كنت فاكر. الست لما تتجوز حكايات منال عباس الثانى والاخير
الثانى
فضلت واقفة قدام أحمد ومش قادرة أستوعب اللي سمعته
أنا اللي كنت فاكرة إن جوازي منه بدأ بحكاية حب عادية
طلعت بالنسبة لهم خطة
طلعت أنا البنت اللي اختاروها علشان كانوا فاكرين إني هسكت وأعدي وأرضى بأي حاجة تحصل
بصيت لأحمد وقلت
يعني كل اللي حصل بينا كان تمثيل
قال بسرعة
لأ يا سارة
قلتله
أمال إيه
قال
أنا فعلا في الأول كنت بدور وراكي وكنت عايز أعرف كل حاجة عن حياتك
بس بعد ما عرفتك حبيتك
ضحكت بمرارة وقلت
وحبيتك يعني قررت تفضل ساكت وأنا بتتهان
نزل عينه وقال
أنا غلطت
رديت عليه
لأ يا أحمد إنت مش بس غلطت
إنت خليتني أصدق إن سكوتك احترام وإن خوفك من المشاكل حكمة
وأنا كنت كل يوم بخسر جزء من نفسي علشان أحافظ على بيت إنت أصلا مكنتش بتحافظ عليه
حماتي قالت بعصبية
إنتي جاية تعملي فيها ضحية
بصيتلها وقلت
أنا مش محتاجة أعمل نفسي ضحية
أنا اتوجعت كفاية لوحدي
مريم قامت وقالت
إنتي عايزة أحمد يبقى عدو لأهله علشانك
بصيتلها وقلت
لا
أنا عايزاه يبقى راجل عادل
لو أنا غلطانة يقولي غلطانة
ولو إنتي غلطانة يقولك غلطانة
لكن مش كل مرة يحصل فيها خلاف يطلب مني أنا أسكت علشان إنتي أخته
سكتت مريم
وأحمد كان واقف في النص مش عارف يبص لمين
حماتي قالت
طيب بما إنك قوية أوي كده
خدي قرارك
إنتي يا تكملي زي ما إحنا عايزين
يا إما تخرجي من حياة ابني
أحمد اتصدم وقال
ماما
قالت
اسكت يا أحمد
إحنا اللي شايلينك من وإنت صغير
ومش هنسيب واحدة تيجي تغيرك علينا
بصيت لأحمد
المرة دي مستنيتش منه ينقذني
ولا مستنيتش منه ياخد قرار بدالي
كنت عايزة أعرف هو نفسه هيختار إيه
ثواني طويلة عدت
وأحمد رفع عينه وقال
أنا مش هسيب سارة
حماتي اتجمدت
مريم قالت
إنت بتقول إيه
قال
بقول إن سارة مراتي
ولو أنا غلطت في حقها قبل كده فده مش معناه إني أكمل غلط
حماتي قالت
يعني هتختارها علينا
رد أحمد
مش اختيار يا أمي
دي مراتي
وأنا غلطت لما سمحت لأي حد يهينها حتى لو كان من أهلي
قلبي دق بسرعة
أول مرة أسمع منه الكلام اللي كنت محتاجة أسمعه من سنين
لكن حماتي ابتسمت ابتسامة غريبة وقالت
كويس
بما إنك اخترت
يبقى لازم تعرف الحقيقة كاملة
أحمد سكت
وقالت
إنت فاكر إن سارة هي اللي دخلت حياتك بالصدفة
أحمد قال
ماما كفاية
ردت
لأ
لازم تعرف هي ليه بالذات