اهلى سافروا

موقع أيام نيوز

بنت في الدنيا، واللي حصل ده مش ذنبك أبدًا.
مسحت دموعي بإيديها الصغيرة وقالت
طب هنروح المصيف برضه يا ماما؟
بصيت في عينيها، وقررت إني مش هسمح لحد يكسر فرحتها تاني.
ابتسمت وقلت
إحنا مش هنروح أي مصيف وخلاص إحنا هنسافر مكان أحلى، أنا وإنتِ لوحدنا، وهنعمل أحلى ذكريات في حياتنا!
وفي نفس الليلة، رتبت كل حاجة لسفرية لينا، لكن قبل ما نتحرك، عملت مكالمة واحدة بس، وطلبت تنفيذ قرار كنت بفكر فيه من ساعة ما شوفت الصورة.
تاني يوم، وصلت عيلتي الفندق، وكلهم نازلين من العربية وهما بيتكلموا عن الأوض والبحر والأكل، وأمي كانت أول واحدة تدخل الاستقبال وهي واثقة إن كل حاجة جاهزة، وإن الفلوس اللي دفعتها هتضمن ليهم إقامة مريحة.
لكن الموظف راجع بيانات الحجز، وبعدها رفع عينه وقال
للأسف يا فندم، فيه تغيير في الحجز، ومش كل الغرف متاحة لحضراتكم.
أمي اتعصبت وقالت إن كل حاجة مدفوعة مقدمًا، وإنها مش هتقبل بأي تغيير.
الموظف طلب منها تستنى لحظات، وبعدها جه مدير الفندق بنفسه، وطلب يقابلها على انفراد.
أمي دخلت مكتبه وهي متأكدة إن الموضوع هيتحل في دقايق، لكن المدير حط قدامها ورقة، وقال بهدوء
يا فندم، فيه رسالة متسجلة باسم صاحبة الحجز الأساسية، وضروري حضرتك تسمعيها بنفسك قبل ما نكمل إجراءات الإقامة.
أمي بصت للورقة، وأول ما شافت اسمي مكتوب عليها، لون وشها اتغير!
ولما المدير بدأ يقرا الرسالة، أختي شهقت، وأخويا وقف من مكانه، أما أمي ففضلت ساكتة تمامًا، مش قادرة تنطق بكلمة واحدة.
لأن الرسالة مكنتش مجرد إلغاء حجز
دي كانت بداية حساب عمرهم ما تخيلوا إني هقدر أخليهم يواجهوه!
يا ترى إيه اللي كتبته في الرسالة؟ وإيه القرار اللي أخدته بعد ما شفت بنتي مستنياني جنب الباب؟ وليه أمي كانت أكتر واحدة خاېفة من كلام مدير الفندق؟
حكايات بسمة
المدير بص لأمي ولأختي اللي كانت واقفة جنبها وعينيها هتروح من الفضول والتوتر، وفتح الملف اللي بين إيديه ورتب الأوراق بثبات. نظراته ما كانتش نابعة من خدمة عملاء عادية، بل كانت نظرات صلبة وجادة من راجل بيطبق تعليمات قانونية صارمة وواضحة جداً.
حط الميكروفون الصغير الخاص بجهاز التسجيل البنكي على المكتب، وداس على زرار التشغيل.
صوتي خرج في الأوضة وواضح ونقي، من غير عياط ولا نبرة انكسار واحدة، نبرة هادية أبرد من الثلج بس صلبة تقطع أي شك
إلى إدارة الفندق.. أنا الأستاذة هبة، صاحبة الحجز المباشر للست غرف، والمسددة لكل الفواتير عن طريق كارتي الائتماني الشخصي باسمي وثائقيًا. بالإشارة إلى البلاغ المسجل بحسابي البنكي، تم إلغاء كافة الحجوزات الخاصة بالغرف والمطعم الشامل ابتداءً من هذه اللقيقة، مع استرداد المبلغ بالكامل لحسابي. كما يُحظر على أي فرد من أفراد العائلة المذكورين في الكشف المرفق استخدام أي امتيازات أو خدمات باسمي. وفوق هذا..