صبار

— أنتِ متهمة بالقيادة بدون رخصة، وتعريض حياة مواطن للخطر، والهروب من موقع الحادثة.
وبص لمازن:
— وأنت متهم بالتستر، والاشتراك في الجريمة، والإبلاغ الكاذب، وده غير بلاغ السرقة وخيانة الأمانة اللي هيتفتح حالا بناءً على كشوفات البنك.
​رانيا انهارت وبقت بتعيط بهستيريا:
— أنا ماليش دعوة! مازن هو اللي قالي خدي عربيتها انزلي هاتي حاجات للبوتيك وهو اللي قال لي اهربي وهو هيتصرف!
​مازن اتعصب وزعق فيها:
— أنتِ هتلبسيني أنا؟! ما أنتِ اللي أكلتي دماغي عشان محتاجة فلوس للإيجار وعايزة تقعدي في الشقة!
​بدأوا يشتموا في بعض ويكشفوا بلاوي بعض قدام وكيل النيابة والمحامين.
​في نفس اليوم، المحامية بتاعتي نزلِت البيان الرسمي مع المستندات والتسجيلات على الفيس بوك، وفي أقل من ساعة، الموازين اتقلبت. الناس اللي كانت بتشتمني بقت بتطالب بحبسهم، والبوتيك بتاع رانيا اتقفل صفحتو من كثرة الـ Report.
​مازن اترفض من الشغل بسبب قضية خيانة الأمانة وإيميلات الشركة، ورانيا صدر ضدها حكم بالحبس مع الاستئناف وغرامة كبيرة لتعويض الراجل صاحب الموتوسيكل.
​أما أنا، فاسترديت كل جنيه اتسرق مني، وغيرت كالون الشقة، ورجعت لحياتي ونفسيتي الهدية.
​درس عمري ما هنساه: ساعات ربنا بيكشفلك الناس في الوقت المناسب عشان ينقذك من جحيم كنت داخل عليه برجليك.
تمت