يزيد ايه دا معقول وفتح الوووو أخيرا سمعنا صوتك
حسن يزيد باشا ليك وحشه والله
يزيد أنت أكتر يا حسن عامل ايه
حسن عامل ايه دى فيها قاعده وكلام لو وقتك يسمحلى
يزيد انت بالذات عارف انى أعتبرتك ابنى كفايه الا كنت بتعمله واكتر من مره تعرض نفسك للخطړ عشانى ها تيجى البيت وأستناك والا فى اى مكان برا زى ما تحب
حسن مش ها ينفع البيت خلينا برا
يزيد دا الموضوع كبير انا ها انزل حالا ونتقابل فى …
حسن تمام ها أكون عند حضرتك على طول سلام
محمود صفيه حصلت حاجه غريبه
صفيه خير يا حج
محمود تخيلى مريم مش قايله لأهلها حاجه خالص ابوها كلمنى انهارده وقعد يعتذر انه مش بيكلمنى وبيشكرنا على راحه مريم واد ايه مبسوطه مع ابنى
صفيه بنت أصول والله ما حبتش تشوه صورتنا الله يسامحك يا حسن يعنى كدا بردو مش ها نعرف هى فين
محمود بضحكه سخريه المفروض انها فى بيت ابنك
حمزه أنت راجع أمتى
مصطفى لسا الاجازه فيها أسبوع احنا لسا نازلين
حمزه يعنى ها أفضل لوحدى بردو انا مش ها انزل اجازتى وها أستناكو
مصطفى ياريت وحشتنا والله
حمزه وانتو اكتر حسن فين
مصطفى مشغول شويه فى حوار مراته الا حكالك عنه
حمزه لسا بردو ربنا معاه دى ها تجننا يا جدع
مصطفى تجننك لوحدك ياخويا
حمزه هههه يا راجل قول كلام غير دا
مصطفى يعنى احنا شويه وهما شويه
حمزه اه يا مصطفى انا تعبان قوى نفسى دنيا تحس بيا وترحمنى من وحدتى
مصطفى سيبك منها ممكن يكون فى حد فى حياتها
حمزه تفتكر عشان كدا بتصدنى
مصطفى الله أعلم بس مش ها تفضل انت تحب فيها وهى ولا سامعه ولا شايفه
حمزه مش بأيدى قلبى مش عارف يحب غيرها انا ها اقفل سلام
مصطفى سلام وربنا يريح قلبك
حمزه على طريقة أسماعيل ياسين يارب يا خويا يارب وقفل
يزيد بعد ما سلم على حسن هاه يا سيدى خير
حسن مش عارف رد فعلك الصراحه لانى عارف ومتأكد انك على علم بكل شئ انا جوز مريم صاحبة كارما
يزيد پصدمه وعدم تصديق لا يمكن تكون انت الا عملت كدا
حسن للاسف انت ها تسمعنى والا خلاص حكمت عليا زى ما انا عملت فى مريم
يزيد لازم أسمعك ولونى كنت مقرر لو شوفت جوزها هاا أخنقه بأديا
حسن عندك حق طبعا انا عليه كل ما حدث وازاى هو كمان اتغير واد ايه بيحبها وهو مش فارق معاه شكلها دلوقتى لانه حبها زى ما كانت
واتقبل كل حاجه فيها لحد ما اتفاجئ بيها فى شقته
يزيد كلام جميل بس انا ممكن أعمل ايه
حسن لازم أعرف كل حاجه عن مريم وازاى كانت عايشه وتساعدنى ارجعها تانى
يزيد بتفكير طيب سبنى أفكر …..
