كنت فاكر. الست لما تتجوز حكايات منال عباس الثانى والاخير
بصيتلها وأنا مش فاهمة
قالت
إحنا من قبل ما نتقابل معاكي كنا عارفين إن في حاجة مهمة مرتبطة بعيلتك
أحمد بص لها بسرعة وقال
إنتي وعدتيني إن الموضوع ده مش هيتفتح
قالت
أنا وعدتك علشان كنت فاكرة إنك هتسمع كلامي
لكن بما إنك اخترت مراتك
يبقى هي كمان لازم تعرف
سألتها
تعرف إيه
حماتي قربت مني وقالت
تعرف إن أبوكي كان السبب في مشكلة كبيرة حصلت لعيلتنا من سنين
اتسمرت مكاني
قلت
أبويا
قالت
أيوه
أبوكي
أحمد قرب مني وقال
سارة متصدقيش أي حاجة قبل ما نعرف الحقيقة
لكن أنا كنت خلاص مش قادرة أتنفس من كتر الصدمات
سألت حماتي حكايات منال عباس
أبويا عمل إيه
فتحت درج تاني وطلعت ورقة قديمة
حطتها قدامي
وقالت
اقري
مسكت الورقة بإيدي المرتعشة
وأول سطر فيها خلاني أحس إن حياتي كلها كانت مبنية على حكاية ناقصة
لكن قبل ما أكمل القراءة
سمعت صوت جرس الباب
الكل بص ناحية الباب
حماتي وشها اتغير فجأة
وأحمد قال
مين هييجي لنا دلوقتي
حماتي قامت بسرعة وقالت
محدش يفتح
لكن الجرس رن تاني
وبعدها سمعنا صوت راجل من بره بيقول
افتحي يا أم أحمد
أنا عارف إن سارة عندك
وأنا جاي أحكي لها الحقيقة اللي إنتي مخبياها عنها من سنين
بصيت لأحمد
ولأول مرة شفت الخوف الحقيقي في عينيه
لأن الصوت اللي كان واقف ورا الباب
كان صوت أبويا حكايات منال عباس
أول ما سمعت صوت أبويا قلبي اتقبض ومقدرتش أتحرك من مكاني
بصيت لأحمد وقلتله
إنت كنت تعرف إن بابا هييجي
هز راسه بسرعة وقال
والله ما كنت أعرف
حماتي كانت واقفة قدام الباب ووشها متغير تماما
أبويا خبط مرة تانية وقال
افتحي يا أم أحمد
أنا مش جاي أعمل مشكلة
أنا جاي آخد بنتي وأقول لها الحقيقة
قربت من الباب لكن أحمد مسك إيدي وقال
استني
بصيتله وقلت
دي حياتي يا أحمد
وأنا لازم أسمع الحقيقة بنفسي
فتحت الباب
وأول ما شفت أبويا واقف قدامي حسيت إني رجعت طفلة صغيرة
كان باين عليه التعب ووشه شاحب وعينيه مليانة كلام
بصلي وقال
تعالي يا سارة
جريت عليه من غير ما أفكر
حضنته وقلت
إنت كنت فين
ليه مخبي عني كل ده
حط إيده على راسي وقال
كنت خايف عليكي
بعدها دخل وبص لحماتي وقال
بس الظاهر إن الوقت جه تعرف كل حاجة
حماتي قالت بعصبية
إنت مالك ومال بنتي
رد أبويا
دي بنتي وإنتي حاولتي تلعبي بيها علشان تنتقمي مني