قصة ايمان حكايات منال عباس

حكيت له وأنا بترعش

قاللي لا حول ولا قوة إلا بالله تعالي يا بنتي بيتي جنب هنا مراتي جوه وأنا دكتور على المعاش

خدني بيته مراته الحاجة نعمة ست طيبة عندها 48 سنة دخلتني أوضتها ولبستني عباية ناشفة ودفية وعملتلي شوربة عدس سخنة

وقالتلي نامي يا بنتي أنتي أمانة عندنا

نمت وأنا بعيط

صحيت الصبح لقيت نفسي تعبانة جدا وبطني بتوجعني جامد

الحاجة نعمة خدتني على مستشفى الجامعة في 6 أكتوبر

الدكتور قالي للأسف الضغط العالي والزعل والبرد عملوا تسمم حمل والبيبي نزل ميت

أنا انهرت وقعدت أصرخ البيبي مات البيبي مات

الحاجة نعمة حضنتني وقالتلي احتسبيه عند الله يا بنتي ربنا هيعوضك

قعدت في المستشفى 3 أيام وطارق مسألش عليا ولا حتى رن

الحاج سيد راح سأل في شركة البراق وعرف إن اللي شغل طارق أصلا كان واحد قريبه شغال هناك اسمه الأستاذ كمال

الأستاذ كمال ده كان صاحب الحاج سيد من أيام الجيش

الحاج سيد كلمه وقاله شوف الواد اللي أنت مشغله ده عمل إيه في مراته الحامل رماها في الشارع في عز المطر وهي في التاسع لحد ما سقطت

الأستاذ كمال اتصدم وقاله إيه ده أنا كنت مشغله عشان خاطر مراته إيمان اللي كانت بتكلمني وتتحايل عليا أشغله وبتقول ده غلبان وابن حلال

قاله دي طلعت هي اللي غلبانة وهو طلع نذل

الأستاذ كمال راح تاني يوم سحب التوصية بتاعته من الشركة وقالهم أنا مش مسئول عن الولد ده

الشركة فصلت طارق بعدها بأسبوع عشان كان بيسرق كراتين من المخزن

طارق ملقاش شغل تاني وصاحب الشقة طرده عشان عليه 5 شهور إيجار متأخر

هو وأمه بقوا قاعدين في أوضة فوق السطوح في نفس العمارة من غير مية ولا نور

بقى ينزل يمد إيده في موقف الحصري يشحت

بعد شهرين أنا خرجت من عند الحاج سيد وروحت اشتغلت سكرتيرة في حضانة إسلامية في الشيخ زايد بمرتب صغير بس ناسها طيبين

وكنت كل يوم أروح أحفظ قرآن في مسجد الحصري

هناك اتعرفت على واحدة اسمها أم ياسين جوزها متوفي وعندها سوبر ماركت كبير

قالتلي تعالي اشتغلي معايا في الحسابات وادتني مرتب أحسن وسكنتني في شقة صغيرة فوق السوبر ماركت

وبعد 6 شهور تقدملي ابنها ياسين شاب عنده 30 سنة بيصلي الفجر حاضر وبيخاف ربنا

جه هو وأمه وطلب إيدي وقاللي أنا عارف قصتك كلها ومش شايفك ناقصة بالعكس شايفك بنت بمية راجل وقفتي جنب راجل لحد ما بقى بني آدم وبعدين هو اللي طلع ناقص