لعبة الخداع

عدى اسبوع كامل سلوى لا بتاكل ولا بتشرب ولا بتخرج من اوضتها، امها اشرف ست طيبة جدا كانت بتدخل عليها وتقولها مالك يا بنتي فيكي ايه احكيلي، بس سلوى مكنتش بترد، كانت حاسة انها بوظت كل حاجة، بوظت علاقة صاحبتها وخسرت الولد اللي حبته لاول مرة في حياتها.

ايات جت لها البيت بعد اسبوع وكانت شكلها تعبان جدا وخاسة النص، قالت لها يا سلوى انا عارفة انك زعلانة عشاني بس انا لازم احكيلك حاجة، ادم كلمني امبارح وقالي كل حاجة، قالي على الاكونت الفيك وقالي انك انتي حبيبة، انا في الاول اتصدمت وكنت هاجي اتخانق معاكي واقولك ازاي تعملي فيا كده، بس لما قعدت مع نفسي وفكرت عرفت انك كنتي خايفة عليا وكنتي عايزة مصلحتي، وانا اللي كنت عمياء ومش شايفة ان ادم مش بيحبني بجد، هو كان معايا عشان متعود عليا مش اكتر.

سلوى بصت لايات وهي مصدومة وقالت لها يعني انتي مش زعلانة مني، ايات حضنتها وقالت لها لا يا هبلة انا زعلانة عليكي انتي، انتي اللي حبيتيه بجد وهو اللي اتوجع، ادم قالي انه مصدوم انه حب واحدة كان بيكرهها، بس قالي كمان انه مش قادر ينسى كلام حبيبة ولا احساسه معاها، وانه محتاج وقت يفكر.

سلوى قالت لها طب وهو فين دلوقتي، ايات قالت لها معرفش بس هو قال انه هيسافر اسكندرية عند خاله عادل كام يوم يفصل شوية، عادل ده كان قريب ادم وبيحبه زي ابنه، سلوى قالت لازم اروحله، لازم اقوله الحقيقة كلها.

وفعلا سلوى سافرت اسكندرية وراحت لبيت خاله عادل، خبطت على الباب وفتح لها راجل كبير طيب، قالها انتي مين، قالت له انا سلوى صاحبة ادم وعايزة اشوفه ضروري، عادل دخلها وقعدها في الصالون ونادى لادم، ادم نزل من فوق ولما شافها اتصدم وقالها انتي ايه اللي جابك هنا، انتي عايزة ايه تاني مش كفاية اللي عملتيه.

سلوى قامت وقفت قدامه وقالت له بص يا ادم انا عارفة اني غلطت غلطة كبيرة وان اللي عملته ميتعملش، بس والله انا مكنتش اقصد اذيك، انا كنت فاكرة اني بحمي صاحبتي، بس مع الوقت عرفتك بجد وحبيتك بجد مش كحبيبة، حبيتك كسلوى، البنت اللي انت كنت بتكرهها، انا عارفة انك مستحيل تحبني بعد اللي عملته بس على الاقل سامحني واديني فرصة اثبتلك اني اتغيرت.