مريم يابنتى أرحمى الستات طلعتى عنيهم يا كارما
أيه قوليلها وأقنعيها إننا بنى ادمين ولسا كمان مش واخدين على الرياضه والمجهود الكبير انا بروح كل حته فيا فى ناحيه
كارما بعصبيه أيه هنا كل حاجه بتم تحت اشراف متخصصين يعنى مش جايه عليكى ولا ظلماكى تخنتى اد ايه الاسبوع دا قولى
كيلو 2أيه بكسوف
كارما كلتى ايه بقى طول الاسبوع وأوعى تكذبى
أيه ابتسمت وباحراج الصراحه جوزى الله يسامحه منك لله يافتحى من أول ما بدئت رجيم وجيم وملتزمه بقالى شهر وهو كل يوم بشئ وشويات الاسبوع دا كان چحيم عليا …… وبعياط مسطنع هئ هئ هئ حلويات من أفخم وأحلى الانواع وبتشاور على نفسها .. والنفس ضعيفه ..وخدى عندك مشاوى الهى تتشوش فى صوابعك يافتحى خد عندك جاتوهات هئ هئ هئ واقوله انت متسلط عليا والا بتدايقنى
مقدرتش يا جماعه وخصوصا قصاد المحشى والممبار اه يا أيه وعلى ظلم البشر ليكى
مريم دا أنتى عايزا علقھ انتى وجوزك المستفز دا ايه يا أيه انتى وفتحى .. ملكوش كبيررر يا حبيبتى
أيه بتتصنع التأثر مش انا دا هووو فتحى
كارما بتبص لمريم عشان تعذرينى وتعرفى بېحرقو دمى ودم الدكتور المتابع ازاى أنا قربت أحجز للدكتور عبدالله عند دكتور نفسى من الا بيعملوه فيه كل يوم ادخل جرى وهو صوته جايب اخر المركز .. فى مره لحقته وهو بيجرى ورا كيلووو 5واحده تخنت فى اسبوع .. وبيقول بعلو صوته .. بينفخوكى كيلووو ليه 5يا مجرمه
أيه الدكتور عبدالله قرب ينتحر ياعينى والله بيصعب عليا
مريم والله أنتو تجننو فعلا بصى انا فى وقت
معتز يا مصطفى سيبنى بقى نايم
مصطفى ليه عشان تقوم تسهر فوق كدا عايزك
معتز أتعدل أهو يا سيدى عايزا ايه انجز
مصطفى انجز ازاى يعنى فوق كدا على ما أعمل قهوه ونقعد اتنين أخوات ما شافوش بعض بقالهم فتره اتعدل
معتز اوف على الأخويه قايم غور بقى
مصطفى هى الأخويه خاڼقك قوى كدا ماشى ياله انجز ها تلاقينى فى البلكونه مستنيك
معتز قام وراح لأخوه البلكونه نعم ياسيدى
مصطفى أقعد واشرب القهوه الاول
معتز قعدنا وشرب القهوه وفاق تماما
مصطفى وبعدين معاك يا معتز ها تفضل كدا كتير ابوك تعب وأختك كلها كام سنه وزيها زى أى بنت ها تتجوز يعنى جوزها يقول على وضعك ايه يعيرها بيك
معتز بزعل هو انا وحش قوى كدا وبقى كمان ها تتعايرو بيا
مصطفى مش قصدى ابدا انت أخونا وحبيبنا مهما عملت ومهما حصل لو انت اپشع واحد فى الدنيا حبيبى وما اقبلش عليك الهوا بس بالنسبه للغريب لا وكمان انت لازم تتجوز مين البنت الا أهلها ها يأمنو على بنتهم مع راجل وساب شغله قولى
معتز ……
مصطفى انا مش بدايقك والله يا معتز بس لازم تفهم انك أخونا الكبير وانك لازم يبقى ضهرك فى ضهر أبوك وسنده مش تكسر نفسك وتكسر نجاح ابوك
معتز …….
