تميم رسلان ايه محمد رفعت الثانى من ٦:١٠
! كانوا فين؟! صدقيني معدش يفرق معايا حاجة غير إني أكون حرة نفسي ومايهمنيش حاجة تانيه، هعيش لنفسي يا ماما مش للناس. رُسمت بسمة بالكاد على وجه “آمال” فربتت على ذراعيها بحزنٍ على حالها:_طيب يا حبيبتي اللي يريحك.
توقف المصعد عند الطابق المنشود ومعه توقفت خفقات قلب “معاذ” من شدة حزنه لما استمع إليه، لا يعلم لما شعر بالألم وكأنه يستمع لشخصٍ عزيز على قلبه، لا يعلم لما يتألم قلبه لهذا الحد، خرج من المصعد خلفها فرسمت سعادة غريبة على وجهه حينما رآها تدخل مكتب “سيف”، تعمد الجلوس على المقاعد المقابلة إليها بالجهة الأخرى ليكون مقابلها، كان يتصرف بغرابة تعجب منها ولكنه يشعر وكأنه وجد نفسه بعد معاناة من البحث!
!*****منزل” تميم”؛ صعد معها “تميم” للأعلى والصمت يستحوذ عليها، حاول أن يتحدث معها كثيًرا ولكنها كانت تفضل الاحتفاظ بالصمتٍ، وصل لطابق شقتهم المنشود، فتفاجئوا ب”آسر” يقف أمام الباب ويقرع الجرس بتأففٍ واضح، كاد بالمغادرة ليجدهم أمام عينيه فقال بتعجب:_إيه ده أنتوا كنتوا فين؟
!أجابه “تميم” بابتسامة ساخرة:_وشك نحس، يوم ما تفكر تيجي نكون برا البيت!أسرع”آسر” بالحديث المتعجرف ليمحو ما قاله: _بالعكس وشي حلو لأنكم جيتوا بالوقت الصح! ضيق “تميم” عينيه قائلًا باستهزاءٍ:_أممم، هنفتح بالمحاضرات وأنا الصراحة مصدقت لقيتك. تطلع له بتساؤل وعدم فهم قائلًا:_ليه خير؟
! أشار له “تميم” بابتسامة واسعة:_لا خير متقلقش، هتقعد بس مع ميرال لحد ما أقضي كام مشوار على السريع كده وراجع..ألقى عليها “آسر” نظرة متفحصة ليسأله بلهفة: _ليه هى مالها؟ كسرت “ميرال” حاجز الصمت بابتسامة هادئة: _متقلقش أنا كويسة.
فتح “تميم” باب الشقة، فولجت للداخل وكاد *آسر” أن يدخل فتمسك به “تميم” ليهمس له بصوتٍ جدي صارم:_خليك معاها لحد ما أرجع. هز “آسر” رأسه بتفهم لخوفه الملحوظ:_متقلقش أنا هقعد لحد ما ترجع عشان عايزك بموضوع مهم. وافقه “تميم” مودعًا:_مش هتأخر بإذن الله. سلام. .
وغادر “تميم” فأغلق” آسر” باب الشقة ليلحق بشقيقته التي تتحرك ببطء شديد وكأنها إنسان آلي.*****مكتب “سيف”؛ فتح باب مكتبه الخاص ليتبادل السلام مع أحد زبائنه فلمح “معاذ” يجلس بالخارج، وقف أمامه باستغراب من عدم دخوله كالمعتاد إليه فقال بدهشةٍ:_إيه اللي مقعدك كده يا ابني، مدخلتش على طول ليه؟
