انت مكافئتى دفنا عمر الثاني والاخير

الفصل السادس _________ شياطين الغضب تتراقص أمام عيناه ، وهو يتذكر ما حدث منذ قليل ،طلبها المساعدة من قاسم ، ثم مخاطبة الأخير لها دون ألقاب يكاد يذهب عقله! رغم توقعه طوال الوقت بارتباطهما منذ رؤيتهما يتحدثان بزفاف زميلهم الطبيب . إلا أن اختبار هذا الإحساس بشكل حقيقي .. موجع جدًا على نفسه، كيف يتحمل وهو بالنهاية بشر وليس خارق! تباً لقلب مازال ينبض لها .. ولن تعزف دقاته عشقاً لسواها .. البعيدة گ السماء حين يتحكم العقل بأسبابه.. والقريبة گ انفاس صدره حين يتحرك القلب شوقًا لها .. سمع طرقها على الباب وانتظر دلوفها .. وبعد ثواني كانت تقف أمامه عاقدة ذراعيها امام صدرها، ترمقه بغضب وحاجبين رغم انعقادهم ، مرسومين برقة جعلتها حقًا جميلة بعيناه ..! لم تنطق تحية دخولها، منتظرة حديثه ومن ثم المغادرة .. ولكن إن كانت هي مجرد غاضبة ، فهو بركان للغضب! دنا قليلا من موضع وقوفها قائلًا : أنتي عارفة كويس إن حل الموضوع ده بقي مسئوليتي! بيسان ببرود : ايوة تمام ، وانت بقا حليته؟ طب اهتميت تعرفني اتحل ازاي؟ ومين الشخص ده وعايز ايه من أروى ويعرفها منين؟! جنابك ماكلفتش نفسك تعرفنا اي تفاصيل عن موضوع مهم زي ده ..فطبيعي اقلق واطلب مساعدة حد تاني ، حتي لو كان ...... .. معاذ مقاطعا: من أمتى حد غيري بيدخل في شئون أروى؟ .. انفصالنا سوا عمره ما هيخليني غريب عنها وانتي عارفة هي عندي ايه! كلما ذكر انفصالهما أمامها بتلك البساطة ، يُفطر قلبها وجعاً وتُنبش جراحها بقبضة كلماته القاسية! فارادت ان ترد له وجعاً بأخر اشد قسوة : مش يمكن آن الآوان لغيرك يكون صاحب السلطة المرة دي يا دكتور !! نهشها الندم بعد ما عكست نظرة عينه كسرة قلب رجل مازالت تذوب به عشقاً ..فأطرق رأسه قليلا ثم عاد بنظره إليها قائلا بنبرة قطعت نياط قلبها : يعني خلاص .. بقي في بينك وبين قاسم طريق مشترك! اغرورقت عيناها وانسابت العبرات وهتفت بنبرة صوت باكية: مش أنت اللي رسمتلي الطريق ده بايدك يا معاذ! .. زعلان ليه بقا.. ؟!.. قاسم منتظر ردي ..! ثم دنت منه اكثر مصوبة حدقتيها بقلب عينيه : وأنا مش ناوية ارفض طلبه... !! ............... .. الحاجة خديجة: أنت بتفهم في الكهربة يا بهاء؟ بهاء وهو يرتشف بعضاً من كوب شاي ساخن : أيوة يا عمتي بعرف أصلح أجهزة أو اظبط وصلات كهربة، تقدري تقولي هواية .. في حاجة عايزة أظبطهالك ؟ هزت رأسها بنفي : لا ياحبيب عمتك ، مش عندي ، دي جارتي وصاحبتي الحاجة فجر ، كنت بكلمها من شوية،و الكهربة في شقتها عملت قافلة والنور قطع عليهم .. والدنيا بقيت ليل ومش هتلاقي حد يرجع الكهربة تاني لو مش يضايقك يا ابني روح ساعدها.. اصلها غالية عليه اوي.. هتف بدعابة : بس كدة ؟! .. انا هرجعلها النور ، واخدلها الغسيل فومين كمان عشان عيونك ! ضحكت لمزحته مرددة: يسلم عيونك وشبابك يا حبيبي ، خلاص تعالي نروح سوا ، دي قريبة مننا يدوب خطوتين .. ............... تهللت أسارير الحاجة فجر فور إعادة التيار الكهربائي لمنزلها ، بعد فحص بهاء للعطل الذي أصاب السلوك ثم أعاد توصيل أطرافها بشكلٍ آمن ، حتى لا يحدث نفس العطل مستقبلاً ..! الحاجة فجر بامتنان : يحميك لشبابك يا ابني وتسلم ايدك وعنيك ..! بهاء بتهذيب : شكرا يا ست الكل ، دي حاجة بسيطة وماتستاهلش ..! العمة خديجة بفخر : بهاء ابن اخويا اي حاجة بيعملها بيديها حقها ، لو شوفتي شغله في الارض يا حاجة فجر ، تقولي مولود وسط الفلاحين! ثناء العمة خديجة عليه ،أشعره بالخجل فقال : بلاش مبالغة يا عمتي، أنا اقل من العادي! ( خلاص يا جدتي ، ساعة زمن ومحروس جاي يصلح الكهربة ).. عبارة نطقتها سجدة حفيدة الجدة، والتي اقتحمت مجلسهم دون الأنتباه لوجود بهاء! فضحكت الجدة فجر قائلة : ومحروس هايجي يعمل اية يا حبيبة جدتك! سجدة بحماس، ومازالت لم تنتبه بعد لعودة الكهرباء : عشان يصلح عطل الكهربة ويرجع النو............ .. وأخيراً تنبهت عيناها لسطوع النور حولها فرفعت وجهها للأعلى لترى مصابيح الإضاءة المشتعلة ، ثم بصرت مروحة السقف وهي تدور بشدة والهواء يحرك خصلات شعرها الأمامية والتي لسوء حظها ، خلعت عنها حجابها فور دلوفها المنزل ظنناً منها بخلو البيت من غريب! فاخفضت بصرها قليلا ، لتباغت بشاب ما يقف يمينها عاقدا ذراعيه أمام صدره متأملا بها ..وبجواره العمة خديجة جارتهم! فامتقع وجهها خجلا من هذا الموقف ، وعاد بصرها لجدتها وبعيناها تتسائل عن ما يحدث! فاجابت الجدة وهي ترفع حجاب حفيدتها المنساب على كتفها واعادته على رأسها قائلة : بهاء ابن اخو الحاجة خديجة الله يحميه ، هو اللي صلح الكهربة يا سجدة !! تنحنح بهاء قائلا : طيب يا حاجة فجر تأمريني باي خدمة قبل ما امشي ؟ الجدة فجر بنبرة قوية و قاطعة : يمين بالله ما تمشي غير وانت متعشي معانا ،، وواكلين سوا عيش وملح !! ........................ لم يكن يرغب بالمكوث اكثر ، او تناول الطعام مع غرباء .. كان ينوي الرفض بشدة، واتجه بالفعل للمغادرة هروبا من هذا الإلحاح ..ولكن ارغمته العمة خديجة ان لا يرفض دعوة الجدة فجر حتى لا تتأذي مشاعرها من رفضه .. هي بالنهاية تريد مقابلة صنيعه الطيب معها ، بالكرم وحسن الضيافة ..!! ............... . كان لازم تمسكي في الجدع ده يتعشى معانا يا جدتي ، طول القاعدة مكشر ويدوب أكل لقمة صغيرة كأن الأكل مش عاجب جنابه .. الجدة بتأنيب : الجدع المكشر ده ، قدم مساعدة لينا بدون مقابل، وهو كان يدوب جاي من شغله في الارض ، واكيد كان محتاج يريح جتته.. بس اول ما عمته قالتله على عطل الكهربة ، جه ومتأخرش .. يبقي اقل حاحة اعملها ، اعزم عليه بلقمة تبقي عيش وملح يا بنت الاصول ..! مطت شفتيها بعدم رضا : خلاص يا جدتي أسفين وحقك علينا .. تصبحي على خير ، يدوب انام عشان شغلي الصبح ! زفرت الجدة بأسي على غلاظة تلك الحفيدة ، والتي ورثتها عن أبيها سامحه الله .. ولكن للإنصاف هي ليست سيئة ، بل قوية وعزيزة النفس ، تكِد وتعرق لتعول نفسها ، رغم أنها يمكن أن تتكفل هي بكل ما يخصها من معاش زوجها الراحل.. ولكنها أبت إلا ان تاكل من كَدها هي .. تنهدت حسرة علي تلك الصغيرة ابنة ال 19 عام.. و التي اصبحت كنمرة شرسة وفظة مع الجميع، ولا تتوقع الخير من أحد، ولكن لن تلومها. فما عاشته تلك صغيرة السن كثير على من في عمرها! ........................ .. معتصم : مش فاهمك يا بلال ..أنت قررت تبعد عن اروى زي ما طلب دكتور معاذ؟ ، ولا هتحاول تكلمها فعلا ؟! ، طب أيه فايدة الخطوة اللي مشيتها من اساسه !! أجابه بلال بنبرة يملأها الغموض : لأن الخطوة الجاية هتكون من حد تاني يامعتصم .. انا عارف بعمل ايه ، وحاسب خطوتي هتوديني لفين .. وهدفي عارف ازاي اوصله كويس! .................. . رغد بتساؤل :لسه معرفتيش مين بعت الهدية ؟ أروى بنبرة تتملكها الحيرة : للأسف لا .. آبيه معاذ قالي ما اقلقش وانه هيحل الموضوع ، ومارضيش يفهمني حاجة خالص .. رغد باعتراض : ايوة بس من حقك تعرفي مين بعت الهدية .. افرضي حد عايز يأذيكي يابنتي !! أروى بنظرة عين شاردة : لا يارغد ، الحد ده مش عايز يأذيني.. ده عايز يقولي انا موجود حواليكي ، وعبر عن وجوده بالهدية دي .. رغد: وايه مطمنك كدة انه مش شخص مؤذي ؟! يا بنتي أنتي من خوفك فكرتي تبلغي البوليس ! قالت اروى وهي تجلس علي درج الجامعة المؤدي لقاعة المحاضرات وجاورتها رغد : أنا فعلا خوفت في البداية.. بس بعد كدة أما هديت ورجعت أقرأ رسايله تاني حسيت إحساس غريب اول مرة اختبره جوايا .. كلامه في الكارت .. ورسالتة الأخيرة على تليفوني وهو بيطمني ان محدش هيأذيني وهو موجود !! الرسالة دي بتحرك قلبي بشكل غريب!! كل اما افتح السلسلة واشوف حروفها ، ألاقي قلبي بيدق اوي.. كأن في إشارة خفية وصلت لنبض قلبي.. وهو ترجمها! رغد وقد زادها الامر حيرة ، فتسائلت : طب والتاريخ اللي في السلسلة ، قدرتي تفسري يقصد بيه أيه ؟!!! زفرت اروى بشكل ينم عن فشلها بتفسير تلك النقطة وقالت : اهو التاريخ ده بالذات اللي قلقني ورعبني.. انا كنت صغيرة اوي في الوقت ده ، كنت في رابعة ابتدائي .. معقول الشخص ده عارفني من زمان ؟!!... بصراحة مش قادرة افهم اي حاجة .. رغد وهي تفرقع اصبعها بحماس كإشارة لفكرة ما : لقيت الطريقة الصح اللي هنقدر بيها نكشف ابو دبدوب الغامض بسلامته !! اروي بنظرة ضيقة : طريقة أيه؟! رغد بحماس : احنا اللي هندور عليه ونوصله! رفعت اروى حاجبيها بدهشة : ندور على مين؟؟!! رغد بثقة : على المتيم ابو دبدوب طبعاً .. ثم استطردت قائلة بجدية : الواد ده قاصد يبعتلك رقمه عشان تدوري عليه يا أروى! اروى بتمعن لتحليل صديقتها للامر : تفتكري ده قصده فعلا ومش مجرد تخمين مننا؟! رغد بإماءة واثقة : مبقاش عندي شك في كدة .. كلامك ووصفك لإحساسك هو اللي وضحلي معنى تصرفه الغريب! أروى : طب وازاي هنوصله ؟! رغد : عن طريق ندى صاحبتنا .. اروي : مش فاهمة ازاي ؟! رغد : ندى خالها يبقي رتبة في الشرطة ، ومعرفش رتبة ايه بصراحة ، المهم انه في الشرطة .. واكيد يقدر يجيبلنا كل بيانات ابو دبدوب ، ويعرفنا حتي أمه اتوحمت فيه على أيه !! اروى : انتي شكلك بتستظرفي ووجعتي دماغي .. قومي يلا المحاضرة قربت .. رغد وهي تقف تنفض عنها تراب الدرج : هاتي انتي رقم اخينا ده ..وسيبيني اتعامل أنا ! *********** شعور غريب هذا الذي تملك بلال تلك الليلة ، ولحن سيدة الشرق ( أغدًا ألقاك ).. ينساب عبر أذنيه بمذاق اخر ! وكأن الاجواء حوله غلفت كلمات أنشودته المفضلة بسحر خاص على نفسه الظمآنة للقاء قريب! قطعًا لن يراها غدًا گ معنى حرفي للكلمة ، لكنه قريبا سيحدث ، هكذا يرى بعين قلبه قربها يلوح بالأفق! أخذ نفسًا عميقًا وهو ينظر من علياءه ،مُتكئ بإحدى ذراعيه على حافة السور لسطح بنايته القاطن بها ..وأصابع يده الأخرى تقبض على فنجان قهوة ساخن ..منسجمة كل حواسه مع تلك الكلمات..منشيًا بإحساسه أنه تقدم تجاهها خطوة، ولم يعد ذلك العاشق المنزوي بركن خفي، مكتفي بمراقبة حبيبته من بعيد ، دون أن يظهر حتى خياله أمامها ..! حتمًا ستبحث عنه! هو نثر في طريقها، بذور الغموض! ..غذى داخلها الفضول لمعرفته وكشف هويته ! هو سيكون لها لغزًا صعب... يستفزها لفك طلاسمه ..! كما هي اختبار استعد له سنوات ..ولا ينوي فيه الرسوب ..! ........................ لم يبقى له منها سوى ذكرى محبوسة بقلب برواز كبير، معلقًا على حائط غرفته، صورة الزفاف! يتأمل معاذ ضحكتها التي كان يعشقها عندما تظهر بوجنتيها تلك النغزة الغائرة.. كم كانت تفتنه ومازالت! أصابعه تتصفح ألبوم صورهما الذي يحتفظ به.. وعيناه تلتهم ملامحها شوقًا .. هنا كانوا بعد الزواج بأيام قليلة بتنزهون ويتمازحون ويثرثرون سويا.. وهنا كانت تمسك كوزا من الذرة المشوية وتأكله بنهم .. هي تعشق الذرة.. وهو كان يراقبها وهي تأكلها باستمتاع، و يضحك عليها عندما يتلطخ جانبي فمها ببقايا ذرة محروقة كالأطفال، وكم كان يستغل الفرصة ليلاطفها متحججا بإزالة تلك البقايا بطريقته التي كانت تخجلها.. ! أما بتلك الصورة كانت ترتشف مشروبها المفضل ( الشاي باللبن).. في إحدى صباحات عطلتهما بمنزل الزوجية ..حيث فاجأها بالتقاط تلك الصورة بغته مرتدية ملابس بيتية بسيطة، تذكر كيف ركضت خلفه معترضة على أخذه صور لها وهي غير مرتبة.. ضحك لمجرد الذكرى، وهو يشاهد بعين خياله منظرها المضحك وشعرها القصير المنكوش، وللعجيب كان يعشقه هكذا،أبسط الأشياء كانت تجعلها جذابة بعينة! ظل يتصفح ويتنقل بين الذكريات مع كل صورة، ولا يعرف كيف ستمضي به الحياة حين ينقطع كل أمل بها بعد أن تتزوج قاسم.. رغم أن البعد قراره هو، إلا أن مجرد إحساسه أنها مازالت كما تركها، لم يطأ جنتها سواه أو يضع بصمته عليها غيره.. كان هذا يهدهد روحه، حتى وإن تظاهر بالقوة، وأنه لا يهتم.. لكن الحقيقة هو يهتم .. يغار .. يتألم .. يريد عودتها! يريدها بجنون.. ولكن ليس كل ما نريده نستطيع الحصول عليه! ************************ بلال أشرف الشهاوي !! رددت أروى الأسم ، وهي تمرر حروفه بتمعن على ذاكرة عقلها، ربما صادفت شخصاً بهذا الأسم يوما.. فقالت محدثة صديقتها رغد : أنا معرفش حد بالأسم ده خالص .. ولا سمعته من حد حواليا! رغد وهو تومئ برأسها علامة للتفكير : يعني طلع حد ماتعرفيهوش ! أروى بتساؤل : هو ندى جابت أسمه وبس ؟ قالت رغد وهي تمد يدها بورقة مطوية : لا جابت كل بياناته . ودي ورقه فيها معلومات كاملة عن ابو دبدوب! فالتقطت أروى الورقة باهتمام، ثم أمعنت في قراءتها الأسم : بلال أشرف الشهاوي ، 26 عام .. حاصل على بكالوريوس تجارة .. يتيم الأبوين .. تشارك هو وصديق له بتأجير محل كمشروع لبيع الهدايا والإكسسوارات وأدوات منزلية و ............. .. راحت تلتهم بعيناها المعلومات المسطورة عن ذلك الغريب. وتغذي فضولها لمعرفته! ولكن ماعلمته زاد عقلها حيرة وتخبُط .. من أين يعرفها؟..هي لم تراه او سمعت بأسمه يومًا ؟! قاطعت رغد عمق تفكيرها : أيه يابنتي روحتي فين .. ووصلتي لأيه ؟! أروى بعبوس غاضب : ولا أي حاجة .. واحد معرفوش ..ولا فاهمة عايز مني أيه ..ويعرفني منين أصلا! رغد : طب أهدي بس أحنا خلاص عرفناه ، يعني مبقاش مجهول .. ولو تحبي ممكن نروح لعنده و............... . أروى محتدة : نعم ياختي ؟!!..نروح لمين يامجنونة انتي .. شكل مخك لسع!! رمقتها رغد بغيظ قائلة : ماهو لو صبرتي أما أخلص كلامي ، كنتي فهمتي قصدي يا ام لسان طويل ! أروى بتهكم وهي تضع يدها بخصرها : وايه هو قصدك يا كرومبو ؟ رغد بامتعاض : بصرف النظر عن التريقة ، خليني انا الصاحبة المؤدبة الجدعة.. واسمعي فكرتي وطرطقي ودانك يا اذكي اخواتك ! هل ستوافق أروى على اقتراح صديقتها رغد؟! سننتظر بالسطور القادمة ما سوف يحدث!! ********** واقفًا يطالعه على مسافة ليست بعيدة.. متعجبًا لحاله لا يحدث أحدًا بخلاف العاملين معه بالأرض.. لا يقبل الأختلاط لأبعد من ذلك.. ودائم الجلوس بتلك البقعة القريبة من بيته، كثيرًا ماحاول جذبه ليرافقه بأماكن كثيرة ويقربه من أصداقائه حتى تتسع دائرة معارفة ولا يظل حبيس عزلته تلك.. ولكن لا يبدي بهاء أي ترحيب بذلك، ومن الجيد أنه أستطاع هو التقرب إليه بعد لقائهم الأول منذ بضعة أشهر، عندما مرضت " بقرة" عمته خديجة، وأستدعته گطبيب بيطري لعلاج "بقرتها " .. ومن ثم حدث تعارفه هو وبهاء !! لم يخفى عليه حزنه الشديد لشاب بعمره!! كما لم يخذل هو طلب العمة خديجة السري فيما بعد، بالتقرب له ومصاحبته لأنه وحيد ومستسلم لظروف نفسية قاسية حدثت معه.. تفهمت أنا ذلك وأشفقت عليه وأحببته أيضًا..!! لم يعد اهتمامي به تنفيذًا لرغبة العمة، بل نابع من قلبي وشعور صادق بمساعدته حتى يتأقلم مع أحزانه ويتخطاها رويدًا بمرور الأيام!!! أكاد أسمع تذمر البعض المتسائل عن من أكون!! لا تؤاخذوني، تكلمت كثيرًا دون أنتباه أني شخص جديد يُطل على سطوركم ولا تعرفونه بعد!! أنا سيف طبيب بيطري .. عمري 26 عام أعمل بمزرعة أمتلك بها النصف مع صديق أخر يعمل مهندس زراعي.. تعيش معي أمي بعد وفاة أبي العزيز منذ عام فقط" رحمك الله يا أبي" .. وأخي الكبير بدر الذي تزوج ومستقر حاليا بالقاهرة مع زوجته وطفليه، حيث يعمل هناك مدير للمحاسبة بإحدى الشركات المعروفة! جميعنا بحالٍ ميسور وهذا من فضل الله علينا..! والآن بعد أن تعارفنا أعزائي.. دعوني أذهب لذاك البائس، فلن أكون سيف إن لم أبعثر هدؤه، وأبدله بصخب زفاف صديقي .. نعم سأرغمه على حضور زفاف أحدهم!!!! _ياسيف أبعد عني ، فرح أيه اللي عايزني أحضره معاك، أنا مش معزوم ،ولا اعرف حد فيه! بهاء متفوهًا عبارته بنفاذ صبر ،بعد إلحاح صديقه سيف لمصاحبته حضور زفاف أحد أصدقائه .. سيف : يعني هو كل اللي بيحضر فرح بيكون من أصحابه ومعارفه، فك شوية يابهاء، أنت ليه حابس نفسك ،بين شغلك بأرضك وقعدتك لوحدك ومش راضي اعرفك حتى على اصحابي.. بهاء : خليني في حالي يا سيف، أنا مرتاح كده مش عايز اختلاط بحد..!! زفر بضيق : مش ممكن عزلتك اللي فارضها علي نفسك دي يا بهاء .. ده لو حكم بالسجن، كان زمان مدتك خلصت! بهاء بابتسامة تحمل بطياتها المرارة : لا وانت الصادق .. دين ولازم أدفعه.. ذنب محتاج أكفر عنه!! سيف : ده على أساس إن أنا أو غيري ملايكة ؟!! لولا ارتكاب الذنوب.. ما كان في معنى للتوبة.. ومهما كانت الخطايا ، ربك بيغفرها.. بهاء وهو يتأمل انسحاب الشمس من الافق : انت ماتعرفش ايه تاعبني..أنا حاسس بحبل ملفوف على رقبتي بيخنقني.. الوحيدة اللي تقدر تطلق صراحي وتحرر روحي ، خلاص مابقيتش موجودة ياسيف! قال مشفقا عليه : بس ربنا موجود وتحريرك في قبضته وبرحمته! ثم واصل: تعرف يابهاء إن الألم ده نعمة!!! أستدار له بهاء بكلتيه منصتا باهتمام، ، فاستطرد سيف حديثه: معظم الأمراض الخبيثة والخطيرة، مابتعلنش عن نفسها بالألم، لحد ما تتملك وتستوطن خلاياك، وفجأة تلاقي نفسك على شفا الموت بدون أي استعداد لمواجهته.. لكن لما بتتألم، بتكتشف أنك تعبان ومحتاج علاج! ومن الألم بيتولد الأمل إنك تسعى وتنقذ نفسك وروحك من الهلاك! عشان كده يا بهاء أنت ربنا بيحبك لأنك مافضلتش غافل وعاصي.. ألمك وندمك معناه إن ربنا بيقولك في عطب صابك لازم تنتبه عشان تقدر تحدد فين وازاي علاج روحك المعذبة .. ومافيش حاجة تطيب أوجاع أرواحنا زي التوبة والأستغفار .. دي رسالة لازم تفهمها كويس.. أفتح قلبك للدنيا، وخليك على يقين إن ربنا كتبلك الخير!! صمت سيف يطالع وجهه الذي انعكس تأثير كلمات عليه بشرود وتيه .. فانتشله من صمته الشارد بنبرة صوت مرحة هاتفًا: ودلوقتي بقا استعد عشان نحضر الفرح سوا ونغير جو.. وإلا اقسم بالله هشيلك غصب عنك لحد هناك!! ************************ الجدة فجر : متتأخريش في الفرح يا سجدة! سجدة وهي تضع أخر دبوس بحاجبها الأخضر المنسدل على عباءتها السمراء : حاضر يا جدتي .. مش هتاخر ، لولا انها عزيزة عندي ماكنتش هروح أصلا ..! الجدة بحنان : لا يانور عين جدتك .. روحي وغيري جو وانبسطي.. المهم متتأخريش في الليل لوحدك! ………… .. وسط أنوار المصابيح الملونة بضوءها الساطع ، وأجواء مشبعة بالبهجة والفرح، واقفًا بهاء يطالع وجوه الجميع، فهذه أول مرة يحضر فيها مناسبة گ تلك منذ فترة طويلة ، وإحقاقا للحق ، أمتن داخله لصديقه سيف الذي أجبره على المجيء لهذا العُرس المبهج.. فحقا ما قالو ..