مصطفى طيب قولى ايه الا عامل فيك كدا وليه اتغيرت قوى كدا من بعد مۏت أمى الله يرحمها
معتز ماقدرش يتمالك نفسه أكتر وانهار فى العياط وكأن داس على جرحه
مصطفى أتألم من منظر أخوه الكبير وقهره يااه أكيد حاجه كبيره الا عامله فيه كدا …… قولى وفضفض يمكن ترتاح
معتز أقولك إنى السبب فى مۏت أمى انا السبب يا مصطفى انا السبب ماحدش يعرف غير هى وهى ماټت وسابتنى أتعذب
مصطفى بأنداهاش وصدمه انت ازاى ماما ماټت فى حاډثه ايه ذنبك
معتز ذنبى انها كانت بتفادينى بعد ما واحد خبطلى العربيه من ورا ووقفت وبنزل له وهى نزلت خاڤت انى أتخانق معاه عارفه انى عصبى وجايه تجرى عليا ما تخيلت بعد ما وقف ها يطلع بسرعته عشان يهرب منى وكنت فى وش العربيه مش أبعد لاء زقتنى يا مصطفى وما لحقتش أعمل لها حاجه ولا أجيبه ولا أعرفه مين حاسس انى ضعيف قوى ياريتنى ما وقفت ياريتنى يا مصطفى
مصطفى خد معتز هششششش بس كل دا فى قلبك وشايله لوحدك اى واحد
فى مكانك كان ها يعمل كدا كله قضاء وقدر وعمرها لحد كدا وخلص انت مش ها تقدم فى عمرها ولا تأخره
معتز بعياط بس انا السبب
مصطفى لا مش أنت منه لله الهمجى الا ما يعرفش ربنا صحيح ماما وحشتنا قوى وحنيتها وخۏفها علينا بس ان شاء الله هى فى مكان أحسن وبطل تحمل نفسك المسؤوليه بس هى أكيد مش مرتاحه عشان وضعك وحالك
معتز وحشتنى قوى يا مصطفى مش قادر أنسى نظرة عنيها وهى بتودع الحياه وخاېفه علينا وعلى ابوك
مصطفى الله يرحمها عشان خاطرى لو انت بتحبها ها تتغير وترجع أحسن من الاول
معتز بكسره حاضر انا قايم
مصطفى تعالى نصلى المغرب فى الجامع مع بعض
معتز قام حاضر
مصطفى بفرحه ايوا كدا بابا ها يفرح قوى بعض جااامد ونزلو مع بعض
مريم روحت وكان الفراغ والوحده هى الانيس الوحيد لها والتفكير فى حسن والا كارما قالته لها ..وبصوت هامس موجوع .. ياااه هو انا للدرجه دى قوى كدا …ها يضحكو عليا بكلمتين عشان أرجع .. ارجع للطلقنى يوم ما شافنى عشان سبب تافه .. امال لو كنت عملت حاجه بقى كان عمل فيا ايه ..انسى وإنسيه يا مريم خلاص الموضوع اتقفل لازم انزل البلد الاسبوع دا أخلص طلاقى منه مش عايزاه دا مشاعره مزيفه
حسن قاعد بنفس حيرة مريم بيفكر ها يعمل ايه معاها لازم متاخدش فرصه تسيبنى وتطلق وممكن فعلا بابا يقف جمبها ولو لغيت التوكيل فى الوقت دا بابا ها يفهمنى غلط وممكن يقاطعنى خالص ها أحاول أجيب عنوانها كان فيه ايه لو يزيد ريحنى وادانى العنوان لازم أقابلها ونام بعد وقت كبير وتفكير أكتر
داليا ها يا حبيبتى أخبار الشغل ايه
كارما الحمد لله يا ماما كله تماما ناقص وجودك بس
داليا انا زهقت يا كارما ويزيد بقى دماغه ناشفه قوى معايا
كارما اه انتى ها تقوليلى بس بيحبك يا دودو قوى اولدى بقى قبل ما يجيلى الضغط منكو
داليا هو انتى عمرك ما بتكملى كلمتين حلوين للاخر
كارما الصراحه لا بس يا دودو انتو الاتنين بقيتو قوى حاجه كدا
داليا اه دماغى اه لا بطنى لالا ها تشلنى ياربى ايه الكائن الحى دا
كارما كائن قمور وظريف ودمه خفيف أسيبك أنا بقى قبل ما البس فى الباش ودا ما مبقاش بيرحم
يزيد وهو داخل هو مين دا يا أم لسان طويل
مسا 100كارما باشا وعم الحته
يزيد انا بدئت أشك انك بنتى
كارما وانا كمان يا باشا والله
يزيد انتى ومريم رحتو شقة حسن جوزها
كارما اه عرفت منين
يزيد منه شخصيا
داليا ازاى يا حبيبى انت تعرفه
يزيد حسن هو نفسه الظابط الا حاكتلك عنه يا داليا الا كان بيأمن الشركه فاكراه
داليا بتذكر اه فاكراه بس ازاى دا أنت كنت بتقول فيه شعر ازاى هى دى الشخصيه الا عملت كدا فى مريم !!!!
