بعد ما جوزى مات منال على الثالث والاخير
الجزء الثالث والاخير 👇🏼
خالتي سامية وقعت على الكنبة، وشنطتها وقعت من إيدها، واتبعثرت منها رزم فلوس فئة الـ 200 جنيه على الأرض المبلطة القديمة. المنظر كان صدمة للكل. تالين صرخت ودموعها نزلت وهي مستغربة من المنظر، وأنا وقفت مسمرة مكاني، مش قادرة أصدق إن خالتي، اللي كنت بعتبرها أمي التانية، هي اللي سرقتني وسرقت بنتي اليتيمة.
ستي أمينة، ملامحها اتحولت لجليد، بصت لخالتي بنظرة احتقار قاتلة، وقالت بصوت هادي بس مرعب: “كنت عارفة. كنت حاسة إن فيه حاجة غلط من يوم ما محمود مات وإنتي مابطلتيش زن على دماغي إن ندى مكسوفة تقابلني. التوكيل ده مزور، صح يا أستاذ حسام؟”
أستاذ حسام، المحامي، هز راسه بأسف وهو بيبص للبصمة على الورق: “البصمة دي مش بصمة ندى، ده تزوير واضح وصريح يا أمينة هانم. وبناءً على كده، كل التصرفات اللي تمت بناءً على التوكيل ده باطلة، ومن حق ندى ترفع قض*ية تزوير واستيلاء على أموال.”
خالتي سامية بدأت تصرخ وتعيط بنهيار: “يا ماما أبوس إيدك سامحيني، الشيطان غواني. أنا كنت محتاجة الفلوس، ابني كان عليه ديون وكان هيدخل السجن. مكنتش أقصُد أئذي ندى، كنت هرجعهم والله كنت هرجعهم.” حكايات منــال عـلـي
ستي أمينة وقفت بكل شموخ وقالت: “ترجعي إيه يا سامية؟ ترجعي دهب بنت أختك اللي باعته عشان تأكل بنتها؟ ترجعي أيام الجوع والذل اللي عاشتها؟ إنتي مابعتيش بس الفلوس، إنتي بعتي الأمانة، بعتي الدم، بعتي كل حاجة حلوة كانت بينا.”
وبعدين لفت وشها ليا، ولأول مرة أشوف دمعة في عين ستي القوية. مسكت إيدي وقالت: “يا بنتي، أنا أسفة. أسفة إني صدقتها، أسفة إني سيبتك تعاني كل ده. حقك وحق بنتك هيرجعلك، تالت ومتلت. والفلوس اللي سرقتها دي، هتدفع تمنها غالي، في الدنيا قبل الآخرة.”
وبصت لأستاذ حسام وقالت بحزم: “أستاذ حسام، خد الإجراءات القانونية فورًا. بلاغ للنيابة بتهمة التزوير والاستيلاء على أموال قاصر، وبلاغ تاني لجمع كل ممتلكات سامية عبد العزيز، باسمها أو باسم ابنها، لغاية ما تترد كل مليم لندى وبنتها. ومحدش في البيت ده هيتحرك من مكانه لغاية ما الشرطة تيجي تستلمها.”
خالتي سامية انهارت تمامًا وفضلت تصرخ وتتوسل، لكن ستي كانت جبل مبيتهزش. وأنا، وأنا كنت واقفة بدموع الفرحة والوجع مخلوطين ببعض، باصة لبنتي تالين، وعارفة إن خلاص، أيام الجوع والذل انتهت، وإن ربنا جابلي حقي وحق بنتي من اللي ظلمونا، حتى لو كان أقرب الناس لينا.
تمت