يوم الاجازه 3حكايات صافي هاني الاخير
وقال
ده كشف حسابات وتحويلات
كل جنيه خرج من الأرض راح فين
فتح المحامي الملف
وبدأ يقلب الصفحات
وفجأة وقف عند صفحة معينة
وقال
يا ساتر
كل الفلوس كانت بتتحول لحساب واحد
قلت
حساب مين
المحامي رفع الورقة
وقال
الحساب باسم جمعية خيرية
لكن الجمعية دي مقفولة من أربع سنين
محمود قال
وده كان الستار
لأن صاحب الحساب الحقيقي مستخبي باسم مستعار
المحامي قلب الصفحة الأخيرة
وبمجرد ما شاف الاسم
اتغير لون وشه
وقف وهو بيقول
دلوقتي فهمت ليه كل الناس كانت خايفة
الاسم ده لو خرج للعلن
هيوقع شخصيات كبيرة
أنا خطفت الورقة من إيده
لكن قبل ما أقرأها
النور قطع فجأة
والبيت غرق في الضلمة
وفي نفس اللحظة سمعنا صوت كسر إزاز من ناحية الجنينة
وبعده صرخة عمر
خلت قلبي يوقف من الرعب.
كان معاه مفتاح البيت الأصلي
وملامحه أول ما ظهرت
خلت أحمد يهمس في ذهول
مستحيل… إنت!أول ما سمعت صرخة عمر جريت ناحية الصوت من غير ما أفكر
لكن قبل ما أوصل لقيته واقف بيعيط وخايف بس الحمد لله ماكانش فيه خدش واحد
اللي اتكسر كان إزاز الشباك
وفي الأرض حجر مربوط فيه ورقة
فتحتها بسرعة
كان مكتوب فيها
آخر فرصة
احرقوا كل الورق وانسوا الأرض وإلا هتخسروا أكتر مما تتخيلوا
بصيت لأحمد وقلت
بعد كل اللي حصل
مفيش حد هيخوفني
المحامي بلغ الشرطة بكل الأدلة اللي جمعناها
وسلمهم التسجيلات والفيديوهات وكشوف التحويلات
أما محمود فقرر يطلع بنفسه بعد سنين من الاختفاء ويدلي بشهادته قدام النيابة
خلال أسابيع قليلة بدأت الحقيقة كلها تظهر
اتقبض على شريف العزازي بتهمة التزوير والنصب وتكوين تشكيل للاستيلاء على أملاك الغير
واتحقق مع الموظف اللي ساعده في تزوير الأوراق
أما حماتي وندى فاعترفوا إن الطمع خلاهم يصدقوا إنهم يقدروا يحرموا طفل من حقه
واعترفوا كمان إنهم كانوا بيعاملوا عمر بقسوة عشان يكره البيت ومايبقاش ليه تعلق بيه