يزيد يا ستى هو أعترف ليا ان كان منطقه وتفكيره وقراره تجاه مريم غلط وأقسملى انه بيحبها وعايز يكمل معاها فى اى وضع وانا واثق انه مش بېكذب عليا لانه فعلا حد يحترم جدا ومخلص
كارما بتعجب من كتر ثقة ابوها كمان فيه والله يابابا انا بقيت محتاره بس للاسف مريم قافله دماغها وقافله الموضوع تماما
يزيد احنا ها نساعد بقدر الامكان وبس من غير ضغط مجرد توضيح الصوره مش أكتر و إلا فيه الخير يقدمه ربنا هو يتصرف معاها
كارما بتفكير ماعنديش مانع طبعا .. ربنا يقدم الا فيه الخير
أشرقت شمسنا الذهبيه فى يوم جديد يحمل الكثير والكثير فا بطلتنا مريم توجهت للعمل بالمكتب وبصحبتها صديقتها كارما ولا تعلم ان هناك عيون تراقبها …… وقلب أصبح متيم بها !!!
كارما انا عندى مقابله مهمه قوى وها أرخم 6يا مريم انهارده الساعه عليكى تروحى انتى البيوتى سنتر انهارده لوحدك
مريم اوك مفيش مشكله بس خير مزوغه وراحه على فين
كارما ها أقابل مصطفى
مريم مصطفى مين اوعى يكون الا فى بالى
كارما بتهز راسها اه هو وهى مبتسمه
مريم دا الا هو ازاى يعنى
كارما عايز يطمن على شغل أبوه يا مريم الله
مريم على شغل أبوه والا على الا طايرتو فى الهوا
كارما حيح التنين عندك مانع
مريم لا يا حبيبتى بس خلى بالك على نفسك واهم حاجه
ما تتسرعيش
كارما لا بس شكله كويس قوى ورومنتك خالص
مريم لا والله طيب عليه العوض
كارما بقولك ايه مش بابا طلع عارف حسن
مريم يعرفه منين
كارما ياستى دا أصحاب قوى كمان وبيقول انه حد محترم وكويس جدا وندمان فعلا ودور كتير قوى عليكى وبيأكد ليا انه مش فى طبعه الكدب
مريم انتو بتشتتونى ليه قرارى مش ها يتغير دا بنى ادم باعنى بالرخيص وانزلى بقى قافلتلى اليوم كله
كارما خلاص والله انتى بتموتى عليه ما بتشوفيش نفسك بتعملى ايه وفى الاخر تقولى انا متجوزه …. روق يا جميل المواقع عايزا صحتك
مريم اتحركت بعربيها متجهه للموقع وفى منتصف الطريق
….. مين الغبى الا بيكسر عليا وملاحقنى من ساعة ما اتحركت دا وركنت على جمب ونزلتلو
حسن اخيرا وقفتى
مريم پصدمه أنت ورجعه جرى على عربيتها
حسن مريم إهدى لو سمحت وتعالى معايا نتكلم
مريم سيب ايدى يا حسن مش ها اتكلم خلاص كله انتهى من قبل ما يبتدى
حسن ممكن تهدى وها اوعدك اننا ها نوصل لحل يراضينا احنا الاتنين
[[system-code:ad:autoads]]مريم بص بقى هى كلها يومين وها أسافر لعمو يطلقنى منك رسمى والا انت ها توفر عليا المشوار ونتطلق على طول
حسن الكلام هنا مش ها ينفع لازم نقعد مع بعض
مريم بتبص فى ساعتها للاسف مش ها أقدر عندى شغل ما ينفعش أتاخر عليه أكتر من كدا وبعد اذنك وسابته وبتركب وابعتلى ورقتى …..
