كنت فاكر. الست لما تتجوز حكايات منال عباس الثانى والاخير
ودخل عمي سامح
وكان ماسك ملف في إيده
وبص لنا وقال
واضح إنكم عرفتوا حاجات كتير
أحمد وقف قدامه
وقال
لسه
إحنا لسه منعرفش كل حاجة
عمي ابتسم وقال
لو عايزين تعرفوا الحقيقة كاملة
لازم تسألوا سارة الأول
أنا بصيتله باستغراب
وقلت
تسألوني أنا عن إيه
ابتسم ابتسامة غريبة وقال
عن أمك
وساعتها حسيت إن السر اللي جاي
أكبر من كل اللي عرفته لحد دلوقتي حكايات منال عباس
بصيت لعمي سامح ومقدرتش أتكلم
قلتله
أمي مالها
قال
أمك كانت عارفة الحقيقة من البداية
أبويا بصله بغضب وقال
إنت بتكدب
سامح رد
لأ
المرة دي مش هكدب
وقعد يحكي إن أمي كانت أول واحدة اكتشفت إن سامح هو اللي زور الأوراق وحاول يوقع بين العيلتين
لكنها خافت على أبويا وعلى حياتنا
فطلبت منه يبعد عننا
سامح رفض
ولما حصل الحادث وخسرنا أبو أحمد
أمي فضلت ساكتة علشان كانت خايفة إن الحقيقة تفرق العيلتين وتدخلهم في حرب طويلة
بصيت لأبويا وقلت
يعني ماما كانت عارفة
قال
كانت عارفة جزء من الحقيقة
بس عمرها ما رضيت تبيعك ولا تستخدمك
دموعي نزلت وقلت
طب ليه كل السنين دي محدش قالي
أبويا قرب مني وقال
علشان كنت عايزك تعيشي من غير ما تدفعي تمن أخطاء الكبار
بصيت لأحمد
وقلت
وإنت
إنت كنت تعرف إيه بالظبط
قال
كنت أعرف إن في خلاف قديم
لكن مكنتش أعرف إن أمك وأبوكي بريئين من اللي حصل
ولما بدأت أحبك
خفت أقولك الحقيقة أخسرك
قلتله
وخسرتني برضه
نزل راسه وقال
عارف
بس لو الزمن رجع بيا مش هكررها
سكت شوية وبعدين قلت
أنا مش عايزة راجل يحارب أهله عشاني
ولا عايزة راجل يقطع رحمه علشاني
أنا عايزة راجل يعرف يحط حدود
يعرف يقول لأ
يعرف يقول لمراته أنا معاكي
ومش هسمح لحد يهينك
أحمد بصلي وقال
وأنا فهمت ده متأخر
لكن فهمته
وقتها سامح حاول يخرج
لكن أبويا وقف قدامه وقال
مش هتمشي قبل ما تسلم كل الأوراق
سامح بص لنا لحظات
وبعدين حط الملف على الترابيزة
وقال
خدوا كل حاجة
أنا تعبت من الكذب
وبالفعل ظهرت الحقيقة كاملة
واتعرف مين زور المستندات
ومين ظلم أبويا
ومين تسبب في كل الخلافات اللي حصلت بين العيلتين
وبعد ما خلصت الحكاية
أنا وأحمد رجعنا بيتنا
قعدنا قدام بعض وقت طويل من غير كلام
وبعدين أحمد قال
سارة
أنا عارف إن كلمة آسف مش كفاية
قلتله
عارفة
قال
وعارف إن ثقتك فيا مش هترجع في يوم وليلة