حكايات شيمو الاول
هدى وشها اتغير وأحمر، وبصت لبابا بخوف وقالت:
“هي… هي سمعت حاجة؟”
قلت لها بعين قوية:
“سمعت كل حاجة يا هدى. سمعت عن جوزك ‘المسافر’، وسمعت عن الفلوس الحرام، وسمعت كلام أمي وهي بتقول ‘سيبوها تطحن نفسها ما هي ملهاش غيرنا’!”
البيت كله سكت. السكون كان يرعب. أمي حطت إيدها على بؤها، وبابا وطى راسه في الأرض مش قادر يحط عينه في عيني.
في اللحظة دي، جرس الباب رن.
فتحت الباب وأنا جسمي كله بيترعش… لقيت قدامي راجل غريب، لابس بدلة ووشه جاد جداً، ووراه اتنين أمناء شرطة.
الراجل بصلي وقال:
“ده بيت الأستاذ أحمد؟”
بابا طلع يجري على الباب ووشه أصفر:
“أيوه يا فندم… خير؟ في إيه؟”
الراجل طلع كارنيه وورقة رسمية من جيبه وقال بمنتهى الجدية:
“أنا أمر ضبط وإحضار للست هدى أحمد… بتهمة التستر على أموال متحصلة من عمليات نصب وتبييض أموال مع جوزها المحبوس، ومعانا إذن بفتيش البيت!”