حسن قفل باب العربيه وشدها انتى بتعندى ليه طلاق مش ها أطلق وانتى مراتى وها تفضلى مراتى وأمشى قدامى نتكلم والا أقولك شالها على كتفه وډخلها عربيته بالعافيه وطلع اسبراى رشه فى وشها وخدرها تماما وطلع بعربيته على طول ………
مصطفى اه يابنى انا عند عربيتها وها أخدها من الطريق اركنها فين بقى …….. خلاص ماشى والمفاتيح ها أخليها معايا انت معاك شنطتها ……. اه تمام كدا سلام وربنا يوفق ما بينكم …….. واتحرك بعربيه مريم وراجع عند مكتب والده وطلع
كارما يا فتاح يا عليم
مصطفى الناس تقول صباح الخير أهلا وسهلا مرحبا بالغالين
كارما حيلك حيلك راجع من الخليج وأشتجنا لك والله …. والا أقولك أجبلك دوف واعملك زفه بلدى
مصطفى ارحمينى من خفة دمك
كارما وانت ارحمنى من تقل دمك يا ساتر
مصطفى شايفه عفريت قدامك انا بدئت أشك فى نفسى بسببك ….
كارما انا مالى تشك والا متشكش انت عايز ايه هو المكتب مورهوش غيرك
مصطفى اهدى اهدى ايه نصيبه واتفتحت انا ايه الا رامنى فى سكتك
كارما صاحبك يا ظريف ورجليك الكريمه
مصطفى عارفه انتى الا يشوفك يتخدع فيكى ملامح بريئه وجذابه وكيوت وصغيره بس الحقيقه مره
كارما سابته ودخلت المكتب تجهز الملفات والرسومات الا طلبها أحمد منها وتجاهلت مصطفى بعد الا قاله
مصطفى دخل وراها انا مش واقف بكلمك
كارما ما يلزمنيش كلام ولو سمحت سبنى أشوف شغلى
مصطفى انتى زعلتى بصراحه طبعك صعب ما تزعليش يا ستى هو انا كل ما اجيلك ها اصالحك
كارما طلعت فوق المكتب وربنا لو قربت منى لأرمى نفسى وأعملك مصېبه
مصطفى الجنان أشتغل حاسبى بقى وانتى بترمى نفسك صوباع رجلك الصغير يتكسر
كارما أطلع برا
مصطفى انزلى وبطلى هبل انتى عامله زى العيال الصغيره كدا ليه وبينزلها ڠصب عنها
كارما حل عنى بقى
مصطفى انتى عارفه انى مش ها 6 أحل انا ماشى ومستنيكى الساعه على اتفقنا
كارما مش ها أجى ريح نفسك
مصطفى بثقه ها تيجى وها أستناكى مع السلامه يا أحلى وأجمل وأرق كارما قابلتها لها مستنيكى
كارما بهيام وابتسامه بعد ما مشى يا خرابى ايه الواد دا هو حلو زياده عن اللزوم ليه انا كدا مش ها أستحمل كتير يارب نجينا …
محمود بفرحه ابنك لقى مراته يا صفيه يارب تجمع بينهم على خير
صفيه جد يا حج يارب سمعنا عنهم كل خير ووفق بينهم
داليا يزيد والله ما قادره سبنى بقى انزل اروح البيوتى سنتر
يزيد ها تتعبى نفسك وانتى مش بتسمعى الكلام
داليا قربت من يزيد خاطرى يا زيزو يا حبيبى والله ما ها أتعب نفسى صدقنى
بس لو دى رغبتك ماعنديش مانع بشرط
داليا موافقه
ومفيش نزول تانى 4يزيد أخرك