إن لنفسك عليك حق ، وهو يحتاج تلك الاجواء بشدة لينسى همومه الثقيله الجاثمة على صدره، ولا يضر اقتناص غفوة من الزمن ليعيش لحظات تتلون بالسعادة حتى وإن كانت مؤقتة! بدأ انبعاث أصوات عاليه وصاخبة لأغاني شعبية لا تخلو منها افراح العامة ..راحت عيناه ترصد تفاعل الجميع، الراقص منهم والمصفق بحراره ، فعلى هذا الجانب يصنع بعض الرجال دائرة حول العريس يرقصون معه بحماس وخفة ، فابتسم لمهارة أحدهم برقصته ، وبأخر فاجأ الجميع بحمل العريس على كتفيه والدوران والرقص به بأنحاء القاعة! وعلى مسافة ليست بقليلة أتجه ببصره، فشاهد بعض الفتيات الملتفين حول العروس المتألقة بثوب عُرسها الأبيض ، وكثيرا منهن يشاركها الرقصات بتلوي ومهارة لا تتقنها إلا بنات حواء .. وأثناء تفحصه الغير المقصود بالجميع ، وقعت عيناه على فتاة ترتدي حجاب أخضر وعباءة سمراء فضاقت حدقتاه محاولا تذكر هذا الوجه الذي مر على ذاكرته سابقا ، ولكن متى وأين شاهدها؟! اعتصر ذهنه حتي تذكرها، هي تلك الفتاه التى شاهدها في بيت الجدة فجر.. وكأن سهم نظرته أخترق محيطها حيث تقف! فحركت سجدة مقلتيها بتلقائية ناحية اليمن قليلا فاصطدمت بعين أحدهم متفحصا بها.. تأملته للوهلة الأولى لتتذكره هي الأخرى.. فاحمر وجهها وهي تتذكر متى رآته ، وكيف استاءت من وجوده وتناول العشاء معهم ، رغم أنه قدم مساعدة يستحق عليها كل الشكر ! تغاضت عن الأمر برمته بعد أن منحته نظرة نافرة ثم أبتعدت بعينيها عنه ، وأدارت جسدها حتى صار ظهرها يقابله ، مستأنفة تصفيقها وتمايلها الطفيف تماشيا مع تلك النغمات الصاخبة وهي تحمس صديقتها العروس بحركة يديها على الرقص والتمايل! أبتسم بهاء على تمايلها الذي لا يناسب فتاه بغلظتها ثم عاد يتابع حركات الجميع منتظرا صديقه سيف بهذا الركن البعيد نوعا ما .. وبعد قليل انبعثت موسيقة رقصة صعيدية يعشقها بهاء .. راح يتأمل الراقصين عليها .. وإذا به يجد من يجذبه بغته حتى صار بمنتصف دائرة اصدقاء العريس .. وسيف يقذف له عصاه ألتقطها بهاء بمهارة ، لتبدأ الموسيقي بالعزف مرة اخرى .. وسيف يلوح بعصاته ، ليتحدى بهاء على مشاركته تلك الرقصة الصعيدية، وظل يتلوى وهو يستعرض أمامه حركات متقنة مبهرة بعصاته أمام الجميع .. فما كان من بهاء إلا قبول التحدي، ومشاركة الصديق رقصته وإظهار براعته هو الأخر! ******************** بكام دي لو سمحت؟ ألتفت معتصم لصاحبة الصوت .. فوجد أمامه فتاة فاتنة بحق، لم تأتي هنا لابتياع شيء من قبل ويبدو عليها أنها ميسورة الحال .. فتسأل داخله ، عن سبب وجود فتاه گ تلك بمحلهم المتواضع ، ولا يعتقد أن بضاعتهم الرخيصة تناسب مثلها..!! أعادت الفتاة أستفسارها عن سعر تلك الشمعة الجذابة متعددة الألوان، حيث يضئ كل لون بها بإضاءة مختلفة مبهرة.. فتنحنح معتصم ليزيل عنه أي اثر لإبهاره بها : دي ٧٥ ج إن شاء الله يا انسة .. الفتاه بمكر : مش غالية البتاعة دي يا………… ثم تصنعت تساؤل بريء: هو حضرتك أسمك أيه؟! فطن معتصم لمكرها، فرد ببرود مصوبًا بصره عليها، عاقدا ذراعيه امام صدره : وانتي عايزة تعرفي أسمي ليه، يخصك في حاجة.. ؟! أمتقع وجهها إحراجاً من إجابته ، فمن هو ليعاملها بتلك الفظاظة ! قالت بغيظ تملكها: عادي يعني ، بحب أعرف أسم اللي بكلمه مش أكتر ، أنا مش بكلم وزير يعني عشان ماتقولش أسمك يا……… ياحضرة المهم ! خطى معتصم نحوها بهدوء وثقة ، ثم اقترب قليلا من جانب أذنيها هاتفا بخفوت : أسمي معتصم…أهم من الوزير عند نفسي! قربه ونبرة صوته الخافته، وعبقه الذي ملأ محيطها ، أربكها وبعثرها، فابتعدت بمسافة، رامقة أياه بضيق، محاولة إخفاء توترها: طب يا سيادة الوزير .. أنا عايزة الأحمر والأخضر من الشمعة دي. أجاب بتسلية : قصدك البتاعه الغالية دي؟! رمتقه بامتعاض! .. فأكمل بلؤم : معلش دي أخر واحدة .. بس تقدري تيجي تاني ، وتاخدي التانية .. والوزير بنفسه هيستناكي! رفعت حاجبيها بذهوله، من يظن نفسه هذا المغرور! وهتفت ساخرة : لا يا وزير ريح جنابك ، أنا هجيبها من مكان تاني ، ومش هاجي هنا أصلا! . أستدارت للمغادرة، فأسرع معتصم بقوله : مش هتلاقيها غير هنا ! التفت له رافعة إحدى حاجبيها بتحدي : وإذا جبت زيها ؟! معتصم بأبتسامة ثقة : تعالي وريهاني عشان أتاكد، ولو ماجيتيش .. هعرف انك خسرتي التحدي اللي شايفه في عنيكي ..! ***************** _يعني ماشوفتيش ابو دبدوب هناك؟ أجابت ندى تساؤل رغد وهي تجلس جوارها ، حيث اتفقا على لقاء ثلاثتهم بتلك الكافيتريا القريبة : لأ… كان في واحد تاني اسمه معتصم ، شكله شريكه! قالت اروى التي بدا عليها الاعتراض على زيارة صديقتها من الأساس، فلم تكن على علم بتلك الخطوة ، فقط انبأتها رغد بالتصرف ولكن لم تخبرها كيف : انا مش فاهمة أصلا ليه يارغد تبعتي ندى هناك ، وافرضي شافته .. هتقوله ايه.. ؟! صاحبتي بتقولك انت تعرفها منين وعايز منها ايه؟ ثم اسطردت بصوت ساخر : ناقص تاخدولي منه معاد عشا على ضوء الشموع! رغد : يابنتي لازم نعرف مين ده ، ويعرفك ازاي وأمتي؟! .. طب بذمتك مش نفسك تعرفي هو مين؟ اذا كنت أنا ذات نفسي هموت واعرف! اروى كذبًا : لأ طبعا ولا في دماغي !! رغد بنظرة خبيثة : طب عيني في عينك كدة !! امال مين اللي فضلت تقولي كلامه وصل قلبي وإشارة خفية وموجات صوتية وإشاعات مقطعية و………… . باغتتها أروى بضربة أعلى رأسها : احترمي نفسك بقا، وماتحشريش مناخيرك في كل حاجة ..ثم استطرت حديثها بكبرياء : أنا ما اجريش ورى حد .. حتي لو اعترفت بذكاؤه في طريقة لفت نظري ..بس ده مش معناه اني اتخلى عن كبريائي وادور عليه يا رغد ..! قالت ندي بصوت رقيق هائم وغير واعية لحالتها : بس تعرفي يا أروى ، لو كان بلال ده شبه صاحبه معتصم، يبقى يابختك بيه ، ويستاهل تدوري عليه! همت أروي بقول شيء، فقاطعتها رغد مشمرة عن أكمام ذراعيها وكأنها ستخوض حرباً : لا لا لا ..سيبيلي أنا الطالعة دي يا معلمة! ثم التفت رغد لندى مقلدة صوتها الهائم بشكل مضحك : وشكله أيه بقا الدلعدي معتصم ده يا حونينة ..! ندي بصوت غليظ مغاير تمام لصوتها الرقيق، بعد أن فضحتها عيناها وكشفت تأثرها بهذا المعتصم : جري أيه ياكرمبو !! انتي هتسيبي المسكينة دي ، وتمسكيني انا ؟! ثم امسكت انفها بقسوة قائلة : مسيري اعملك استئصال لمناخيرك الكبيرة دي يا حشرية انتي..! تمتمت رغد بغضب وهي تفرك انفها بألم: ابو غبائك يا شيخة .. بني آدمه فاشلة أصلا ..! أروى ضاحكةً على احمرار انف رغد : تستاهلي ، عشان تخليكي في حالك بعد كدة .. رمقتهما رغد بامتعاض ، ثم اقتربت من أروى وقالت بجدية أوجست أروى منها: بقولك أيه ، انتي هتلبسي السلسلة بتاعة ابو دبدوب؟! اروى بشكل قاطع : لأ طبعاً .. رغد بود ورقة لا تليق بها : طب ما تسليفهاني ألبسها في عيد جواز امي وابويا، أهو أضحك عليهم واقولهم حد عبرني بهديه اروى بمكر : وماله يا روحي .. وهي هتخس يعني بكرة اجيبهالك تلبسيها براحتك ..! ثم طلبت اوردر غداء باظ الثمن ، وبعد فراغ ثلاثتهم من التهام الطعام أستاذنت أروى بمصاحبة ندى تاركين رغد بمفردها لحين عودتهما .. وبعد قليل ، أتى النادل ( عامل المطعم) .. واضعا مغلف به ورقة صغيرة، قائلا بتهذيب لرغد : عفوا حضرتك ، أصحابك طلبوا شيك الحساب هنا ..! ضيقت رغد حدقتاها : أصحابك مين ؟! وشيك حساب بتاع أيه؟! النادل : حضرتك في بنتين طلبوا حساب الأوردر بتاع حضراتكم، وقالوا إن الحساب عندك، ومشيوا .. رغد بصوت عالي، متناسية من حولها : نننننعممم! .. مشيوا ..! ثم انتبهت لعلو صوتها ، والنظرات المشمئزة في أعين الجميع حولها ..! فتمتمت بخفوت لذاتها : وديني لاربيكي يا أروى انتي والبت المسهوكة التانية! تظاهرت باللامبالة ،قائلة بكبرياء وادعاء كاذب : أيوة صح افتكرت .. أنا اللي عازماهم، أصلهم غلابة أوي ،مايقدروش يتغدوا هنا من غيري .. أحم… ثواني حضرتك اشوف قيمة الشيك كام..! ما أن وقعت عيناها على الرقم المطلوب سداده، حتى انتابها الحنق منهما قائلة بصوت غير مسموع : اه يامفجوعة منك ليها، وأنا عمالة أقول مالهم بياكلوا بطفاسة كدة ليه ..! يارب أسترني وألاقي فلوس في الشنطة تكفي ..! واستدارت بابتسامة بلهاء منحتها للشاب عامل المطعم : لحظة حضرتك ..! اومأ الشاب برأسه صامتا، فظلت تبحث عن حقيبتها ، ثم تذكرت بغتة ، طلب ندى الغريب بإستعارة ، بعض ادوات التجميل منها،فأعطتها رغد الحقيبة كاملة ، مطمئنة لعودتهما معا ،ثم تذكرت بعض رسائل الواتس التي صدح صوتها بنفس التوقيت بهاتفيهما، فعلمت ببساطة أنه كان حديث متبادل بينهما لخططهم الماكرة ..! فقالت بدون وعي : اه يابنت اللذينا أنتي والتانية، يمين بالله ما هرحمكم! النادل : في اي مشكلة حضرتك؟!! رغد بصوتٍ مختنق : هو المطبخ فين؟ الشاب باندهاش : مطبخ ؟! تقصدي حضرتك التويليت ؟! هزت رغد رأسها بنفي : لا التويليت ده أما اخلص شغل المطبخ إن شاء الله!! ثم هتفت بصوت اقرب للبكاء : إحياة عيالك ما توديني القسم ..! ******************************** لا يصدق إلى الآن أنه رقص وضحك ومضى سهرة مبهجة بين رفاق سيف الذين شاركوهم الرقصة أيضًا بحماس.. تذكر كيف تفاعل الجميع والتف حولهم ، وتحول هو محور حديثهم فيما بعد ، واكتشف انه الملقب بينهم " بالغريب " حيث لا يعرفه أحد غير سيف وكم اندمج معهم واستطاع تناسي كل أوجاعه ولو بضعة ساعات ، وكم احتاج لهذا الإسقاط المؤقت بشدة من ذاكرته.. وكأنه لا يؤلمه شيء، يضحك ويرقص ويعيش شبابه، بعد أن أصاب روحه الشيب! ساكنًا بأعماق بئر عميق مظلم وكأنه منفى.. ربما هي مجازفة ولكن لها متعتها، بأن تتسلق تعاريج جدار هذا البئر بقدميك وترفع رأسك منه لتتنفس بعض الهواء ، حتى وإن انحدرت قدماك داخله مرة أخري .. فيكفيك أنك خوضت تلك التجربة ولو برهه خاطفه من الزمن، ثم تعود كما كنت لمنفاك..!!! ***************** أطفأت مصباح غرفتها ، تأهبًا للنوم ، بعد أن اطمأنت على جدتها فجر فور عودتها من زفاف صديقتها أضجعت سجدة على جانبها الأيمن ، مشبكة أصابع كفها أسفل خدها ، واغمضت عيناها لتستدعي النوم فمر بخيالها صورة هذا الغريب ، الذي رقص ببراعة على تلك الانغام الصعيدية المشهورة ، لا تنكر اعجابها الخفي به ، حين. رأته يرقص مع الرفاق، وكم ازداد وسامة حين ضحك محياه ، ولكن لسبب تجهله كانت تكسو ضحكاته تلك، مسحة حزن جليه لها ، لا تعرف لما تعمقت هكذا بترجمة افعاله وضحكاته، حتى أنها دون أن تنتبه كانت تتأملته ، فظبطها الغريب بنظرتها له فجأة ، فأكلها الخجل ، وتجاهلته على الفور ورحلت سريعا ! تُرى!.. هل تلوح في الأفق قصة جديدة؟ هل ستتلاقى الخُطى بنفس الطريق، وتتغير أقدار كلًا منهما بالتحام روحي يقلب الموازين ويحطم الحصون والأسوار .. دعونا معا نترقب القادم.. ! بقلم دفنا عمر. رواية أنت مكافأتي ***************** الفصل السابع. __________ العصفورة بتاعتك بعتت صاحبتها تسأل عنك امبارح! أنتبه بلال لجملة معتصم : وعرفت منين إن أروى اللي بعتتها ؟ معتصم وهو يقوم بترتيب البضائع الجديدة التي جلبها بلال للتو : لقيت واحدة شكلها بنت ناس اوي ، دخلت عاملة نفسها بتتفرج وهتشتري حاجة ، وبعدين سألت عن أسمي .. أعتقد كانت عايزة تعرف أنت اللي موجود ولا لأ !! بلال : يمكن فعلا مجرد زبونة دخلت تشتري! معتصم بنفي وثقة : زبونة أيه يا ابني .. ده الاسورة اللي كانت لابساها ، تشتري نص بضاعتنا .. ثم اكمل ساخرا: واضح إن الغزالة دي بعتوها تستكشف الوضع وتعمل فيها المحقق كونان! بلال مبتسما : عموما توقعت حاجة زي دي! معتصم : بس أنا توقعت إن أروي نفسها اللي هتيجي تستفسر عنك وتحاول تشوفك! هز بلال رأسه بنفي قاطع : لا طبعا مش أروى اللي تعمل كدة ! رفع معتصم حاجبيه تعجبا: ليه يعني ؟! المفروض إنك أثرت فضولها، وممكن تفكر تشوفك بنفسها..! بلال بهدوء : لا مش ممكن .. أروى عندها كبرياء، مستحيل أبدا هتيجي تسأل بنفسها، ومتأكد إن فكرة زيارة البنت بتاعة امبارح مش اقتراحها من الأساس! عقد معتصم ذراعيه امام صدره، بعد أن أراح طول جسده على جدار خلفه ، وقال متهكما : ما شاء الله ، أنت هتحلل شخصيتها كمان ، جبت منين الثقة دي إنه مش أقتراحها؟! نفض بلال أتربة عالقة بكفيه أثناء ترتيبهم بضاعته، ثم جلس أرضا، فتبعه صديقه منتظرا الجواب : _لما بتحب حد وتتعلق بيه من طفولتك ، ويكبر إحساسك بيه، وتتلهف تعرف كل تفصيله تخصه ، مع الوقت هتقدر تتوقع تصرفاته وردود افعاله! واصل بلال حديثة بعد برهة قصيرة، بنبرة بدت مستمتعة باستدعاء ذكريات يحب النبش بخباياها : كل يوم الصبح كنت بشوفها وهي رايحة مدرستها مع أصحابها ، كنت بشوفها بتمشي أزاي، وتبص حواليها بأي طريقة، أزاي بتضحك .. وأمتي بتضايق ، بتحب تاكل أيه ، كتير كنت بسمع أحاديثها هي ورغد لأني كنت ببقي ماشي قريب منهم !" وقتها ماكنتش فاهم أوي وأنا طفل ، ليه براقبها بالشكل ده ، ومبسوط ليه وانا بشوفها،أعتبرتها زي قطعة حلوى بكافيء بيها طفل يتيم جوايا ، لحد مافهمت إحساسي ده مع الوقت..!! التفت لصديقه مستانفا حديثه: تفتكر بعد كل ده ، مش هقدر أتوقع تصرفاتها او أفهم طريقة تفكيرها أيه؟!!! ابتسم معتصم : فعلا محدش هيفهمها زيك يا بلال! ثم واصل: بس في سؤال رفيع.. ازاي كنت بتستناها كل يوم بمعاد مدرستها.. وبتلحق تروح مدرستك في نفس الوقت؟! بلال ساخرا: لأ سؤال رفيع فعلا! منحه معتصم عمزة عين مشاكسة مع ميلة رأسه وابتسامة ماكرة منتظرا إجابته.. فقال بلال: _من حسن حظي أنها كانت بتخرج بدري جدا.. وبتفوت على صديقتها.. كنت بشوفها وامشي وراها وقت بسيط جدا.. وبعدها بركب مواصلة توصلني مدرستي بسرعة، ولأني كنت دايما بشتغل بأجازة الصيف، وماكنتش من النوع اللي بيصرف، كان دايما معايا فلوس عشان اركب بيها مواصلات يوميًا.. ومايتأثرش التزامي بموعيد المدرسة! معتصم بمزاح: لأ معلم من يومك ياروميو..! بلال وهو ينتصب ثانيًا على ساقيه: طب كفاية رغي بقى وقوم نرص باقي البضاعة.. لأني هموت واوصل لسريري وأنام! معتصم وهو يقف خلفه: ومين سمعك .. أنا مش حاسس برجلي من التعب.. استعنا على الشقا بالله! ******************* كعادته كل صباح، وقت الشروق.. يقضي بهاء وقت قصير قبل ذهابه للأرض بتلك البقعة الخضراء بقرب منزل عمته بمسافة ليست بعيدة محاطة باشجار فارعه الطول تظلل بقعته الخاصة التي يفضل الجلوس .. يرتشف قدح الشاي بكسرة خبز صغيرة لحين إفطاره مع العاملين بالارض معه، فبرغم أنه مالك الأرض التي يعمل بها ، ولكنه يعمل مثلهم ويأكل معهم ، ولا يجعل بينه وبينهم أي مسافة.. مما جعله محبوب بينهم ، وشتان بين حبهم الصادق له ، وبين نفاق رفاقه السابقين .. فلم يسأل أحدهم عنه بعد وفاة والدته ، حتى وليد الذي كان يظنه صاحبه الوفي .. أهمل السؤال عنه ، ولم يجد بهاء جواره سوى معاذ!! وما ان تذكر الأخير ، حتى مر بمخيلته احداث موقفه الأخير مع أبنة خاله أروى ، وتدخل معاذ حينها والثأر منه لها.. ! يا ليتنا نستطيع محو كل أثر لما يؤلمنا ويُخزِينا أمام أنفسنا من جدران الذاكرة ! ولكن تبقى الذكرى لتُشقينا آبد الدهر! انتهي من جلسته القصيرة وهم بالمغادرة لعمله، فوصل لسمعه صوت طيور هائجة وكأن هناك من يطاردها .. يبدو أنه صوت طيور الجدة فجر .. حيث انها تسكن بمنزل قريب للعمة خديجة.. فخطى ليقترب وتتضح الرؤية لديه .فإذا به يشاهد تلك الفتاه سجدة وهي تطارد أحد الدجاجات الحمراء .. التي تقوم بتربيتها بعشة جانبية تحتل مساحة معقولة من امام منزلهم .. يبدو أن الجارة تنوي صنع وليمة دسمة من تلك الدجاجة المختارة ..!! يتصادف بين الحين والأخر أن يرى تلك السجدة حين يمر من هنا ، فترمقه بنظرات حادة،لا يعرف لها سبباً وكم يتعجب لتركيبة تلك الفتاه التي مازالت عالقة باذيال الطفولة بوجهها الصغير! فلولا معالم انوثتها الظاهرة لظنها دون شك ، طفلة! تحيره!.. صغيرة ، جميلة ، شرسة ، وحزينة! لم يشاهدها إلا بوجهٍ عابس! راقبها بتسلية وهي تجاهد للقبض على الدجاجة المسكينة مطلقة عبارات الغضب عليها، وكأنها ستفهمها! .. ابتسم لا إراديا على عراكها مع الدجاجة! بعد برهه وهو يراقب فشلها المضحك بإمساك دجاجتها ..عاتب نفسه قائلا : _خليك كده سايب شغلك عشان تتفرج علي عيلة مجنونة! واستدار مغادرا، فاستوقفه صوت سقوط شيئًا ما ، فاستدار ليجد سجدة وهي تئن وجعًا من سقطتها أرضًا اثناء لحاقها بالدجاجة! فلم يستطيع السيطرة علي نفسه وانفجر ضاحكًا على هيئتها المذرية ووجهها المتسخ بفضلات الدجاج .. ومحاولتها القيام وهندمة نفسها! رمقته بغيظ بعد أن تبينت وجوده ورؤيته لما حدث.. فقالت بفظاظة : بتضحك على ايه ياسئيل أنت! بهاء وهو يسعل من شدة ضحكه : في يوم من الأيام هقطعلك لسانك الطويل ده! فقالت بصراخ : تقطع لسان مين يا بتاع أنت ، ده أنا اكسرلك أيدك لو بس فكرت! بهاء وهو يقاوم رغبته بالضحك عليها أكثر، فمازالت بهيئة مزرية ووجهٍ متسخ ، وللحقيقة مقرف جدًا ..! _طب امشي يا ماما وكملي لعب مع الفرخة واما تخلصي ابقي استحمي عشان ريحتك كلها ببي!! للمرة التي لا يعرف عددها هذا الصباح ، يحاول المغادرة لعمله ، ولكن تلك العنيفة اعترضت طريقه قائلة : أستنى عندك ياجدع أنت .. هي مين دي اللي ريحتها ببي يا روح ماما الحاجة! أحتدت عيناه بغضب واقترب منها دون وعي، فقد نجحت سليطة اللسان بإخراج فظاظته التي لا تنقصه بأي حال : احترمي نفسك وماتطوليش لسانك أكتر من كده ، أنا ماغلطش فيكي ، أنا ضحكت على منظرك لأنه ضحكني غصب عني .. وأمي ماتجيبيش سيرتها بدال ما اخليكي تندمي!!! بفورة غضبه تلك لم يعي لقربه الشديد منها و الذي جعلها تكتم أنفاسها بعد أن تفاجأت منه بهذا القرب وهو يحاصرها بينه وبين جذع شجرة ضخمة خلفها، ودون إردة راحت عيناه تلتهم صفحة وجهها الذي يختبئ بطفولته ملامح أنثى فاتنة .. بشرتها الحنطية اللامعة بصفاء، وعيناها الواسعة التي تنبت علي جفنيها أهداب طويلة تظلل عيناها البنيه بدرجة فاتحة تألق لونها كجوهرتين مع ضوء الشمس الساطع و............... ! هاجمته بغتة تلك اللحظة ذكرى موقفه المشابهه مع أروى والذي مازال يجني توابعه الأليمة حتى الآن .. فانتفض مبتعدًا عنها وهو يحاول استيعادة السيطرة علي نفسه من جديد. رامقا آياها بغضب ، فمن هي لتشعره بهذا الضعف، وتعبث بجدران ذاكرته وتُحي ما يريد طمسه للأبد ..! ........................ _بتشتمي مين على الصبح كده! _ البني آدم الرخم قريب خالتي خديجة! _ بهاء..! _ قصدك وباء ياجدتي.. _عيب كده يا سجدة الجدع محترم وفي حاله، ده مافيش مرة يشوفني شايلة حاجة، إلا ويساعدني بكل أدب ويوصلني لحد البيت.. سجدة بتهكم: _لا فيه الخير والله الجده بهدوء: طب عرفيني عملك أيه؟ _ من شوية كنت بجيب فرخة عشان ادبحها واطبخ عليها، وقعت غصب عني وأنا بحاول امسكها، قام اللافندي قعد يضحك ويتريق على منظري، وإن ريحتي بقيت وحشة من فضلات الطيور! لم تستطيع الجدة السيطرة على قهقهة عالية وهي تتصور حفيدتها بذاك الوضع، وهتفت من قلب ضحكها : طب ماهو معذور الجدع، أكيد كان شكلك مسخرة قدامه! .. ده أنتي بتتخانقي مع الطيور المساكين أما بتجري وراهم!! سجدة بحنق: _ صارحيني ياجدتي! .. الجدع ده قريبك؟؟؟ ماهو دفاعك عنه ده مش طبيعي! الجده بهدوء: يابنتي ده مسكين، مالوش حد في الدنيا غير عمته خديجة، أمه ماتت من سنة تقريبا، وشكله حزن عليها أوي واعتزل كل الناس بعدها وجه هنا ومن وقتها مابيكلمش حد! ثم اقتربت من حفيدتها وملست على رأسها: ماتحكميش على الناس من الظاهر يابنتي.. يمكن يكون غير ما انتي فاكراه.. أنا عن نفسي بشوف الحزن والهم في عينه وبيقطع قلبي.. لسه شاب، بس تحسي مش عايش زي اللي في عمره! ربنا يصلح حاله وحالك ياسجدة... ! ..................... وخذ بضميرها وضيق تملك عمق صدرها.. أدركت لما أغضبته وأخرجته عن طوره بعد أن كان يضحك ضحكة تشاهدها للمرة الأولى على محياه! تعترف لنفسها الآن أنها أخطأت وأصبحت تشفق عليه، حزنه على والدته، يشبه حزنها هي الأخرى، على أم لم يُقدر لها الأرتواء من حنانها قطرة واحدة.. ومع هذا تشتاقها حد الوجع. فماباله هو بشوقه وحزنه لمن فارقته وقد صار شابًا، ذاق من عطفها وحنانها الكثير!! ربما لن تعترف سجدة لأحد أنها حمقاء ومتسرعة وسليطة اللسان، وأخطأت بحق أحدهم! ولكن بعمق ذاتها الخفية هي تدري أنها كذلك، ولكن لن تبالي، ستظل هكذا لن تلين لأحد، الجميع لا يستحق وجهها الطيب..! ********************** ( لا حول ولا قوة إلا بالله ) بيسان وهي ترمق والدتها بقلق بعد عبارتها : أيه يا ماما ، بتتنهدي كدة ليه وشكلك زعلان ! الحاجة عائشة : هقول أيه يا بنتي ، أحكام ربنا لازم نرضى بيها ..! اقتربت بيسان ، محيطة كتفيها بحنان : فهميني بس يا ماما حصل أيه عشان تقولي كده ! بدأت الحاجة عائشة تقص علي ابنتها ما بحوزتها : الصبح وانا نازلة اجيب طلبات للبيت ، قابلت عمك جلال جارنا علي السلم ، لقيته وشه دبلان وكأن هموم العالم كلها في قلبه! سألته مالك يا حج .. وكأنه ماصدق حد يقوله مالك ، بصلي وعينه دمعت وسكت ! المهم عرفت بعد كدة سبب حزنه .. بنته زينة انتي عارفة ظروفها ، وكام مرة عملت حقن مجهري وفشل ، اكتر من 6 مرات.. لحد ما الحمد لله نجح وحملت ووصلت للشهر السادس ! بيسان وقد بدأ التأثر يحفر خطوطه بملامحها : طب الحمد لله يا ماما ، اهو ربنا جبر خاطرها اخيراً ، فين المشكلة ؟! الحاجة عائشة : بعد ما ابتدى الجنين يكبر في بطنها ، ظهر عندها أعراض غريبة ، وبالكشف اتضح إن في ورم لوفي كبير ظهر في منطقة الرحم، وضاغط على الجنين ومسبب لها نزيف ، موقع الورم حساس جدا، ومستحيل تدخل جراحي دلوقتي إلا بالولادة القيصرية ، اللي ممكن تكون مبكرة.. والدكتور المتابع ليها ، قال ان في احتمالية حدوث اجهاض بنسبة عالية وفقد الجنين .. وان احتمالية حدوث حمل تاني أصلا في حالتها ، هتكون معجزة تانية! بيسان بحزن حقيقي : يا حبيبتي يا زينة ، مسكين ياعمو جلال ..يارب يحفظلك بنتك وابنها وتشيله على ايدك باغتتها فكرة ما ، فقالت : ماما .. ممكن تجيبي الاشعة والتحاليل بتوع زينة ؟؟؟؟ الحاجة عائشة : هقوله لعمك جلال يابنتي ، بس ليه ؟! بيسان بغموض : هاتيهم بس يا ماما .. وربنا يكتب الخير !! .................................... . أخد من وقتك دقايق يادكتور ؟ رفع معاذ عينه تاركا ما يطالع اثناء جلوسه بغرفته الخاصة بالمشفى.. ثم عدل عويناته من فوق أنفه قائلا : اتفضلي يا بيسان .. تقدمت على استحياء ، فمنذ حديثهم الأخير وإخباره بموافقتها على طلب قاسم للزواج منها، وهما يتجنبا الحديث ، إلا بإطار مهني بحت! اقتربت واضعة على سطح مكتبه ، التحاليل الخاصة بجارتها الصديقة زينة : كنت عايزاك تشوف الحالة دي وتقولي رأيك .. التقط معاذ الأوراق الخاصة بتلك الحالة ، وراح يتفحصها ويمعن قراءتها باهتمام ، وما أن فرغ من مطالعتها ، حتى قال : للأسف ، في احتمال كبير جدا لحدوث إجهاض ، الورم اللوفي كبير فعلا وضاغط على الجنين ، والتدخل الجراحي لإستئصاله أثناء الحمل هو المستحيل بعينه! طبع الحزن بصمته على ملامح بيسان وأطرقت رأسها بصمت .. فقد كانت تضع امالاً على الله اولاً ، ثم مهارة معاذ كطبيب لمثل تلك الحالات الحرجة! الْتَاعَ قلب معاذ لمرآى الحزن بمقلتيها، فهتف برفق : أنتِ تعرفي الحالة دي يابيسان ؟ فقالت: دي جارتي وصاحبتي ، زعلانة عليها أوي ، دي بتحاول في الحقن من كام سنة ، وماصدقت تحمل .. هتموت من الخوف والحزن انها تفقد جنينها معاذ بمؤاذرة : مهما قلنا گ دكاترة عن صعوبة الحالة .. قدرة ربنا ومعجزاته بتبهرنا كل يوم ياما حالات كانت طبيا مستحيلة .. بس ربنا كانت كلمته العليا ، والحالة بتحمل وتولد بخير... خلي عندك يقين بالله .. بيسان بنبرة أمل متلهفة : ونعم بالله ..يعني ممكن تتابع الحالة دي يامعاذ !! معاذ : انا معنديش مشكلة أبدا اتابعها لحد ماتولد بس هي معاها دكتور فعلا ، والأفضل تكمل مع اللي تابعها من البداية .. بيسان برجاء : بس أنا عايزاك أنت اللي تباشرها وتولدها ..! كيف له أن يخذلها، وعيناها تخاطبه بهذا الرجاء.. ؟! أجلي صوته حتى يخفي أي تأثر برجائها وقال بمهنية طبيب : تقدري تجيبيها العيادة عندي ، واللي هقدر عليه هعمله! ***************** بنتك شكلها هتطلع شقية اوي يا مدام زينة ..! ضحكت زينة الممددة أسفل غطاء أبيض على ذلك الفراش الخاص بالاشعة ، تراقب حركة ابنتها بشاشة السونار الصغيرة : دي مجنناني ، ومش بتبطل خبط في ضهري ليل نهار. معاذ مازحًا : خدي بالك دي هتحتاج معاملة شديدة عشان تسيطري على شقاوتها دي! زينة بابتسامة حزينة : بس هي تيجي بالسلامة يا دكتور .. معاذ محاولا التخفيف عنها : هتيجي بأذن الله وتنور حياتك وتشبعي شقاوة وسهر وبامبرز كمان .. ثم حمحم قائلا : عفوا لو تسمحيلي بسؤال ، فين زوج حضرتك؟ زينة بابتسامة : زوجي كان معايا أول 4 شهور من حملي .. كان طاير من الفرحة لما ربنا عطانا بعد الصبر ، بس سافر لشغله بالسعودية ، لأن صعب يفضل أكتر من كده ، وهينزل بأمر الله على معاد الولادة ثم اكملت : أنا بصراحة مخبية عليه التطورات الأخيرة دي يادكتور .. مش عايزاه يعيش نفس القلق والترقب والتفكير ، بنتنا هتعيش ولا لأ مشفقة عليه من الحالة دي .. تنهدت قائلة : انا مسلمة امري لله وراضية بالمكتوب علينا ..وحياة بنتي في أيد ربنا ..! هز معاذ راسه تفهما لوضعها : بأذن الله ربنا هيفرحكم سوا بالجميلة اللي بتلعب وتتشاقي جوة دي .. وتتولد بصحة وعافية .. زينة بامتنان : ليها حق بيسان تشكر فيك يادكتور معاذ .. رفع معاذ عويناته قائلا بتواضع : بالعكس يا مدام زينة.. الدكتور اللي تابعتي معاه قبلي ممتاز وأفضل مني وأشهر في الحالات الصعبة ..! زينة بهدوء : بصرف النظر عن التواضع الشديد منك .. وإن سمعتك گ طبيب مش قليلة أبدا بس في حاجة عندك ماكانتش عند الدكتور اللي قبلك .. انتظر معاذ استكمال حديثها وهو يجفف لها تلك المادة اللزجة المستخدمة مع جهاز السونار فقالت : الطب مش بس أدوية وتحاليل وأشعة وبس..! أنت عندك كمية أمل بتوصلهالي بشكل غريب، ماسمعتش منك كلمة إجهاض ابدا .. طول الوقت بتقولي هتسمي بنتك أيه .. وهتعملي سبوع ولا عقيقة.. وأيه لون أول سالوبت هتلبسها اما تتولد وغيرو من كلام كله أمل إن بنتي هتكون بخير .. ابتسم معاذ : طول ما ربنا موجود .. هتفضل قدرته آية في خلقه .. إن بنتك تتولد بخير طبيا معجزة .. بس من الناحية الإلهية ، شئ هين جدا عند ربنا .. والأمثلة كتير ، سواء بعصرنا أو عصر الأسلاف زي السيدة مريم العذراء وقصتها، وسيدنا ذكريا ، وزوجة سيدنا ابراهيم .. ده غير حالات تابعت معايا وكنت طبيا بقول مستحيل حملها يوصل للأخر، بس دايما قدرة ربنا كانت بتدهشني في الحالات دي ..! وآيات كتيرة جدا لا تُحصى كلها بتؤدي لنتيجة واحدة،قدرة ربنا مالهاش حدود ، ولا خاصة بزمن واحد ، او ناس معينة .. عشان كدة بعطيكي أمل أنتي فعلا محتاجاه، وواثق إنه هيفرق في حالتك ..! ********************** بعثرة حدثت داخله .. صدى كلماته لزينة يدق داخل نفسه ..گ ناقوس بعقله ..الأمل في الله ..! هل كان ينقصه الثقة واليقين بقدرة خالقه ؟! هل تعجل بانفصاله عن بيسان ؟! لما لم يتسلح بتلك الطاقة الإيمانية التي حاول بثها بمريضته زينة، ويتذكر تجارب السابقين ،وقدرة رب العالمين التي تجسدت بهم؟! لما لم يستجيب ليدها التي امتدت له وتمسكت به؟! ضاق صدر معاذ ، وداهم مخيلته صفحات گ صور ضوئية متتابعة لفحوصات أجراها ، وكل نتيجة صُدم بها.. وتلك الجملة اللعينة التي سمعها كثيرًا ( قدرتك على الإنجاب... مستحيلة! ) لا لا... لم يتعجل ، كان يجب أن يتحمل قدره بمفرده ولا يخاطر بأي أحتمال لمعاناتها معه.. هو أخذ قرار صائب .. نعم لم يخطئ! أغمض عينه ليوقف تلك الحرب الدائرة بعمق ذاكرته.. ثم رفع يده تدرعاً لله : اللهم إن رآيتني أبتعد عنك .. فردني إليك ردا جميلاً.. .********************* انتي بجد وافقتي على دكتور قاسم يا بيسان ؟!!! بيسان وهي تعلق كنزتها بدولابها الخاص : وأيه يخليني أرفض !! عريس مناسب من كل الجهات ، وشاريني .. رغم أني واحدة مطلقة، لكن هو بالنسباله أول جوازة ..أكملت بتهكم : يعني ابوس إيدي وش وضهر على الجوازة دي ..! ثم قست ملامحها : هقول لأ ليه بقا وعشان مين! أروى : وآبيه معاذ ؟! بيسان بحدة : شكلك ناسيه إن آبيهك معاذ ده طليقي .. ومبقاش له اي دور في حياتي .. وصفحة واتقفلت! أروى بحزن : متاكدة أنه صفحة واتقفلت ؟ بيسان بنبرة يأس وهي تعتلي فراشها وتُثني قدميها وتحيطها بذراعيها : أيوة يا أروى.. اتقفلت ، بس هو اللي قفلها مش أنا ..! أروى وهي تجاورها بحزن : بس انتي لسة بتحبيه وهو كمان يا بيسان ، ماتقفليش الطريق بينكم للأبد انا حاسة أنكم هتر........................ بترت عبارتها ، بمقاطعة شقيقتها الغاضبة: طريق أيه اللي بتتكلمي عنه ، أفهمي ! مبقاش ممكن يجمعنا طريق تاني ، هو اتخلى عني وسابني وأنا مش هفضل اخلق قصاده الفرص للرجوع وهو يخذلني كل مرة، واقعد ابكي على أطلاله !! ثم أستطردت بصوت أكثر قسوة : اللي مايتمسكش بيا ويبعني ..عمري ما هشتريه ..! .*************** عايز تسافر الصين يا بلال؟! اجاب : ايوة يامعتصم ، ليه يبقي في وسيط عشان نجيب بضاعتنا.. الحمد لله عملنا سيولة معقولة ، وبقى لينا زباين بتثق في بضاعتنا ، وآن الآوان اننا نتوسع شوية و نتعامل بشكل مباشر مع المستورد اللي اكيد هناخد منه بضاعتنا ارخص، ويبقي المكسب كله لينا .. بدون وسيط يقاسمنا فيه! معتصم وهو يحك ذقنه بعلامة تفكير : عندك حق..وممكن كمان نجيب سلع مش موجودة حوالينا ، ونكون اسبق في تنزيلها .. بلال : بالظبط ، عشان كدة قررت اشوف طريقة اتواصل مع حد هناك، و أسافر يومين ،هاخد فكرة واتعاقد على بضاعة من هناك ، تفيد نوعية الزباين اللي بتيجي محلنا .. ثم استطرد قائلا : وبفكر نشوف المحل اللي حكيتلي عنه عشان نستأجره ، بحيث نخصص واحد للادوات المنزلية الخفيفة ، والتاني لادوات تجميل واكسسوارات وبرفانات وخلافه .. أيه رآيك ؟ معتصم بحماس : ياريت يا بلال وإذا ربنا أكرمنا بالمحل التاني ، أكيد الخير هيعم على الجميع، وهنشغل عدد أكبر من شاب منطقتنا محتاج يحسن ظروفه وهما أولى من الغريب .. ثم واصل : بس في مشكلة .. هتتعامل هناك ازاي وانت ما تعرفش تتكلم صيني ؟ بلال بهدوء : الصين منتجاتها غرقت معظم البلاد العربية .. تفتكر مش هيكون في عندهم مترجم يسهل عملية التواصل مع العملاء بتوعهم ؟ معتصم بمزاح : ما شاء الله ، شوفت عشرتك معايا فرقت في مستوى ذكائك وتفكيرك ازاي؟ بلال بتهكم : أه واخد بالي من موضوع الذكاء ده ماتقولش لحد بقى أحسن يحسدك..! ********************** عازمك على رغيفين كبدة كلابي هتاكل صوابعك وراهم ! بهاء ممتعضاً : كبدة كلابي يا سيف! سيف : صدقني هتندم لو ما دوقتهاش ..! بهاء : لا ياسيدي أنا عايز اندم .. بجملة سلسلة الندم اللي انا عايشها... خد كبدتك وكلابك وابعد عني ..! سيف : يا ابني أنا دكتور بيطري.. يعني كاشف على الكلب ده قبل ما يدبح! بهاء ساخرا: لا كده طمنتني.. أنا كنت خايف إن الكلب يكون مريض.. قوم يا سيف روح واقعد مع الحاجة والدتك شوية! هم سيف بتناول قضمة كبيرة: خليك كده واد فافي بهاء : ماشي يا سبع ..المهم هتسافر القاهرة أمتي؟ سيف : الصبح بأذن الله ، هنحضر فرح بنت عمي ونشوف كمان أخويا بدر وولاده.. يعني يومين وأجي، وربنا يسترها بقي على لسان مرات عمي وكلامها اللي يطفش! بهاء متسائلا : ليه يعني ؟ سيف : أصلها كانت عايزاني اتجوز رقية بنتها، بس أنا عملت نفسي عبيط! بهاء : طب ليه ، هي بنت عمك مش مناسبة ليك؟ سيف بنفي : بالعكس رقية يتمناها أي شاب ، لكن أنا بعتبرها أختي، عمري ما تخيلتها غير كده .. حتي هي نفسها بتعتبرني كده، وده اللي ريحني جدا من ناحيتها .. هز رأسه بتفهم : كده فهمت، أكيد مرات عمك هتحاول تحسسك انك خسرت الأميرة بقا والجو ده .. سيف بمزاح : دي هتظبطني ، أصلك ماتعرفش اسلوبها ازاي، دي أخر طبعة من كتالوج ماري منيب، بس انا هعمل نفسي غبي! ربنا عالم أنا فرحان عشان رقية فعلا، وهقف كتفي بكتف عمي قصاد عريسها.. ربنا يسعدها.. قال مبتسماً : اللهم أمين.. وألف مبروك يا سيف وعقبالك يا دوك. سيف : الله يبارك فيك يا صاحبي ، طب ما تيجي تحضره معايا وتغير جو ؟ بهاء رافعًا حاحجيه بتعجب: أيه يا ابني ، أنت كل أما تروح فرح عايز تاخدني معاك؟!..هو أنا أبن اختك ؟! سيف : مش احسن من قعدتك الكئيبة دي ، حتى فرصة تروح وتزور أهلك وقرا.................. .. بهاء مقاطعا بحدة : قلتلك خلاص ياسيف بلاش إلحاحك ده.. قلت لأ ..! وقف سيف مستعدا للمغادرة : ماشي يا بهاء ، هسيبك بقي يدوب هنام عشان هسافر بدري! زفر بهاء بضيق ، يعلم أنه تعامل بفظاظة مع صديقه الذي نثر ملحًا على جراحه التي لم تلتئم بعد! لمن يذهب وأين يمكث.. ؟! وهو لم يترك خلفه أثرًا طيبًا يشفع له عند أحدهم .. ولم تُثمر كل علاقاته بصديق حقيقي يقف جواره ويهتم لأمره! [ هم سيف بالمغادرة فأمسك بهاء كفه مجبراً قائلًا : استنى يا سيف ، أنا أسف مش قصدي اتعصب عليك سامحني وماتزعلش .. منحه سيف نظرة ثاقبة ثم قال : أنا مش زعلان يا بهاء ، أنا عارف أن جواك تعبان وموجوع .. بس نصيحة أسمعها مني .. واجه مشاكلك وذنوبك وطهر نفسك .. طول ما انت حابس نفسك في دايرة ندمك وحزنك هتفضل تعبان .. لو أذيت حد ولسة موجود، أطلب منه السماح واعتذر ومش مهم يقبل إعتذارك أو لأ... المهم أنك واجهت أخطائك بشجاعة وقلت أنا كنت غلطان ، رمم صورتك المكسورة في عينهم، وأنا متأكد انك هتلاقي في قلوبهم مكان يضمك تاني .. أرخي بهاء يده بضعف، ثم رفع عيناه للسماء ، وقال بنبرة تقطر ألم حقيقي: طب لو اللي أذيته ما بقاش موجود ، أعمل أيه ؟! أطلب السماح منه ازاي ؟! واعرف منين إنه سامحني! وقف سيف أمامه مباشرًا و قبض كتفيه بقوة ناظرًا لعمق عيناه قائلا بحزم: أطلب المساعدة من الوسيط اللي بينك وبينه.. ثم أشار له للسماا متمتما : "ربنا"… . أندم ،أستغفر ،واترجى لقبول توبتك.. كل مرة هتستعطف ربنا وتدعيه وتطلب السماح، هيزيد رصيدك عنده لحد ما يجي يوم ويقولك بطريقته.. أنك وفيت دينك بالكامل.. واتحررت من ذنوبك ، وهيفتح قصادك دنيا جديدة ! دنيا هتيجي لحد عندك وتمدلك أيدها عشان تعيش فيها كل اللي اتحرمت منه! .******************* قابضة بكفها ذاك السلسال تاركة قلبه يتدلي متأرجحًا بين أناملها يمين ويسار ، كتأرجُح مشاعرها الوليدة تجاه هذا المقتحم لعالمها دون استأذان.. بلال!! تتذوق الأسم بحيرة .. من هو؟! .. ماذا يريد؟! وأين اختفى بعد ظهوره الغريب ؟! شهر مضى منذ استلامها هديته، لم يبعث رسائل ، تاركاً خلفه هالة من الغموض والحيرة أهلكتها ..! زفرت أروى بقوة وهي تعيد سلساله كما كان بعلبته الأنيقة ، ثم تمددت بفراشها متكئة على جانبها الأيمن مسلطة بصرها على دبدوبه الضخم ، والتي اضطرت كذباً إخبار والدتها أنه هدية رغد لها ..وما أن تذكرت رغد حتى ضحكت ضحكة قصيرة خافتة ، تذكرت أحداث اليوم السابق ، وكيف عادت هي وندي مسددين فاتورة الغداء ..وكيف كان رد فعل رغد العنيف حين رآت عودتهم فهرولت إليهم محاولة الثآر منهما دون مراعاة لرواد المطعم حولهم..! فتمتمت بصوت ناعس وهي تعدل نومتها : تستاهلي يا رغد ، عشان تحرمي تتدخلي في أمورنا تاني.. أغمضت عيناها استدعاءً للنوم ، فسمعت صوت رسالة من هاتفها ، فانتفضت بلهفة والتقطته .. فوجدت رسالة من تطبيق "الواتس آب" بنفس الرقم الغريب ،فتحتها لتجد تلك الجملة ! ( أنا مسافر الصين يا أروى.. أدعيلي تكون خطوة خير في شغلي... مقدرتش أسافر إلا أما أقولك عشان تدعيلي ..هتوحشيني أوي ) أرتجفت يدها عند قراءة رسالته ، فعاجلها برسالة اخرى فاجأتها..! ( بصي من الشباك .. هتلاقيني مستنيكي) جحظت عيناها عن أخرهما ، هل أعاد الكرة وأتى كما فعل سابقاً ؟!! دون إرادة منها وجدت نفسها تغادر الفراش وتقترب من النافذة وتحرك المقبض ضلفتيها وتفتحهما ، فوجدته يقف بهيئته المظلمة ، نفس الوقفة ، ويحيطه الظلام ، لا ترى ملامحه ، فقط جسد مظلم ..! أهتز هاتفها لوصول رسالة أخرى ، وكان فحواها!! ( أنا عارف إني لخبطت حياتك بظهوري .. وأسف إني خوفتك المرة اللي فاتت .. بس لازم تفهمي يا أروى إن محدش هيخاف عليكي قدي ، ومستحيل حد يأذيكي بوجودي حواليكي .. قريب جدا هحكيلك كل حاجة وأنا بكلمك في النور ، وبمباركة من أهلك .. خدي بالك من نفسك لحد ما ارجعلك .. وماتنسيش تدعيلي..! ) عادت ببصرها إليه بعد قراءة رسالته ، فرفع يده ملوحاً لها بالمغادرة .. ثم اختفى من محيطها بهدوء! أغلقت النافذة وعادت لفراشها ببطء وكأنها بوعي غائب ، شاردة بهذا الغامض، فتكونت سحابة مائية بعيناها أمطرت دموعاً لا تعرف لها سبباً ، وقبضة في صدرها منذ مغادرته ، وكأنها فقدت شيئا ما داخلها برحيله ، تائهة مبعثرة معقدة گ أطراف خيوطٍ متشابكة ، لن تُفك عقدتها إلا بيده هو......... بلال..! ******************** ألحقيني يا بنتي ..زينة تعبانة أوي ، وشكلها هتولد..! بصوت مرتجف وقلب مُلتاع .. أستغاث العم جلال بجيرانه بوقت متأخر ، حيت هاجم ابنته زينة ألم الولادة ، فهرول يطرق باب الحاجة عائشة لطلب المساعدة .. بيسان وهي تبحث عن هاتفها : ماتقلقش يا عمو جلال .. هتصل بالإسعاف تيجي حالا ، وبدكتور معاذ يحصلنا على المستشفي .. وبالفعل أجرت أتصالها ، أعقبه أخر بمعاذ، الذي تحرك بالفعل لإغاثة مريضته ..! .............................. .. زينة بصوت ضعيف لاهث : عايزاكي تحضري العملية مع دكتور معاذ يا بيسان . بيسان وهي تقبض يدها بحنان : حبيبتي أنا مش ممرضة عمليات ، ده تخصص زميلات غيري هيكونوا معاكي .. أنا هكون معاكي بعدها مش هسيبك!! زينة بصوت اضعف : دي رغبتي ، أرجوكي حققيها ، عايزة احس إني مش لوحدي .. صمتت لتلتقط أنفاسها : لو. ربنا أراد لبنتي تعيش .. عايزاكي تكوني أول أيد تشيلها وتحممها وتلبسها يا بيسان .. لم تستطع بيسان سوى الرضوخ لرغبة صديقتها وهي تقدم لها وعد بالمرافقة أثناء الولادة ، بعد استأذان طبيبها بالطبع .. فلم يكن معاذ أقل من بيسان رغبة بتحقق رغبة مريضته .. وحضرت بيسان ولادة صديقتها المتعثرة برداء خاص وكمامة معقمة .. داعية الله من صميم قلبها ، بنجاة الطفلة وسلامة الأم ..! ******************** يجلس العم جلال أرضا يحتضن بكفية مصحفه الصغير .. يقرأ ويقرأ ، وعيناه تترقب ذاك الباب المغلق الذي اختفت خلفه أبنته الوحيدة زينة باكياً بصمت ودموعه تتعرج بين ثنايا وجهه المجعد ، رفع يده عاليًا مترجيا من ربه سلامة فلذة كبده ، وحفيدته، التي يتمني رؤيتها ثم أهلاً بالموت بعدها..! تعاقبت الساعات وطال الوقت ، ومازال الباب مغلق ومازال منتظرا داعيا باكيا واخيرا انفرج الباب المغلق ، وظهر طبيب ابنته فارتجف فؤاده خوفا من سماع ما يفطر قلبه ..! الفصل الثامن. --------- طمن قلبي يا دكتور .. بنتي ولدت بالسلامة؟! وقف العم جلال ينتظر بلهفة قول طبيب ابنته الذي تنحنح قائلا : الحمد لله يا حج جلال ، مدام زينة بخير ، والمولودة بخير بس............ قاطعه العجوز بهلع : مالها حفيدتي يادكتور؟! ربت معاذ على كتف العجوز تعاطفًا : أهدى يا حج ، هي بخير بس ضعيفة طبعا بسبب ولادتها المبكرة وعدم اكتمال النمو ، هتفضل في الحضانة فترة ، وبأذن الله ربنا يحفظها وتكون أفضل .. بس ادعيلها ، وربنا مش هيخيب رجائك أبدا .. ........................... وسط هدوء الغرفة القاطنة بها زينة بالمشفى عقب ولادتها.. جلست جوارها بيسان تتأمل قطرات المحلول الملحي المتدفق من ذلك الأنبوب البلاستيكي المحتوي على جرعة مسكن مدروسة .. نقلت بصرها لوجه صديقتها الشاحب وعلامات الإعياء تكسوه .. غير مصدقة نجاة طفلتها ، وكيف كانت حالتها ومهارة طبيبها معاذ الذي قاتل كي تنجو الطفلة ، واستأصل تلك الكتلة اللحمية الكبيرة دون الإضرار بتلك الرضيعة ..! أنتبهت من شرودها على همهمة طفيفة تصدر من زينة ..التي شعرت بثقل جفنيها ، وبرودة المكان حولها ، وعجز كامل بتحريك أطرافها ..! تحدثت بصوتٍ خافت متقطع : بابا.. بنتي .. فين؟ أجابتها بيسان : حمد لله على سلامتك يا حبيبتي زينة بنفس الضعف، ولا تقوى على فصل جفنيها : فين بنتي؟ أمسكت بيسان يدها برفق : بنتك بخير وزي القمر يا زينة .. أرتجف قلبها وتدفقت دموعها بفرحة من جانبي عينيها المغمضة وهتفت باكية بشفاه ترتعش تأثرًا : يعني عايشة! عايزة أشوفها عايزة اسمع صوتها جمبي بيسان محاولة التماسك : حبيبتي هتشوفيها وتسمعيها براحتك، بس فوقي الأول، هي في الحضانة ، مش هينفع اجيبها دلوقت زينة : بجد بنتي بخير يا بيسان ؟ بيسان بتأثر : بخير يازينة متخافيش،هي بس ضعيفة وده طبيعي بسبب ولادتها المبكرة.. الحمد لله يا حبيبتي ربنا سخر دكتور معاذ وعمل كل اللي قدر عليه، وربنا وقف معاه والولادة نجحت بامتياز ، يعني نقول نحمد ربنا على النتيجة دي... بنتك هتفضل بس شوية تحت الملاحظة ، وزي ما ربنا كتبلها الحياة ، هيكتبلها العافية والصحة وهتضميها وتشبعي منها . بصعوبة شديدة أستطاعت زينة فصل جفنيها ، واستقبلت مقلتيها الضوء ببطء : طب ممكن أطلب منك طلب يا بيسان؟ أجابت : أؤمريني ياقلبي ، طلباتك أوامر ابتسمت زينة امتنانا لتلك الجارة الصديقة: هما طلبين منك أنتي ودكتور معاذ أول طلب ليا ، أن دكتور معاذ هو اللي يآذن الآذان بصوته لبنتي ، عشان يكون أول مرة تسمعه يكون منه! صمتت لتملأ رئتيها ببعض الهواء ، وبيسان تحاول استيعاب ما طلبت ، فاستأنفت زينة حديثها : وتاني طلب منك أنتي .. أختاري اسم لبنتي يا بيسان! بيسان تعجباً : أيه اللي بتقوليه ده يا زينة؟! دي بنتك أنتي ، أول فرحتك ، واختيار اسمها ده حقك وحق والدها أو والدك اللي مستنيكي برة بفارغ الصبر! زينة بأعياء شديد : دي رغبتي ولازم تحققيها أنتي ودكتور معاذ .. مش هقبل رفض منكم، بلغي دكتور معاذ بطلبي وخليه ينفذه .. أرجوكي يا بيسان .. ................................. أنتهي للتو من أداء صلاة الظهر بغرفته الخاصة بالمشفى، وطوى سجادة الصلاة ، ثم جلس ً خلف مكتبه واضعًا رأسه على حافة مقعده ، وأغمض عيناه باسترخاء ، في انتظار قهوته التي أرسل بطلبها .. تسيطر على معاذ حالة من السعادة بعد نجاح عملية ولادة مريضته زينة، وسلامة طفلتها ، حتى وإن ولدت ضعيفة ..فنجاة روحها من براثن موت مؤكد حقاً معجزة طبية .. سبحان من يُحي ويُميت وهو على كل شئ قدير .. قاطع أفكاره ، طرق على باب غرفته ، فأذن بالدخول متوقعا أن عامل البوفيه جلب قهوته فوجدها بيسان، فقال : أتفضلي يا بيسان ، مدام زينة فاقت ؟ بيسان : أيوة يادكتور فاقت ، بس............ .. صمتت ، فحثها معاذ على الحديث : في أيه يا بيسان ؟! المريصة بخير والط................... قاطعته : أطمن يادكتور ، زينة فاقت والطفلة في الحضانة وبخير ، بس المريضة عندها طلب عايزاه منك، وبتترجاك تحققه ليها..! ضم معاذ حاجبيه: طلب ايه ؟! تجرعت بعض الهواء برئتيها، ثم هتفت : زينة عايزاك أنت اللي تآذن للطفله عشان تسمع الآذان أول مرة بصوتك يا دكتور.. ! لم يصدر من معاذ اي رد فعل، فقط صامت ينظر لها بتمعن ويحاول استيعاب ما قالت ، متشككاً فيما سمع! هل حقاً قالت ما سمعه، ام هى تخيلاته؟!!! بيسان مقتربة من جانب مكتبه : أنا روحت لبابا زينة يامعاذ ، لقيتها رغبته هو كمان ، وفهمت إن ده كان أتفاقه مع زينة ، لو أراد ربنا لبنتها النجاه ، يكون صوتك اول صوت تسمع بيه الآذان! وافق ومتكسفهاش .. صدقني دي أقل حاجة تتقدم لطبيب زيك وقف نفسياً مع مريضته وعامل حالتها بشكل انساني ودعمها ..! .................................... حملت بيسان الطفلة ثم اقتربت من معاذ ومدت يدها تحثه على حملها بين يديه! فنقل معاذ بصره بينها وبين الطفلة ، ثم قال بنبرة أقرب للرجاء : مش عايز يا بيسان ، مش عايز أعيش الإحساس ده! اقتربت اكثر هاتفة برفق : ده طلبها .. يعني بقا حقك يا معاذ .. زي ما قبلت قضاء ربنا في امرك ..أقبل عطيته ليك .. ده نصيبك .. ماترفضوش! أرغمته تلقائيا على حمل الرضيعة حين وضعتها بين يديه .. وما أن احتواها بذراعيه وضمها برفق لصدره، حتى اقشعر بدنه ، وارتعش قلبه بين ضلوعه! ونظر لبيسان وكأنه يستغيث من هذا الشعور ، الذي لا يريد تجربته .. أو الاشتياق له ، فمازال يحاول التأقلم على حرمانه من أن تنعم أحضانه بملاك گ تلك الصغيرة.. قطعة تخصه هو وتنتمي لروحه وقلبه ..! أيقنت بيسان لما يدور داخله ، فقالت: _ردد الآذان يا معاذ ..الطفلة مستنياك! ************************** " عايز تتجوز صفا يا سليم؟!! سليم : أيوة يا أمي ، مالك مستغربة ليه كده .. أنا من زمان عايز صفا ..بس للأسف سبقني ليها أمجد الله يرحمه ، ساعتها قلت ده نصيب ، لكن دلوقت هي بقيت أرملة ومن حقي أخد فرصتي معاها .. أم معاذ : أول مرة أعرف إنك كنت عايز صفا بنت خالتك، عمرك ماجبت سيرة لحد!! سليم : يمكن عشان كده ضاعت مني في الأول يا أمي، عمري ماحكيت عن رغبتي فيها، كنت فاكر الوقت لسه معايا، لحد ما اتفاجأت بخطوبتها..! أم معاذ : بس أنت يا ابني لسه ما دخلتش دنيا، أيه يجبرك تاخد واحدة بعيالها وأنت ت............ . قاطعها سليم : أيه الكلام ده يا امي ، وهو يعيبها إنها أرملة ومعاها ولاد ؟ دي في الأخر لحمي ودمي ، وأنا أولى الناس بيها ، خصوصًا أني بحبها من الأول ! أرجوكي يا أمي ماتعترضيش على رغبتي دي ، أنا حاسس إن سعادتي مش هتكمل غير معاها !! تعجبت أم معاذ من تدابير القدر!! هي من حاولت أن تقرب ولدها الأكبر معاذ من صفا لأنها الأنسب لظروفه فهو عقيم ، وهي لديها ولدان ولن تمثل لها علته مشكلة مستقبلًا.. ولكنه رفض رفضًا قاطعًا .. وأغلق الموضوع نهائيًا معها..! والآن يُفاجأها ولدها الأصغر سليم برغبته بنفس الفتاة، الغريب أن فكرة تزويج صفا ومعاذ لم يأتي ذكرها أمام سليم على الإطلاق .. وكأنها حكمة رب العالمين أن يُخفى هذا الأمر عنه ..وكان فيه كل الخير ولا تدري!! سليم وقد انتابه القلق من صمت والدته الشارد: قلتِ أيه يا أمي .. طمنيني!! منحته نظرة حانيه وقالت : قلت ربنا يكتبلك الخير يا سليم ، ومادام دي رغبتك يا ابني ، فأنا مش هلاقي أحسن من صفا زوجة ليك ، دي بنت أختي وبعتبرها بنتي اللي مخلفتهاش ! ***************** الحقيني ياخالتي خديجة!!! أستغاثة صدرت عن سجدة، عقب سيل طرقاتٍ على باب منزل جارتها العمة خديجة، گ أول من خطر على عقلها لتستنجد بها كدرعٍ يحميها من بطش خالها القاسي! هتفت العمة بهلع : أيه يا بنتي حصل أيه، خلعتي قلبي! سجدة بصوت لاهث متقطع : خااااا... خالي هيموتني يا عمتي، لو اكتشف غيابي! أمسكت العمة بكوب ماء كان جوارها مصادفاً : طب اهدي وخدي نفسك يا ضنايا، وفهميني خالك مصطفي ماله بيكي وجه من أمتى؟! تجرعت سجدة شربة ماء قليلة، والتقطت أنفاسها وقالت : جه من الصبح وقعد مع جدتي، وأنا كنت بحضر الغدا ، بس بالصدفة سمعت كلامهم اللي خلاني أطفش واسيب البيت اول ما راح في نومه هو وجدتي! دبت العمة خديجة صدرها بذهول : طفشتي ؟! ليه كدة يابنتي! في بنت أصول تعمل عاملتك دي؟! سجدة بقهر : مش أحسن ما استنى أما يبعني لواحد رجله والقبر، خالي جايبلي عريس قد أبويا وخلاص قبض مهري، وجاي بس يبلغني لمجرد العلم كأني جارية بيبعها، وأما اعترصت أنا وجدتي ضربني وزعق معاها وحذرها تتدخل بحجة إني.............. واصلت بصوت يقطر ألم : إني مطلقة ومايصحش افضل من غير جواز..!! تيبثت قدمي بهاء ، فور سماع عبارتها..!!! فقد حضر قدرًا لتوه من خلوته الليلية ، فكان من نصيبه سماع تلك الحقيقة الغير متوقعة! سجدة؟!.. تلك الصغيرة!! مطلقة؟!!!! ...... ..........…… . _ذنبي أيه ياعمتي أني أتجوزت واحد أتخلى عني وطلقني عشان حاجة ماليش فيها ذنب . ما انتِ عارفة حكايتي، وازاي ظلمني هو وأمه باعوني ورموني بعد 6 شهور بس من جوازي! جففت دموعٍ عالقةً بطرف عينيها، وتمتمت بحزن : خالي المرة دي مصمم يجوزني عشان سُمعته، لمجرد أني مطلقة وعايشة مع جدتي من غير راجل! وواصلت: مش عايزة أتجوز، أنا مرتاحه في عشتي، صعب أعيد تجربتي تاني وحد يجرحني ويعاملني على أني معيوبه ولا ناقصة!..أنا بشتغل وبصرف على نفسي، عشان خالي مايقولش أني باخد رزق عياله ، متكفله بلقمتي، ومراعيه ربنا في سمعتي وتصرفاتي وكله قدامك يا عمتي، قوليلي أعمل أيه عشان أخلص من الظلم ده؟!!! لو خالي أخد باله من غيابي، مش هيرحمني وهيجوزني أنهاردة قبل بكرة لصاحبه العجوز .. أنفطر قلب العمة حزناً لحالها، فضمتها لصدرها مربته على ظهرها برفق: أستهدي بالله يا بنتي، كل مشكلة ليها حل، أنا هكلم مصطفي وا..................... .. قاطعتها سجدة بقهر يائس: مش هيسمعلك، كان سمع كلمة جدتي قبلك! صمتت، لتسطرد حديثها بنبرة قوية حاسمة : لكن أقسم بالله، لو غصبني أتجوز حد مش عايزاه لاموت نفسي، ومش هخاف اعملها..! _ ومين هيسيبك تعملي كدة ؟!! بوغتا كلاً من سجدة والعمة، باقتحام بهاء لمجلسهما، وتدخله المفاجيء بحديثهما وإلقاء جملته السابقة!! فلمعت عين العمة بفرحة.. فحضور بهاء وسماعه لهما، حقق داخلها غرضٍ ما! حِسها المرهف، وخبرة عمرها الطويل ، يخبراها أن اتحاد كلاً منهما، سيكون حتمًا دواء لعلة صاحبه .. فالثلج لا يذيبه ويصهره سوى فتيل نار ..! سجدة تلك الفرسة الجامحة بطبعها الناري ، لن يروضها سوى أبن أخيها! فإن كان هو گ لوح ثلج متجمد، محصور بين سياج ندمه وحزنه وآلامه ، هي بلهيبها ستحطم جميع أسواره الثلجية وتفك آسره ،ليتحرر من قوقعته ويخرج لعالمها..! أفاقت من شرودها على صوت شجارهما..!! سجدة بحدة: أنت مين عشان تدخل في أمري؟! بهاء ببرود : مش مهم أنا مين ، لكن أكيد مش هسمحلك تأذي نفسك! هتفت غاصبة: أيه اللي مش هسمحلك يا بتاع أنت! بهاء بضيق : بطلي طولة لسان يامنخوليا انتي جزت أسنانها غيظاً : انا منخوليا يا ارخم خلق الله هم بهاء بالرد ، فقاطعته العمة بنبرة حادة: عيب كده منك ليها، أحترموا وقفتي وسطيكم! بهاء بنفاذ صبر: ما انتِ شايفة يا عمتي طولة لسانها..! سجدة : أحترم نفسك يا حشري، وإلا ....... باغتها بهاء باقترابه، وحدق بعمق عينيها بتحدي : وإلا أيه؟؟؟؟ بادلته سجدة نفس نظرة التحدي وهتفت: هعمل كده .. ثم فوجئ بضربة قوية على أصابع قدمه من نعل حذائها ، فدخولها المباغت جعلها تغفل عن خلع حذائها كما تتطلب العادة أحتراما لدخول مسكن أحدهم ..! ألمته ضربتها حقا ، فكظم غيظه وحاول إخفاء ألمه ..و أحمر وجهه غضباً رامقها بحنق : والله ما حاميكي مني غير إنك بنت، وإلا كنت عملتك عجينة ياللي شبه القطة الجربانة انتي! بالطبع لن تعدم سجدة ردًا أكثر فظاظة، ولكن قاطعتها العمة سريعاً : ماتنطقيش كلمة زيادة يا سجدة ، واسمعني أنتِ وهو وبطلو نقار الديوك ده!! جلست وأشارت لهما آمره إياهم بالجلوس.. تأملتهما برهة، وبعقلها تدور فكرة لن تكون هينة عليهما،فهو العنيد الصلب ميت القلب زاهد الحياة!! وهي الشرسة العنيفة، كارهة جنسه وزاهدة بهم أيضاً..! تنفست بعمق لشحن همتها لإلقاء مالديها، مستعدة بكل قوة وعزم محاربة رفضهما وعنادهما معًا، حتى ولو أضطرت لاستخدام مكرها وخداعها لتحصل على ما تريد .. أجلت صوتها قائلة: أظن أنا بكلم ناس كبار عاقلين وهيفهموني، أحنا دلوقت في مشكلة حقيقية، خالك يا سجدة لو أخدك من هنا بعد ساعات معدودة هتكوني متجوزة غصب ،وحياتك هتكون جحيم يا بنتي، وأنا مايرضنيش ده يحصلك بعد ما جيتي عتبة بيتي تستنجدي بالضعيفة الفقيرة لله ثم صوبت بصرها لأبن أخيها : وأنت يا بهاء ، أكيد مش هترضي الهلاك لبنت ضعيفة أستنجدت بينا ، والشهامة والنخوة بيقولوا أنك لازم تمد أيد المساعدة والعون ليها رمق بهاء سجدة بامتعاض : آل بنت ضعيفة ٱل ! بادلته الأخيرة نظرة كارهة ممتعضة أيضاً ، فقال هو : عموما ياعمتي لو في أيدي حاجة أعملها، مش هتأخر عشان خاطرك أنتِ بس..! عقدت سجدة ذراعيها، قائلة بتهكم : لا والله فيك الخير يا أصيل يامحترم..! هز رأسه يأسا من غرورها..!! الحمقاء بكارثة حقيقية، وتكابر بغباء شديد! العمة بهيبة لا تليق سوى بسيدة بعمرها : أنا هقول كلمتي والحل اللي عندي، وهشوف هتكبروني وتطيعوني ، ولا هتصغروني وتعصوا كلامي .. دارت عيناها بصفحة وجهيهما المترقب لقولها ورمت بثبات شديد فتيل قنبلة موقوتة! الحل الوحيد لإنقاذك يا سجدة .. إنك تتجوزي بهاء!! _____________ ( البنات في الصين حلوين أوي ) جالسة بجوار والدتها وشقيقتها ، يشاهدون فيلما للسهرة .. فإذا برنين رسالة قادمة من تطبيق "الواتس آب" أمسكت هاتفها، وما أن قرأت الرسالة التي لم يكن مرسلها سوى بلال، حتى تجهم وجهها ضيقاً! حاولت التركيز بما تشاهد، فاستحوذت جملته على عقلها، وبعد برهة قصيرة، أتت رسالة أخرى، فتجاهلتها، فتبعها بثانية، أهملتها گ سابقتها.. تشعر بالغضب منه، هل يقصد استفزازها! أنزعجت والدتها من رنين هاتفها المتلاحق : في أيه يا بنتي، ماتردي على اصحابك بدال الصداع ده، خلينا نركز في الفيلم ! أروى بغيظ : خليهم يرنوا يا ماما، مش هرد على حد! مضت نصف الساعة، وانتهي فيلم سهرتهم، فغادراها للنوم، أما أروى فذهبت غرفتها هي الأخرى، ومازالت تتجاهل الهاتف! فوجئت باتصاله المتقطع، ورنات قصيرة! أخذت هاتفها لإيقاف صوته المزعج ، فوجدت رسائله المتلاحقة ثم رنة أخرى مصاحبة لظهور رقمه .. تعجبت من جرأته، هل يظن أنها ستحادثه هاتفياً؟!!! ألا يكفي لوم ذاتها، لإحتفاظها برقمه تحت مسمى الحرفين المنقوشين بسلساله! تعاتب نفسها، وبذات الوقت تساورها رغبة خفيه بوصاله، ويغلفها شعور الأمان تجاهه ..يقترب بلال رويداً رويدا من حصون قلبها رغم بعد المسافات .. أعدلت عن قرارها الغاضب بالتجاهل، وراحت بأناملها تفتح رسائله التي أهملتها، فتدفقت رسائله المتتابعة سريعا برنين يكاد يخبرها عن حزنه لتجاهلها القاسي : ( أنا أسف بهزر معاكي .. أنتي زعلتي من هزاري؟ .. طب أقرأي رسايلي عشان اعرف أنك مش زعلانة مني! ..