الصدمة في عيد الجواز ج 1 حكـايات مني السيد حصري

حكايات مني السيد
واحدة لابسة قميص جوزي ونايمة في سريري هي وابنها اللي عنده تلات سنين لما رجعت عشان نحتفل بعيد جوازنا….
وطّي صوتك شوية.. أحمد لسه منيم الولد بالعافية وسخن مولع … دي كانت أول جملة أسمعها من الست اللي لقيتها نايمة في سريري، لابسة قميص جوزي الأبيض وحاضنة طفل عنده تلات سنين كأن أوضة نومي دي ملكها.
كنت واقفة وماسكة في إيدي علبة التورتة المتبهدلة.
النهاردة كان عيد جوازنا التالت.
كنت حاجزة ترابيزة في مطعم شيك على النيل في الزمالك، ومجهزة كل حاجة، وطالبة تورتة مكتوب عليها كلام رومانسي كنا بنحبه. أحمد ما جاش، وتليفونه كان مقفول وما بيردش.
لما رجعت شقتنا في التجمع، لقيت جزمة حريمي بكعب عند الباب مش بتاعتي، والتورتة اللي الدليفري سابها مرمية ومداسة في مدخل الشقة جنب الحيطة.
فتحت باب أوضة نومي براحة… ولقيتها هي.. ميار … خطيبة أحمد القديمة.. وحبه الأولاني… الست اللي فضل مرتبط بيها أربع سنين قبل ما يعرفني، واللي كان دايمًا يقول لي إنها ماضي واتقفل وراح لحاله.
أحمد خرج من الحمام وفي إيده الفوطة.
إيه ده، إنتي جيتي؟
ضحكت بسخرية
كويس والله إنك واخد بالك.. لو كنت جيت بكرة كنت هلاقيني المفروض أعمل فطار للتلاتة ولا إيه؟
ميار وطت راسها وعملت نفسها مكسوفة
فريدة، ونبي ما تفهميش غلط.. سليم ابني تعب فجأة، واحنا لسه راجعين مصر من كام يوم ومليش حد أكلمه ولا أعرف حد هنا حصري على صفحة روايات و اقتباسات…
وعشان كده جيتي تنامي في سريري؟
أحمد اتعصب وكشر
طليقها مبهدلها وبيجري وراها ومضايقها، والولد حرارته كانت داخلة في الأربعين. هما بس هيقعدوا هنا كام يوم لحد ما تظبط أمورها. حكايات_مني_السيد
تمام، انزل احجز لهم أوضة في أي فندق محترم.
في الوقت ده والمستشفيات ما كنش الموضوع سهل.
خلاص، خدهم دلوقتي وديهم فندق.
وشه اتغير وملامحه قفلت
فريدة بطلي دراما.. الأوضة هنا دافية والولد محتاج يرتاح، إنتي ممكن تنامي النهاردة في أوضة الضيوف وخلاص.
بقالي ست سنين شغالة محامية أحوال شخصية وقضايا طلاق. حصري على صفحة روايات و اقتباسات…
شفت بيوت بتتهد عشان خېانة، وعشان فلوس، وعشان كدب وسكوت.
بس عمري ما تخيلت في يوم إني هسمع جوزي بيطلب مني أسيب سريري وأوضتي عشان يقعد فيها حبيبته القديمة.
مسكت المخدة بتاعته ورزعتها في صدره
هي تبات هنا الليلة.. وإنت تنام برة في الليفنج.
فريدة
ولا كنت ناوي تنام جنبها هنا كمان؟
ميار بدأت ټعيط بمسكنة
أنا مش عايزة أعمل مشاكل.. أنا همشي أحسن.
قالت كده وهي حتى ما اتحركتش من مكانها ولا نزلت رجلها من على السرير.
أحمد جري على طول ومسك شنطتها
هتاخدي الولد وتنزلي بيه فين في السقعة دي وهو سخن كده؟
وبعدين بص لي بنرفزة
بس بقى.. كفاية لحد هنا!
حسيت بحاجة اتكسرت جوايا
أنا اللي كفاية؟!
شاورت على السرير وقولتله
نسيت عيد جوازنا، ومدخل خطيبتك القديمة بيتنا، ومنيمها في أوضتي، وعايزني أبقى هادية ومستوعبة؟ لا بجد ما شاء الله عليك، بقيت زوج مثالي ومبدع.
نمت الليلة دي في أوضة الضيوف وأنا دمي بيغلي.
الساعة كانت اتنين بالليل، قمت عشان أشرب مية.
لقيت ميار قاعدة جنب أحمد في الصالة ولابسة سويتر من بتوعي.
سمعتها بتهمس له
لو مكنتش زمان اخترت أسيبك وأتجوز طارق تفتكر كنا زماننا متجوزين ومع بعض دلوقتي؟
أحمد سكت.
سكت كام ثانية بس..
بس السكوت في اللحظات دي بيبقى أوضح وأوسخ من أي اعتراف.
تاني يوم الصبح، لقيت ميار واقفة في مطبخي بتعمل فطار ولابسة مريلة المطبخ بتاعتي.
وابنها