قصة ايمان حكايات منال عباس

اتجوزنا جواز بسيط في المسجد وكتبنا الكتاب وعملنا عقيقة للبيبي اللي مات بنية إن ربنا يرحمه

طارق لما عرف إن أنا اتجوزت جه لحد السوبر ماركت يعيط ويقولي سامحيني يا إيمان أنا اتبهدلت من غيرك

الحاجة نعمة كانت واقفة وقالتله مش أنت اللي قلت عليها عبء وعالة دلوقتي جاي تعيط

قالها أنا ندمان أمي هي اللي سخنتيني

قلت له يا طارق أنا مسامحاك عشان ربنا يسامحني بس عمري ما هرجعلك اللي يرمي واحدة حامل في التاسع في الشارع في عز المطر ده مالوش أمان

ويمشي من هنا ومتجيش تاني

ومشي وهو موطي راسه وأمه وراه شايلة شنطة بلاستيك فيها هدومهم

والنهاية المعبرة إن ربنا مبينساش

أنا سيبت دهبي وأهلي عشان أقف جنب راجل فقير وربنا خد مني البيبي بس عوضني بزوج صالح وشغل حلال وسكن مستور

وطارق كان فاكر إن الشغل والفلوس هتخليه راجل بس الفلوس من غير أصل بتخلي البني آدم نذل

والست اللي كانت بتقول عليه عبء بقت هي العبء اللي شايله على كتفه بيشحت بيها في المواقف
بعد ما طارق مشي من قدام السوبر ماركت وأنا قلتله متجيش تاني دخلت المخزن وقعدت أعيط

أم ياسين جت حضنتني وقالتلي يا بنتي أنتي عملتي الصح اللي يبيعك بيعيه

ياسين جه من المخزن اللي ورا وسمع كل حاجة وقاللي متزعليش نفسك يا إيمان أنا جنبك

تاني يوم الصبح لقيت أم طارق جاية لوحدها من غير طارق واقفة قدام السوبر ماركت ولابسة عباية مقطعة وشايلة كيس عيش ناشف

قالتلي يا إيمان يا بنتي أنا جعانة بقالي يومين مكلتش طارق مش لاقي شغل وبيضربني كل يوم ويقولي أنتي السبب أنتي اللي خليتيني أطرد مراتي

قلت لها يا حاجة أنا مش هقدر أساعدك ترجعي مع ابنك تاني بس هديكي أكل لله

دخلت جبت لها كيس رز وكيس مكرونة وفرخة وعلبة سمنة واديتها 200 جنيه

قالتلي ربنا يسترها معاكي يا بنتي زي ما سترتيني وادتني ضهرها ومشيت وهي بتعيط

ياسين لما شافني بديها الحاجة قالي ليه بتديها دي اللي كانت بتزغرط يوم ما طردك

قلت له يا ياسين دي ست كبيرة وجعانة وربنا قال ولا تزر وازرة وزر أخرى وحرام أسيبها جعانة حتى لو ظلمتني

بعدها بأسبوع طارق راح شركة البراق تاني يتحايل على الأستاذ كمال يرجعه

الأستاذ كمال قاله أنا كنت مشغلك عشان خاطر مراتك إيمان اللي كانت بتبوس إيدي عشان أشغلك وانت رميتها في الشارع وهي حامل في التاسع لحد ما سقطت عايزني أشغلك تاني ازاي