كده يا أروى مش عايزة تشوفي رسايلي! طب حقك عليا وأسف.. طب هنام أزاي كده وانتِ زعلانه مني؟! أرجوكي اقبلي اعتذاري ) كانت تلتهم السطور بعيناها، متنقلة بين جملة وأخرى، بشوق وشغف ولهفة وفرحة، ألهذا الحد تعني هي له ؟!!! أدمعت فرحا، فهناك من يهتم لأمرها ويخاف حزنها! قاطعها برسالة مازحة، بعد أن اطمئن لمشاهدتها رسائله : ( أيوة كده اخيرًا طلت عيونك على حروفي واطمنت إنك شوفتي اعتذاري) ثم بعث برسالة مازحة: ( وحياتك يا أروى البنات هنا كلهم شكل واحد!. .. اللي يخرج بمراته مشوار، ممكن يتلخبط ويرجع البيت بواحدة تانيه تشبهها، والراجل ولا واخد باله إن البضاعة اتبدلت ) لم تتمالك نفسها فضحكت رغما عنها من دعابته .. وكممت فمها سريعا لأنفلات صوتها الضاحك لمزحته! فعاجلها برسالة أخيرة : ( مادام الجميل ضحك ، يبقى هنام مطمن إنك ضحكتي وشوفتي أعتذاري، وعارف إن قلبك أبيض وقبلتيه.. تصبحي على كل سعادة الدنيا يا أروى ).. عجبا..! كيف يستشعر حالتها بهذا اليقين وكأنه يراها..!! علم بغضبها ثم درى بضحكتها..!! هو دائما ما يبعث رسائله ، فتقرأها بصمت، لم تبادله حرفا، ولم يطالبها مرة واحدة بمشاركته المحادثة، يكتفي فقط بحديثه هو ، قص لها مواقف طريفة حدثت معه عند وصوله، كما أخبرها عن إبرامه لإتفاق مثمر مع العملاء بالصين، بجلب بضاعة بسعر جيد، وكيف هي سعادته بهذا الإنجاز، وبحلمه أن يتوسع مشروعه الصغير مع صديقه معتصم ، وأن مشروعه هو خطوته الهامة ليصل إليها ويكون جديرا بها حين يلقاها ! وضعت هاتفها جانباً ، ثم تنهدت وهي تستلقي على ظهرها ، ملتحفه بغطائها الثقيل.. تحيا شعور غريب عليها.. يحتل تفكيرها بقوة، متنقلاً بين جدران عقلها وحنايا قلبها ، يعزف بكلماته نغمات عشقه، يجذبها لمداره حتى أصبحت تدور بفلك فضاءه الشاسع دون إرادة ،ودائما ما يخبرها من بين الحروف أنها نجمته الاولى، والأخيرة !..وكم يروقها هذا الشعور ..! ****************** - مستحيل اوافق! - و أنا مش موافقة!! هذا ما نطقا به كلاً من بهاء وسجدة تباعا، فور سماع اقتراح العمة، لخروج الأخيرة من أزمتها! ولم تكن العجوز تتوقع أقل من رد فعلهما الرافض ، إقناعهما، ليس بالأمر الهين ، لابد من حيلة ما وطلب مساعدة! ولأن نيتها صافية ، جاء عون الله لها ردا على رجائها الخفي ، وآتت المساعدة أسرع من توقعها! "أعتبروها صفقة يا ولاد، وهتطلعو منها كسبانين! " استدار ثلاثتهم ( بهاء، سجدة، العمة ) لصاحب الصوت، الذي لم يكن سوى العم راضي! فأضاء وجه العمة فرحا بقدوم زوجها الحكيم والذي يمتلك الكثير في قلب بهاء ويُكن له كل الأحترام ..أما الصغيرة سجدة، ستتكفل هي بها .. فمن يسعى بالخير، لن يخذله الخالق.. ................................... _أرجوك ياعمي ما تحاولش تقنعني بحاجة مستحيلة! العم راضي بهدوء : وترضى يابني أذية بنت يتيمة مالهاش حد، غير جدة ضعيفة الحيلة، وخال مايهموش غير انه يرمي حملها على غيره ويستفيد من ورى المسكينة بقرشين..! بهاء بثبات : أساعدها بأي شيء غير الجواز! ولو خالها كل همه فلوس، مستعد أدفعله أكتر من مهرها اللي هياخده من أي حد ، ويسيبها تعيش مع جدتها..! العم بنظرة ثاقبة: وأيه يخليك تضحي بمالك بدون مقابل؟؟؟ بهاء بارتباك طفيف أخفاه سريعا : مجرد مساعدة لله، وبدون أي مقابل أو سبب .. العم، ومازال يحوطة بتلك النظرة الثاقبة : طب وافرض خالها رفض عرضك؟ ده بردو يعتبر عرض مهين لأي راجل، حتى لو كان مادي، مش لدرجة ياخد فلوس بدون أي مسمى مقبول من شخص غريب! بهاء : هو ده اللي عندي يا عمي ، وغير كده مافيش في أيدي حل! ........................... . يعني اهرب من مصيبة، أوقع نفسي في كارثة أكبر! العمة بعتاب : كتر خيرك يابنتي .. سجدة بندم : سامحيني يا عمتي مش قصدي والله، أنتِ عارفة أني مدب في الكلام، ومساعدتك على دماغي من فوق، بس مش هقدر.. مش عايزة اعيش تحت رحمة حد يتحكم فيا، أنا حرة وهفضل حرة! العمة : طب وخالك اللي مابين لحظة والتانية هيلاقيكي، هتعملي معاه أيه يا سجدة؟ سجدة بعين دامعة: مش عارفة يا عمتي، صعبان عليا نفسي أوي، ياريتني ماكنت جيت للدنيا من أصله.. العمة متأذية : أستغفري ربك يا بنتي، ربك رحيم مش هيرميكي للهلاك ثم أكملت : أعتبريها تجربة ، يمكن يكون من ورها الخير ليكم ..ولو ما ارتاحتيش، وعد مني هخرجك من الجوازة دي وقت ما تطلبي .. اهو يكون خالك بعد عنك وسابك لحالك! صمتت سجدة غير راضية، عاجزة عن إيجاد مخرج.. محصورة ما بين زواج الغصب، ومابين زواج هذا البهاء الذي لا تتصور أن تصبح له زوجة .. ماذا هي فاعلة بأمرها حقا لا تدري! فجأة لمع بعقلها فكرة ، ربما تكون أمانها للإقدام على تلك الخطوة! قالت بحماس مفاجيء، تعجبت منه العمة : عندي شرطين عشان أقبل اتجوز أبن أخوكي ياعمتي العمة بعتاب واضح : بتتشرطي عليا ياسجدة؟ سجدة برجاء : أرجوكي يا عمتي أفهميني ، انا عارفة كويس إن وضعي مايسمحش إني اتشرط، وإن ده سوء أدب مني ، بس مش سهل عليا أحط حياتي بين أيد غيري تاني، لازم أحس بالأمان، حتى لو الوضع مؤقت .. وعشان ده يتحقق ، عايزاكي تساعديني العمة بتفهم : أيه يطمنك يا بنتي، وأنا في كل الأحوال واقفة جمبك ومش هسيبك .. سجدة بامتنان: بجد عمري ما هنسي أبدا وقفتك معايا ، واعتبريه طلب مش شرط يا عمتي، عشان بس أرتاح! ملست على رأسها بود، وانتظرت قول سجدة ، التي تنحنحت قائلة : قولي لبهاء أني اطلقت عشان مش بخلف! أضيقت حدقتاها تعجبًا : ليه كده يا بنتي بتفولي على نفسك؟ انتي بالعلاج تقدري ت.................. قاطعتها سجدة : أنا مش هسيب نفسي للصدف، ولا هعرض نفسي لإحساس الرفض والإهانة من حد تاني؟... لا ياعمتي رغم اني أصلا لو هتجوز بهاء هيكون شرطي التاني إنه يكون زواج صوري ومش حقيقي، لأني معرفوش ولا هاخده برضايا ولا حتى هو هياخدني برضاه، أنا بالنسباله تدبيسة أو موقف شهم .. أي مسمى غير إنه يكون زواج بجد!! واهي ظروف وحكمت..!! هعمل أيه غير إني اقبل بس على الأقل ألاقي شط أمان أرسى عليه من غدر الزمن حققي طلبي يا عمتي خليني احس أني مرتاحة!! ولو هو عنده أستعداد يساعدني على الوضع ده ، يبقى كتر خيره وهيكون معروف منه مش هنساه أبدا ..وهكون مطمنة للشخص اللي هرتبط بيه ولو مؤقتًا..! تعجبت العمة داخلها من تدابير رب العالمين! ألا تدري تلك الصغيرة أن بشروطها الآمنة تلك ستُحقق له نفس الأمان الذي ينشده هو الآخر؟! نعم.. فمن غيرها يعلم مخاوفه واسرار نفسه وهاجس لعنته الأبدية..!!!! هو لا يريد أطفالًا .. وهي لا تريد منه سوى الأمان!! فلم تخطيء أذا عندما قالت أن لكلٍ منهما دواء لعلة صاحبه!!!! تنفست بعمق وراحة.. فقد هُدم أمامها أول حائطٍ لصده وعزوفه عن زيجتها، وسيكون إقناعه بالامر اليسير عليها، فإن كانت كل مخاوفه تنحصر بزواجه و إنجابه .. فهاهي أزاحت دون إدراكها أكبر عقبةٍ كانت ستُعيق تقدمه إليها..! وتبسم ثغرها بمكر ولسان حالها يقول : فليظنا سويا أنه زواج صوري.. لكنها تعلم أن للقلوب أمرٍ نافذ!! لا جدال فيه ولن يستطيعا الصمود!!!! *********************************** لا ينكر بهاء، أن بمعرفته ظروفها، أشفق كثيرا عليها .. صغيرة هي لتحيا تجربة بتلك القسوة! وتلقى مصير النبذ من أحدهم!! يتيمة الأم، وأبٍ مغترب لا يكترث لوجودها، مكتفي باطفالٍ لديه من أخرى!! وخال قاسي، وتجربة زواج مبكر لم يدم طويلا لسبب لا يعيبها ، بل هو قضاء الله وأمره! رغم شراسة طبعاها وجفائها، لكنها حقا تستحق المساعدة..سيرضخ لرغبة عمته لإنقاذها، وكفيل هو فيما بعد ببناء حدوده الخاصه معها .. لا بأس يا بهاء، كن ذاك الشهم الذي لم تكن إياه من قبل، قف برجولة أمام بطش الخال، وفيما بعد ، لكل حديثٍ مقال..! **************************** ( الحمد لله شقتي جاهزة ، وأي حاجة تطلبها بيسان أنا تحت أمرها ) هزت الحاجة عائشة رأسها برضا، وهي تستمع لقاسم ، خاطب أبنتها ، وداخلها تكاد تطير فرحا، أخيرا ستطمئن على بيسان وتنعم بحياة مستقرة هادئة، رغم علمها أن قلبها مازال معلقا بأحبال معاذ وعشقه، ولكن لا يعرف أحدا أين يكمن الخير، ربما بعد زواجها الثاني، وإنجابها أطفالا ، تكون فرحتها الكبري، وسعادتها الحقيقية .. لكن ما أن تذكرت والدة قاسم التي تجاوره، وبصفحة وجهها، ارتسم رفضها لزيجة ولدها بمطلقة، حتى نهشها القلق ، هي تبدو مرغمة على القبول برغبته!! لا تعرف ، هل هي خطوة صائبة لأبنتها؟ حقا لا تعلم! ولكن ها هي الأمور تمشي بسلاسة غريبة ، الطبيب بحال ميسور، ويريد زواج قريب، وابنتها مستسلمة بشكل يفطر قلبها، ولكن لا حيلة لها، هي أم ولن يهدأ لها بال إلا بزواج بيسان ، العمر لا ينتظر ، وآن الآوان لاستقرارها تحت كنف رجلا يرعاها .. حتى إذا جاء أمر الله واخذ أمانته، تكون مرتاحة النفس .. .............................. بيسان فرحها بعد شهر ؟!! أجابت أروى صديقتها رغد باقتضاب : أيوة . رغد : أيه يا بنتي مالك زعلانة كده ليه ؟! أروى : كان نفسي بيسان ترجع لآبيه معاذ.. هما لسة بيحبو بعص . رغد : لو في نصيب يا أروى كان ربك هيأ الظروف لرجوعهم، ومحدش بيعرف الخير فين، مش يمكن تكون سعادة اختك مع قاسم.. ومعاذ مع غيرها ! هزت أروى رأسها بضيق : لأ .. أنا عارفاهم كويس، هي بتتعذب وبتخبي، وهو لما عرف مني، حاول يداري حزنه، بس أنا عارفة إزاي اتوجع من الخبر ده ! رغد : لو لسة عايزها ليه بعد يا أروى ؟! انا أصلا معرفش أطلقوا ليه ! اروى : ولا أنا عارفة، محدش فيهم قالي، وانا مقدرش أسأل حد فيهم، بيعاملوني إني صغيرة تخيلي! رغد : طبيعي لأنك الصغيرة ، انا بقا أهلي بيحسسوني اني أبنهم الكبير... مش بنت أساسا !! أنفجرت أروى ضاحكة، خفة ظل رغد، أنستها ضيقها من زواج بيسان بآخر .. .............................. _عاش من شافك يا سيف! سيف مقبلا كف عمه : غصب عني يا عمي، شغل المزرعة واخد كل وقتي .. _خلي البهايم تنفعك وتاخدك من أهلك يا ابن فاطنة!! جلست زوجة العم التي أقتحمت مجلسهم لتوها، قائلة جملتها ببرود وفظاظة على مسامع سيف، الذي كظم غيظه أحتراما لعمه الذي سعل بدوره من شدة إحراجه من تصرف زوجته وكلامها اللازع ، ثم رمقها بغضب : _ماتحسني ملافظك يا ولية، أبن أخويا محمد ( متأنيا بنطق اسم أخيه ) الله يرحمه، دكتور بيطري قد الدنيا عايزاه يسيب شغله ويجي يتنطط هنا كل شوية! ثم أكمل بتهكم : وبعدين هياخد أيه من البني آدمين ، ع الاقل البهايم بتفهم ومابتقولش كلام زي الدبش يا أم العيال! زوجة العم بغيظ : جرى أيه يا شكري ، أنا قلت أيه لده كله يا اخويا، الحق عليا بعاتبه عشان مابيسألش علينا..! تنحنح سيف بحرج من تلك الحدة بحديثهما: _خلاص ياجماعة في أيه محصلش حاجة، أنا فاهم قصد مرات عمي ، وأديني جيت أول ما عرفت بخطوبة بنت عمي رقية .. العم شكري : طبعا يا سيف يا ابني، حضورك أساسي دي اختك وانت اخوهم الكبير ، وعقبال ما احضر فرحك يا حبيبي .. أم رقية بفخر : بس ربنا يرزقك بواحدة زي بنتي ، جمال وعلام وتربية مافيش بعد كدة .. سيف : وهو في زي رقية وأدبها يا مرات عمي .. لوت شفتيها امتعاضا قائلة بصوت غير مسموع : ولما هي مؤدبة ، سبتها تعدي من تحت أيدك ليه يا نضري! سيف : أمال فين العروسة؟ والتؤام العفاريت أية وحازم .. العم : رقية مع رغد بنت جارتنا بيستلموا فستان الفرح، والتؤام بيلعبوا مع ولاد الجيران شوية .. ثم واصل متسائلا: هي الحاجة فاطمة جت معاك من الشرقية؟ أجابه: أيوة، هي عند أخويا بدر بتطمن عليه هو وولاده، وبأذن كلنا هنكون عندك من الصبح.. وقف سيف استعدادا للمغادرة : ودلوقتي هستأذنك ياعمي ، وبالليل هاجيلك تاني. أجابه : مش قبل ما تتغدا معانا الاول! هم سيف بالإعتراض ، فلم يعطيه العم شكري فرصة ، وصمم على تناوله وجبة الغداء قبل ذهابه .. ........................ _(بقولك أيه إنتي وبنتك .. أنسوني في كسوة الصيف! ..أنا رجلي مش حاسة بيها من كتر المشي!! ) ما أن فتح سيف باب منزل عمه ليرى الطارق، حتى فوجيء بدلوف بفتاة تختفي بكاملها خلف فستان خطوبة مغطى بغلاف بلاستيكي شفاف .. ولأنها لا ترى من فتح لها باب المنزل، فتحدثت بعبارتها ظناً منها أن زوجة العم من أستقبلتها! ثم وجدها تتجه لغرفة جانبية ، فتسأل داخله تعجباً عن تلك المجنونة البدينة المتجولة بحرية بمنزل عمه؟! ثواني قليلة وتبع دخولها ، أبنة عمه رقية حاملة بضعة حقائب بلاستيكية كبيرة وهي تلهث بإرهاق من حملهم ، فدنا منها وأمسك الحقائب قائلا : حمد لله على السلامة يا عروسة.. ما أن طالعته رقية، حتى تهلل وجهها فرحا بمجيء ابن العم ، الذي تعتبره شقيقها الأكبر ، فصفقت بطفولة قائلة بمرح: ياااااااه ياعبصمد !! أخيرا عبرتنا يادكتور سيف ! سيف : أخيرا ياضفضعة انتي جيت، مبروك يا روكا وربنا بتمملك بخير. رقية بسعادة: الله يبارك فيك يادوك، عقبالك.. ثم أكملت بمزاح: أيه أخبار استقبال الوالدة، أكيد أخدت جرعة حب وحنان مافيش منها! سيف بنبرة خافتة: دي أستقبلتني استقبال، ولا القديرة ماري منيب! .. الله يكون في عون خطيبك والله يا روكا! رقية بعتاب مصطنع : لاحظ أنك بتتكلم على ماما يا دوك!.. يعني خف شوية! قاطعت حديثهم أم رقية : جيتي أمتى يا قلب ماما، وفين البت رغد؟ رغد التى ظهرت علي باب غرفة رقية ومازال سيف بعيدًا عن مرمى بصرها محجوبا بإحدى قطع الأثاث! أستندة على إطاره الباب بإرهاق : البت رغد؟؟؟!.. ماشي ما هي دي أخرة المعروف.. سبع ساعات بلف على كعوب رجلي بسبب بنتك ولوازمها ، والكالو انتشر في صوابعي وفي الأخر مافيش تقدير ولا شكر يا أصيلة! ام. رقية : ما تجمدي كدة يا بت، أهو حتى تخسي جام كيلو، ونبقى عملنا فيكي جميلة!! رغد بذهول : ننننعم ! اخس ؟! فوجهت بصرها تجاه رقية بحنق. غير مدركة بعد لوجود سيف المنزوي بعيد عن نظرها : رقية .. سكتي أمك بدال ما أقتلها..! العم شكري متدخلا بمزاح : معلش يا بنتي، هي ام العيال كدة لسانها زي الموس مش عاتق حد ثم اكمل وهي يلاعب حاجبيه بمكر : إيش فهمها هي في الأنوثة الطاغية اللي بخيرها دي! رغد محدثة رقية : أتفضلي يا ستي، أدي ابوكي كمان بيعاكسني و… بترت جملتها فور رؤيتها سيف ،كيف لم تلحظ وجوده قبلا ، متسائلة داخلها باندهاش من أين أتى! فقالت رقية : نسيت أعرفك بأبن عمي، دكتور سيف! شعرت رغد بخجل شديد وضيق لغفلتها عن وجود هذا الغريب، فلو لاحظته ، لغادرتهم على الفور ، دون التحدث أمامه بتلك الحرية والثرثرة! فهتفت وهي تتوجه للمغادرة: فرصة سعيدة يا أخينا! غادرتهم سريعا ..فنظر سيف على أثرها بتعجب : أخينا؟!!!! هو أنا مش باين أني دكتور ولا أيه؟!!!! الفصل التاسع. _________ أنت صحيح هتسافر يا معاذ؟! معاذ محدثا أخيه عبر الهاتف : أيوة يا سليم ، فرصة كويسة جدا ، أني أشتغل في مركز طبي كبير في الخارج ، مع مجموعة أطباء كبار شغلي معاهم هيزيد خبرتي ومهارتي فيما بعد .. سليم : يعني هتلحق تحضر فرحي أنا وصفا ، ولا هتسيب أخوك لوحده؟ معاذ بحب : ازاي يابشمهندس ، أكيد هحضر ، انت محدد بعد أسبوعين ، وهكون موجود باذن الله .. ربنا يسعدك يا سليم .. ماتتصورش ازاي مرتاح بقرارك ده ، صفا بنت حلال ومحدش هيحافظ عليها غيرك، ومتأكد إن ولادها هيكونوا ولادك وأكتر .. ثم أكمل بمشاكسة : بس ماكنتش أعرف إنك حاطط عينك عليها من زمان يا لئيم! سليم وهو يحك مؤخرة رأسه بحرج : واضح إن الحاجة فضحتنا وحكيتلك كل حاجة ياكبير! قهقه معاذ بسعادة ، وكم ابتهج قلبه عندما قصت له والدته عن شعور سليم تجاه صفا أبنة خالتهم ، وحمد الله أنه لم يستجيب لرغبتها السابقة بزواجه منها، كيف كانت ستمشى الأمور إن علم سليم بهذا .. كان سيتسبب بجرح أخيه دون أن يدري! سليم : عموما ربنا يوفقك في تجربة سفرك يا معاذ..وترجع منها وأنت أعلى وافضل بشغلك .. ويفرحنا بيك أنت كمان عشان الحاجة بالها يرتاح .. معاذ : كله بأوانه ، ومحدش عارف الخير فين ، أنا اهم حاجة دلوقتي شغلي وبس .. أتمني أمي تفهم ده عشان ترتاح وتبطل تفكير! ******************* أم معاذ : وأشمعنى هتسافر دلوقت؟! معاذ : يا أمي بلاش الافكار اللي بتدور في دماغك ، مافيش سبب معين ، مجرد فرصة ما ظهرتش قصادي غير دلوقت، وأنا قبلتها، وفي خلال شهر هكون مسافر بأذن الله الأم بحزن : يعني مش كفاية سليم طول الوقت بعيد عني في شغله من موقع للتاني ، بشوفه كام يوم في الشهر عايز تبعد عني أنت كمان يا معاذ !! أحتوى جانبي وجهها بكفيه : يا أمي دي فرصة هخسر كتير لو ضيعتها .. وسليم خلاص هيتجوز ويعيش معاكي هنا ، يعني مش هتكوني لوحدك ، وأنا سنتين أو تلاتة بالكتير وهكون هنا ، بس هبقى أكتسبت خبرة وعلم أكتر في مهنتي اللي بعشقها .. أم معاذ وعيناها تحتوى وجهه بحزن : كان نفسي أطمن عليك واشوفك مرتاح في بيتك مع بنت حلال تصونك يا ابني .. بس مافيش في أيدي غير دعوة من قلبي، إن ربنا يصلح حالك ويريح قلبك ويزيل عنك كل هم وحزن .. ***************** نعم!! أتجوزت يا بهاء وعملت فرح! أمتى وأزاي ؟! طب كنت استنى أجي واحضر فرحك وأكون معاك!! بهاء : يا سيف الله يخليك بلاش عتاب ،كفاية المصيبة اللي اتحطيت فيها.. وبعدين فرح أيه ، ما أنا حكيتلك الموقف كله ، يا ابني انا ادبست في الجوازة دي من غير ما احس ، خصوصا أما هجم خالها المفتري على بيت عمتي ، وعايز ياخد البنت بالعافية فعلا ويجوزها غصب عنها. وأنا معنديش أي سلطة تخليني أمنعه.. فلقيت نفسي بقف قصاده وبحميها، وبطلب أيدها منه وبعرض عليه المهر اللي يكفيه، وطبعا لأنه إنسان جشع ومادي وافق، وبعدها كان لازم نعمل إشهار ، والناس تعرف بجوازنا ، .عشان كدة عم راضي، نظم تجمع محدود جدا لناس معدودة.. عشان الكل يعرف اني اتجوزت سجدة!!! سيف : يعني أنت أتجوزتها إنقاذ للموقف مش أكتر بهاء : بالظبط كدة .. سيف : بس بردو أهو اسمه جواز بشرع ربنا، والبنت دي كدة بقا ليها عليك حقوق يا بهاء .. بهاء بحدة : حقوق أيه ، دي تحمد ربنا أني خلصتها من ورطتها ، ومش مطلوب مني أكتر من كدة .. مجرد وقت وهتروح لحالها، انا معنديش أستعداد أتحمل حد في حياتي يا سيف!! سيف : طب أهدي بس ، ماتبوظش الخير اللي عملته بكلامك .. وسيب مصير جوازكم للأيام ، ربنا أعلم حياتكم هتمشي ازاي.. بس نصيحة لوجه الله ، سجدة بنت مسكينة والدنيا ظلمتها، أنا عارف حكايتها كلها ..