عمر وشروق 2

شروق بارتباك الفستان اسيل اصرتي عليا ..واللي اسمه تامر انا ابتسمت ليه مجامله عشانك مش اكتر..واظن اني مغلطتش باللي عملته..

عمر بانفعال لا غلطتي لما قبلتي تلبسي الفستان ده..

شروق بنفس الانفعال وحضرتك معترضتش عليه من الاول ليه..

عمر عشان مكنتش لاحظت انه ضيق كده بعدين تعالي هناا انت مش متعوده تلبسي حجات زي ده اشمعني لبستيه المره دي..

شروق قلتلك عشان اسيل وعشان اشترتهولي وزعلت لما رفضت البسه..

عمر تزعل متزعلش ..متلبسيش حاجه زي دي تاني فااهمه .

شروق لا مش فاهمه عشان احنا خلاص هننفصل..

نفخ عمر بضيق وانا مش موافق..

شروق يعني ايه..

عمر يعني انتي متعصبه دلوقتي وبصراحه مش شايف حاجه تخليكي تتعصبي واللي حصل ده عادي..واقل من عادي

شروق عادي…عادي بالنسبالك عشان علاقاتك كتيرهه انما بالنسبالي لا..

عمر ليه ان شاء الله فكراني حد من الشارع وبوستك انا جوزك..

شروق جوزي بشروط وحدود..واظن اتفقنا كان كده..

عمر بانفعال وغضب وانا مش عايز الشروط دي والحدود اللي بتقولي عليها..

شروق يعني ايه مش..

عمر عايز نتمم جوازنا ويبقى حقيقي بدون اي روابط او شروط.

شروق مستحيل …مستحيل انا مش هعمل كده …

عمر بهدوء فكري انا مش مستعجل على جوابك دلوقتي. فكري برحتك وحتى لو رفضتي انتي هتفضلي مسؤوله مني فهماني ..وصدقيني لو وافقتي هخليكي اسعد وحده بالدنيا دي كلها ..ولو موافقتيش هكون سند ليكي وزي اخوكي وهحترم كل الحدود اللي هتحطيه بس مش هطلقك ..

شروق ليه ..ليه كل ده ليه انا مش فاهمه…

عمر ليه ايه..

شروق ليه عملت كده من الاول واتجوزتني وانت عارف بشروطي ووافقت عليها .. وليه دلوقتي عايزني ابقى مراتك بجد انا مش فاهمه ليه..

عمر انا هجاوبك ليه وافقت عشان انا راجل وصلت لسن الجواز وجدي عايز يطمن عليا وانا مكنتش بفكر بالجواز اساسا بس عشان ظروفك والشروط دي انا كنت عايزها اكتر منك..انما ايه عايز اتمم جوزنا دلوقتي..

لتقاطعه شروق متقولش عشان حبتني..

ضحك عمر بسخريه حبيتك اكيد لا اللي زيي ميعرفش يحب تصدقي ولا مره قلبي ده اتعلق باي ست قابلتها مع اني قابلت كتيرر ستات ..بس لما عشت فتره معاكي انتي ومريم حبيت جوى العيله الاسره حبيت مريم وحبيت فكره اني اكون اب لاول مره انتي خلتيني اجرب الشعور ده..شروق عايز نتمم الجوازه دي ليصمت قليلا ويكمل حديثه عارف انك لسه صغيره وعايزه تحبي وتتحبي ..بس محدش هيعرف يحافظ عليكي وعلى مريم زييي ..فكري كويس وبلاش تستعجلي وانا جاهز لأي قرار تاخديه ..ومستعد انفذه الا اننا ننفصل عشان انا وانت مش ممكن ننفصل عشان انا عاهدت عم محمود وجدي اني هحافظ عليكي لاخر نفس بيا..