جوزى مسافر رومانى مكرم الثاني والاخير

مقالات ذات صلة

زوجي مسافر حكايات رومانى مكرم 2
منذ 47 دقيقة

زوجي مسافر حكايات رومانى مكرم 1
منذ 49 دقيقة

حكايات اسما السيد 2
منذ 5 ساعات

حكايات اسما السيد 1
منذ 5 ساعات
مسك الأستاذ طارق الورقة، بص فيها بتمعن، وابتسم ابتسامة هادية جداً.. ابتسامة الراجل اللي فاهم شغل القضايا وشايف المصيدة اللي موكله الخصم وقع فيها برجليه.

لف المحامي بتاعي على إبراهيم ومحاميه، وقال بصوت وثق وثابت هز الممر:

* “دعوى طاعة وتزوير عقد بيع؟ برافو يا أستاذ.. موكلك أهدى لنا أكبر هدية جنائية كنا بنحلم بيها!”

محامي إبراهيم وشه اتخطف:

* “يعني إيه جنائية؟ العقد موثق ومختوم!”

رد الأستاذ طارق ببرود :

* “العقد المزعوم ده تاريخه المكتوب من سنة بالظبط.. وفي التاريخ ده بالذات، موكلتي المدام سمر كانت مسافرة في مهمة عمل تبع جهة حكومية وموجودة في بورسعيد، وحركة حركة الطيران والبصمة الإلكترونية في المجمعات الحكومية مثبتة باليوم والساعة. ده غير إن التزوير في المحررات الرسمية والعرفية هنا وفي مصر عقوبته السجن المشدد.”

بصيت لإبراهيم.. شفت الابتسامة الخبيثة وهي بتسيح من على وشه في ثواني، واللون بيهرب من الملامح كأنه بيتغسل بمية ساقعة.

المحامي كمل المحكمة:

* “أستاذنا.. موكلك طالبها في بيت الطاعة، وهو أصلاً معندوش بيت طاعة مستوفي الشروط الشرعية بعد ما نيفين هربت بفلوس الشقة اللي مأجرينها، ومالك العمارة حرر ضد موكلك محضر إخلاء وإثبات حالة بانتهاء عقد الإيجار من أول الأسبوع! هيقعدها فين في بيت الطاعة؟ في الشارع؟”

الموقف تحول لمهزلة إبراهيم هو بطلها المطلق. محاميه سحبه على جنب وبدأ يوشوشه بعصبية ويزعق فيه بصوت واطي، وإبراهيم عينه عليا.. عين واحد بيغرق وشايف القشة الأخيرة بتتكسر في إيده.

دخلنا القاعة قدام القاضي..

وقفت بثبات، والأستاذ طارق قدم الملف الكامل: تسجيلات المكالمة الأولى، الرسائل النصية، صور التهديدات بالترحيل، أوراق المحضر بتاع المالك لإخلاء الشقة، وأخيراً طعن بالتزوير على العقد المكتوب ضد شقة مصر، مع طلب التحفظ على إبراهيم وتكليفه بالخضوع للطب الشرعي لمطابقة الخطوط.

القاضي بص في الأوراق، وبعد جلسة مداولة قصيرة.. اصدر قرار هز القاعة: