تميم رسلان ايه محمد رفعت الثانى من ٦:١٠
عقب على حديثها بلهجته الساخرة:_مش سبب عظيم، أي حد مكاني هيعمل كده عشان مايمـ,ـوتش من الجوع. أردفت بابتسامة رقيقة زادت من جمال وجهها رغم الحمرة المكتسبة بالحياء لما ستقوله؛ ولكن ربما تمنحه بعض العزيمة للحلم:_بس من وجهة نظر نورهان إنك شاب شهم عشان معملتش زي أغلب الشباب.
اعتدل “آسر” بجلسته ليسألها بلهفةٍ وعدم استيعاب لما قالته:_قالت كده بجد!أشارت إليه بتأكيد، فباغتها بسؤالٍ آخر والكلمات تخرج بشكلٍ مرتبك كحال قلبه الذي يخفق بقوة:_قالت كده إمتي وإزاي؟!ابتسمت رغمًا عنها وهى تراه يختبر هذة الأحاسيس المضطربة، فيبدو من عينيه المتلهفة لسماع المزيد بأنه قد وقع بشباكها، ردت عليه بهدوء:_يعني من آخر مرة كنت فيها هنا، إتكلمنا عنك وحكيت ليها عن شغلك وقالت كده.
لاحت ابتسامة حالمة على شفتيه، والأخرى تتابعه بسعادة فقالت بجدية جعلته يتابع ما تقول باهتمام: _إنت أول مرة تختار صح يا آسر، أنا اللي عارفة نورهان وعاشرتها بجد، عرفت معدنها الأصلي اللي مبقاش حد يبص عليه وكل اللي يهمهم الشكل الخارجي للأسف.
شعر بخفقة قابضة اعتصرت قلبه بشراسةٍ، فقال بوجومٍ شديد:_هو ده مجتمعنا يا ميرا، الناس مابقتش شايفة غير عيوب بعضها حتى لو كان خارج عن إرادتهم. وشُكلت ملامحها أمام وجهه فابتسم بهيام وعينيه تحاول اقتباس ملامحها، فقال بصوتٍ يختبر لهجته لأول مرة:_بس أنا مش شايفها وحشة أبدًا ولا قادر أشوفها غير بقلبي.
تعالت ضحكات”ميرال” فمازحته بمكر:_حيلك حيلك لحقت تقع وتتعلم الشعر ده إمتي؟!تجهمت ملامحه مدعيًا الجدية قائلًا لها:_ إنتي أخدتي عليا أويثم دفعها برفق وهو يتناول قهوته بنفور:_قومي إعمليلي قهوة تانية بدل اللي بردت دي لما أشوف جوزك هيلطعني هنا كتير ول إيه؟
تعالت ضحكاتها بشوق لمشاكسته، فنهضت عن الأريكة لتتواجه للمطبخ قائلة بخوف مصطنع:_أنت تؤمر..*****مكتب “سيف”؛ استمع إليهم جيدًا حتى انتهت”وجدان” من قص ما عانته مع زوجها، حاولت اختصار قدر ما تمكنت ولكنها في النهاية نجحت بأن توصل له ما اختبرته لأعوام قضتها معه بعذاب لا يوصف، قضيتها كانت الأولى من نوعها بالنسبة له، فقد رأى أكثر من حالة؛
ولكنه لم يرَ امرأة تمنح الرجل فرصا كثيرة مثلما فعلت هي، انتظرته حتى أنهى صمته بسماع ما لديها، فقال بلهجة عملية بحتة:_مفيش داعي إنك ترفعي قضية خلع لأنك ببساطة هتتنازلي عن حقوقك كاملة؛ كل اللي حصل معاكي هيساندك جدًا لو رفعنا قضية طلاق للضرر وحقوقك كلها هترجعلك كاملة.
