فراشة فى جزيرة الدهب بقلم سوما العربي الثاني والاخير
-إيه حورية الشركة بتدور على حد ولا ايه؟ -ايوه ماشوفتيش مصطفي -مصطفى مين؟ -زميلي في المكتب طلبت منه يعلمني حاجة وخرج من نص ساعه قال لما يجيب قهوة هييجي يعلمني ومن ساعتها مارجعش. -ومش هيرجع يا حبي ولو رجع هيصـ,,ـدرلك الطرشه ومش هيعلمك حاجه..ماحدش بيعلم حد يا حوريه والقديم المتودك بيسيب الجديد يضبش وبيقعد يتفرج عليه ويقول سيبه يعك أنا هتعب نفسي وأعلمه ع الجاهز ليه أنا كان مين علمني…كله هيقف يتفرج عليكي وهو متمزج وقاعد كمان مستني لك غلطه.
بهت وجه حوريه وهي تستشعر أنها بعالم غريب غير العالم الذي تعرفه..عالم لا تفقه عنه شيء ولا تعرف كيف تجاريه ولا كيف ستكمل فيه..هل تستلم من الآن أم ماذا؟ فهمست بضياع: -طب والعمل؟ ردت وفــ,,ـاء ع الفور تنصحها : -تضبشي يا غرقتي يا وصلتي أكملت وفــ,,ـاء وضع القهوة على الصينيه ثم التفت مغادرة: -هوصل القهوة دي وأجيلك تركتها بثبات واتجهت ناحية مكتب عاصم الذي سألها : -وفــ,,ـاء أيه الأخبار؟ حورية بتعمل ايه؟ -ماشي الحال. أضاء عقلها بفكره فألتفت له تسأل:
-الشوق غلاب..تلاقيها وحشتك… صمت عاصم متنهداً فهتفت بحماس: -والي يجيبها لحد عندك؟ أشتعلت عيناه بالأدرينالين وهتف: -أدي له عنيا
مدت يدها تبسط كفّها أمامه مطالبه وقالت: -هعمل أيه بعينك أنا مش بتاجر في الأعضاء أنا عايزه فلوس -أنتي إييييه يا بنتي…مابتشبعيش؟ منشار؟ كل شويه عايزه فلوس فصرخت في وجهه: -إييييييه ..مانا على وش جواز…بجهز إنت عارف التلاجه الواحد وعشرينً قدم بقت بكام دلوقت؟ ناظرها بزهق ويأس ثم أخرج مال من جيبه وأعطاه لها مرددا: -أظن دول كفايه -لأ -نعم؟؟! -بصراحة أنا عيني من التلاجه أم حنافية -الي يتنزل تلج صح -إسم الله عليك…عارفها؟ -عارفها..خدي حار ونــ,,ـار في جتتك.
هبشت منه المال ثم غمزت له: -هبعتهالك لحد عندك. اتجهت ناحية الباب وقبلما تغلقه همست: -ربنا يوفق الدنيا على بعضها ان شاءالله. أرتمى على كرسيه يهمس: -منك لله. ثم دار حول كرسيه وهو يهمس: -بس كله يهون عشان خاطر حوريه. ___________سوما العربي_________ تمشت في الرواق تعد المال الذي أخذته من عاصم بفرحه كبيرة ، لمحت حوريه مازالت تجلس وهي تنظر للأوراق أمامها بقلة حيله وتعب فدست المال بجيبها وتقدمت منها قائلة: -أنتي لسه واقفه محتاره