وإن كان ربنا سخرك تساعدها، ده مش معناه انك تهين فيها وتجرح كرامتها .. عاشروهن بمعروف.. أو فارقوهن بمعروف يا صاحبي! تتخللت أصابعه خصلات شعره، زافرا بضيق ، متوجسا مما تحمله له الأيام القادمة، فلا قبل له بذنوب أخرى،يكفيه ما يحمله من أوزار داخل نفسه! ………………… _مبروك علينا صفقة الصين يا بطل! بلال بسعادة : الله يبارك فيك يا معتصم الحمد لله سفري جه بنتيجة ممتازة، أختارت بضاعة جديدة وبأسعار معقولة جدا، بأذن الله يكون الإقبال عليها كبير، وربنا يبارك في رزقنا وتكون فاتحة خير .. معتصم : اللهم أمين .. ثم واصل حديثه بحماس : بالمناسبة يا بلال ، أنا أتفقت على المحل اللي حطينا عنينا عليه وهنأجره من أول الشهر ، وقريب هنعلن عنه.. بلال : على خيرة الله ، هسيبك بقا واروح أنام ، أحسن مجهد جدا من السفر .. معتصم : تمام ، هقابلك الصبح تكون ارتاحت ، في رعاية الله *********************** _مالك يا اروى ؟! اتصالك عشان تقابليني بعد محاضرتك قلقني عليكي! أروى وهي تفرك أصابع كفيها بتوتر : ماتقلقش يا آبيه معاذ .. أنا بس……صمتت! فحثها على الحديث: أتكلمي يا حبيبتي ، في مشكلة أو حاجة حصلت معاكي ؟! أروى متجرعة ما بحلقها بخوف : أصل في حاجة مخبياها عليك وعلى بيسان وماما .. وخايفة أكون بعمل حاجة مش كويسة ، فقلت هحكيلك، لكن قلقانة إنك تزعل مني أو تفهمني غلط!! منحها ابتسامة حانيه ومشجعة : بالعكس، معنى أنك تحكيلي عن حاجة شاكة في صحتها، رغم إن كان ممكن تفضلي مخبيه، ده يغفرلك غلطك من قبل حتى ما اعرفه! أتكلمي براحتك ومتخافيش، أكيد هفهمك صح .. أروى بعد أن أطمئن قلبها بكلماته : فاكر الموضوع بتاع الشاب اللي بعتلي دبدوب وسلسلة من فترة ؟ اومأ برأسه علامة لتذكره ما تقصد ، فأكملت : في كدة حاجات حصلت ورى بعض مش فاهمة أزاي! وبدأت تقص عليه كل تفصيلة، بداية من اقتراح رغد للإستعانة بصديقتهم ندى لمعرفة معلومات عن هذا الشاب من خلال رقمه، ثم إرسال نفس الصديقة لمحل عمله ورؤيته رغم اعتراض أروى الظاهري، ولكن داخلها كان الفضول يقتلها لمعرفته وكشفه أمامها! ..ثم قبولها قراءة رسائله على تطبيق الواتس، دون أي محاولة لإثناءه عن تواصله معها، أو محاولته للتقرب! ..ظلت تقص عليه كل شيء ، حتى مجيئه إليها قبل سفره إلى الصين! وطوال سردها حاولت تجنب النظر لعين معاذ من شدة خجلها من نفسها أمامه، تشعر بالخطأ والذنب معاً، ولم تعد تتحمل ثقل هذا الذنب على نفسها فقررت ان تشرك أخيها الأكبر كما تعتبره .. أنهت أروى سردها عن كل ما أخفته، ثم صمتت باحترام تنتظر وتتوقع عتاب شديد منه لها! فقال بهدوء : يعني بلال ده لسة بيكلمك على الواتس؟ هزت رأسها بالإيجاب ومازالت محتفظة بصمتها فعلم أن بلال مازال على تواصله معها ..فحدث ذاته الخفيه ، متعجبا من استعاجل هذا المتيم بنيل ما يريد! يفرض حصاره العاطفي عليها ، ويأبى الإنتظار ، نعم يطمئن لشخصه وأخلاقه ويثق بصدق مشاعره ، ولكن يخاف تسرعه .. كما ازدادت سعادته وإعجابه بتصرف أروى ورضاه عن شجاعتها وصراحتها، فكان يمكن أن تخفي الأمر ولن يعلم أحد.. ولكن لنقائها لم تحتمل الأستمرار بسلوك خاطيء.. نظر لها فوجدها تصوب عيناها ارضًا ولا تطالعه.. فأشفق عليها من هذا الذنب الذي يؤرقها! ومع هذا يجب أن يُعلمها بخطئها حتي لا يضللها فهتف متسائلا بعد برهة من الصمت : وانتي شايفة أما تسمحي لحد غريب يكلمك حتى لو مش بتردي، ده صح ولا غلط يا أروى ؟ أحنت رأسها أكثر ، وبدت الدموع تتجمع بمقلتيها.. وصله جوابها ، واستاء من تجنبها النظر له فقال : أروى بصي في عيني!! هزت رأسها بالرفض دون حديث، فأصر عليها : بقولك بصيلي يا أروى وخليكي شجاعة..!! فرفعت وجهها وتظرت له بعين مترقرقة وهتفت: طبعا دلوقتي بتقول ، أروى بنت مش كويسة صح ؟ ابتسم معاذ : لا طبعا ، أروى دي ست البنات تملكتها الدهشة!! أمعقول قوله بعد ما سمع منها ما يخزيها حقًا ولن تنكرها!! هي بكل المقاييس مخطئة!! معاذ بهدوء أكثر : شوفي يا أروى، طبعا غلط تسمحي لحد يتواصل معاكي حتى لو مش بتردي، لأنك كدة شجعتيه يكلمك، واقتراح صديقتك أنها تسأل عنه وتفتش وراه مش تصرف صح! وانا عارف ، انتي وصحبتك مش قصدكم تغلطوا ، طبيعي تصرف بلال يثير فضولكم، بس أنتي كلمتيني، وأنا وقتها طمنتك إن الموضوع عندي ، بس أظاهر إن وعدي ما كانش كفاية بالنسبالك، وغلطت لما عاملتك على إنك لسة صغيرة، واتصرفت بأمرك بحرية ، وكان الصح أوضحلك عملت أيه .. يعني أنا كمان غلطان! هتفت بدفاع حقيقي، مستنكرة أن يعترف بخطئه أمامها، فهو مثلها الأعلى، دائما الأصدق والأعقل بنظرها، هي من أخطأت، فسماحها لشاب لا تعرفه أن يحادثها هو ذنب لا يغتفر!! فقالت: حضرتك مش غلطان ابدا، واتصرفت صح، أنا اللي كان لازم اسمع كلامك.. سامحني يا آبيه معاذ! معاذ مبتسما : مافيش حد معصوم من الخطأ يا أروي، وأنا بشر، بس اللي عايزك تستوعبيه، إن كان ممكن بلال يكون شخص مش كويس وخطر عليكي، الدنيا مافيهاش ملايكة يا أروى ، لازم تتعلمي تبقي حريصة على نفسك أكتر من كده! عموما ولحسن حظك وعشان براءة قلبك وطيبتك ، ربنا حط في طريقك شخص فعلا كويس ، لأني عارفه من قبل ما يتواصل معاكي يوم عيد ميلادك!!! أتسعت عيناها بذهول!!! هل هناك معرفة مسبقه بأمر بلال، وعندما أخبرته عنه لم تكن مفاجئة له؟! معاذ موضحا وعلي ثغره ابتسامة : أظاهر المتيم العنيد معجبوش اتفاقنا، وحب يوصلك بطريقته! أروى وهي تتذوق حروف كلمته بين شفتيها : متيم! أجاب وهو يريح ظهره على حافة مقعده : باختصار ، وبدون تفاصيل مش المفروض أنك تسمعيها مني أنا ، بلال صارحني قبل كدة عن مشاعره ناحيتك من فترة ،وأنا للأمانة أعجبت بيه جدا لما حكى عن نفسه وظروفه ..وبعد حديث طويل بنا ،طلبت منه يبعد عنك لحد ما تكبري شوية ، ويكون هو أتحسن ماديا بمشروعه ، وتكوني أنتي خلصتي دراستك .. بس زي ما قلت ، العاشق الولهان كان له قرار تاني!! احمرت وجنتاها بشدة ، وألهبها الخجل مما يسرده معاذ على مسامعها، إذا هو عاشق لها منذ زمن ولا تعلم .. شعور لذيذ سيطر عليها بمعرفة تلك الحقيقة! معاذ وهو يحاول تجاهل خجلها : طب خلينا نتكلم بصراحة، أنتي ليه حسيتي أنك عايزة تعرفيه، وتشوفي كلامه ، أيه إحساسك بيه ؟! وكلميني بكل صدق يا أروى ، لأن اللي هتقوليه هيفرق معايا في تصرفي بعد كدة .. صمتت لا تعرف ماذا تقول ، ترتاح نفسها له بشكل غريب، مطمئنة روحها تجاهه، لا تهابه أو تخافه ، تريد اقترابه ومعرفته بنهم تعجز عن تفسيره!! يقرأ تعبيرات وجهها بصمت متفحص ، ويكاد يجزم معاذ أن سلطان القلوب ، قد أطلق سهم عشق بلال بقلبها ..فلا يغفل مثله قراءة نظرة عاشقة!! هتف مقاطعا لشرودها : عموما يا أروى أناا هطلب منك طلب .. ماتحاوليش تتواصلي مع بلال أبدا وتفتحي رسايله ، لأن المبدأ اصلا غلط .. أتجنبي أي طريقة يحاول يتواصل بيها معاكي وانا هتكلم معاه، واحط النقط على الحروف .. منحته نظرة قلقة ، فطمئنها قائلا : ما تقلقيش، أنا هعمل الصح واللي في مصلحتك. وربنا يقدم الخير ليكم!! ……………………………… . يتقلب بفراشه يمين يسار، يجافيه النوم رغم ارهاقه الشديد.. فكان يظن أن بمجرد رؤيته لفراشه سيرتمي فوقه ويغوص بنوم عميق.. ولكن طار نومه وعقله بعد أن بعث لها عدة رسائل على تطبيق "الواتس آب" كعادته مؤخرا معها، كانت تقرأ كل ما يرسله.. ماذا حدث لتتجاهله أروى! لقد بعث لها رسائل كثيرة قبل رحلته ولم تشاهدها، فظن أنها ربما تنشغل بأمرٍ ما.. وبعد عودته لمسكنه أيضًا لم يريد النوم قبل مراسلتها ليخبرها بعودته.. ولكنها مازالت تتجاهل، وينبئه قلبه أن هناك شيء حدث ولا يعلمه! هل أخطأ بشيء دون أن يدري.. هل ازعجها بكلمة؟!! ظل يراجع جميع رسائله عله يجد سببًا ضايقها، فلم يجد!! أمعقول أن يفقد اهتمامها بعد أن ذاق حلاوة وصالها حتي ولو كانت الطرف الصامت!! كان يرضيه ويسعده أنها تشاركه بصمت.. ولن يبالغ إن قال أن بصمتها قد صبغت على أيامه نكهة جديدة ابلغ من أن يوصفها بكلمات.. هي تسمع ثرثرته وتتقبلها..!! ويقسم أن قارب مشاعره وجد بقلبها مرساه وشاطئه!.. فأين شردت عنه ولماذا؟!!!!! تساوره الآن رغبة مجنونة بالذهاب إليها ورؤية طيفها كي يطمئن عليها! نعم سيفعل، ولن يثنيه إرهاقه.. فكيف سينعم بالراحه إلا برؤيتها..!!! ……………………………… .. لا يكف هاتفها عن رنين بلال المتواصل!!! وسيل من رسائله لم ينقطع منذ ساعتين أو أكثر!! تنهدت بضيق وحزن، مكبلة هي بوعد قطعته على نفسها، أمام معاذ .. بألا تتواصل معه بأي طريقة اشتعل هاتفها برنين رقمه المضئء ! لم تكن تعرف أن امتناعها عن مطالعة رسائله ستمثل لها هذا الفراغ.. وكأنها أدمنتها، واشتاقت ثرثرته التي لا تشاركه إياها بحرف!! كيف يمتلك قلبها شخص لا تعرفه معرفة واضحة وحقيقية.. لا تدري عنه سوى ما يخبرها هو به .. لا تدري شكله كيف يكون فإن صادفها بطريق لن تتعرف عليه!! اقتربت بحذر من النافذة، محتمية بحجاب ستارتها الشفاف لتشاهده، يقف يطالع النافذة، ثم يعبث بهاتفه، ويخط رسائله التي يصلها رنينها بشكل متتابع ابتعدت ثانيًا .. فلن تضعف.. ولن يرى منها حتى طيف بعيد، ستصون عهدها بأخيها ولن تتواصل معه! أختبأت بفراشها واغلقت هاتفها حتي يصمت صوته! ولكن من يُخرس صخب دقات قلبها الذي تعلق بشخص لا تعرف كيف سترسوا الأمور معه!!! ……………………… صداع شديد يطرق رأسه بلا رحمة ، كل محاولته للنوم بليلته السابقة أنتهت بالفشل ، عدم تواصله مع أروى أرهق عقله تفكيرا عن سبب هذا العزوف!! يحمد الله انه لم يذهب لعمله ، معتمدا على صديقه معتصم بسد فراغه بين الزبائن!! ترى على ماذا ستنتهي سحابة الفراق التي لاحت بينهما.. هل ستخلف أروى وعدها لمعاذ؟؟؟ وما هي خطوة بلال التالية؟؟؟؟ فلننتظر ونترقب.. فليس الأمر ببعيد! ************************* "سامحيني يا جدتي، والله هربت غصب عني! " الجدة فجر بحنان : هو مين يسامح مين يا نور عيني أنتي اللي سامحي جدتك العجوزة اللي عجزت عن حمايتگ يا ضنايا! سجدة وهي تقبل كف جدتها الحبيبة : ماتقوليش كده يا جدتي، أنا طول عمري عايشة تحت جناحك وبرعايتك، ولا لحقت ادوق حنان أمي ، ولا اتهنيت بحنان أبويا رغم أنه لسة عايش.. حتى بعد طلاقي، محدش وقف جمبي غيرك، أنتي كل حاجة ليا في الدنيا، وسندي بعد ربنا.. الجدة وأصابعها المرتجفة تتخلل خصلات شعر حفيدتها بحب: خلاص يا سجدة ، مبقاش في عازة لجدتك الضعيفة بقيتي تحت جناح راجل يحميكي ويصونك يا بنتي وخلاص هموت وأنا قلبي مطمن إنك مش هتعيشي في الدنيا بطولك! أحتضنتها سجدةبقوة، وراحت تتمسح بوجهها بصدر جدتها، گ قطة تطلب الأمان من صاحبتها، بعد أن تبلل وجهها بعبرات الخوف من القادم! فلا تدري تلك الحنونة أن زواجها ، مجرد تصرف شهم من هذا الزوج المزعوم، وأنه حل مؤقت للخروج من أزمتها، وليس زواج حقيقي كمان تظن ، ولكن كيف لها أن تخبرها، وتقتل تلك الفرحة والاطمئنان الذي سكن قلبها، وتمحي من ملامحها تلك الراحة! *************************** حمد لله على سلامتگ..أخبار الصين أيه على حسگ؟! ما أن أبصره بلال، حتى أدرگ سبب تجاهل أروى لرسائله باليومين السابقين... "معاذ! " ومن غيره تنفُذ كلمتهُ عليها گ أمرٍ غير قابل للجدال! تتآكله الغيرة من تقاربها منه بهذا الشكل، وطاعتها العمياء له، هو ليس لها أخٍ أو أب حتى تمنحه تلك السلطة النافذة! صبرًا يا أروى..! يومًا ما ستكون كلمتي عليكي، هي العُليا..! معاذ مقاطعًا شروده ببرود مستفز: _ما قولتليش ،جبتلي معاگ حاجة من الصين؟؟ رمقه بضيق لم يحاول إخفائه قط، متمتما: _أعتقد المكان هنا مش مناسب لكلامنا يادكتور! هز معاذ كتفيه ببرود : تمام، شوف أنت المكان المناسب لكلامنا..! استأذن بلال صديقه معتصم ليتولى أمر العمل مكانه بين الزبائن لحين عودته! ........................ _كان لازم أفهم أنك السبب في بعدها عني فجأة ! تجاهل معاذ عبارة بلال، وهو يتطلع حوله مستندًا مثله على سياج السطح الذي يحيط غرفته من الخارج ..فلم يرفض معاذ اقتراحه بالمجئء لمسكنه ، حتى يتحدثا بحرية أكثر .. تمتم وهو يتأمل للمكان من حوله: _تعرف إن مكان سكنگ مريح جدا للأعصاب ، واضح إنگ مهتم بيه ، والزرع اللي في كل زاوية، زاد من جماله ونقاء هواه! غاب بلال بضعة ثواني، عائدًا بصينية كبيرة ، يعلوها مكونات بسيطة لصنع قدحين من الشاي الساخن .. وتمتم وهو يصب أول قدح من الشاي لضيفه : دي مملكتي المتواضعة يا دكتور، والحمد لله مبسوط فيها وراضي .. معاذ بعد التقاط قدحه الساخن : سر سعادة الإنسان، وراحة باله... هو الرضا! أرتشف القليل من قدحع بتروي ثم قال: دلوقتي بقى نركز في موضوعنا، وأجاوب سؤالك! منحه نظرة متفحصة لعمق عيناه ، وتمتم : _دايما الصح مافيش عليه خلاف يا بلال .. أنك تتواصل مع أروى عن طريق الواتس، حتى لو مش بتبادلك كتابة الرسايل، كان غلط، لأن كان ممكن يكون مكانك حد تاني غير أمين عليها! ومادام المبدأ غلط ، يبقي الأستمرار فيه خلل كبير!! رغم قناعته التامة بصحة قوله ، جعلته الغيرة يصر على مجادلته بعناد : _فين الغلط وأنت عارف نيتي أيه يا دكتور ، وكل حاجة جوايا وضحتهالك بكل صراحة و بدون كدب .. غلطت إني كنت بحاول أقربها ليا وأحسسها بحبي ليها ؟! ربنا عالم ماقولتش كلمة ممكن تأذي مشاعرها ولا اتعديت حدودي بحرف واحد .. أنا لو أذنبت في حقها ربنا هيبعدها عني ..ومش هفوز بيها! معاذ : مش يمكن تكون أذنبت من غير ما تحس، عشان كدة فعلا بعدت عنك؟! أنت أيه شكل علاقتگ بيها عشان تكلمها؟! تفتكر لو والدتها دخلت عليها وهي بتكلمگ، وسألتها بتكلمي مين هتقدر ترد؟! ولا هتكدب؟ لو بتحبها وبتحترمها .. ماكنتش هتحطها في الموقف ده اصلا يا بلال! لم يجد بلال ما يدافع به عن سلامة نواياه ، أمام منطق معاذ الذي ألجمه ، فصمت!.. وتمتم الأخير : بلال أنا واثق فيك وعارف أصالة معدنك وأخلاقك، و إنك أمين عليها ، بس في ثوابت لازم نتعلمها ونمشي عليها بدون ما نتخطاها.. والغلط لازم يتقال عليه غلط، ولازم نرجع عنه! ثم استطرد حديثه : عموما أنا جاي انهاردة عشان سببين _أولا ، أعرفك إني مسافر قريب وهغيب فترة ممكن تزيد على السنتين .. _ وثانيا ، قبل ما اسافر عايز أعرف وصلت في مشروعگ لفين؟ ياترى قدرت تبني أساس لأرض صلبة تكمل عليها حلمگ،وتبدأ حياتگ وأنت مرتاح؟ بلال بثقة : الحمد لله، أنجزت كتير أنا ومعتصم في مشروعنا ، وعملنا سمعة كويسة ، واكتسبنا خبرة مش بسيطة ، وأبتدينا نفكر أزاي نكبر ونتوسع، أحنا طموحنا مالوش حدود، وبأذن الله هنوصل للي بنتمناه معاذ : ربنا يزيدكم وتحققوا خطوات أعلى وأهم بأذن الله .. صدقني أنا فخور بأمثالكم يا بلال!! بس مع كده يا طيب، مش هينفع تتواصل مع أروى تاني بدون أي مسمى اجتماعي لتواصلكم ده، أنسى انه يحصل تاني ، وهي نفسها مش هتسمحلگ تقرب ، لأنها بفطرتها السليمة، حست أنها غلط ، وده كان سبب أنها تحكيلي! أكمل بعد برهة صمت تفحص بها وجهه : _ودلوقتي الكورة في ملعبك يا بلال! لم يصعب على بلال فهم مقصده، فإن كان معاذ يدفعه ليأخذ تجاهها خطوة.. فهو يريد أن يطير إليها حتى وإن كان غير مستعد ماديًا بوضعه الحالي.. ولكن لعله خير، هي مقادير الله ولن تحمل له سوى كل جميل!! تمتم بلال بثقة وثبات وعزم : يوم الخميس الجاي الساعة 8 بالدقيقة هكون واقف قصاد باب أروى... ياريت دكتور توصل طلب زيارتي بطريقتك عشان يستعدوا..! ************************ بهاء : أظن أنا مش محتاج أفهمك شكل حياتنا هيكون ازاي يا سجدة!! أومأت برأسها دون التفوه بشيء ، وعيناها شاردة بما يقصده، هي لا تتوقع معه حياة زوجية سعيدة، هو تزوجها شفقة لإنقاذها، وهي تقدر له صنيعه الطيب، ولن تنكر عليه استحقاقه كل الثناء والشكر .. تنحنحت بعد صمتها القصير : ماتقلقش، أنا فاهمة قصدك، وعارفة إن جوازنا هيكون مؤقت .. بهاء مقتربا من مجلسها فوق الفراش الوحيد بالغرفة : بردو أفضل التوضيح أكتر .. شوفي يا بنت الناس، أنتي مالكيش عندي أي حقوق أكتر من إني اتقي الله فيكي وبمعاملتي ليكي ، لكن حقوق والتزامات وواجبات بنا گ زوجين .. مافيش!! مش عايز احس بالذنب ناحيتك أو إني ظلمتك معايا، الجواز ده حاجة بعيدة عن حياتي، عمري ما هكون زوج لواحدة ، وأنتي أي وقت هتحسي إنك بقيتي قادرة تواصلي حياتك من غير مساعدة ، أطلبي حريتك مني، وهتاخديها كاملة!! كم قاسي هو إحساس الرفض والزهد من أحدهم على نفس الأنثى!! حتى وإن زهدت هي قبله..! فلا ترتوي براعمها إلا بالاهتمام والرغبة فيها گ سمة أي امراءة خُلقت على وجه الأرض.. ولا يقتل روحها، ويجرح كرامتها ، سوى شعور النبذ..! تنهدت، وحاولت ألا تظهر حزنها لكلماته متمتمه : ياريت ماتوضحش أكتر من كده لأني قلتلك فاهمة! ثم رفعت وجهها إليه ،مصوبة لعيناه نظرة قوية : أنت كمان مالكش أي حقوق عليا كزوج، ليك كل الحرية في تصرفاتك، إلا إنك تحاول تهين كرامتي .. طاعتك في أمور محددة، واحترامك، واجب عليا قصاد الناس، وحتى من وراهم ، مادام مافيش تعدي على الحدود اللي بيني وبينك!! صمت قليلا، ثم أكملت : وعشان ده أول حق ليك عندي .. أنا بشكرك على واقفتك قصاد خالي، وسامحني على المهر الكبير اللي دفعته لواحدة اضطريت تتجوزها إنقاذ موقف! وفلوسك اللي خسرتها ، للأسف مش هقدر في يوم ارجعهالك مهما أشتغلت! تبدلت ملامح بهاء، وملئت عيناه نظرة حزينة متذكرًا ماضيه : ياريت كل الخسارة فلوس! في حاجات كتير أهم، بنخسرها، ومابنعرفش نرجعها مهما عملنا..! رمقته سجدة بشفقة .. فملامحه تكاد تصرخ بمأساة تركت بصمتها داخل نفسه! احترمت صمته الذي طال قليلا، واستكانت بجلستها على الفراش تراقبه، وهو يقف متطلعًا عبر نافذة غرفتهما .. وبعد برهة أخرى ، أدار زاوية وجهه إليها، وتسائل بعد أن عاد الهدوء لملامحه : أنتي بتشتغلي أيه يا سجدة؟! أجابت : مشغولات يدوية وتطريز ملابس ، في مشغل قريب من هنا بشتغل فيه بقالي فترة! بهاء : طب الشغل ده متعب ليكي؟ هتفت : مافيش شغل مريح ، لكن أنا بحب التطريز جدا ومهما تعبت ببقى مبسوطة وأنا بتكفل بنفسي وبصرف من عرق جبيني ، من غير ما أمد إيدي لحد! ومضة إعجاب خاطفة، برقت بعينه، أخفاها سريعًا، ولكنها لم تخفى عن عين سجدة، التي تجاهلتها عمدًا..! تمتم قائلا : عموما أنتي طبعا ملزومة مني، وليكي فلوسك الخاصة .. وشغلك أنتي حرة تكملي فيه أو تسيبيه ، مش هجبرگ على حاجة .. سجدة بحزم : شغلي ده أساسي، أنا محدش هيصرف عليا.. ! بهاء : بصي، في ثوابت بنا مش محتاجة تتقال ، إني اتكفل بيكي وأكفيكي ماديا ، دي أقل حقوقك، وهتاخديها، لأني ما اقبلش تكوني على ذمتي وتحتاجي حاجة .. إنما شغلك، مش همنعك عنه ، مادام حابة تكملي .. انهى جملته ، و دارت عيناه بالغرفة : ودلوقتي بقا نيجي للمهم ، غرفتنا سرير واحد ، وطبعا مش هيكفينا.. ! تم التفت لها مازحا : بذمتك مش تحسي أننا في مشهد من رواية ، وجو الجواز الغصب بقا وكده! هزت رأسها مبتسمة : ولسة بقيت المشهد المعروف ، أننا نمثل السعادة والحب قصاد الأغراب!! واكملت بنفس روح المرح : عارف أنت جو لبني عبد العزيز ورشدي أباظة.. ! ضحك بهاء بشدة ، عندما قارن بمخيلته حياتهما كما بالفيلم الشهير ، ثم أكمل مازحا : أوعي تكوني بتعملي نفس النجرسكوا بتاع لبني!! ضحكت سجدة دون أن تشعر، حتى أغمضت عيناها تلقائيًا، ولم تلحظ إفتتان بهاء وتأمله الخاطف بضحكتها التي يراها لأول مرة!! قالت من بين ضحتكها : لا ماتقلقش أنا في الأكل ممكن أدهشك .. ثم أكملت بدعابة : يعني أنا لو كنت عايزة أمشي على منهج ( الطريق لقلب الراجل معدته ) كنت وصلتلك بسهولة وأبهرتك!! فباغتها بسؤاله : وانتي طبعا مش عايزة توصليلي، صح ؟! أجابت بنبرة قاطعة ، بعد أن اختفى من صوتها كل آثر للمزاح : لأ... . مش عايزه! ثم رمقته بنظرة أكثر ثبات : زي ما أنت زاهد...... أنا زاهده!! ****************************** عريس مين ده اللي طلب أروى منك يا معاذ!! القت بيسان جملتها مستفسرة ، بعد أن أخبرها معاذ عن طلب بلال وزيارته لهم ، بنهاية الاسبوع الساري .. معاذ : كلها كام يوم ويجي يقابلكم بنفسه ، وابقي اعرفي كل شيء منه ..لكن اللي اقدر اكدهولك ، إنه شاب ممتاز وهيصون أروى ويخاف عليها بيسان : واضح إنك تعرفه يا دكتور!! معاذ : حاجة زي كده! بيسان : خلاص قولي معلومات عنه مادام عارفه معاذ بهدوء : لا ده شيء يخصه ، وهو اقدر الناس على تعريف نفسه ليكم .. كلها كام يوم تُشبعي فضولك ناحيته! واستأذنها للمغادرة، فأوقفته هاتفة: _أتحدد كتب كتابي بعد شهر..! استنشق كل ما يستطع من الهواء برئتيه ، واستجلب كل هدوءه، وكل براعته بالتمثيل أمامها واستدار قائلا: مبروك يابيسان! فهتفت مترقبة وجهه : هتحضر ؟! ابتسم بمرارة : طب انتي رأيك أيه؟! أجابت وهي تحاول استفزازه : لو الأمر مافيهوش خسارة ليگ.. ومش هيأثر فيگ .. هتحضر! ولأنه عاشق أيقن خسارته منذ زمن أجاب: يبقى مش هحضر! .............................. راقبت ابتعاده بحزن .. وهزت رأسها بيأس! فكلما حاولت إستفزاز العاشق داخله .. كلما صدمها هو بخنوعه! ..فرغما عنها تتمسك بأمل طفيف أن يحاول السعى لنيلها إن أيقن بضياعها منه للأبد .. ولكن دائما هو المستسلم.. وكم تكره أستسلامه!! تذكرت قاسم .. فملأ ذاتها الخجل!! كيف تفكر بتلك الطريقة وهي على مشارف حياة أخرى معه.. هذا الرجل الذي تعترف داخلها بنبل أصله وجمال شخصيته ورقي تفكيره ، فتقبله لها بظروفها كمطلقة، جعلها حقا تعجب به .. ولكن هل يكفي هذا الإعجاب وحده ، لتأسيس حياتهم سويا؟! حقًا لا تعلم! وكم تخاف القادم بتلك الخطوة المتهورة منها..!! تنهدت ولسان حالها يقول : الله يسامحك يا معاذ! دخلتني في دوامة هتغرقني ومافيش حد ينقذني منها غيرك أنت!!! ............... ...... .. بعيدة..! هكذا يشعر قاسم تجاه بيسان خطيبته ، والمفترض انها ستكون زوجته بالقريب العاجل! كلما صارحها بإحساسه بعدم حماسها لارتباطهما، أخبرته انها فقط تحتاج وقت للتأقلم معه .. لا يعلم هل حقا تحتاج وقت أم هي لا ترغبه! يمر بذاكرته مواقف شتى ، حركت مشاعره تجاهها منذ أن رآها كيف تتعامل مع من حولها بحب، ورفقها الشديد بالمرضى،الذي جعلها بنظره مثال نابض لملاك الرحمة! هي المفضلة لديهم والفائزة بكم دعوات كثيرة من أفواههم، سمعها بأذنيه مرات ومرات، الود الكبير بينها وبين زميلاتها، مراعاتها لأي ظرف لإحداهن! تشكلت داخله رغبة قوية للاقتران بشخصية گ بيسان! وأفصح لها عن رغبته فيها، فاستقبلت طلبه بدهشة كبيرة!! نعم هو طبيب لم يسبق له الزواج، أما هي مطلقة! ولكن لم يعنيه ابدا كونها كذلك.. ربما لمح بريق إعجاب منها عندما اوضح لها طريقة تفكيره.. ولكن لم تتخطى ابدا مشاعرها الإعجاب.. وهذا ما يؤرقه! صارحها إن كانت مازالت تأمل برجوعها لطليقها معاذ ، فنفت أن يعودا سويا .. لا يعلم لما افترقا ، وشعر بعدم رغبتها بالحديث عن تلك الفترة ..ولكنه رغما عنه يغار من معاذ! كما يضايقه كثيرا ، أن والدته لم ترضى حتى اللحظة عن زواجه بها ،دائما ما تظهر أعتراضها على بيسان ، وانه يستحق فتاة بكر بكون هو رجلها الأول!! ، كحال كل الامهات .. ولكنه متمسك برغبته ويصر على موقفه، هي بالنهايه حياته، ولا تخص سواه!! ........................ على فكرة يا أنسة ، قطعة الجاتوه الواحدة فيها تقريبا 350 سعر حراري!! التفتت رغد لترى من يحدثها، فلم يكن سوى الطبيب أبن عم رقية، صديقتها العروس! فهتفت بتهكم : وانت مالك يا أخينا، انت هتبصلي في الأكل!! سيف : أنا دكتور بيطري ، مش أخينا وممكن تقولي سيف .. وأقصد انصحك فعلا!! رغد ببرود : متشكرين، خلي نصايحك لنفسك وماتدخلش في شئون غيرك!! سيف بضيق لفظاظتها: الحق عليا بنبهك لسعرات أكلك ، بس شكلك هتطلعي من الفرح وزنك زايد 5 كيلو ع الأقل!! اجابته غضب: ازيد 5 كيلو ولا حتى 10 .. يخصك في أيه وزني؟ انت هتشيلني أخر الفرح؟!!! سيف بسخرية : ليه كنت مستغني عن ضهري! جرحها تلميحه لبدانتها، وسخريته اللاذعة، فتمتمت بملامح حاولت ألا تعكس ضيقها لإهانته: على فكرة أنت معندكش ذوق، ولأخر مرة بقولك خليك في حالك .. وماتدخلش في حاجة ما تخصكش!!! غادرته رغد ، فوقف يلوم نفسه ،كان يظن انه يقدم لها نصيحة، فجرحها دون أن يقصد!!.. لم يكن عليه الحديث هكذا، ولكن رغما عنه استفزه التهامها قطع الجاتوه بهذا النهم!! وكأنها لا تعبأ لزيادة وزنها..! لما لا تخاف على صحتها تلك الحمقاء! لا يعرف لما تخيل هيئتها إن استطاعت خفض وزنها، قطعا ستكون أنثى فاتنة ومختلفة!! تنهد وتمتم داخله حسناً ياسيف، دع الخلق للخالق يارجل، ولا تحتك بتلك البدينة ثانيًا..هو مجرد وقت وينقضي حفل خطبة أبنة العم .. ولن تلقاها بعد الآن!! الفصل العاشر. ********* اليوم سترى من نجح بإطلاق سهام عشقه بقلبها،و اختراق أسوارها بحرافية شديدة... بلال! فبرغم غموضه، حتى ملامحه لديها مجهولة ، ولا يملك عقلها له سوى هيئة مظلمة وبعيدة ..إلا أنه أستطاع جذبها لمداره حتى أصبحت تسبح بفضاء عالمه الخاص، بات قريب منها بشكل صار يدهشها..! تتسائل أروى داخلها كيف سيكون حالها عند رؤيته؟ ربما ترتجف يدها وتعجز عن حمل مشروبًا تقدمه له .. ويغلب عليها الخجل ، فتهرب من لقاءه رغم لهفتها لرؤيته..! تنهدت بضيق محدثة نفسها : كم يحزني أن أخي معاذ لن يحضر تلك المناسبة ويتولى أمري .. بل سيحل محله قاسم خطيب بيسان .. سامحني يا الله ، مازلت لا أتقبل وجوده بيننا ، أو حتى أستوعب أنه سيتزوج شقيقتي، الوضع يؤرقني بشدة، ولكن ما باليد حيلة فمن سينصت لرأيي، وأنا الصغيرة بينهم!! حسنًا يا أروى، إهدئي، اليوم سيأتي بلال ، ويمر الأمر بسلام ، ولن تحدث كارثة، گ تلك التي تتكرر بمثل هذه المواقف!! .********************* لا يصدق بلال أنه بتلك اللحظة جالسا في منزل حبيبته أروى لطلب يدها…! ويجاوره صديقه معتصم ووالدته أيضاً .. لدعمه بهذا الموقف گ أهل له .. وهما حقاً بالنسبة له كل أهله وأحبائه.. ربما هو ليس بتوقيت مناسب كما خطط مسبقًا، كان يتمنى أن يحصل أولا على سكن لائق قبل إقدامه على طلب زواجها ، ويتقدم بخطوات أكثر ثبات وقوة بمشروعه.. لكن لرب الكون تدابير أخرى لا نعلمها حسناً، فلتشاركه أروى وتدعمه بكل خطواته القادمة! .******************** يابنتي، الناس قربت تمشي، أخلصي يا أروى وأطلعي قدمي العصير للعريس وأهله! أروى فاركة أصابع كفيها بتوتر شديد : مكسوفة وخايفة وقلقانه يا بيسو ، وحاسة لو مسكت حاجة في أيدي، هتقع مني!! بيسان بحنان : ياروح قلبي خايفة ليه، كلنا معاكي ، وانا هكون جمبك ، ماهو لازم تخرجي عشان تشوفيه ويشوفك يا حبيبتي ، وبأذن الله مش هيحصل حاجة أروى بتساؤل : طب انتي شوفتيه يا بيسو .. أيه أنطباعك الأول عنه ؟ بيسان برضا: بصراحة يا أروى، شاب يشرح القلب ، محترم ومهذب جدا في كلامه ، لفت نظري ان عيونه مش بتركز وهو بيتكلم غير على قاسم ، واضح انه عارف يعني أيه غض البصر وشاب مؤدب! ثم غمزت بعيناها : بس اكيد اما تخرجي هيركز فيكي انتي يا صغننة ..! أزداد دقات قلب أروى فأسرعت تقول: يبقى مش طالعة يا بيسان!! التقطت بيسان يدها لتجبرها على الخروج خلفها، وهي تطمئنها بكلمات مشجعة، أن الأمر أبسط مما،تتخيله !! .********************* طغى عطرها المكان بأكمله، وكأنه يعلن عن قدوم ملكته المتوجة... أروى!! تمشي صوب الجميع مطرقة رأسها بخجل شديد ، يكاد يلمح أحمرار وجهها الجميل! تهتز يدها بما تحمل من أكواب عصير طازجة ، يود لو يمسك يدها ليحتويها ويسيطر على ارتجافتها ويطمئنها..! لكن صبرا .. لم يحن الوقت بعد ، بلحظة قريبة جدا، سيمتلك هذا الحق ، وينعم بلمس يدها الناعمة بين يديه!! .................. قدمي العصير للضيوف أروى .. أومأت بطاعة لوالدتها ، واتجهت لتمتد يدها بما تحمل للجميع.. فرفعت وجهها تلقائيًا حتى ترى من أمامها، فدارت عيناها سريعًا بين وجوههم .. أولهم يجلس قاسم جوار والدتها، ثم سيدة عجوز، يجاورها شاب يشبهها قليلا، ثم يجلس بقربهما شاب أخر، ما أن رأته حتى اتسعت مقلتيها بذهول وزادت ارتجافة يدها وعلت دقات قلبها وصارت تطرق داخلها بعنف وكأن قلبها سيغادرها.. ولقطات سريعة تتدفق بعقلها وهي تتذكر أين ومتي شاهدته!!! أنه نفس الشاب الضخم الذي رأته وحدثها بغضب يوم حادث تحرش بهاء لها .. وربما هو أيضاً من احتجز بالقسم ثلاث أيام بعدها، ولجأت بشأنه لمعاذ!! شعرت بالمكان يدور حولها، وفقدت الشعور تماما بيديها، فارتخت رغما عنها ، وانسكب ما تحمله على اقرب شخص بمحيطها.. قاسم!! والذي بدوره انتفض بضيق صائحًا بصوت عالي: أيه يا أروى ، مش تاخدي بالك!! _ماتزعقلهاش كده!! هكذا نهره بلال بصوت هادر وغاضب لخطيب شقيقتها هذا القاسم! فهل جُن ليصيح عليها هكذا وفي حضرته؟!! بمجهود جبار أستطاعت أروى تحريك قدميها، فهرولت لغرفتها، مختبئة من الجميع!! .******************** توتر الجو ، بعد التبادل الحاد بين قاسم وبلال ، لولا تدخل معتصم بينهما ، وتهدئة الاجواء مرة أخرى .. وقامت بيسان بتنظيف المكان الذي انسكب فيه العصير ، واعتذرت عن هذا الخطأ الغير مقصود!! ولم تبخل على قاسم بنظرة حادة رمقته بها قبل أن تذهبت لتفقد حال شقيقتها..!!! _ حبيبتي أهدي ماحصلش حاجة لكل ده!! فداكي العصير ، وقاسم مايقصدش يزعقلك ، ده كان رد فعل متسرع، وهو بنفسه جه واعتذرلك عنه ، لأنه فعلا مقصدش إهانتك.. ولولا كده ماكنتش هعدي صراخه عليكي بالساهل.. بس لحق نفسه واعتذر!! لم يكن يشغلها كل ما ذكرت بيسان ، لم تهتم بما انسكب ، او برد فعل قاسم المهين لها..! او حتى اعتذاره وندمه الذي بدا حقيقيًا بعيناه!! ربما فيما بعد ستعيد تشكيل فكرتها عنه بوقت لاحق..!! اما الآن .. فلا يسيطر عليها سوى أن بلال هو نفسه من تمنت لقاءه يوما لتشكره على صنيعه ودفاعه عنها يومًا ما!! .. هل طوال الوقت كان قريب منها إلى هذا الحد ؟! و يراقبها منذ ذلك الحين ، لقد ذكر لها اشياء كثيرة يعرفها عنها..! إذًا كان يتتبع أخبارها ، وهي التى كانت تجهل حتى شكل ملامحه!! تشعر أنها مبعثرة ومشوشة، تريد الاختلاء بنفسها ، لا تود الحديث ، أو الظهور أمامه ثانيا .. فقط تريد الصمت لتستوعب تلك الحقيقة! بيسان : حبيبتي ، هو في حاجة انا معرفهاش ؟! العريس معجبكيش مثلا؟! أنتي اول ما شوفتيه اتوترتي جدا، ده كسوف ولا حاجة تانية ؟ كيف تخبرها عن ما زلزل كيانها ووترها ، وهي التي اخفت عنهما ، موضوع بهاء وتحرشه بها ، وأن الشاب الذي تحدثا عنه يوما حين تعارك مع ابن العمة ، لم بكن سوى بلال ، الجالس بتلك اللحظة بمنزلهم! اروى وهي تتصنع الهدوء : مافيش حاجة يا بيسان ، انا بس اتوترت واتكسفت ، ووقع مني العصير غصب عني .. بيسان وهي تحتضن راسها وتقبلها : ولا يهمك يا قلبي ، دي حاجة وارد تحصل ..تعالي دلوقتي نطلع نقعد معاهم ، عشان............ قاطعتها أروى برجاء : ارجوكي يا بيسان ، أعتذري بالنيابة عني ، مش هقدر اطلع تاني!! ****************** ضيق شديد يخنق صدره.. كان يتمنى أن يراها قبل رحيله ، ويجلس يحدثها ويوضح لها أمور كثيرة، ولكن اعتذار شقيقتها بالنيابة عنها ، بعدم حضورها لوعكة أصابتها ، جعلته لا يصر على رؤيتها.. فهو يعلم حالتها وارتباكها بعد ان تذكرته وعلمت من هو!! ربما حقًا هي تحتاج وقتًا لتنسج الخيوط جميعها بعد معرفته لتضح الصورة كاملة!! حسنًا حبيبتي.. سأنتظرك دون ملل فقد مضى الكثير ولم يعد سوى القليل للأرتواء بقربك!! تذكر حديث والدة "معتصم" التي تولت هي أمر عرض زواجه باهتمام شديد، وكم امتن لتلك السيدة التي تعاملت مع الأمر باهتمام وحب ظاهر وهي تسرد أمام والدة "اروى" محاسنه واخلاقه وظروف عمله الجيدة ، ومستقبله الباهر .. وقد لمح بشائر الرضا على وجه والدتها وشقيقتها الكبرى بيسان .. بكل ما تقوله والدة معتصم .. فوعداَ بالتفكير بأمر طلبه ، بعد استشارة صاحبة الشأن ، والسؤال عنه بالطبع..! أما الطبيب قاسم ، أكتفى بالإنصات لجميع الأطراف دون محاولة ابداء رأي ..فارتاح بلال لذلك كثيرًا ، فلم ينسى بعد صيحته الغاضبة على حبيبته "أروى" ولولا تدخل معتصم وتهدئة الاجواء بينهما .. ربما كان مصير تلك الزيارة الفشل ، رغم أن قاسم لا يتمتع بسلطة حقيقية في نظره .. هو مجرد خطيب الأخت الكبرى ، ولم يكن هو ليرضخ لقراره إن جاء بالرفض.. ولكن يبدو أن الطبيب أدرك موقعه وتصرف من خلاله .. وعلم انه لا يملك بالأمر قرار..!! .********************* هتسافري ياعمتي ! وكمان عم راضي معاكي ! العمة برفق : غصب عني يا بهاء ، ابن عمتك يوسف المفروض كان نازل من السعودية بعد اسبوعين، عشان اشوفه هو واحفادي ، بس للأسف مراته تعبانة اوي ، وهو محتاجني أنا وأبوه ، فاقترح يبعتلنا كارت زيارة، واهو بالمرة نعمل عمرة هناك ..وكلها شهرين بالكتير ونيجي .. بهاء بحزن : يعني هتسبوني لوحدي انتوا الاتنين ؟! ملست على رأسه بحنان : لوحدك ازاي يا قلب عمتك .. انت نسيت إن سجدة معاك ؟ هي هتاخد بالها منك في غيابي ، انا وصيتها عليك .. فراق عمته وزوجها، يكاد يخنق صدره ضيقا، منذ وفاة والدته ولم يتعلق بسواهما ، أو يهون عليه فراقها غيرهما.. ولكن لن يكون أناني ، يوسف يحتاج والديه ، كما من حقهما رؤية أحفادهم والنعيم بقربهم، حسناً يا بهاء ، فتتعلم المضي بمفردك من الآن،،! رسم علي وجهه ابتسامة زائفة : خلاص ياعمتي ، سافري انتي وعمي بألف سلامة ، وسلمولي كتير على يوسف ومراته وولاده .. والأرض هتكون مسئوليتي لحد ما ترجعوا، وكأن عم راضي موجود وأكتر .. العمة برضا وفخر: ربنا يحفظك يا بهاء، أنا عارفة أننا سايبين راجل يسد عين الشمس ، مش هيقصر في الأمانة .. بس..................... .. ترددت بقول ما تريد، فحسها بهاء على الحديث : بس أيه يا عمتي ، اتكلمي . منحته العمة نظرة غامضة : الأمانة مش الأرض بس يا بهاء!! ضيق حدقتاه متسائلا : مش فاهم ، هو في حاجة غير الأرض والبيت أخد بالي منهم ؟! أجابته بهدوء : سجدة ! لما يجيبها سوى صمته ، فقالت : سجدة بنت غلبانة ، مايغركش قوتها اللي بتحاول تظهرها، هي أصلا ضعيفة واتظلمت كتير .. اتقي الله فيها يا ابني واوعى تظلمها أنت كمان ! ابتسم بمرارة : هو أنا ناقص ذنوب تاني في رقبتي .. أكيد مش هظلمها ولا اضايقها... أطمني ! .********************* تقف بعيدا تراقب جلسته الصامتة كعادته كل يوم منذ سفر العمة خديجة وزوجها من أيام معدودة!! حيث يخرج صباحا ليعمل بالأرض ويرعاها، ويغيب النهار بأكمله ، ثم يعود ويأكل القليل معها، ويتركها لخلوته بذلك المكان القريب لبيته .. مكانه المفضل .. تذكر أنها وهي ببيت جدتها ، كانت دائما ما تلمحه يجلس به ، وأحيانا كان يصاحبه ذلك الطبيب سيف .. تشفق عليه كثيرا .. الحزن يسكن ثنايا ملامحه، لم تشاهده يضحك او حتى يبتسم منذ سفر أحبائه .. أوصتها العمة خديجة كثيرا عليه ، بألا تتركه لوحدته وتحاول ان تؤنسه بغيابهما .. كما نبهتها لشيء غريب أنه له عادات معينة تساعده علي النوم، ودائما ما يهذي بنومه وتصاحبه الكوابيس، فعليها أن توقظه حتى لا يتآذي دون أن يشعر! شردت بخيالها متذكرة أحداث أول ليلة لهما بمفردهما حيث مكث هو بغرفته طويلا ولم يذهب لمكان خلوته المعتاد.. كما ظلت هي حبيسة غرفتها لا تدري ما عليها فعله.. هي غريبة معه حتى وإن كانا زوجين!! جاهدت كي يأتيها النوم لتنتهي تلك الليلة وتريح عقلها من التفكير.. وما أن استسلمت بالفعل لنومتها حتى وصلها آنينه! فأسرعت إليه فوجدت جبينه غارقًا بعرقه ووجه ازرق كأنه يختنق حقًا..!! فزعت من مظهره، والتقطت زورق المياة وببلت أصابعها ونثرت على وجهه الماء حتى يفيق!! افاق بشكل جزئي ولم يعي لها ويبدو أنه نسي وجودها معه وظن أنها عمته هي من توقظه!! وفجأة قام بفعلٍ حبس أنفاسها وهو يحيط خصرها بذراعيه دافسًا وجهه بصدرها متمتمًا بصوت ناعس: العبي في شعري وأقرأي قرآن يا عمتي وخليكي معايا لحد ما أنام..!! تصلب جسدها كليًا ولا تدري ما تفعل!!! هو يحتضنها معتقدًا أنها العمة!! إن حاولت التملص منه، سيفيق ويراها بهذا الوضع ولن تحتمل خجلها إن وجدها كذلك!! وإن ظلت حبيسة ذراعيه ستذوب أكثر، فجسدها ينتفض من هذا العناق!! أخذت نفسًا شديد العمق وصوت عقلها يحدثها: _اهدائي يا بلهاء. أنسيتي.. هو زوجك. ويظنك العمة.. أفعلي ما يريد حتى يغوص بنومه أكثر وتستطعين الهروب قبل حلول صباحكما الأول!! عادت تنظر له وهو يختبيء بصدرها كطفل يطلب الأمان.. كم شعرت بالأسف تجاهه.. لما تحدث له تلك الأشياء لما يعاني حتى بنومته.. وماذا يشاهد بتلك الكوابيس.. ليتها تعلم!!! تحركت يدها دون إرادة وراحت برفق شديد تغوص بأصابعها بين خصلات شعره الكثيف! فتململ برأسه مصدرا صوتا ينم عن راحته وكأنه يشكرها رغم أن حروفه لم تكن واضحة لسمعها، لكنها فهمت أنه يشكرها.. يبدوا أنه يرتاح بتلك الحركة البسيطة وتساعده على النوم حقًا .. فهاقد بدأ صوت شخيره يصدح .. فضحكت بخفوت، ثم استمر بها الحال كذلك .. تداعب شعره وترتل بصوتٍ خافت آيات الذكر الحكيم.. حتى ارتخت ذراعيه تلقائيًا عن خصرها واستطاعت أخير الهروب من آسر ذراعيه، وهرولت لغرفتها مغلقة بابها عليها ولا تصدق أنها تحررت ونجت من موقف مخجل كهذا أمامه!! الحمد لله لم يراها ولن يعرف أنه غفى علي صدرها بليلتهما الأولى…. وهذا من ستر الله عليها..! عادت بذاكرتها ثانيًا للحظتها الراهنة وهي تراقبه من بعيد ومازالت تتسائل!! ما وراءه من خبايا لا تعرفها عن رجلًا المفترض أنه زوجها..!! وهل من حقها أن تتسأل وتعلم؟! وإن كان حقها كيف ستعلم هو لا يعطيها أي فرصة للأقتراب.. حقا يعاملها برفق واحترام ، ولكن بالوقت ذاته يضع بينهما مسافة ويتجنب مصاحبتها أو التسامر معها.. لا تعرف ماذا تفعل للتسرية عنه .. لا يجوز أن يحيا بتلك الأجواء الكئيبة المنعزلة.. هي معه وأقل حقوقه أن تخفف بعض معاناته بأي شكل!! ومض بعقلها فكرة مباغتة ، ربما تكون مناسبة لاختراق خلوته، ومصاحبته تلك الأمسية..! ............................. تسربت لأنفه رائحة شهية ، وشعر بخطوات رقيقة من خلفه ، التفت فوجد سجدة تقترب حاملة بيديها صينية كبيرة ، تحوي فوقها أطباق صغيرة ، وقالت بعد أن دنت منه : أنا عرفت من عمتي إنك بتحب دي أوي، يارب تعجبك نظر لأطباقها الصغيرة الممتلئة بالحلوى المفضلة لديه " أم علي " .. نقل بصره بين حلواها وبين وجهها المترقب لرد فعله بقلق ، كان سيرفض متعللا بعدم رغبته بتناولها ليلا.. ولكن لم يستطيع كسر خاطرها، فهي تستحق الشكر على صنيعها.. أمتدت يده والتقط أحد الطبقين : _شكرا .. تعبتي نفسك .. أرتسمت ابتسامة مشرقة على وجهها ، وحمدت الله داخلها انه استجاب لمحاولتها في التسرية عنه.. قالت بغرور يغلفه المرح وهي تجلس جواره : لعلمك أنا أشطر واحدة تعمل طبق أم علي!! رفع أحد حاجبيه بتعجب : أيه الغرور ده ، طب سيبيني أنا أحكم يا ست الشطورة!! ابتسما بثقة : طب اتفضل ، ليك دقيقة، دوق بتركيز ، وقول رأيك .. تبسم قليلا ثم تناول أول ملعقة، وتبعها بأخرى، ثم ثالثة ، حتى انتهي تماما من التهام طبقه كاملا ! صمتت تراقبه، منتظرة انطباعه عن حلواها .. فتغيرت ملامحه للامتعاض، وكأنه تناول شيء سيء فقالت بقلق : أيه!! هو ماعجبكش؟! هز رأسه، فعلمت أن حلواها لم تنال إعجابه! أطرقت رأسها بحزن، كانت تعتقد أنها صنعت شيء طيب لأجله ، ولكن علي ما يبدو أنها فشلت..! نظر لإطراقة رأسها وحزنها، فأشفق عليها.. هو خدعها حلواها كانت رائعة حتى أنه التهم الطبق عن أخره ، ولكن أراد التسلية بها قليلا..! امتدت أصابعه ، ورفع ذقنها ليطالع تلك النظرة التي ملأت مقلتيها، وقال متأملا ملامحها، بفعل إضاءة السماء الخافتة : جميلة..!! ارتجفت للمسة أصابعه المباغتة، وتحيرت بتفسير كلمته التي نطقها..! ماذا يقصد؟! من الجميلة؟! ..