انت مكافئتى دفنا عمر الاول

*************************

منذ إصابتها بإغمائة السكر ، وأبنتيها لا يتركوها ابداً .. هتفت أروى التي تحتضنها كطفة :

أنتى كويسة دلوقتى يا مامتي، ولا فى حاجة تعباكى؟

أجابت الحاجة عائشة وهي تقبل رأس أروى الساكن على صدرها: أنا بخير ياعيون ماما، متخافيش يا رورو، اختك ظبطت مستوي السكر وبقيت أحسن.

بيسان التي أقبلت عليهما للتو، حاملة صينية كبيرة، يعلوها طبق حساء صحى يجاوره كوب ماء ،وعلاجها الخاص لحالتها: يلا ياست الكل ، معاد غداكي وعلاجك..

أم بيسان: طب تعالو ناكل برة كلنا يابنات ، أنا زهقت من رقدة السرير دي ، وخلاص خفيت..

بيسان وهي تلتقط بعض الحساء بالملعقة الفضية:
مافيش حاجة أسمها زهقت، هتكملي انهاردة راحة،وهتاكلي وتاخدي علاجك بانتظام ، عشان نطمن عليكى.. ثم أعقبت قولها بإطعامها الحساء ..
فالتقطت أروى الملعقة الفارغة من بيسان:

هاتي يا بيسو، ده دوري أأكل مامتي حبيبتي من ايدي.. ثم اعقبت قولها، بإطعامها هي الاخرى، فابتسمت بيسان لفعلة شقيقتها ، كما قالت الأم متأثرة بدلال أبنتيها لها:

ربنا مايحرمني من حنانكم ورعايتكم ياحتة من قلبي انتم الاتنين، ويطمني عليكم قبل ما اموت!

احتضناها الشقيقتين بانزعاج،وهتفت بيسان:

بعد الشر عنك يا أمي، ربنا يحفظك لينا ياحبيبتي
وقالت أروى بخوف حقيقي: ماتقوليش كدة تاني يا ماما، عشان خاطري أنا يخاف عليكي، ومابحبش اسمع منك الكلام ده..

فهتفت الأم لتلطيف الأجواء وإزالة أثر الخوف بنفسيهما : خلاص بابنت انتى وهي ماتمسكوش فيا كدة زي الاطفال ، ومن بكرة كل واحدة تشوف حالها
أروى تروح مدرستها ، وانتي يابيسو على شغلك
انا بقيت زي القردة اهو قدامكم!

****************************

والله يا آبيه مالقيت فرصة أمسك التليفون وارد على حضرتك ، أنا كنت خايفة أوى على ماما ومش بسيبها، بس بيسان أهتمت بيها جداً لحد ما أتحسنت..

معاذ الجالس أمامها وبينهما طاولة صغيرة:

ولو اني كنت زعلان منك .. بس سماح ..والحمد لله ان والدتك بقيت بخير يا رورو ، ربنا يحفظها ليكم..

اروى وهي تفتح كيس بلاستيك موضوع علي الطاولة لتخرج منه شيئاً : اللهم امين .. أتفضل .. جبتلك معايا حاجة بتحبها.. ثم ناولته طبق به بعض الفطائر المصنوعة في البيت.
معاذ: انا مش جعان يا أروى .. شكرا