فراشة فى جزيرة الدهب بقلم سوما العربي الثاني والاخير
-الحلو زمانه طالع في الأسانسير لمعت عيناه وزادت دقات قلبه فيما التفت له وفــ,,ـاء مرددة: -كلبة فلوس مش شتيمه ….أفتكر الكلب أد إيه وفي. -في دي عندك حق..قولي للسكرتيرة تدخلها بقا بسرررعة. -عينيا….ثم غمزت قائلة: -ربنا يوفق الدنيا على بعضها. -يارب دلفت حورية بتخبط تتلفت حولها تبحث عن وفــ,,ـاء لم تكن تحبذ فكرة العمل في نفس المكان الذي تعمل فيه رنا خصوصاً وأنهم حتى الأن لم يطمئنوا عليها. في ثواني وكانت ترى وفــ,,ـاء تقبل عليها كعادتها بحبور :
-يا أهلاً يا أهلاً المكان نور يا جميل -أنا مرتبكه جداً على فكرة -لأ أجمدي كده أنتي خلاص خرجتي من البيت وبرا البيت في دنيا ثانية خالص غيّر الدنيا الي أنتي فاكره انك عارفاها. -بس هتشغل في نفس المكان اللي شغاله فيه رنا واحنا لحد دلوقتي مش عارفين جرى لها إيه؟ وبعدين هقابل المدير ده ازاي بعد ما خالتي بلغت عنهم. -بقولك إيه أنا مافهمش كل ده الي أفهمه انه شغل وأنا كلمته والراجل ما رفضش.
-بس هتلاقيه مش طايقني -لو مش طايقك هيوافق ليه ماسكه عليه ذله ولا كان حد ضــ,,ـربه على أيده وبعدين يطيق ولا مايطقش هو إحنا هنناسبه اتعلمي تشوفي فين مصلحتك وتمشي وراها حاكم الخيبه الي أنتي فيها دي ما تأكلش عيش وهتخليكي ملطشة و أديكي شوفتي الي جرى. -عندك حق أنا لازم أجمد عن كده -يالا الراجل مستني …أبتسمي وأفردي وشك ده عشان يبقى فيه القبول. أبتسمت حوريه قليلا وسألت: -كده كويس -زي الفل…يالا خشي عليه.
-طب مش نستأذن من سكرتيرته -هو على علم انك داخله يالا خشي جيبي جون. فتحت لها الباب وهي تغمز عاصم خفيه إنها قد أدت المهمة على أكمل وجه لكنه لم يرى أو يلاحظ فأهتمامه وعيناه قد تعلقا بتلك المُنيرة التي هلت عليه. تتقدم بحرج وتوتر وهو يردد داخله(طاقه نور فتحت في المكان يخربيت جمالها) سحب نفس عميق وذكر حاله(أهدى و أمسك نفسك) ابتلع ريقه يمسك عليه نفسه يحاول الظهور بثبات أمامه حتى تبدو الأمور عادية، أقبلت تمد يدها للسلام فمد يده فتكنفته لحظه من اللذه فطراوتها تجلت حتى في ملمس يدها.. أبتسم يصبر نفسه وقال بهدوء متقن:
-أتفضلي يا أنسه حورية. تغضن فمه بابتسامة رضا مرتاحة وهو يراها تجلس بلا تعقيب على مسمى “أنسة” الذي حشره في الحديث كأختبار بسيط ، لاحظ فرك كفيها ببعض فحاول تخفيف توترها قائلا: -تحبي تشربي إيه؟ لمون كويس -شكراً مش محتاجه…و…على أنا كنت عايزة أعتذر لحضرتك عن الي خالتو عملتوا بس هي معذورة أصل..