هي! أم حلواها..؟!!! فأجاب سؤالها الغير منطوق : أم علي .. جميلة..!! ابتسمت بسعادة ، فتأمل ابتسامتها، وقال دون وعي : وأنتي كمان جميلة..! ........................ _يا ابني اهدي شوية ، بلاش التوتر ده!! بلال بحاجبين معقودين ضيقا : _ نفسي اتكلم معاها يا معتصم واسمع صوتها.. كام يوم من وقت زيارتنا ، بحاول اطمن عليها لأني مشيت وماكلمتهاش، بكتبلها على الواتس وبتشوف رسايلي لكن مش بترد عليا..! طب الأول عشان دكتور معاذ قالها ده غلط وابعدي! انما دلوقتي خلاص وضحت موقفي وروحت طلبت ايدها ومستني الرد.. يعني عملت اللي يطمنها من ناحيتي .. ليه مصرة تبعد عني تاني؟! _ يا بلال مش معنى أنگ اتقدمت ليها ، انها خلاص تتجاوب معاگ بسهولة .. أنت لسة ماوصلكش رد على طلبگ ، واكيد بيسألو عنك عشان يشكلوا رأيي يحدد قرارهم .. يعنى مافيش حاجة رسمى تخليها تكلمگ .. ولعلمگ انا معجب بموقفها وتربيتها جدا .. لأنها بتتصرف بالأصول والأخلاق! _ يمكن كلامگ صح .. بس أنا مشتاق أوي اكلمها ، الأول وأنا بعيد كنت قادر اصبر ، إنما دلوقتي مش قادر ، عايز أقربها مني ، واطمنها من ناحيتي .. أنا حاسسها مخضوضة أما شافتني المرة اللي فاتت .. أكيد افتكرتني! _ وحتى لو افتكرتگ .. دي حاجة في صفگ أنت كنت بتدافع عنها ، واتحبست 3 أيام عشانها..! ثم تمتم معتصم بنبرة مازحة : _ يعني المفروض تكون في عنيها فارس مغوار!! _ هزر يا اخويا ، بكرة اشوفگ في نفس الموقف ، وانت مدلوق لشوشتگ في الغرام! لا يعرف معتصم لما تجسدت بعين ياله، صورة تلگ الفتاة الجميلة ، التى أتت منذ فترة ، صديقة أروى ! ولا ينكر أنه انتظرها أن تأتي مرة أخرى ، بعد أن تحداها أن تجد سلعته بمكان أخر..! يعلم أنها ستجد مثلها بأماكن شتى، ولكن أراد لها أن تعود وكأنها منتصرة .. فيمثل هو خسارته! وبحقيقة الأمر سيكون هو المنتصر برؤيتها ثانيًا..! ولكنها لم تأتي..! _ هييييي... أيه ياعم أنت سرحت في أيه ، بكلمگ! _ مافيش ، افتكرت حاجة بس.. _ بلال بغمزة عين مشاكسة : أوعى يا واد تكون افتكرت اللي في بالي!! _ طب خلينا بقا سايبين شغلنا وعمالين نستظرف ! روح شوف الزباين اللي جت دي ، واطلع من دماغي يا عريس الغفلة..! ****************************** مؤلم أن تفتح عيناگ ذات صباح، بيومٍ تظنه جميل .. فتأتيك الفاجعة بفقد عزيز رحل عنك بصمت!! فتجد جسده باردًا، بأطراف متيبسه، وقد سكت فيه نبض الحياة..!! رحلت الجدة فجر..!! ارتقت روحها إلى السماء، واستقبلت سجدة صدمتها بصمت! لم تبكي .. لم تصرخ .. لم تقول لها وداعا..!!! كما لم اتصور أنا قط .. أن يؤلمني حزنها الى هذا الحد..!! ..فمتى يا سجدة أصبحتي وجعي ؟ وهل كان ينقصني أوجاع؟!!! منزويًا بهاء بركن ما بالغرفة يترقبها بصمت وحزن.. ولا يعرف كيف ينتشلها من تلك القوقعة التى تكاد تبتلعها.. تبدو وكأنها ترفض تصديق ما حدث!.. هل تعتقد أنها تحيا كابوس مفزع .. وتنتظر أن تفيق على صوت جدتها يناديها؟! إذا ستنتظر العمر بأكمله! فمتى عادوا لنا الراحلون عنا ؟!! ............... اقترب من جلستها وأحاط كتفيها بذراعه ، متمتمًا بنبرة حانية : _بعدين معاكي ياسجدة .. هتفضلي لحد أمتى عازلة نفسك ومابتتكلميش، ولا راضية تاكلي أو تشربي..! لم تجيبه بحرف.. مصوبة عينيها أمامها بشرود وكأنها لا تراه..! فمنذ وفاة الجدة قبل أيام قليلة ، وهي تلتزم الصمت ، لم تبكي ، حتى أنها لم تتفاعل مع من جائوا لتعزيتها، جلست بينهم صامتة بجسدٍ ساكن گالموتى .. والجميع يغادرها ، صافقًا كفيه تصعبًا على حالتها! لم يخبر بهاء عمته بهذا الخبر ، مشفقا عليها ، هو يعلم كم كانت تحب تلك العجوز الطيبة، فضل أن ينتظر عودتها، حتى إذا علمت يستطيع هو التخفيف عنها بقدر ما يستطيع .. أما تلگ المسكينة ، ينفطر قلبه لأجلها .. ومن غيره سيفهم مرارة فقدان عزيز..! فشلت كل محاولاته كي يجعلها تُخرج ما بصدرها، حتى ولو كان صراخًا وضرباتٍ يتلقاها على صدره بكل صبر و تفهم .. هي فضلت الهروب من أزمتها! وهو لن يتركها لحزنها يفتك بها بتلگ القسوة..! فقال: على فكرة اللي بتعمليه ده قلة إيمان وضعف! هو مين في الدنيا دي ما فقدش حد بيحبه.. بس دي سنة الحياة ولازم تكوني أقوى من كده!!! ظلت على سكونها المميت ، فهزها بعنف لتستجيب : أتكلمي! اصرخي! بس بلاش سكوتگ ده يا سجدة..! لم يتحرگ بها سوى خصلات شعرها المبعثرة بفعل هزته العنيفة لجسدها..! وتسرب من مقلتيها خيط دموع شفافة ، زحف ببطء على وجنتيها الشاحبة..! فمد أصابعه ليجفف دموعها .. تم انحنى مقبلا وجنتيها برفق ، فسمع أنينها الخافت ، الذي تدرج حتى صار بكاء ثم انقلب صراخًا هيستيري.. جعله يحتويها بين ذراعيه بقوة ، مستقبلا شظايا تلگ القنبلة الموقوته على صدره ليشاركها ذاك الألم ، مخبئًا رأسها بتجويف عنقه حتى تفرغ كل أوجاعها على باب قلبه..! ****************** _قلبي مقبوض معرفش ليه يا حاج..! العم راضي باهتمام : ليه بتقولي كده ياخديجة ؟! العمة خديجة : _ إحساس جوايا بقالو كام يوم.. وكل أما أتصل ببهاء احس صوته متغير، واما اسأله في حاجة ؟! ينكر !! واما اطلب اكلم سجدة ، يتهرب مني، مرة في شغلها، ومرة في المطبخ وهتكلمك بعدين ، او يقولي نايمة وهتتصل لما تصحى.. أسبوع ومش عارفة اكلمها وقلبي حاسس إن في حاجة وحشة حصلت!! _ هيكون أيه بس حصل ، أنتي بس عقلك صورلك كده عشان انتي قلقانة إن علاقتهم ماتكملش .. _ يمكن كلامك صح ! عندي أمل كبير في ربنا يجمع قلوبهم ويكونوا كيان واحد .. بهاء محتاج واحدة بصلابة وعناد وقوة وحنان سجدة .. هي دي التركيبة اللي هتحرك قلبه وتسعده ، وواثقة ان هي كمان هتلاقي في بهاء اللي بتتمناه..!! ******************** _ممكن تطمنيني عليكي يا أروى _ عشان خاطري كلميني! يعني ماستاهلش أنك تكتبيلي حرف يطمني عليكي!! _ عارف إنك متلخبطة ومحتاجة تستوعبي بس كلام كتير نفسي اقوله واحس إنك بتشاركيني فيه.. أنا دلوقتي واحد دخل من بابك ومستني ردك وعارف أنه هيكون في صالحي.. مش غرور، لكن ثقة إن ربنا مش هيحرمني منك ابدًا..! _ يعني بردو يا أروى مش عايزة تكتبيلي حاجة؟؟؟؟ _ طب شوفتي "الكوتش" اللي كنت لابسه لم تستطيع المقاومة! ضحكت لمزحته الغير متوقعة..!! عجبًا له!! گساحر يلقي بكلماته البسيطة تعويذة تجعلها تهيم به أكثر وتقترب روحها منه..! أصبحت تدرك مشاعرها جيدًا دون تشكك.. لقد تملك قلبها وعقلها.. هي تحب هذا الرجل الذي تسلل عرش قلبها بسلالسة عجيبة.. دون أن يتخطى حدوده معها بكلمة واحدة .. حقًا لديه أخلاق الفرسان!! خاصًا عندما ايقنت أنه هو الذي دافع عنها بالماضي وثآر لها من بهاء! وهو من كان يراقبها ويهتم بها دون أن تشعر .. وهو من اهداها ذاك الدب الذي تمنت الحصول عليه گ هدية!! وكم يدغدغها هذا الشعور.. تبتسم دون ارادة كلما تذكرت حين وقعت عيناها على ملامحه للمرة الأولى نعم أخذت منها الصدمة النصيب الأكبر! ولكن لم يفوت عليها وسامته الطاغيه.. ولهفة عينيه وهو يطالعها وابتسامته الحنونة التي منحها إياها فور أن طالعته.. وكأنه كان ينتظر نظرتها ليتلقف عيناها ويبثها شوقه!! ولكن رغم ذلك لا تريد محادثته!! نعم! تخجل منه بشكل كبير حتى لو كان حديثها مجرد حروف منقوشة بهاتفها.. كما أنها تريد الأنتظار حتى يحصل على موافقة والدتها وشقيقتها الكبرى.. وحينها ستتغير الأمور!! أضاءت شاشتها مرة أخري برسالته: _ ممكن لو كنتي ضحكتي تبعتيلي ايموشن يابخيلة!! ضحكت ثانيًا لكلماته .. وحدثت ذاتها: لا تكوني حقًا بخيلة!! هو يستحق أن يحظى بذاك الدب الضاحك ليعرف أن صدى مزحته أتت بثمارها وضحكتي يا حمقاء! فبعثت له ذاك الإيموشن الضاحك! فأنهال عليها بقلوب كثيرة .. تبعها بكلمة اذابتها..! _ بحبك!! ****************************** أخيرًا أستطاع إخراجها من صمتها، والتخفيف عنها ربما أهمل رعاية أرضه، وأرض عمته وزوجها .. ولكنه اعتمد على الفلاحين الذين ساندوه بكل حب .. مراعين ظروف زوحته، وضرورة وجوده معها باستمرار.. فجعله هذا المكوث جانبها أن يتقترب منها اكثر، صار يتلطف بالحديث معها ويعاملها برفق شديد هي تحتاج حنانه ورعايته بتلگ الفترة .. وهو لن يبخل عليها بذلك، حتى تتعافى تماما من حزنها على جدتها..! هتف بهاء بمزاح وهو يحمل صحن كبير: _عملتلگ شوربة خضار .. استغفر الله ماتتشربش! ابتسمت سجدة رغما عنها لدعابته ، مغمغمه بصوت متحشرج ومجهد : تسلم ايدك ! فقال بحنان : طب يلا استعدي وخدي أول معلقة! فاعترضت خجلًا: أنا هاكل لوحدي يابهاء .. فأصر قائلا: لأ ، هتاكلي من ايدي يلا دوقي وقولي رأيك . التهمت الطعام من يده ، ومضغته ببطء ، ثم تمتمت برضا : بجد تسلم إيدگ .. حلوة فعلا .. _ ابتسم بسعادة لتفاعلها الجيد، الذي كان يعد مستحيلا منذ أيام قليلة .. ولكنها الأن تتحدث وتبتسم وتأكل، حتى انهما صارا يتشاركان مكانه المفضل الذي يختلي به في العادة كل مساء! يحدثها عن اشياء حدثت معه، وعن اصدقاء ندم انه اقترب منهم يوم .. ولكن لم يحدثها قط عن والدته وهي لم تسأله عنها، تستمع له باهتمام ، ولا تتحدث ولكن يكفيه انها صارت تتقبل موت جدتها ، بإيمان وصبر أكثر، تخونها عيناها وتبكي بصمت أحيانا ، ولكنه سريعا ما يجذبها بأحاديثه الكثيرة، حتى تلتهي عن بكائها بثرثرته التي لم تكن من صفاته يومًا..! _ هو انا ممكن اطلب منگ حاجة ؟! سجدة بإيماءة رأسها : أكيد .. تمتم بعد أن تأملها قليلا : عايز طبق " ام علي " !! ................................. بعد وقت قصير!! _ أنتي بتعمليه أزاي حلو كده ؟!! أجابته سجدة ببسمة مازالت لم تفقد حزنها: _ ده سر يابهاء وأكيد مش هتعرف سر " أم على " بتاعتي!! صمت برهة منشغلا بتناول حلواه ، ثم همس لها: وسر سجدة... ينفع اعرفه؟؟؟ من يوم ماشوفتك، وعنيكي فيها حزن، أيه سببه؟ ظلت بصمتها الشارد تطارد بعينيها تمايل أوراق الشجر أمامها بفعل الرياح! أعتقد أنها لن تجيب .. فاحترم صمتها وعزوفها عن الحديث ولم يكرر سؤاله وصمت.. لكنه بوغت بها تغمغم بعين شاخصة كأنها تحدث ذاتها! _ رغم إن جدتي حاولت تعوضني عن رحيل أمي بعد ولادتي بأيام ، وتسد فراغ والدي في حياتي رغم انه حي يُرزق .. بس اتجوز وعاش بعيد في العالم بتاعه ونسي أصلا أنه عنده بنت أسمها سجدة ! دايما كان جوايا فجوة ، مافيش حد قدر يملاها..! لما تحس أنك ناقص ، وعاجز تكمل نقصك لأنه الأمر خارج عن إرادتك .. يمكن خالي قاسي ومحاولش يكون الأب اللي اتمنيته، بس عمري ما لومته.. إذا كان ابويا نفسه رماني، هستنى الأمان والرعاية من غيره أزاي! صمتت تتجرع ريقها ، ثم تمتمت : _ لما وصلت 17 سنة ، وابتدا يتقدم عرسان عشاني ساعتها شوفت خالد، طليقي..! قالي انه بيحبني وعايز يتجوزني وكنت وقتها بنت صغيرة أثر كلامه المعسول عليا وفرحت بيه .. وقتها جدتي اعترضت عليه لأن هعيش مع والدته بنفس الشقة بس خالي ما اقتنعش بالسبب ، وانه مش هنطلب منه يرمي والدته في الشارع يعني ، وأنا كنت شارية خالد ، ووافقت وقلت والدته هتكون أمي، حتى لو كانت شديدة معايا، انا هخليها تحبني! واتجوزت، واتفاجئت بشخصية خالد دايما كان يظهر قسوته معايا قصاد والدته!! وفي علاقتنا الخاصة كان أناني اوي وقاسي ومايهموش غير انه يرضي نفسه مهما كانت الطريقة، مع الوقت بقيت أكره معاشرته، مابقيتش احس انه بيحبني! ومواقف كتير كان ينصف أمه عليا رغم انها كانت بتظلمني .. كنت بقول معلش ما هي والدته لازم ينصفها، بس كنت بحس جوايا بقهر منه بيزيد كل يوم، وكرهي لحياتي معاه في ازدياد كل ساعة..! عدي 6 شهور مقدرش اوصفهم غير أني مريت بأشد أيامي تعاسة وعذب وإهانة معاه!! ضم بهاء قبضة يدي بقوة.. ليتحكم بنوبة الغضب والضيق وهي تصف حالها معه!.. فاستطردت هاتفة: بعدها خالد جالوا فرصة شغل كويسة في بلد عربية ،وقرر يسافر .. بعد سفره .. فضلت والدته تسألني ليه ما حصلش حمل، قلتلها وأنا بأيدي أيه ، ده نصيب، ولسه العمر قدامنا .. بس هي ما سكتتش وصممت تاخدني لدكتور في القاهرة وفعلا روحنا .. و.................. صمتت رامقة بهاء بتمعن! وانتظرها هو لتكمل حديثها.. فاستمر صمتها ! فلم يستطع كبح فضوله بتلك النقطة بالذات وتسائل: _ يعني النتيجة كانت أنك............ اشاحت بوجهها عنه، والتزمت الصمت! ووخذها ضميرها لإخفاء بعض الحقيقة عنه! فحالتها غير بائسة كما أوهمته .. بمتابعة طبية واهتمام ، يمكن لها الإنجاب .. وليست عاقر كمان ظن. بهاء.. ولكنها لن تستطيع إعطائه الأمان .. فليظل ظنه بعُقرِها ويتقبلها بعلتها التي يتوهمها .. فلن تعيش تجربة الرفض والنبذ مرة أخرى!! ربما يكملان الطريق سويا .. وربما أيضًا يفترقا..! لا تدري ! هو تزوجها إجبارًا.. وليس راغبًا !! الأفضل أن تُعد نفسها لتلك اللحظة التي سيلفظها فيها خارج حياته، كي تخف قساوتها على نفسها وكرامتها..!! قاطع صمتها الطويل بقوله : _ طب وطليقك ، عمل أيه لما عرف بحالتك ؟ _ قالي انه هيتجوز واحدة تانية ، وأني لازم أقبل بكده .. بس أنا رفضت طبعا وطلبت الطلاق! والدته ساعتها كان كل همها أني اخرج من الموضوع من غير ما يدفع ابنها أي حقوق مادية ليا، بما إن طلب الطلاق جه مني .. وانا اصلا كان اخر همي فلوسه .. خلاص زهدت فيه ، عشان كدة اطلقت من غير ما اخد مليم واحد واتنازلت عن كل حقوقي !! مش هقولك كنت قوية، وعدت التجربة من غير ما تعلم فيا وجوايا بوجع وحزن!! .. بس اتعلمت إني اعرف ازاي اعتمد على نفسي، محدش يكونه له فضل عليا، ولا اكون ابدا حمل تقيل على حد.. بهاء بتساؤل: _ عشان كده رفضتي تسيبي شغلك او تاخدي مني فلوس ؟! للدرجة دي مش حاسة بالأمان معايا أنا كمان ؟! فأجابت: _ طب قولي ازاي هطمن لواحد اتجوزني إنقاذ للموقف وشفقة! دلوقتي أو بعدين هتسيبني .. وأنا هكمل حياتي لوحدي! صح كلامي ولا غلط يا بهاء؟! رغم تماسكها ظاهريا.. ورسم اللامبالة بوجهها ومنتهى الثبات والقوة .. إلا أن بأعماق روحها كانت تتمني ان يتمسك بها، ويطمئنها انه سيظل معها ، رفيق لها، هي لا ترسم شكل معين لعلاقتهما، ولكنها لأول مرة ، تتمنى الأمان من أحدهم!! أحبت اهتمامه بها، وحنانه عليها، ورعايته لها بالفترة التي تلت وفاة جدتها..! رغم فقدانها للوعي والتركيز بأغلب الأحيان ، لكنها كانت تشعر باحتوائه لها بين ذراعيه كلما فاقت من نومها فزعة وباكية.. كانت تشعر بشفتيه وهي تقبل وجنتها برفق كلما بكت كمواساه منه لها! كما لم تغفل عن أصابعه وهي تجفف دموعها ثم تعبث بخصلات شعرها بحنان حتي تغفو ! يظنها لم تدري بما كان يفعل .. ولكنها كانت تدري وتغفو كل ليلة مطمئنة لأنه جوارها، وأنها ليست وحيدة!!! طال صمته.. فعلمت جوابه! وأيقنت أن أمانيها حلم سخيف! فسخرت من سذاجتها بذاتها، ماذا كانت تظن؟!! _أنا هقوم انام ، تصبح على خير يا بهاء..! ألقت عليه جملتها وغادرته بهدوء! .............................. راقب اثر إختفائها من جواره بحزن وشرود رغبة شديدة داخله كانت تدفعه لطمئنتها انه لن يتركها.. وانه يريد اكمال الباقي من عمره بقربها ، ولكن حاجز داخله منع إنطلاق الكلمات على لسانه ! يعرف أنه خذلها وجرحها.. هو رفضها بصمته، وعلمت إجابته .. ربما هي بحالة سيئة بسببه تلك اللحظة ! حدث ذاته بلوم تبًا لك يا بهاء .. لما لا تحطم جبال خوفك، وتعيش حاضرك دون التفكير بعقاب تترقبه بكل لحظة! "إن الله غفور رحيم" .. أتشك برحمته التي وسعت كل شيء؟!! .. جميع خطايانا تمحوها مغفرته! شعر بضيق صدره ، فتنهد رافعا بصره إلى السماء ولسان حاله يقول: اللهم طهر قلبي ونقي روحي ويسر لي الخير .. ..................

مقالات ذات صلة

امبارح سمعت جوزى حكايات_شروق_خالدالاول

حماتى ضربتنى حكايات انجى الخطيب

أتصلت بجوزى أمانى السيد الثاني والاخير

اخت جوزى حكايات رومانى مكرم الخامس

خاتم جدتي حكايات منــال عـلـي الثانى والاخير

كنت بالصدفة

اترك تعليقاً إلغاء الرد