سيرة العيلة الكدابة احمد عمار

ابننا هيشيل اسمي أنا.. وأختك هي اللي هتدفع وتصرف من غير ما تحس بشيء على الحياة اللي هنبنيها سوا!
سمعت جوزي ببيقول الجملة دي بعينها وهو بيبوس أختي الصغيرة على أورطتها، بيني وبينهم أقل من 3 متر بس!
كنت لسه واصلة مستشفى خاص فخم، ومستحفلة بشنطة هدايا للبيبي اللي لسه مولود مكلفاني 1500 دولار.
أختي الصغيرة كانت يادوب ولدت.. أنا عندي 31 سنة، وشغالة مخللة في وظيفة خبيرة تحليل مخاطر مالية في شركة كبيرة.. طول عمري أنا البنت العاقلة والمسؤولة، وأختي هي الدلوعة المفضلة لأبويا وأمي.
جوزها، ممرض قلب غلبان، بقاله أسابيع بياخد شفتات مضاعفة ومابينامش عشان يدفع مصاريف جناح ال VIP اللي أختي اتأمرت عليه في المستشفى.
كان المفروض جوزي يوصل قبلي.. باب الجناح كان موارب سنة، ولما قربت أنادي، سمعت صوتهم.
أختي كانت بتقول جوزي فاكر إن البيبي ابنه.. أنا مابقيتش قادرة أُمثل أكتر من كده!
جوزي مسد على شعرها وقالها بكل برود كلها كام أسبوع.. أول ما مراتي تسيل أسهمها في الشركة وأحول باقي الفلوس، هنخلع من هنا.. أنا وأنتِ وابننا.
الأرض لفت بيا.. رجلي مابقيتش شيلاني.
رجعت بظهري في الممر بشويش، رميت شنطة الهدايا اللي ب 1500 دولار في أقرب ژبالة، ونزلت على عربيتي وأنا جسمي بيتفض.
فتحت حسابنا البنكي المشترك من التليفون.. كان المفروض فيه حوالي 160 ألف دولار تحويشة عمرنا.
لقيت باقي فيه 5400 دولار بس!
وكان في تحويل بنكي اتعمل قريب ب 140 ألف دولار لشركة جديدة باسم جوزي.
وأنا بحاول أستوعب الأرقام، جالي إشعار رسالة من أمي
حولي 10 آلاف دولار بكرة عشان مصاريف جناح أختك.. أنتِ أختها الكبيرة وده واجبك.
كلهم كانوا متعودين إنني أنا اللي بدفع الفواتير وأنا السحّاب اللي بيمول دلعهم.
كتبت لها رد من كلمة واحدة حاضر.
بالليل، سحبت التقرير الائتماني والمالي بتاعي.. ولقيت بلاوي.
3 كروت ائتمان متطلعة باسمي من غير ما أعرف، وقرض ب 75 ألف دولار باسم شركة أنا الضامن الأول فيه، وتوقيعي متزور عين عينك.. والفلوس كلها مبالغها متحولة لشركة جديدة المسؤولة الأولى عنها هي أختي!
بس وأنا بفتش في ورق الضمانات، اكتشفت خېانة أكبر من العشق والممنوع.. كانوا مش بس بيسرقوني، دول كانوا بيلبسوا أبويا وأمي اللي ماشيين وراهم بعماهم في مصېبة مالية وقانونية توديهم في داهية مستحيل يخرجوا منها.
الساعة 6 الصبح، جوزي دخل البيت بيعمل نفسه مېت من التعب، حضنني من ظهري وطلب مني أبيع أسهمي في الشركة
محتاج زقة أصلية عشان الشغل الجديد يكبر يا حبيبتي.. وأختك محتاجة دعمنا، إحنا عيلة واحدة.
ابتسمت له بثبات وقُلت هكلم المستشار المالي بتاعي يوم الإثنين.
نظرة الارتياح على وشه أكدت لي إنه افتكر إنه خلاص غفلني وكسب الجولة.
بعد 4 أيام، في عزومة غدا عائلية، أمي وأبويا وجوزي عملولي كمين.. كانوا عايزين يضغطوا عليا عشان أتتنازل عن