جوزي سابني حكايات صافي هاني الاول

قاعد على الأرض، واحد نايم على كتفه، والتاني في حضنه، والتالت في العربية الهزاز.

وكان بيبكي بصوت واطي.

لما حس بيا، مسح دموعه بسرعة وقال:

“أنا مستوعبتش غير دلوقتي قد إيه ظلمتك.”

قعدت جنبه من غير كلام.

لأول مرة من يوم ولادتهم، حسيت إن الحمل بقى متقسم بين اتنين.

واتعلم كريم الدرس اللي عمره ما كان هيتعلمه من أي مصيف…

إن الأبوة مش كلمة، ولا صورة حلوة قدام الناس.

الأبوة مشاركة حقيقية، وسهر، وتعب، ومسؤولية، ووجود وقت ما الأسرة تحتاجك، مش وقت ما يكون مناسب ليك.

ومن يومها، كل ما حد كان يقوله: “إنت تستحق أجازة.”

كان يضحك ويرد:

“أحسن أجازة عندي… لما أشوف ولادي بخير، وأمهم مش شايلة الدنيا لوحدها.”

حكايات صافي هاني