داليا بفرحه اوك
يزيد بسرعه تلبسى عشان ها اوصلك انا وانا راجع ها تروحى معايا فى الانجاز عشان اتأخرت
داليا مينت يا حبيبى ها ابقى جاهزه
أحمد كارما
….. فين مريم
كارما فى الموقع من بدرى
دلوقتى وما 12احمد الساعه راحتش الموقع المهندس المسؤول معاها اتصل وبلغنى انه ببتصل عليها تليفونها مقفول
كارما بخضه ازاى بعنى ها تكون راحت فين ممكن حضرتك تدينى نمره مصطفى ابنك
أحمد بدهشه ليه هو علاقته ايه بمريم
كارما يبقى صديق جوزها حسن
أحمد ايه مين حسن جوز مريم والله البنت دى تستاهل كل خير عشان ربنا وقعها فى واحد زى حسن
كارما نعم اه طيب ممكن النمره
010أحمد …….
كارما شكرا وخرجت برا
مصطفى بسرعه كدا اتصلتى
كارما مريم فين
مصطفى تعالى فى المعاد وها أقولك فين
كارما يعنى انت وصاحبك والا ورا إختفائها
مصطفى شاطوره مش بس حلوه لا لماحه وذكيه
كارما عارف لو صاحبك قل بأصله معاها ها اوديكو فى داهيه
مصطفى صاحبى دا يبقى جوزها وانتى ملكيش فيه عايزا تطمنى على صاحبتك ها أستناكى سلام وقفل
كارما يا أغبيه هو بالعافيه هى الرجاله دى عمرها ما بتمشى بالذوق ابدا والا عايزينو لازم يعملوه قال وكنت بقول عليك وحليوه والله لأعرفك يا زفت الطين أنت …..
حسن وصل فى جزيره ووسط البحر وبيت صغنن مصطفى كلم واحد صاحبه وأجره منه لحسن …..وجايب معاه أكل يكفيه أسبوع وملابس لمريم وله …. عامل حسابه على كل حاجه .. وحطها فى اللنش ودخل جوا فى الجزيره لحد ما وصل للبيت …… ونزل ودخل بدئت تفوق وحسن كان خارج عشان يجيب بقية الحاجه
مريم اه يا دماغى وبتتعدل وبتبص حواليها لقت نفسها فى مكان غريب وجميل جدا
حسن وهو بيحط الشنط حمدالله على السلامه
مريم انت مچنون انت ازاى تعمل كدا انا لازم أمشى حالا
حسن ها تمشى ازاى ها تاخديها عوم . .. ياريت تهدى عشان يبقى فى لغة تواصل بينا ونوصل لحل غير الطلاق
مريم مفيش غير الطلاق فاهم وسابته وخرجت قعدت برا قدام البحر ومنظره الا بيهدى الاعصاب
حسن خرج وقعد جمبها بهدوء انا أسف والله العظيم ندمان من اللحظه الا عملت فيها كدا ومسك ايديها وشدها له صدقينى يا مريم انا حبيتك بجد انتى غيرتى تفكيرى وحياتى كنت غبى ومتخلف قولى الا أنتى عايزاه وبيرفع وشها بصيلى انا مش وحش قوى كدا لاقها بټعيط فى صمت لا دى مڼهاره
مريم انت جاى بعد ايه انت حطمت أحلامى معاك حسيت انى بشعه ما أستهلش سعادة الباشا اد ايه كنت أنانى فى كل حاجه اقولك انا فعلا بكرهك وبكرهك جدا كمان وكرهى دا خالنى ابقى كدا مريم الا انت شايفها الا قررت ان مفيش واحد فى الدنيا ها يقدر يبص لها النظره الا شافتها فى عينك يوم ما كسرتنى ما أستسلمتش وبقيت وها أبقى أكبر مهندسه ناجحه فى حياتى وشغلى وكمان لحضرتك وبقى بيجيلى بدال العريس الف بس تعرف كلكو مش فارقين معايا وخصوصا الا بيفرق معاهم الشكل قبل الجوهر
حسن بحزن والله كنت غبى بس كل دا اتغير بعد ما دخلتى حياتى برغم ان مفيش تعامل مباشر بينا الا انى حبيتك وحبيت روحك قبل ما اشوف شكلك …. عندك حق تزعلى وتكراهينى كمان بس انا طالب فرصه
مريم لو سمحت رجعنى كفايه الا حسيته وشوفته وعيشته بسببك سبنى فى حالى يا حسن وشوف حياتك ارتبط بالبنت الا نفسك فيها
حسن انتى يا مريم البنت الا نفسى فيها وعايزاها اوعى تسبينى وتحكمى عليا بسرعه
مريم وبتبص فى عينه مش انا خالص حتى مريم الا كانت بتحبك وبتتمنى قربك مش أنا صدقنى وسابته وقامت
حسن مسك ايديها عايزك زى ما انتى ومش ها يأس انى ارجعك انتى مراتى وحبيبتى
مريم كنت مراتك
حسن وما زلتى مراتى انا مطلقتكيش ابدا ما قدرتش فوقت على طول وطلعت قلبت عليكى الشقه لقيتك مشيتى
مريم اه طيب انا عايزا أمشى ممكن واساسا انا مش معايا هدوم
حسن جايبلك شنطة هدوم معتبره من أفخم وأحلى المركات
مريم پصدمه نعم هو انتى ناوى تقعد اد ايه
حسن ها نقعد لحد ما أصالحك وترجعى تحبينى
مريم بنرفزه وصوت عالى أنت بتحلم واوعى كدا بقى وزقته ودخلت على جوا وقفلت بالمفتاح
حسن أفتحى يامريم بطلى جنان
مريم انا مجنونه ونام عندك واقعد عندك عيش حياتك واطمنت ان الشبابيك مقفوله
حسن برا مبتسم وقرر يسبها براحتها وان كان على الباب مش ها
ياخد معاه ثوانى وها يفتحه
سعاد هى مريم مكلمتكش يا ادهم
ادهم لا يا ماما
سعاد هات التليفون اتصل كدا دى بقالها يومين ولا حس ولا خبر وايمالها الجديد الا بتكلمنا منه مقفول
ادهم بتصل أهو ……. مقفول
سعاد انا قلقانه عليها قوى
ادهم قلقانه من ايه مع جوزها وبتقول فيه شعر واد ايه بيحبها ومهنيها وبيساعدها كمان فى شغلها
سعاد تصدق كنت خاېفه من الجوازه دى قوى بس الصراحه متخيلتش ابدا انها تبقى مبسوطه كدا والولد طلع بيحبها قوى ربنا يسعدك يا بنتى ويقربك من جوزك ويحبك كمان وكمان
ادهم وانا يا سوسو مش ناوين تفرحو بيا واتجوز واحده بتبرق من هنا
سعاد هههههههه كاتك نيله ها تتجوز لمبه نيون
ادهم أكتر يا سوسو ايه البنات دى يخربيتهم انا مش عارف أشتغل
سعاد قوم يا ادهم روح شغلك وبطل عينك الزايغه دى
احمد ايه الحكايه يا مصطفى وليه مقولتليش ان مريم تبقى مرات حسن
مصطفى والله ما كنت أعرف غير يوم الموبيل بتاع كارما لما كان واقع منها وحضرتك قولتلى انها شغاله عندك فى المكتب هى ومريم
احمد هو حسن منعها من الشغل
مصطفى ابدا هو فى خلاف بينهم وهو بيحاول يصفيه ما تقلقش عليها ها ترجع بس نسبهم شويه
احمد ربنا يهدى الامور بينهم يابنى ياما بيحصل بين الازواج
مصطفى هى المجنونه مش برا ليه ومبتسم قوى
احمد ههههههه انت مالك مبتسم قوى كدا ليه استأذنت تمشى بدرى وانت لحقت قولت عليها المجنونه
مصطفى هى مجنونه وبس دى هربانه منها دا لما شافتنى فى مكتبك جابتلى الأمن ولما الامن قال لها انى ابنك قالتلى لو ابن الجن الازرق ها تطلع برا غير البلاوى الا عملتها فيا
احمد هههههههه كارما دى عسل مره عميل كان عندى هنا وهى حاضره الاجتماع الا ها نتفق فيه على الفلوس المهم الراجل دا بيحب يفاصل هى سمعت الحوار وقامت بأديها وخبطت على الترابيزه جامد وتقوله انت مچنون يا راجل أنت حد قالك اننا هنا بنبيع طماطم وجاى تفاصلنا حضرتك
والراجل يقول لها اهدى بس نتفاهم تقوله انت مستفز تفاهم ايه مشروعك دا انت سارق فكرته أصلا من محمد كارم وكان هنا .. الا قدم الفكره والعموله فى المشروع كان ها يدفع لنا اد إلا ها تدفعه مرتين غور بمشروعك وانا أقول لها يا كارما اهدى والراجل لقيته قام وبصوته كله … دا هو الا حرامى ومحدش ها يعمل المشروع دا غيرى والعموله الا كان ها يدفعها انا ها ادهالكو وكارما تقوله انت تعرفه عشان تقول عليه حرامى …. الراجل لا معرفوش ولو عرفتو ها أشرب من دمه وخلص معانا ومشى بقولها ايه الا عملتيه دا ……
كارما راجل رزل ومستفز ناقص كيلو طماطم فوق 2يقولنا ها تو البيعه …….
أحمد هو مين الا بتقولى عليه دا …….. كارما دا عم محمد الا بنفطر عنده انا ومريم ههههههههه
مصطفى ههههههههه والله دى قرده فى ناس كدا فعلا بتيجى بالسك على دماغها
احمد دا الراجل كان ها ينقطنى 10 بس هى خلصت الحوار كله فى دقايق
مصطفى بأعجاب شكلها مش سهله وهى مشيت بدرى ليه بقى
احمد ماسكا شغل البيوتى سنتر بتاع مامتها عشان داليا حاليا حامل
مصطفى پصدمه حامل ازاى بعد ما بنتها بقت عروسه
احمد خد الصدمه الكبيره كارما هى الا اقنعتها بعد ما يزيد غلب معاها سنين وسنين
مصطفى هههههههه دى بلوه يابابا ايه البت الجبروت دى بس الصراحه جامده فى كل حاجه لا وشړانيه
احمد عجبتك
مصطفى الصراحه اه جدا
احمد طيب شد حيلك بقى عايز أفرح
مصطفى قول يارب ادينى عنوان البيوتى سنتر
احمد مش عايز تجاوز معاها انا عارفك …يزيد غالى عندى من زمان وبيحترمك وبيعزك بعدنا شويه بس رجعنا وكمان شركا
مصطفى ما تقلقش طنط داليا .. وعمو يزايد بحبهم والله ولا يمكن ها أزعلهم … وخد العنوان وقام