متزعلشى ياعمو حكايات نورهان العشرى

الصبح ده، كنت واقف قدام المراية في أوضتي، وبربط الكرافتة السودة للمرة الرابعة. إيدي كانت بتترعش. شدّيتها زيادة عن اللزوم، وبعدين فكيتها وربطتها من جديد. من ورايا، كان عم صابر، كبير الخدم عندنا بقاله أكتر من عشرين سنة، واقف ساكت بيتفرج عليّا. إنت بتبصلي ليه يا عم صابر؟

لأول مرة من فترة طويلة، قربت أبتسم. من سنتين، حياتي كلها اتقلبت في لحظة. كنت راجع من اجتماع مهم، والعربية اتضــ,,ـــــرب عليها نــ,,ـــــار في طريق القاهرة الإسكندرية الصحراوي. الرصاص خد مني حاجات كتير. أصحابي. شغلي. وحركتي.

صحيت في المستشفى بعد شهور، وأنا مش قادر أحرك رجلي. الدكاترة قالوا إن احتمال إني أمشي تاني ضعيف جدًا. ومن يومها، ناس كتير اتغيرت. رجالة كانوا زمان بيحسبوا ألف حساب لاسمي، بقوا يبصولي بنظرة غريبة. بعضهم بقى شايفني ضعفت. وبعضهم مستني اللحظة اللي يخلص فيها اسم عيلة الشهاوي من السوق.

لكن نادين ما اتغيرتش. أول مرة دخلت المستشفى بعد الدــ,,ـــــادث، كانت شايلة باقة ورد أبيض. قعدت جنبي بالساعات. ولا مرة بصت للكرسي. ولا مرة سألتني هتمشي تاني إمتى؟ كانت بتكلمني عادي. تضحك معايا. تحكيلي عن يومها. وتقنعني إن حياتي ما انتهتش لمجرد إني بقيت على كرسي متحرك.

خلتني أصدق إنها بتحب مراد اللي نجا مش مراد اللي كان قبل الدــ,,ـــــادث. وعشان كده، يوم فرحنا، كنت مصدق إني أخيرًا هبدأ حياة جديدة. الساعة كانت قربت على 11 الصبح. الجنينة الكبيرة بتاعت الفيلا كانت متزينة من أول البوابة لحد الكوشة. حوالي تلتميت مدعو كانوا قاعدين.

رجالة أعمال. قرايب. ناس من عائلات كبيرة. ناس أصحابنا وناس تانية كانوا أعدائنا، لكن حضروا عشان يشوفوا فرح ابن عيلة الشهاوي. كلهم كانوا لابسين أحسن ما عندهم. وكلهم كانوا مستنيين اللحظة اللي العروسة تظهر فيها. دخلت تحت الكوشة وأنا على الكرسي.

المزيكا اشتغلت. المزيكا اللي نادين نفسها اختارتها. بصيت ناحية باب الفيلا. محدش ظهر. عدت خمس دقايق. وبعدين سبعة. وبعدين عشرة. والباب ما اتفتحش. بدأت الهمسات تنتشر بين الناس. واحد يبص للتاني. واحدة تحط إيدها على بوقها. حد يقوم من مكانه ويرجع يقعد. حسيت إن كل العيون اتثبتت عليّا.