كنت واقفه فى طرقه الشقه منال على الثانى
الجزء الثاني
في الشهر السابع من الحمل، نزل في حسابي مرتب إجازة الوضع والتأمينات الخاصة بفترة الولادة. المبلغ كان كبير، لأن مرتبي الأساسي قبل الحمل كان كويس جدًا.
بالنسبة لي… الفلوس دي كانت طوق النجاة.
هي اللي هصرف منها على نفسي وعلى البيبي، وأدفع منها أقساط الشقة، وأضمن إننا منحتاجش لحد وأنا مش
قادرة أشتغل.
أنا مخبتش حاجة عن أحمد.
قلتله بكل تلقائية:
— الفلوس نزلت، وأنا حطيتها في حساب التوفير.
ابتسم وقال بسرعة:
— ممتاز… يبقى هتكملي تدفعي قسط الشقة، ونجيب عربية البيبي اللي كنتِ عايزاها.
ولا مرة سألني:
“محتاجة حاجة؟”
ولا حتى قال:
“أنا هشيل معاكي.”
كل اللي همه إنه ارتاح من فكرة إنه
هيضطر يصرف.
حكايات منــال عـلـي
بعدها بشهر، ربنا رزقنا بآدم.
الولادة كانت صعبة جدًا، وانتهت بعملية قيصرية طارئة.
رجعت البيت جسمي كله بيوجعني.
الجرح لسه بيلسع.
الرضاعة كانت متعبة.
والبيبي كان بيصحى كل ساعة تقريبًا.
كنت حاسة إني ماشية بالعافية.
وفي الوقت اللي كنت محتاجة فيه سند…
اتفاجئت
إن أحمد نقل نومه للصالة.
ولما سألته ليه قال بكل برود:
— لازم أنام كويس علشان الشغل.
وسابني لوحدي…
أنا اللي بصحى للبيبي.
وأنا اللي بطبطب عليه. حكايات منــال عـلـي
وأنا اللي بنضف.
وأنا اللي بطبخ.
وأنا اللي بدفع الفواتير.
وكل يوم كنت بشوف تحويشة عمري وهي بتقل قدام عيني.
لبن مخصوص لآدم.
حفاضات.
كشف دكاترة.
أدوية. متوفره على روايات واقتباسات
وقسط الشقة.
لمحة نيوز
وفي صباح يوم…
حسيت إن كل حاجة هتتغير.
قلت لأحمد وهو بيلبس علشان ينزل الشغل:
— لو سمحت هات وإنت راجع علبتين حفاضات، وكمان اللبن العلاجي اللي الدكتور كتبه لآدم… الحساسية
زادت عليه.
رد من غير حتى ما يبصلي:
— معيش فلوس.
بصيتله باستغراب.
— إزاي معكش؟! إنت لسه واخد السلفة الأسبوع اللي فات.
قال بمنتهى البرود:
— اديتها لماما.
اتسمرت مكاني.
—
لمامتك؟!
— كانت عايزة تحجز رحلة علاج ومكانش معاها المبلغ كامل.
وبعدين بصلي وقال:
— وإنتِ عندك فلوس إجازة الوضع… خدي منها.
حسيت إن الدم غلي في عروقي.
قلتله:
— يعني ابنك
محتاج لبن وحفاضات… وإنت فضلت تدي الفلوس لمامتك؟!
ابتدى يزعق.
وأنا كمان عليت صوتي لأول مرة.
