اصل الكرامه نورهان العشرى

ثم رجع بعينيه لمراته، وملامحه اتغيرت تمامًا. اتقدم خطوتين، والكل حبس أنفاسه، مستني يسمع قراره. مي ابتسمت، وهي متأكدة إنه جاي ينفذ طلبها. لكن اللي حصل بعدها كان صدمة لكل الموجودين!كريم وقف قدام نهى، وبص لها باحترام واضح، ثم قال بصوت سمعه كل اللي في الطرقة:

— دكتورة نهى، أنا آسف جدًا على اللي حصل هنا… لكن قبل ما أتكلم، محتاج أسألك سؤال واحد. نهى رفعت عينيها له، وقالت بهدوء:
— اتفضل يا أستاذ كريم. لف كريم ناحية مراته، وبص لها نظرة خلت ابتسامتها تختفي تدريجيًا. وبعدين قال الجملة اللي خلت مي تتراجع خطوة لورا.

..— إنتِ عارفة إن الست اللي إنتِ رميتي عليها القهوة دي هي السبب في إنك لسه واقفة هنا لحد النهارده؟!مي بصت له بعدم فهم، وقالت بصوت متقطع:
— يعني إيه؟! إنت بتقول إيه يا كريم؟!كريم أخد نفسًا عميقًا، وبص ناحية نهى، وكأنه بيستأذنها إنه يكشف سر كان مخبيه عن الجميع………….

كريم بص لمراته وقال بصوت مسموح لكل الناس اللي واقفة: «يعني الدكتورة نهى اللي أنتي قللتي أدبك عليها دي، هي اللي وقفت قصادي قبل سنتين لما مجلس الإدارة كله كان عاوز يرفضك من المستشفى بعد الفضيحة اللي عملتيها في مستشفى الحسين،

وقالتلي ساعتها: (اديها فرصة يا كريم، البنت لسه صغيرة ومحتاجة تتعلم).

»مي اتجمدت في مكانها ووشها أصفر، وقالت بصوت م رعش: «إنت… إنت بتقول إيه؟!»كريم كمل كلامه ونبرة صوته بتعلى وتمليها القسوة: «وبدل ما تقولي لها شكراً، طرطشتي عليها القهوة وقلتي إنك هترفضيها؟ دكتورة نهى مش مجرد دكتورة قديمة هنا، دي اللي أنقذت حياتك شخصياً لما جيتي هنا نزيف في الطوارئ وهي مسافرة على رجلها من البيت وسابت ولادها عشان تلحقك!

أنتي نسيتي ولا إيه؟»الممرضات في الطرقة حطوا إيديهم على بؤهم من الصدمة، والكل بص لمي بنظرات كلها ازدراء واحتقار. نهى بصت لكريم بهدوء شديد وقالت بصوت واطي وحاسم: «خلاص يا أستاذ كريم، مش لازم تفكرها بالماضي.

المهم عندي المريض اللي في أوضة تلاتة، ده اللي محتاجنا دلوقتي مش الكلام ده كله.»كريم هز راسه باحترام شديد لنهى، وبعدين لف وشه‌ لمي، وبص لها نظرة أخيرة خالية من أي مشاعرزوجية، وقال: «احزمي الشنطة بتاعتك واطلعي برا المستشفى دي حالاً. وفترة التدريب بتاعتك مرفوضة، ومش بس كدة.