تمرد في بيتى منى السيد الثاني والاخير
ومبحوح حقك عليا يا وفاء… أنا غلطت… الشيطان دخل بينا وضيق الحال عماني.
رديت عليه بصرامة الاعتذار مش بالكلام يا عادل… الاعتذار بالفعل. البيت ده ليه نظام وقواعد، الأكل اللي يتحط على السفرة نعمة ربنا تتباس وتتحط على الراس، ومفيش كلمة مش عاجبني تتقال تاني في وجودي. مصروف البيت يتسلم كله من أول الشهر بالمليم، وإنت ترفع إيدك تماماً عن تدبير البيت وتدليع العيال على حساب أصولهم وتربيتهم. ولو مش عاجبك، المحاكم بيننا والورق في إيدي، وساعتها مش هتشوف غير وش القانون.
عادل هز راسه بسرعة من غير ما يفكر موافق… كل اللي تقوليه هيمشي، بس بلاش سيرة الطلاق والخړاب دي.
بصيت لمريم اللي كانت واقفة بعيد، وقولتلها بنبرة أم حازمة بس فيها حنية مستخبية وانتي يا مريم… تعالي هنا.
مريم قربت بخطوات بطيئة، راسها في الأرض ودموعها نازلة على خدودها. وقفت قدامي وقالت بصوت واطي أنا آسفة يا ماما… مكنتش أعرف إني وحشة كده… والله ما هعمل كده تاني.
مسكت وشها بإيديا الاتنين، ومسحت دموعها وقولتلها أنا مش بعاقبك عشان بكرهك يا بنتي… أنا بعلمك عشان بحبك. الدنيا برة صعبة وغدارة، والراجل اللي بيتحمل مراته في عز الدلع ده موجود بس في المسلسلات، في الحقيقة محدش بيتحمل غير الست الأصيلة اللي بتعرف تشيل بيتها في الفقر قبل الغنى، واللي بتعرف تعمل من الجنيه عشرة. فهمتي يا مريم؟
مريم اترمت في حضڼي وفضلت ټعيط، والمرة دي كانت بټعيط بۏجع ندم حقيقي، وحضنتني بكل قوتها وهي بتقول فهمت يا ماما… سامحيني، حقك على راسي.
حماتي مسحت دمعة من عينها بطرف طرحتها وابتسمت، وفتحت الشنطة البلاستيك اللي كانت جيباها وقالت طب يلا بقى… أنا جايبة معايا بطاية حلوة من التربية عندي وشوية خضار، ندخل المطبخ كلنا نعمل غدا سوا يليق بالصلح ده، ونقفل الصفحة السودة دي للأبد.
بصيت لعادل وقولتله ادخل غير هدومك، وحساب المصروف هنقعد فيه بالليل ورقة وقلم.
هز راسه ودخل الأوضة مطيع ومنكسر، عارف إن ميزان القوة في البيت ده اتعدل، وإن الدلع الفارغ اللي كان بيستقوى بيه خلص للأبد.
دخلت المطبخ وبناتي التلاتة ورايا… مريم وقفت تنضف الخضار، وسلمى بتغسل الرز، وجنى واقفة جنبي بتناولني التوابل وهي بتضحك. وقفت قدام البوتاجاز وحسيت براحة لأول مرة من سنين… مش عشان انتصرت على جوزي، لأ، بس عشان قدرت أحمي بيتي وبناتي من طريق كان هيوديهم في داهية.
عرفت في اللحظة دي إن الست لما بتسكت، مبيكونش ضعف، بيكون صبر… بس لما الصبر يفيض، لازم تقف وقفة حق تفرمل بيها الكل، عشان السفينة تمشي صح وما تغرقش باللي فيها.
