قصة الشرابات حكايات منال عباس

ومن ساعتها خالد اتغير خالص

بقى يصحى بدري يصلي الفجر في الجامع ويرجع يجيب العيش ويعمل شاي ليه وليا

وبقى يشيل ليلى بليل لما تعيط عشان أنام شوية

وأنا لما بقيت كويسة وقمت بالسلامة بعد الأربعين حماتي عملت لنا عزومة كبيرة وعزمت أمي وأهلي كلهم

وقامت وسط العزومة ومسكت إيدي وقالت قدام الناس كلها

فاطمة دي بنتي مش مرات ابني وربنا يبارك لها في بنتها

وخالد قام وقال قدام أبوه وأهله

أنا كنت فاكر إن الراجل هو اللي مراته تخدمه طلع الراجل بجد هو اللي يخدم مراته وهي تعبانة زي ما الرسول عليه الصلاة والسلام كان بيعمل في بيته

كان يكون في مهنة أهله

ومن اليوم ده أي خناقة صغيرة تحصل بيني وبين خالد

حماتي تقف مع الحق حتى لو الحق معايا أنا

وليلى دلوقتي عندها 6 شهور وخالد كل ما يشوف شراب مقطوع يضحك ويقول فاكرة يا فاطمة كيس الشرابات اللي وداني في داهية

وأنا أقول له فاكرة يا أبو ليلى ده الكيس اللي خلاك راجل
تمت