فى ليلة فرحى

ثانية.. ثانية واحدة بس.. وبعدين رجع ضحك وقال ايه السؤال الغريب ده في ليلة فرحنا؟ كنت بخلص ورق.. الراجل كان عايز حد يكتب الايصالات باسمه وخلاص.. ما تقلقيش.. الشقة باسمك انتي
قلت والمحامي اللي قلت هنمضي معاه بعد شهر العسل؟ محامي ايه؟
سكت.. سكتة طويلة.. وبعدين قال محامي ايه؟ انتي شاربة ايه؟
قلت لا.. انت اللي شارب ايه؟ انت وأمك
وشه جاب ألوان.. قال أمي؟ أمي مالها؟
قلت كانت هنا من شوية.. قاعدة فوقيا.. فوق السرير.. وانا تحتيه
جوزي وقف متجمد.. كأنه اتكهرب.. قال انتي بتقولي ايه؟
قمت.. وقفت قدامه بفستان الفرح المترب.. وفتحت التسجيل.. وشغلت أول جملة
صوت أمه طالع من الموبايل هي لسه ما شكتش في حاجة؟
وصوته هو بيرد لأ.. هي فاكرة بجد ان الشقة كانت هدية جواز مني
جوزي مد ايده عايز ياخد الموبايل.. رجعت لورا
شغلت الجملة التانية.. صوته وهو بيقول هتمضي على أي حاجة لو قلتلها ده عشان مستقبلنا
التالتة.. بورق كفاية.. أقدر أخليها تبان كأني أنا اللي دافع تمن الشقة.. الايصالات باسمي
جوزي قعد على السرير.. حط وشه في ايده.. وقال ده.. ده هزار.. كنا بنهزر
قلت بتهزروا على ايه؟ على فلوس جدتي؟ على ال 4 7 مليون اللي حولتهملك عشان تتفاوض؟ على ان أبويا ساكن في شقة قديمة وما معهوش فلوس قضية؟
قال والله أمي هي اللي.. هي اللي كانت خاېفة عليا.. الشركة عليها ديون.. كنت عايز أسددها.. وبعدين أرجعلك كل حاجة
قلت ترجعلي؟ ترجعلي منين؟ انت كنت هتاخد قرض بضمان شقتي؟ كنت هترهن شقتي اللي باسم جدتي عشان تسدد ديون شركتك اللي أنا معرفش عنها حاجة؟
قال كنت هقولك
قلت امتى؟ بعد ما أمضي؟ بعد ما تقولي الستات لما تبقى متلخبطة بيبقى سهل التأثير عليها؟
سكت
قلت قوم
قال على فين؟
قلت قوم اطلع بره الأوضة دي.. بره الأوتيل ده.. بره حياتي
قال ده فرحنا.. دي ليلة فرحنا
قلت لأ.. دي ليلة كشف حساب.. وانت حسابك خلص
قام.. لسه بيحاول يقرب.. قلت لو لمستني هصوت والم الأوتيل كله.. والناس اللي تحت اللي انت كنت بتسلم عليهم هيطلعوا يشوفوا العريس اللي كان بيخطط يسرق شقة مراته ليلة

فرحه
طلع.. طلع وهو بيبص وراه.. كأنه مش مصدق ان الهزار خلص
أول ما الباب اتقفل.. قفلت على نفسي.. وقعدت على الأرض.. وعيطت.. مش عياط واحدة فرحها باظ.. عياط واحدة كانت هتتسحب شقتها.. وفلوس جدتها.. ومستقبلها.. وهي لابسة فستان أبيض
كلمت أبويا تاني.. قلت له سجلت
قال ابعتيه
بعت التسجيل
بعد 10 دقايق.. أبويا كلمني وقال المحامية سمعته.. بكرة الصبح هننقل ملكية كل حاجة.. والايصالات اللي باسمه؟ هنخليه يمضي انه استلم الفلوس منك على سبيل الأمانة.. ولو ما مضاش.. التسجيل ده هيروح النيابة.. تزوير وڼصب
قلت وأمه؟
قال أمه دي حسابها معايا أنا.. اللي تقول على أبوكي ساكن في شقة قديمة وما معهوش فلوس قضية.. لازم تعرف ان الشقة القديمة دي تسوى 10 من بيتها
ما نمتش الليلة دي.. فضلت قاعدة بفستان الفرح لحد الصبح.. بتفرج على الفيديو اللي كنت ناوية أسجله هزار.. وانا مستخبية تحت السرير.. وبدل ما أسجل ضحكة جوزي.. سجلت خطته عشان يسرقني
الصبح.. نزلت.. لقيت أهله كلهم في اللوبي.. مستنيين الفطار.. حماتي أول ما شافتني جت حضنتني وقالت ألف مبروك يا عروسة.. مالك؟ شكلك ما نمتيش؟
بصيتلها وقلت لا نمت كويس.. تحت السرير.. سمعت كل حاجة
وشها اتخطف.. وقالت سمعتي ايه؟
قلت سمعت ان أبويا ساكن في شقة قديمة وما معهوش فلوس قضية.. وسمعت ان الستات لما تبقى متلخبطة بيبقى سهل التأثير عليها.. فقلت آجي أوضحلك.. أبويا ساكن في شقة قديمة عشان دي شقة أمه.. مش عشان ما معهوش.. وبالنسبة للستات المتلخبطة.. فأنا فوقت.. فوقت أوي
جوزي نزل.. شافني واقفة مع أمه.. قال نتكلم؟
قلت لا.. المحامية هي اللي هتتكلم
المحامية وصلت الأوتيل الساعة 10.. ست شيك.. لابسة بدلة سودة.. ومعاها شنطة جلد.. دخلت اللوبي.. قعدت.. وفتحت اللابتوب.. وقالت لجوزي عندنا ورقتين.. ورقة بتثبت انك استلمت 4 7 مليون على سبيل الأمانة لتخليص شقة باسم مراتك.. وورقة تانية بتتنازل فيها عن أي ايصالات باسمك تخص الشقة دي.. هتمضي.. ولا نطلع على النيابة بالتسجيل اللي مدته 16 دقيقة و 41 ثانية؟
جوزي بص لأمه.. أمه بصت للأرض
مضى.. وهو بيمضي ايده بتترعش
المحامية خدت الورق.. وبصتلي