حكايات زهرة الربيع الثاني والاخير

محمود فضل ماسك الورقة في إيده وما اتحركش
وأنا كنت حاسة إن نفسي محبوس في صدري
بصيت له وقلت
“اقراها”
محمود قال
“لا يا مريم”
“ليه؟”
“لأن الورقة دي تخصك إنتي”
مدها لي
وأنا أخدتها بإيد مرتعشة
الورقة كانت قديمة شوية ومكتوبة على الكمبيوتر وفي آخرها توقيع محامي

بدأت أقرأ
“بناء على طلب السيد عبد الرحمن…”
قلبي دق بسرعة
كملت
“يرجى عدم تسليم أي مستندات خاصة بأملاك الأسرة أو الحسابات البنكية لأي طرف دون حضور الابنة مريم شخصيا”
وقفت
بصيت لمحمود
“دي معناها إيه؟

”
قال
“معناها إن والدك كان شايف إن فيه احتمال إن حد يحاول يتصرف في حقوقك من غير علمك”
رجعت أبص للورقة
وكان تحتها تاريخ
التاريخ كان قبل وفاة أبويا بشهر واحد
أنا بصيت لأحمد
“كنت تعرف إن بابا عامل الكلام ده؟”
قال
“عرفت بعد وفاته”
صرخت

“كذاب!”
القاعة سكتت
أحمد اتصدم من الكلمة
قلت
“لو عرفت بعد وفاته ليه الورقة كانت عندك؟”
ما ردش
محمود قال
“لأن نسخة منها كانت في ملف والدك عند المحامي”
ثم أضاف
“وأنا طلبت من المحامي يطلع لي صورة منها قبل ما يتم كتب الكتاب”
هالة قالت بعصبية

“إنت بتعمل كل ده ليه؟”
محمود رد
“لأنني كنت على وشك أتجوز واحدة اتضح إنها تحت ضغط”
هالة قالت
“يعني إنت شايفنا كلنا وحشين؟”
محمود ابتسم بحزن
“أنا ما قلتش كده”
ثم قال
“لكن اللي حصل لمريم مش طبيعي”
أنا كنت واقفة وسطهم ومش عارفة أنا أعيط ولا أتكلم

كل اللي كنت فاكرته إن أخويا اتغير بسبب مراته
لكن واضح إن فيه حاجة أكبر
بصيت لأحمد
“قول الحقيقة”
قال
“مريم…”
“قول”
“أنا كنت عايز أبيع البيت”
أنا حسيت إن الكلمة نزلت على رأسي
“إيه؟”
قال
“كنت عايز أبيع البيت ونشتري شقة صغيرة”

“ونصيبي؟”
سكت
“نصيبي كان فين؟”
قال
“كنت هديكي حقك”
ضحكت
“بعد البيع؟”
قال
“أيوه”
“وأنت اللي تقرر؟”
“كنت هتوافقي”
قلت
“ولو ما وافقتش؟”
سكت
“كنت هتجبرني؟”
قال
“لا”
بصيت له
“أمال عملت إيه؟”
ما ردش
هالة تدخلت
“هو ما عملش حاجة”
بصيت لها
“إنتي اسكتي”
هالة قالت

“أنا بتكلم”
رديت
“وأنا لأول مرة مش هسمعك”
محمود وقف ساكت
أنا رجعت لأحمد
“أنت كنت عايز تبيع البيت وأنا مش موافقة”
قال
“كنت محتاج فلوس”
“ليه؟”
سكت
“ليه يا أحمد؟”
قال
“كان عليا ديون”
الجملة دي خلتني أهدى
مش عشان سامحته