شاهين وقدر بقلم شهد الشورى الرابع

شاهين فضل ساكت وهو بيسمعها بتركيز رغم انه عارف صعوبة اللي بتطلبه منه على واحد زيه يعمله بسهولة :
والأهم من كل ده اعتذر لها

رفع عينه لها بصدمة وضيق فأكدت عليه :
أيوه اعتذر مش لازم تبرر كل حاجة عملتها قوللها إنك عارف إنك غلطت وإنك أذيتها وإنك مهما كنت بتحبها مش من حقك تجبرها عليك….

سكتت شوية وبعدين قالت :
قولها إن الجواز ده مش سجن لو بعد كل ده فضلت مش عاوزاك ببقى ماتمنعهاش من إنها تختار هتكمل حياتها ازاي

شاهين بصلها كتير وبعدين سألها بصعوبة :
يعني اقولها ايه ؟؟

ابتسمت مريم وردت عليه :
قولها الحقيقة يا شاهين
قولها انك بتحبها وإنك خايف عليها وإنك غلطت والأهم وريها ده بأفعالك ماتستناش منها تصدقك عشان إنت قولتلها أنا بحبك خليك الشخص اللي هي تقدر تثق فيه وبعدها سيب القرار ليها……

ودعته وسابته ومشيت وهو فضل قاعد مكانه لوحده
فضل يفكر في كل كلمة قالتها كان عارف إن كلامها صح مش غلط بس المشكلة ان كل اللي طلبته منه كان صعب عليه
هو عمره ما كان الشخص الرومانسي اللي يعرف يقول كلام حلو أو يعبر عن مشاعره بسهولة والحاجات اللي هي شايفاها بسيطة بالنسباله كانت تقيلة ومش عارف يبدأها منين….

فضل شوية مكانه ساكت وغرقان في تفكيره بعدها قام يطلع ليها بخطوات كلها تردد مش عارف هو رايح يقولها ايه ولا هيعمل ايه مد إيده وفتح الباب لكنه اتصدم……..

يا ترى شاهين اتصدم من ايه وشاف ايه…؟؟
ايه رأيكم في شخصيته تفتكروا هيكون لاخته تأثير عليه
هل هيتغير ولا مفيش فايدة وقدر هتعمل ايه بعد اللي عرفته عن حسام….؟؟

البارت الخامس بكره ان شاء الله مستنية رأيكم ❤️