صاحب الشركه حكايات بسمه

أكرم ابتسم بسخرية وطلّع موبايله من جيبه ودوّس على زرار التشهير:
— فاهم غلط؟ والعدسات الدقيقة اللي أنا زارعها في سقف الأوضة وفي كل ركن في البيت بصفتي صاحب شركة تكنولوجيا؟ الكاميرات مصوراك بزاوية HD وأنت بتسحب الساعة من جيب جاكيتك وبتحطها في شنطتها عشان تلبّسها الج*ريمة وتخلص منها!
ماهر وشه بقى أصفر زي الورق ولسانه اتعقد.
كمل أكرم وهو بيقرب منه أكتر:
— مش بس كده يا ماهر… أنا فتحت حسابات الشركة ومراجعات السيستم اللي أنت فاكر إنك مسحت أثرك منها. أنت اللي كنت بتسرق الأوراق والصفقات وتبيعها للشركات المنافسة، ولما العاملات القدام شكوا فيك طردتهم وتبّلت عليهم، والفلوس اللي اتسرقت كلها راحت لحساباتك السرية عشان تغطي ديون قمارك!
في اللحظة دي، اتفتح باب Villa ودخلوا رجال الشرطة بناءً على بلاغ مسبق كان أكرم مرتبه مع المباحث بعد ما جمع كل الأدلة والشهود ورسائل الابتزاز!
ماهر انهار على الأرض وبيعيط ويترجى:
— يا أكرم ارجوك! أنا ابن خالك! ما تودينيش السجن! الشيطان غواني!
أكرم بص له بقرف وقسوة:
— أنت مسبتش مكان للشيطان يا ماهر… أنت كنت هتمرمر ست شريفة وبنتها الصغيرة في السجن عشان تحمي قذارتك.
الشرطة كلبشت إيدين ماهر واقتادوه لمركز الشرطة، مع تحفظ النيابة على كل ممتلكاته وحساباته.
بعد ما المكان هدي…
ندى كانت واقفة بتبكي ومصدومة من اللي حصل، ومسكت إيد بنتها “ملك” وجت تمشي وهي بتقول بصوت مبحوح:
— أنا آسفة يا أستاذ أكرم… أنا هلم حاجتي وأمشي حالاً. أنا غلطت لما دخلت بنتي من غير إذنك، بس والله العظيم ما كان قدامي حل تاني…
أكرم قرب منها بهدوء، ونزل على ركبتيه قدام ملك الصغيرة، وابتسم لها الابتسامة الدافية اللي بقت سر بينهم.
— تمشي تروحي فين يا ندى؟ والسر اللي بيني وبين ملك مين هيكون حارسه؟
ملك ابتسمت واستخبت ورا مامتها وهي بتضحك.
أكرم وقف وبص لندى باحترام وتقدير:
— ندى… أنتِ أثبتّي أمانتك وذكائك في وقت كل الناس اللي حولي خانوني فيه. اللاب توب بتاعك والأحلام اللي نسيتِها بسبب الظروف… جه الوقت اللي ترجعي لها.
سكت شوية وكمل بصدق:
— أنا محتاج مهندسة ديكور وإدارة لمشاريع شركتي الجديدة… ومحتاج إنسانة أمنة على بيتي وحياتي. البيت ده مش هيتقفل تاني، وأنتِ وملك مكانكم هنا مش في المخزن.
دموع ندى نزلت بس المرة دي كانت دموع فرح وأمل جديد.
النهاية:
اتسجن ماهر وانكشفت كل ألاعيبه ورجعت أموال أكرم وأوراق شركته بالكامل.
أما ندى… فرجعت تكمل دراستها وحققت حلمها وبقت مهندسة ديكور ناجحة بفضل دعم أكرم، وملك كبرت في وسط بيئة مليانة حب وأمان بعد ما كانت مستخبية في الضلمة.
وبعد سنة… الرسمة اللي رسمتها ملك بالريشة والمنقوش فيها تلاتة ماسكين إيد بعض، اتحولت للحقيقة لما اتجوز أكرم وندى، وبقت العيلة الصغيرة دي أصدق دليل على إن ربنا بيكشف الخاينين وبينصر الصابرين الطيبين.
تمت بحمد الله.
صلوا على النبي، والحق دايماً بيبان والنية الطيبة صاحبها عمره ما يضيع 🦋🦋🦋