فراشة فى جزيرة الدهب بقلم سوما العربي الثاني والاخير
لم تكد تنهي جملتها حتى صدح هاتف حورية باتصال وأخرجته من جيب بنطالها لتجد رنا ان أسمه يضيئ شاشة هاتف حوريه فسألت: -ايه ده!! لم تملك حوريه الوقت للتفسير بينما الرنين مستمر ينتهي ويعود بإلحاح فأضطرت ان تجيب لتواجه أذنها صوته الصارخ: -ما تحطي زفت طرحه على شعرك ولا أدخلي أصلا من البلكونة بدل ما أطلع لك. تركت حورية يد رنا وحاولت إستجــ,,ـماع قوتها والرد بالشخصية الجديدة التي عاهدت نفسها أن تصبح عليها فهتفت بحده:
– وأنت مالك. أتسعت عينا رنا منبهرة ومتفاجئة بينما هتف زيدان بهياج: -أنا مالي؟ طييييييب.. أنا هطلع أعرفك ان كان مالي ولا لأ. أغلقت حورية الهاتف على الفور تراه يتحرك مغادراً الورشة فسحبت رنا معها تقول: -تعالي ندخل بدل ما يطلع لنا. -ويطلع لنا ليه هو ماله بينا ده حيالله اخو خطيبك. جذبتها حوريه للداخل وهي تردد: -مالي مايعرفش يقول عدس جلست رنا على طرف الفراش وسألت: -هو في ايه يا بنتي؟ والتحش ده ماله بيكي بيزعق لك كده ليه؟
جلست أمامها حورية وقالت بينما تنظر أرضاً: -أنا اتجوزت التحش ده -أييييييييه؟؟ ________سوما العربي_________ -دكتور بسرعه معانا واحد متعود هرول لعندها احد المسعفين يحمل عاصم منها في حين تقدم زميله يقول: -لازم حضرتك تملي الاستمارة دي وتدفعي مبلغ تحت الحساب -هااااااا انفتح فم كل من وفــ,,ـاء و والدتها على أخرهما مما سمعوه ولم تجد وفــ,,ـاء بد من ان تهز رأسها موافقه. فقرصتها الأم من كتفها تردد : -يعني كان لازم مستشفى خاصه يابنت بارم ديلو…مالها مستشفى أبو الريش الدكتورة شهيرة هناك بسم الله ما شاءالله إيديها تتلف في حرير…يالا ألبسي بقا
-يعني كنتي عايزاني أخده مستشفى حكومي انتي عارفه ده ابن مين في البلد. مصت الأم شفتيها وقالت بنزق: -هيكون ابن مين يعني مش كفايه نص كيلو البن الي كبستي له به الجرح بتاعه والشاش ماحنا كنا جايين المستشفى. -يعني كنت أسيبه ينزف على ما أوبر ييجي؟ -اه يا نااااري…مــ,,ـاتفكرينش.. طالبه له عربيه خصوصي..فلوسك كتيره ياختي جن جنون وفــ,,ـاء وقالت بهياج:
-يا أمي الله يهديكي أنا عايزه اعرف أنتي بتفكري أزاي…انتي شكلك كده لسه مش مستوعبه الي احنا فيه…ومش عارفه فتحنا دماغ مين ناهيكي عن انه رئيسي في الشغل..مش مشكله دي…بس الراجل إبن عصمت فرحات ..امه رئيس جهاز الكسب غير المشروع يعني من بكره الصبح تودينا ورا الشمس. ضحكت الأم ساخرة تردد: -خليها تودينا أقلها نتدفى قال كسب غير مشروع قال …ده احنا على رأي المثل إيش ياخد الريح من البلاط..الحمدلله على فيض الكريم لا مكسب ولا خسارة.
